California Pizza Kitchen (屯門市廣場1期)

營業中

休息中

上次係IG見到有人介紹呢間既Pizza，望落好吸引😍 今日難得入屯門搵朋友就同佢提議黎試下 (因為全香港僅餘兩間分店而其中一間就係屯門😂)我地叫左兩樣野同兩杯飲品share～👅中式宮保意大利粉配雞肉見到個名覺得幾特別😂中式醬汁配料混合西方主食意粉既創新菜式，估唔到都幾夾👍雞肉嫩滑，意粉彈牙，個辣味好開胃惹味～👅原味燒烤雞肉薄餅個樣望落超得！😍Pizza邊香脆，口感煙韌，成個Pizza好足料，底部都係好薄脆，我地兩個人好容易就清晒成個，完全唔膩😆雞肉焗到好香口，加埋芫荽同紫洋蔥，口感豐富，好食！🤤店員服務都好好👍🏻👍🏻 下次黎開屯門可以再食😁

屯市開新咗間Pizza店🥗燒烤雞肉沙律 $139-黑豆 甜粟米 沙葛粒 新鮮芫荽及羅勒 墨西哥薄脆 芝士 蕃茄 青蔥 生菜 烤雞-相當豐富而且大份嘅沙律菜 以鹹香味為主加入咬口薄脆 清新得嚟幾惹味 烤雞肉幾入味帶強勁燒烤味🍕意大利辣肉腸薄餅 $122-辣肉腸 意式肉腸 新鮮馬蘇里拉芝士-成個Pizza鋪滿辣肉腸 有大塊又有細塊 鹹味適中 芝士已經烤熟變成少焦口感 無拉芝但夠芝香味 餅底薄薄一片 微乾幾脆總體嚟講，算是不錯🍕🍕🍕🍕

有朋友約係屯門新開嘅California Pizza Kitchen食飯成日同第二間Pizza外賣店搞亂🍕一入門口有幾塊滑浪板 又有啲沙灘做背景 打卡一流特色蒜香欖油意大利粉配雞肉$112天使麵！！係天使麵好耐無食天使麵🍝唔會煮到過火嘅天使麵每條麵都掛咗炒過嘅蘑菇配上欖油嘅油份同香氣另外都加咗少少辣椒乾🌶減低咗欖油嗰份油膩嘅感覺☺️意大利辣肉腸薄餅$122 由於本身都好鍾意食辣肉腸，所以黎到呢度都係食番辣肉腸pizza🤣估唔到又幾有驚喜，啲辣肉腸夠足料🍕 醬汁有小小辣🤏 幾惹味同埋最鍾意佢好有麵粉香薄餅個邊皮都仲keep住到個煙韌度🤙🏻所以同個fd都食得晒，都推薦大家黎食pizza 必點！😎

夜晚去左屯市買野順便食埋飯先返屋企，系買野同一層見到呢間價錢合理，又幾大間，店員仲介紹佢地既pizza系用火山石爐烤焗出黎，吸引左我選擇食呢間餐廳。餐廳空間大，有卡位坐，幾舒服，仲有個半開放式廚房，見到廚師做簿餅餅底同埋放入火紅紅既火爐烤焗pizza，好似幾專業。原味燒烤雞肉Pizza $132貌相正正常常，望落去無咩特別，但味道幾好。Pizza餅底偏薄，口感煙韌，邊位會厚身啲，熱食時幾脆，放凍左會較硬身，燒烤醬汁幾濃，配埋雞肉同洋蔥，簡單配搭食多幾件都吾覺滯。食到中途發現少左一樣重要既野，就系芝士粉啦！即刻叫店員比芝士粉我，點知佢拎到過黎原來系即刨芝士，店員會幫忙落，感覺幾high class！蒜香欖油意大利粉配雞肉 $112以為只有pizza出名好食，原來意粉都好食！呢個意粉既蒜香味好出，少少辣，辣得黎好惹味，有啲似蒜香炒意粉，炒得夠乾身，無咩油。凍檸茶都大大杯，夏天岩哂！

