California Pizza Kitchen (屯門市廣場1期)

營業中

休息中

無意間發現屯市有間California Pizza Kitchen，開左唔係好耐，個囡鐘意食Pizza, 一見到就話要食，唔係繁忙時間唔洗等位，諗左一秒兩母女就入左去啦😆依度佔地好大，座位多又濶落，仲有好多卡位，帶點美式懷舊和工業風，坐得舒服都幾岩一班人聚會。🍕原味燒烤雞肉薄餅最傳統的味道，餐廳的招牌菜式，薄餅以烤雞，配以燒烤醬、Gouda cheese、紅洋蔥、芫茜等以火爐即烤，餅底薄脆有麥香，仲添加炭火香氣，燒烤醬甜甜地好惹味，味道配搭得好好，難怪一直咁受歡迎。🍝Bolognese Spaghetti慢火烹煮的香濃肉醬，配上香菇、芝士，經典的意粉味道。鮮甜肉醬用上新鮮肉末，口感更實在，醬汁剛好鎖住每條意粉，不過於濃稠，芝士香草香氣撲鼻，意粉彈牙爽實，開胃美味。🌽牛油果醬配墨西哥粟米脆片Nacho配牛油果醬係最傳統食法。以牛油果粒、甜粟米、黑豆、甜椒等混合的新鮮牛油果醬，味道清新中滲出少許辣度，細看之下原來加入了墨西哥青椒，味道更有層次感、更惹味，小朋友都接受到的BB辣，配上清淡而鬆脆的粟米片，口感特別好，又滿足到想食小食既癮。飲品就一人一杯我同QB至like既凍檸茶🍹，食飽飽好滿意

今次同屋企人去食，見到門口餐牌覺得價錢都好抵食，於是入去試下佢先😍😍😍入到去地方好大，都算幾乾淨，而且坐得幾舒服😌坐底左之後，我哋就睇下餐牌，三個大人一個小朋友，叫左4樣野食。三文魚幾好食🤤😍😍😍意粉🍝就算正常，而且每個餐有飲品🍸，可以叫特別既野飲🤩🤩🤩所以整體上都好滿意。一邊食一邊愈黎愈多人入嚟食，落完單都好快就有野食黎，吾洗等好耐👍🏻👍🏻👍🏻👍🏻價錢吾會算，平日lunch性價比十分高👍🏻👍🏻👍🏻

行行下街諗唔到食咩好， 但又想食得健康啲，竟然比我發現California kitchen 個lunch set 有沙律、湯同嘢飲！個沙律勁大份，啲雞一啲都唔乾加埋啲蛋同牛油果，超滿足🤪🤪 個南瓜湯都相當唔錯 有墨西哥風味友人嫌唔夠嗌多咗個單點嘅豬肋骨配韓式辣醬 味道都非常唔錯，豬肉唔會太老 醬汁都非常之好味但好食還好食，分量上唔太夠大 性價比比起沙律差咗啲啲🥲

☀ 𝗦𝘂𝗺𝗺𝗮𝗿𝘆：全球有二百幾間分店嘅「California Pizza」質素真係有返咁上下😍佢地即叫即製嘅手工Pizza以加州Pizza 為主打仲有意粉，餐湯，Flatbreads等最有特色嘅係佢地Pizza嘅餅底厚度適中既有咬口又不脆口，口感確實令人驚艷.◈ 特色蒜香橄欖油意大利麵$112麵條煮得啱啱好保持住絲滑嘅口感入口時聞到勁香嘅蒜香橄欖油味道濃郁，但唔會太油膩每口都有橄欖嘅細緻滋味同微妙嘅香草香料多種層次感，令人驚艷.◈ 意大利辣肉腸Pizza $122CaliforniaPizza嘅餅底果然唔同凡響口感薄而又烤得微微酥脆但仍保持住柔軟嘅中心呢個平衡令每一口都充滿咗驚喜餅上鋪滿一片片既辣肉腸加上濃郁嘅芝士融化喺上面，芝香四溢同辣肉腸形成咗完美嘅平衡.◈ Iced Lemon Tea $33檸檬茶係free flow 架，真係好抵飲！

太耐冇行屯市，都唔知3樓轉角位原來轉咗手開咗間Pizza，晚餐就決定試試佢。BBQ chicken salad $139食pizza前叫個salad冇咁有罪惡感🤓烤雞沙律幾大碗，而且口感豐富，見到加咗黑豆同脆片，食落口冇咁寡。顏色即刻好繽紛，好啱打卡haha pepperoni $122叫得California Pizza Kitchen ，當然要試下Pizza！Menu見啲pizza都幾多選擇，不過個人鍾意食Classic款多啲。呢到pizza係即叫即做，一上到枱就見到金黃色焗得好靚仔，芝士份量好足，成個薄餅脆口煙韌，pizza控表示好滿足😋。Pizza份量兩個人食啱啱好。遲d黎試下個lunch set 先～

