Call Me Chef

營業中

休息中

餐廳裝修比較簡單，不過座位都算多，而且都算坐得闊落。晚餐餐牌都有幾多選擇，我哋揀咗bbq醬汁烤豬仔髀配花意大利蕃茄燴飯及柚子雞腿配南瓜意粉。晚餐包餐湯及沙律，羅宋湯味道幾濃，而且係偏酸，好開胃。沙律都算幾新鮮，不過我就覺得太多沙律醬。豬仔髀整得唔錯，肉質好林，而且好夠味。蕃茄意大利燴飯就比較偏濕，但係蕃茄味好濃，都係偏酸，飯份量都好多。柚子雞腿煎得幾香，而且雞肉幾滑。南瓜偏甜，所以整個意粉都配有南瓜醬，食落係甜甜地嘅，所以鍾意食南瓜嘅人就會幾鍾意。晚餐仲包餐飲，叫柚子茶及蜜桃紅茶，味道都唔錯，不過如果蜜桃紅茶唔係用茶包就更加好啦。

之前有雜誌介紹過這間小店，是一位90後藍帶女生開的，還要開在我經常出沒的駱駝漆大廈，所以不得不試。店舖地方不大，設有一個全開放式的廚房，所以會有一陣陣的油煙味。可能新開的關係，員工不多，由廚房到樓面都要一腳踼的，但落單及食物上枱速度都頗快，仲很有禮貌。餐牌只是得一張很簡單的Special menu，有六款選擇，價錢由$88-$188.套餐已包括是日沙律，餐湯，意大利雪糕球及特色飲品。沙律用上新鮮沙律菜，車里茄及煙肉粒，簡單而又清新開胃。餐湯是超濃的蕃茄湯。我點了經典卡邦尼意粉配63度慢煮溫泉蛋及香脆煙肉，賣相精美，份量頗大，意粉煮得剛好，好咬口，配上大量蘑菇及香脆煙肉，配撘很好，香脆煙肉令整體增添咸香，將溫泉蛋戳開，令蛋汁跟卡邦尼醬拌勻更好味，平時的卡邦尼意粉食完會感覺比較膩，但這裡卻沒有這個感覺。另外點了香烤BBQ豬仔脾配葡萄牙蕃茄燴飯，BBQ豬仔脾入味淋身，啖啖肉，而蕃茄燴飯則酸酸甜甜，飯粒分明，很開胃的。餐飲可以揀水果茶，味道不大甜，配上西瓜，蘋果同橙，很清新的。最後仲有意大利雪糕球，很滿足。他們的千層蛋糕聽說都很出名的，下次要再來試。

今晚收工返屋企附近食飯，睇OpenRice知道有呢間係工廈入邊新開既餐廳，就決定同朋友上嚟望吓啦。我哋6:30嚟到，已經全場滿座咁滯，俾我哋坐到最後一台二人枱。原來呢度晚市都幾抵食喎，百零蚊可以有前菜、餐湯、飲品、甜品。首先嚟咗個紅湯同埋薯仔沙律。主菜方面，我同朋友叫咗經典卡邦尼意粉配63度慢煮溫泉蛋及香脆煙肉（ $88 ）同埋香烤BBQ豬仔髀配葡萄牙蕃茄燴飯（ $128 ）。個意粉夠晒creamy，煙肉條同埋蘑菇都非常之多，介開個溫泉蛋同啲意粉汁撈埋一齊食，口感非常豐富。個豬仔髀都非常之大隻，咬落啖啖肉，鹹鹹地，配埋甜酸味嘅蕃茄燴飯，一樣非常特別。飲品我哋叫咗一杯特盛水果茶同埋檸檬紅茶。我個杯水果茶個茶底係四季春，上面有多款水果，包括西瓜、橙、蘋果等。最後甜品係每人一球雲呢拿雪糕，雪糕軟綿綿，唔會有太多冰粒。食完真係非常之飽，本來打算食埋個千層蛋糕，但係我哋兩個都已經飽到食唔落啦。唯有下次有機會黎再試吓啦。

真心期待會是一頓美味的午餐、試了 卡邦尼意粉 和 松露意粉、蛋糕 及 咖啡、卡邦尼意粉.....味道比以往吃過的淡口味、不算美味、松露意粉、味道普通、餐飲咖啡、比茶餐廳 難飲、蛋糕、合格、但坊間很多同類、無乜服務、因人手不足、差點連蛋糕都唔切、沒有下次啦 !

