Call Me Chef

營業中

休息中

餐廳裝修比較簡單，不過座位都算多，而且都算坐得闊落。晚餐餐牌都有幾多選擇，我哋揀咗bbq醬汁烤豬仔髀配花意大利蕃茄燴飯及柚子雞腿配南瓜意粉。晚餐包餐湯及沙律，羅宋湯味道幾濃，而且係偏酸，好開胃。沙律都算幾新鮮，不過我就覺得太多沙律醬。豬仔髀整得唔錯，肉質好林，而且好夠味。蕃茄意大利燴飯就比較偏濕，但係蕃茄味好濃，都係偏酸，飯份量都好多。柚子雞腿煎得幾香，而且雞肉幾滑。南瓜偏甜，所以整個意粉都配有南瓜醬，食落係甜甜地嘅，所以鍾意食南瓜嘅人就會幾鍾意。晚餐仲包餐飲，叫柚子茶及蜜桃紅茶，味道都唔錯，不過如果蜜桃紅茶唔係用茶包就更加好啦。