今晚兩公婆撐枱腳🥰放工屋企附近屯門市廣場食pizza😝😝這間California Pizza有好幾間分店，終於嚟到屯門市啦！地方夠大又好坐，即叫即做pizza 當然正啦 店員服務仲好好添👍揀咗set for two dinner可以揀頭盤或餐湯～特色蒜香欖油意大利粉配雞肉份量很足，超大碟而且好足料添一上枱蒜香撲鼻，用上橄欖油，唔覺得油膩😌😌加咗蘑菇和雞肉兩者都係比較健康嘅食材食，多啲都唔怕肥啦😚意粉細細條口感好，軟硬適中 濃濃嘅蒜香🧄～水牛香辣雞肉薄餅🍕 即叫即做!望住Pizza爐真係有啲去咗外國嘅feel呀上枱熱辣辣 size很大，兩、三個人share就最啱啦🥰辣辣地非常惹味，批邊脆卜卜係我喜歡嘅口味😜😜跟餐有兩杯飲品飲品揀咗凍檸茶 大大杯 仲可以refill 配pizza就非常好啦😍仲可以加錢升級生啤或者Cocktail份量夠晒多,已經夠晒飽啦!食得落嘅話仲可以加甜品添.應該要留返下次啦🤣食物質素果然很不錯,難怪Weekday都full House啦☺️

是晚相約媽媽來到California Pizza Kitchen吃晚餐，California Pizza Kitchen主要販售薄餅、意大利粉、烤焗肉食等，也有咖啡、特色茶、奶昔、鮮榨果汁，食客亦可以33元無限添飲凍檸檬茶或汽水，價格經濟實惠，是許多屯門人聚餐享用美食的好所在。原味燒烤雞肉薄餅均為現點現做，薄餅餅皮脆香，以秘製燒烤醬為基底，薄餅用了不手原，除了雞肉、紅洋蔥及芫荽的黃金組合，還有煙高打芝士，輕輕拉起薄餅會拉絲的，喜歡芝士的朋友一定不可錯過。大口咬下原味燒烤雞肉薄餅，直接用舌尖環遊美國加洲，感受美式熱情與美味，原味燒烤雞肉薄餅雞肉鮮嫩，秘製燒烤醬鹹甜有致，呈現道地的美國薄餅風味，難怪原味燒烤雞肉薄餅一直是California Pizza Kitchen人氣商品。中式宮保雞肉意大利粉是California Pizza Kitchen自豪的料理，意大利粉彈牙有嚼勁，輕易吸附宮保醬汁，散發出濃郁香蒜、四川辣椒的香辣，拌上油泡的飽滿的雞肉、香脆花生，組合成味美的中西意大利粉，鮮辣風味覆滿在舌間，一網打盡饕客的味蕾與渴望。

凍檸茶 @$33: 無限refill, 但檸檬不是切片的狀態, 完全不能篤的檸檬, 克全沒有檸檬汁,,, 沒有檸檬味凍檸茶, 就是原味紅茶,,, 香味肉醬意大利粉 @$119: 意粉軟硬度剛剛好, 肉醬也足夠拌勻所有意粉, 原味燒烤雞肉薄餅 @$132: 傳統手拉薄餅的口感, 煙煙靭靭, 讚!!!,,, 燒雞肉沒有柴柴口感, 醬汁也沒有過鹹, 二人前份量的晚餐, 價錢只需$349, CP值高高的!!!,,, 

係屯門市廣場終於有似樣啲既pizza食啦，成日都經過呢間california pizza kitchen，門口啲餐牌上面既pizza好吸引，今日輪到我地食啦！好，坐低睇下有咩好食先。特色蒜香橄欖油意大利粉配雞肉，個意粉軟硬適中，而且夠乾身，蒜味好香，果種蒜香再帶微辣好惹味。雞肉粒粒有咬口，入味唔會韌。水牛香辣雞肉薄餅，水牛芝士烤到金黃色，仲識拉絲，辣辣雞肉刺激味蕾，充滿醬汁既pizza 唔會dry！最後飲品叫左凍檸茶和凍檸水，清新一下。

屯市三樓開咗California pizza但係一路都未食過今日放工去快食一下發現性價比又幾高喎☺️今次快食完仲要趕住去玩所以叫咗個pizza同pasta 諗住極速傳說一下下次我會揀二人餐今次點嘅BBQ燒肉pizza都幾好👍🏻唔係連鎖店式嘅厚批係外國嗰種原始麵包皮嘅感覺一路食佢會慢慢變凍咗，但係食落都仲係好味㗎，所以知道佢應該係即叫即整寬條卡邦尼意粉非常之香口，芝士味濃郁，雞肉配搭，卡邦尼唔會太油膩！凍檸茶就係自己加糖嘅，可以自己調整鍾意嘅甜度，以一個快餐來講，都算係高質素。