今晚屋企人揸fit話要食薄餅，於是來到這間「California Pizza Kitchen」。聽聞這間餐廳在6-7年前曾經進駐過香港，未知今次的捲土重來和以前的是有何不同。「California Pizza Kitchen」屯門店位於屯門巿廣場的3樓。餐廳面積都大，內裡的座位都相當寬落，食客坐得舒服。餐廳的薄餅都是標榜即點即做，然後放進一個火山石薄餅爐用高溫烤焗，據悉火山石爐更是專程在美國訂製！薄餅口感鬆軟，批底微脆，有明顯的麵粉香。薄餅上舖有水牛香辣雞肉、芝士、甘荀、芹菜等配料。因為水牛城醬的關係，pizza帶有辣感，蠻惹味的。另外此款薄餅還配有秘製藍芝士沙律醬供蘸點，芝士醬和香辣味道都幾搭。意粉款式都頗具創意，充滿着fushion風格。例如這個宫保雞肉意大利粉就結合了四川的元素，用了宮保醬汁去烹調。意粉入口帶有甜辣香味，因為同時加入了大量蒜粒去炒，所以蒜香味亦甚為濃郁。配餸有雞肉、花生、青蔥等，乍看之下像是一道中菜小炒，都幾特別。檸檬茶糖漿另上，自行調教甜度。最吸引的是可以無限添飲！

TGIF，今次黎即興食Pizza，叫咗個二人套餐，揀咗個墨西哥粟米湯，香味肉醬意大利粉同烤蒜雞肉Pizza。粟米湯係打到蓉咁好傑嘅湯，加埋啲蕃茄，入完都少飽。而烤蒜雞肉Pizza，手拉pizza依舊出色，但有幾舊雞就明顯overcooked，食落有啲炭味，燶燶哋嘅感覺。香味肉醬意大利粉就大路嘢，不過不失。另外再加個安格斯香蒜燴飯，舊牛係煮得唔錯既，半生熟咁，又會有啲油脂香，但個位就比較多筋，要啲時間咬開

California Pizza Kitchen有多款set lunch提供, 而且價錢相宜,頗為抵食。今天嘗試了: 燒烤醬豬肋骨肉漢堡+青豆薏米蓉湯。燒烤醬豬肋骨肉漢堡:味道不錯,不過豬肉稍嫌有少許柴,尤其夾在中間的炸洋蔥圈頗為韌。Burger份量有點細,男生可能會不夠飽。青豆薏米蓉湯:這個湯很讚👍充滿濃郁青豆香味,配上粒粒薏米,有口感又健康美味😋Pizza 店應該還是選擇吃pizza比較穩陣吧!

 落單買外賣俾錢時，鬍鬚服務員同我講有 85 折優惠 (p.s. 呢個服務員次次唔係俾漏野，就係收錯錢)。點知去拎外賣時，另一個中年女服務員冇啦啦同我講搞錯咗，話套餐冇優惠，指住張傳單細細隻字寫「外賣優惠不適用於套餐」。其實要我俾返都算，口吻講到好似我俾漏錢，唔好意思都冇句。貼錢買難受，以後不了。 

黎食好多次 做埋會員 主要因為距有現金卷 同會員生日優惠不過呢做左會員 埋單價錢都係偏中上 通常係節日或者有慶祝我會選擇過黎 主要食個環境服務我地經常食羽衣甘蘭沙律加一個pizza （推薦烤雞肉pizza）兩個人其實已經夠食 埋單300左右意粉同飯量其實比較少 預一人量多d個人覺得飯比意粉好食

今日朋友同佢個1歲女女食lunch，揀咗去咗屯門市廣場嘅California Pizza Kitchen到食。之前見呢間午餐同下午茶都唔貴，一直都想試吓。可惜只係平日有午餐同下午茶set，所以趁今日返晏，就黎食Lunch。大約11:30左右到，唔駛排隊。到12:00後就開始多人。店內環境開揚，空間感十足。不過佢將所有客人都安排咗係同一個Area坐，所以就算店舖大，太多客人放埋一齊感覺都好擠迫咁。特別係呢日比較多小朋友，所以聽到到隔籬枱的女士不太滿意自己被小朋友包圍。呢度有足夠位置放B B車，亦有B B櫈提供。店員亦主動提供紙同蠟筆俾小朋友畫畫。lunch set好抵！由$ 58- $ 78不等，跟餐湯或沙律+飲品，加錢可加甜品及小食，主食主要有漢堡/pizza /意粉選擇。掃QR code 落單。我哋叫咗兩個沙律，份量正常，味道正常發揮。夏威夷燒烤雞肉薄餅$ 78 Pizza是細 size，我本身細食所以都啱啱好夠食。雞肉配上甜菠蘿片和秘制醬汁，酸酸甜甜很好吃，可惜分量不多。pizza餅底就不特別出色，有點失望。蒜香忌廉汁雞肉闊面$68闊面份量足夠，忌廉汁creamy，蒜味不重。雞肉份