今日與同事去食午餐，點了幾款食品，全部都超細份。隻碟很大，但係放食物的位置又淺又窄，其份量大約為一個OL啱啱夠食。我點了芝士白菌黑松露忌廉意粉。先談外觀，除了細份外其實賣相還好。但一食便出事。意粉口感還好，但意粉汁淡而無味，不夠杰，卦唔起。如果不是再次睇餐牌，也幾乎忘記其實此意粉中有加芝士和黑松露吧。食到咁上下，有侍應來幫手寫飲品，其中一款為「特盛水果茶」。我詢問那個落單的四眼肥妹，水果有咩果？她連眼尾也唔望我一下地回答：有生果。我覺得十分奇怪，地球上幾千種水果？真的所有生點也包含在內？我帶疑惑的語氣再問：咁即係有咩？她才正視我，反問我：你呢個問題係認真問？此刻她的答案簡直是侮辱我智慧，我又唔係沖飲品那位師傅，怎會知道你有乜生果？最後總結：以觀塘上樓工廈來講，食物定價有點昂貴，份量偏少，雖然套餐包湯，沙律（幾條菜）飲品及雪糕，環境尚可，但回頭指數係0。

✨觀塘工廈新cafe🍰千層蛋糕✨本來見ig d蛋糕相全部咁靚對佢好有期望 點知食完都幾失望😞真係得個樣 勝在價錢平 但唔會再試🙊.🍰特濃芝麻千層蛋糕 ($32)見芝麻幾特別就試下好多層餅皮 但冇乜蛋香味同太乾芝麻餡幾濃味 但甜到漏尿😭兩個人share 食到一半已經膩到頂唔順👋🏻.🍵抹茶千層蛋糕（$32）比起芝麻好食好多！起碼忌廉creamy d冇咁乾但抹茶味偏苦澀🤢.

人生第一次嬲到要打食評電話打咗個幾星期但係完全唔通 Facebook inbox 完全睇都冇睇 好啦啲media page講到幾咁好味就直情行去book 啦幾有誠意佢話平時六位以上先可以book 但我3位不過都照俾我book跟住問我要咩味cake可以留定我問有咩味 佢答咩味都得架我每朝新鮮整最後我係蛋糕櫃到揀咗三隻味留再加朱古力生日牌 $10跟住佢話要留$100 但我銀包得十蚊最後佢都俾我訂位同留咗3件蛋糕好啦到今日嚟食 首先主菜唔使提 毫無特別又冇味 跟住叫佢上蛋糕佢同我講得剩返兩件 仲要唔係我留嘅味跟住我話我留咗架wo佢答我因爲我冇俾到錢好難留俾我咁你琴日又唔係咁講架wo好 算 照要，個蛋糕嚟到嚇親個$10嘅生日牌我整都靚過你啦下嘛？除非大家對靚 或者只係叫做可接受嘅standard 差天共地咁我冇嘢好講味道都冇咩特別 並唔係所有打手食評喺度講到吹捧有幾好食 之前一直食開 同層另一間蛋糕店好食過依間垃圾千千萬萬倍 仲話咩藍帶畢業？一係依家啲蛋糕係請槍一係你買個學位返嚟觀塘區最大伏嘅餐廳 歡迎大家繼續嚟試

我抱有期望來到，因為訪問話呢個chef係藍帶攞咗第一定二名，又對食物好有熱誠同要求，但確係失望。首先，lunch個menu係包咗餐湯，沙律，一杯嘢飲同埋意大利雪糕，我揀咗hand made肉醬意粉$88。其實我唔覺得要包甘多嘢為之抵食，簡單包杯嘢飲或湯，做好質素比較實際。個意粉，我食唔倒肉甘制，不過唔緊要，個汁好食都夠，但真係喊，亦無令人想食完再食感覺，仲有話係handmade,我感受不到，如果係嘅應該蛋味會重啲，但我感覺係超市買果啲意粉質素。另外個湯比較淡同稀，沙律菜唔少係黃黃舊舊的，意大利雪糕，其實可以簡單話係雪糕，不用甘花巧話意大利令人有期望。我唔知其他菜式會唔會ok d,但如果要食意粉，我下次都係去番一樓食真handmade pasta啦