兩公婆出去食飯，有時想食pizza但係兩個人又食唔到太多，朋友推介呢度嘅pizza細細塊啱撐枱腳食，而且屯門就有分店，即刻同老公一齊去試😁.上菜好有效率👏🏻凱撒沙律$120好足料嘅凱撒沙律，有超多芝士🧀同埋麵包🥯，以沙律來講麵幾飽肚，食pizza前食啲菜打底覺得冇咁肥😂同埋啲菜都幾新鮮，感覺唔錯👍🏻辣肉腸pizza $123簡簡單單嘅經典嘢永遠都係最好食😋 pizza係現烤（仲可以直接見到火爐），新出爐，薄脆香口，鹹香恰到好處🤤檸檬茶$33

連鎖薄餅店California pizza終於登陸屯門今晚放工我們倆人就來這裡晚餐新店面積很大光線柔和有種浪漫感我們兩人決定點一份意粉和一份pizza先每人點一檸檬茶解解喝先第一味是特色蒜香欖油意大利粉配雞肉意粉炒得非常乾身蒜頭味香口這裡的意大利粉比很多西餐廳都高質意大利辣肉腸薄餅是傳統口味配料只有辣肉腸和芝士但非常美味薄餅新鮮出爐入口非常燙口要試一間薄餅店是否正宗最好試簡單口味這裡出品的薄餅絕對沒有令我失望喜歡食pizza的朋友這裡是個好選擇

California Pizza Kitchen一直都好鐘意食呢間餐廳，屯門市中心開咗一間，實在太方便啦。位於屯市，餐廳都算好大間，今日去都要排隊，大概十分鐘先入得去。餐廳地方好闊落，今次仲有卡位坐，好好坐又有私隱度。意大利辣肉腸pizza 辣肉腸鋪滿成仲pizza，經過烤焗後辣肉腸釋放油脂香，食落咸香可口，配上芝士同埋乾身既餅底，經典而又好好食。特色蒜香意大利粉配雞肉香煎過既雞肉加埋蒜頭，蘑菇，芝士同埋少許香草，口感味道層次豐富。意粉都煮得啱啱好，非常爽好，加埋少少辣椒令味道更豐富。美國四色芝士雲吞雲吞大小適中，每仲雲吞入面都釀滿咗芝士，口感綿滑，加上茄醬，中香芝士既膩，值得推介。

中秋節出街食，唔想食中式同人迫咁啱openrice又book到位就食呢間，去到超級多人，慶幸book左位，帶位個姐姐好友善，我哋坐低無耐覺得冷氣好凍，叫侍應閂細啲佢哋無話hea你即刻同你做，點完餐啲嘢食好快到齊，雖然限時食90分鐘，但都夠曬時間食，佢哋既沙津值得推介，個野菌螺絲粉 同宮保雞丁意粉 都好好食，pizza更加係超級好食，侍應服務好好價錢合理，有機會會再去食

中秋佳節前夕，約埋家人一齊食Pizza意粉，傾吓偈，彼此關心問候，也是不錯呢 。我哋就揀咗屯門市廣場 California Pizza Kitchen，不妨試吓。餐廳地方寬闊，環境雅致，帶美式風格裝潢，吊燈特別又漂亮，卡位坐得舒服。睇睇餐牌，有二人/四人套餐，亦可單點意粉、薄餅、烤餅、肉眼扒、三文魚、燴飯、沙律、小食、湯品、甜點、飮品等等。Bolognese Spaghetti 香味肉醬意大利粉     $119這碟意粉份量都幾多，肉醬香味濃郁，肉質鮮嫩，意粉爽口掛上蕃茄醬，仲加埋冬菇，醬汁少少酸，唔會過酸，亦唔會膩，食起嚟惹味又開胃。Pepperoni Pizza 意大利辣肉腸薄餅  $122   Pizza係歐美菜必食既恩物，嚟得依到當然要揀我鍾意既經典款式意大利辣肉腸薄餅，一客8件份量其實唔錯，餅底由餐廳自家即叫即製，嚟到既時候仲係熱辣辣，口感香脆。簡單既新鮮馬蘇里拉芝士鋪滿晒成個餅底，半溶芝士份外誘人，加埋辣肉腸、意式肉腸及奧勒岡(香料)，就變得更加惹味！Iced Lemon Tea  $33茶底不會過於太濃，飲到清香嘅茶及檸檬味，糖水隨個人喜好加多少，甜度自由控制，冰冰涼涼，