屯門市廣場 「California Kitchen Pizza」環境靓靚，裝潢不錯，座位舒服，三五知己聚聚午市組合、午餐精選，包括湯或沙律，自選飲品，平宜價錢，非常好😊扺食夏威夷燒烤雞肉薄餅 $78Pizza size 大約有8-9 寸，甜甜菠蘿片、嫩嫩雞肉，秘制醬汁香煎三文魚配焗薯及青檸酸忌廉汁$88如果三文魚可以大件啲啲就好啦😀配忌廉汁食好夾，焗薯 夠香，青豆薏米蓉湯香滑 creamy, 濃郁，口感豐富，飽肚墨西哥粟米🌽湯果味檸檬特飲：選擇熱情果酸甜開胃，透心涼，爽呀

餐廳出品嘅🍕完全對得住餐廳嘅名，今次試咗 Classic Pizza - Pepperoni (意大利辣肉腸薄餅，薄批），Mozzarella鋪滿整個 pizza，鹹芝士味濃郁，加上惹味嘅辣肉腸配搭確實經典，呢款 pizza 亦唔會加太多其他配料去破壞應該呈現嘅味道。另外，烤焗嘅時間恰到好處，批底脆口，做到批邊少燶嘅同時芝士唔燶👍🏻。小食試咗墨西哥風味雞肉烤餅🫓，内裡嘅餡料被餅皮完全包裹住，味道就主要依靠所配搭嘅沙律醬帶出。特色蒜香欖油意粉配蝦🦐上枱嘅時候見到成碟意粉「令立立」，但入口就冇乜欖油味，反而覺得幾油膩，香蒜落得唔夠去炒，做唔到「蒜香」。

在屯門市中心行左陣街就搵下午茶食，行左幾間就比佢門口個下午茶美點時光吸引左。價錢都ok就入左去試下。門口幾塊滑浪板好有美國加州風情，又一打卡位。餐廳入面比想像中大，環境很闊敞。枱與枱之間有足夠空間，坐得很舒適。今次3人行，各叫一個下午茶餐。中式宮保雞肉意大利粉醬汁酸甜，好香蒜味食落辣辣地，意粉掛上宮保醬汁，非常美味，意粉亦煮到恰到好處，好快就比我們清了。香草青醬雞肉意大利粉意粉軟硬適中，味道比較清淡，醬汁好掛麵，比較creamy。原味燒烤雞肉薄餅Pizza是即叫即整，是表面有少焦，雞肉數量都正常，薄餅皮邊都幾好食，可能是因為用石窯烤製，會比較煙韌。秘製蒜蓉牛油沙律醬配脆香薯條另外是main menu叫左款粗身薯條，上枱仲熱辣辣新鮮炸起，炸蒜好香配上牛油沙律醬甜甜的，食落不錯。由左數起：果味檸檬特飲（熱情果），果味紅茶（蜜桃），奇異果汁果味檸檬特飲（熱情果）：好甜果味紅茶（蜜桃）：正常發揮奇異果汁：飲到奇異果蓉不錯，加左$10是不同

終於可以試到依間手拉pizza😆😆😆我叫咗一個套餐，價錢兩個人食都唔係話太貴。另一方面，見到佢係用一個大火爐去整，一睇就知唔簡單，食落好有口感，餅底有啲煙韌，真係唔錯。雖然佢冇我鍾意食嘅科島醬味，但係佢嘅餡料同醬加埋一齊都好滋味。仲有佢有任飲既飲品，唔怕食到口乾會好頸渴。佢啲意粉都唔錯，不過佢套餐入邊嘅湯就比較鹹啲，感覺似一啲餸菜嘅汁。而佢嘅環境都好大，坐得都好闊落。整體上性價比都好高，好值得推介！👍🏻👍🏻👍🏻

同附近西餐相比, 價錢的確平少少, 但質素都係相對地一般般, 所以算唔算得上係性價比高呢? 應該都見仁見智。牛油果雞肉pizza配料都係散收收鋪係面頭食既時候都要就住就住pizza底屬於比較厚身, 有d硬條邊厚到無食到烤三文魚外面比較乾身切開中間有d驚喜係嫩滑有汁但都係調味唔入味, 三文魚香都係欠奉隔離既配菜係辣既但餐牌無提到雖然都係微辣我同屋企人都係食唔到辣變相係浪費左, 亦都食少左d野好彩可樂係無限refill辣得黎都可以飲返幾杯可樂解辣全場侍應忙到差在未跑應該係節日人手唔夠門口叫飛既時候仲嘈過酒樓母親節400蚊內埋單雖然只係叫左兩樣野都okla TMI餐廳燈光極黃不宜打卡