觀塘工業區出名多開倉，剛巧家中床上用品要更換，於是就跟老公到駱駝漆工廈逛逛，買完東西都已是晚飯時間。剛剛經過這間西餐廳，看到門外的千層蛋糕很吸引，於是就去這間吃晚餐。這裡裝修簡約，不花巧，旁邊是一個開放式廚房，空間感很大，坐位不太多。餐廳是自家經營的小店，所以餐牌選擇不多，但也有我們喜歡吃的東西。這裏是一個套餐，有餐湯，沙律，主菜，飲品及甜品。送上的時候，職員用了一個木的托盤一起送上。我覺得他們很認真，講究，我很欣賞。是日餐湯是羅宋湯，每一口都充滿雜菜，真材實料。味道酸酸的，但又不太酸，很是開胃，好飲。沙律菜份量可以，感覺新鮮。主菜是經典卡邦尼意粉配63度慢煮溫泉蛋及香脆煙肉，賣相不錯。我將它拌勻，每一口都是忌廉汁及蛋的味道，意粉煮得剛好，爽口。煙肉有的是炸過，有的炒過，很香口。整款主菜味道是淡淡的，非常適合不喜歡濃味的客人。另一款主菜是香煎柚子雞腿肉配葡萄牙蕃茄燴飯，賣相也很好。雞腿有淡淡柚子味道，有點甜，雞肉不太粗，有點嫩。燴飯不是用茄汁，每一啖飯都充滿真正蕃茄味，甜甜酸酸，雞肉跟燴飯的味道也很夾，好食。飲品方面，老公點的是凍烘焙咖啡。他說烘焙過的咖啡很香，入口味道很濃，帶點苦，小

因為公司係九龍灣嘅關係所以我成日都會喺觀塘食夜晚今晚又去試吓新餐廳 一睇過菜單 價錢都幾平 80幾蚊已經有一個set,包餐湯 沙律 主菜 飲品~ 而家喺香港80幾蚊可能只係食到個主菜咋 同朋友每人叫咗一個主菜share : 卡邦尼意粉配溫泉蛋 $88 , 西西里辣肉腸芝士肉醬意粉 $98首先嚟咗羅宋湯同埋沙律 羅宋湯好足料 不過稍嫌有少少酸 沙律菜新鮮好食 跟住兩個意粉先後送到 ； 肉醬夠多 可以均勻咁撈每一條意粉 , 意粉彈牙 唔似嗰啲煮到好淋 卡邦尼夠多蘑菇同煙肉 忌廉汁夠多 非常之香 加埋溫泉蛋一齊食 非常正!!飲品叫咗兩杯凍水果茶 夠晒大杯 非常之適合係依個炎熱夏天飲最後食到超級飽 如果唔係咁飽都想試吓佢啲千層蛋糕 喺櫥櫃望落好吸引

又要老遠去觀塘辦事，記起見过一篇介紹新餐廳的文章，便順道去試。去到發覺原來是慢煑㕑房的舊舖，是開放式厨房但通風設備很差，吃完一定滿身油煙味。店內有兩位厨師，兩位侍應，其中一女士应是老板吧！報章介绍它們的卡邦尼及千層蛋糕做得很出色，那麽二話不說一定要試。其实店內未滿客的，但巳見四人手忙脚亂，心裹巳不敢抱太高的期望。食物來了，沙津及湯都行貨得很，不太新鲜的生菜、蕃茄、粟米粒加沙律醬; 罐頭湯加工造成的濃味蕃茄湯。卡邦尼意粉是毫無温度的，好像已放涼了十分鐘似的。與鄰坐同吃卡邦尼的食客互望一吓，大家一同叫了出來"凍嘅？"於是唯有安慰自己，店主是做餅起家的，其它食物她控制不了，留肚吃餅吧！在等餅的時候，终於等到老板娘行过來，我告訴她剛才的意粉不夠熱，她的回應是"嘻嘻"🙄由於油烟味实太勁，我包了餅回家吃，我要的是伯爵茶味，是香而不甜，可是不知是否茶葉濾清，要吐"渣"的，東海堂的比它好吃！

沙律是一般的生菜沙律，沙律醬比較香奶味，味道比一般沙律醬有驚喜。羅宋湯有很濃郁番茄味，口感有D太酸，如果甜上些少會更易入口，同行的媽媽說太酸。水果菜飲得出是一般密桃茶底加幾粒水果，味道比較淡，所以也不太甜。卡邦尼醬質地厚身，奶味濃郁，但溫泉蛋不够流心，煙肉咸香也略嫌不足。但總體味道也不錯。飯後有一球雪糕，無得揀味道，今天是芒果味，雪糕奶味十足，但也吃得出只是一般雪糕，無甚特別。總體而言88蚊無加一有五樣食物都幾抵，但因是開放式廚房，油煙比較大，而且店面只有五個人，工作似乎分配不太好，人多的時候連落單都要等，餐具也要主動問店員索取。不過新店來講又可以原諒。

友亞輝约往官塘，及顺道晚餐，我同事說駱駝漆大厦有間叫Call Me Chef出品好，值得試！主菜經典香烤雞扒卡邦尼意粉配慢煮三溫泉蛋看此名很長，而意粉超好味，意粉質感，及脆烟肉，配汁剛好但，此很讚的主菜意粉！香烤雞扒配香甜蕃茄繪飯濃濃香之蕃茄繪飯，夏日吃得滋味，脆皮雞扒也入味，正呀！沙律，菜很新鲜，也不錯特色飲品特盛水果茶，新鲜，消暑之飲品，冰凍韓式柚子蜜，喝下舒服！意大利雪糕球！好味，這甜品超正！再意猶未盡！再來超人氣百爵茶Tiramisu非常推薦啊！店入清雅，店員服務態度良好，笑容滿面，食得舒服開心的一晚

去咗觀塘嘅工廈裏面搵嘢食， 因為食連鎖店食到厭哂…… 經過呢間餐廳見到佢個logo好得意呀！有我最鍾意嘅熊仔！ 就決定入呢間！！門口仲要見到佢有個雪櫃，雪住一啲好靚好靚嘅千層蛋糕， 好想食呀！一陣食完飯， 一於叫一件嚟試下先！一坐低發現舖頭裏面都好多客! 對一間喺工廈嘅餐廳嚟講，算係幾full㗎喇！ 亦都反映咗我應該冇揀錯😂menu只有一張簡簡單單，而當中啲嘢食都係有特色嘅！我哋叫咗兩個set, 當中包括咗沙律、飲品 、主菜同埋湯！凱撒沙律～ 份量適中，而上面都會有調味得好好嘅凱撒沙律醬、蟹柳絲同埋煙肉碎！好味！餐湯～ 佢除咗一般嘅紅湯湯料之外，仲有勁濃郁嘅蕃茄，而上面亦都撒咗一啲香草，令到呢碗湯更加出色！香煎柚子雞腿配西班牙蕃茄燴飯～ 雞扒非常之大塊同埋厚肉，肉質好juicy，而且有柚子味，香香甜甜，非常啱女仔食！西西里辣肉腸香草肉醬意粉～ 辣肉腸嘅辣味恰到好處， 煎到非常香口， 肉醬意粉嘅肉醬味道調教得好好，唔會膩！ 配埋香草同埋芝士碎， 呢個item係冇得輸嘅！特盛水果茶～ 通常一啲特飲都要另外加錢，但呢度呢個咁特別嘅item，竟然完全唔使加錢，所以同朋友都好精明咁選擇咗要呢個特

收工後想食件餅，上嚟試吓千層蛋糕。睇完餐牌，索性叫多兩個最平的意粉餐，價錢實在吸引嘛，凍飲唔使加錢、有雪糕，仲冇加一添。肉醬意粉灑咗好多芝士，肉醬份量亦多，食落出奇地淡口，唔係預期的香濃。卡邦尼温泉蛋意粉嗰忌廉汁，貫徹清淡風格，但有煙肉同蛋黃汁幫手加味，整體味道好過肉醬意。如果將煙肉煎耐啲變香脆，相信味道仲好。主角千層蛋糕，試咗綠茶味同焙茶味，結果焙茶味勝出！佢冇綠茶咁甜，焙茶嗰朕獨特香味唔係人人接受到，呢件餅的茶味恰到好處，唔會濃到嚇走你，亦非淡而無味，食晒唔覺甜到漏，絕對能夠偷走焙茶控的心。起身去找數，先覺肚皮脹晒。門口餅櫃入面，蛋糕所剩無幾，確實名不虛傳，下次一定要試其他口味。客多，店員幾忙都保持禮貌，服務勤快，樂意將凍飲走飲管，讚。