Cafeholic

營業中

休息中

沙田食午餐，今次去希爾頓商埸cafeholic.等左一會有位，環境潔淨整齊。除意點了兩個set lunch.黑松露蝦肉魷魚忌廉意粉，味道香濃，蝦肉彈牙有咬口。豬肶仔飯，肉質不錯好细嫩。

第一次嚟呢度食早餐, 呢度個環境好舒服, 啲坐位又唔會迫, 可以好relax一下, 舒舒服服咁歎個早餐~~我今次就叫左個特選精晨早餐, 好難得套餐係冇雞蛋😍😍🤩麥皮好健康, 牛油粟米好香甜,pancake好好食, 唔會乾😋😋😋飲品揀左熱有機豆奶, 好香豆味, 好飲😋男朋友就食蟹柳滑蛋蕃茄湯通粉, 蕃茄湯係我中意偏甜嗰種,滑蛋炒得好靚, 蟹柳唔會太稔👍🏻👍🏻放假同朋友嚟呢度食野都唔錯👍🏻👍🏻

經過好幾次，一於試下佢，抱住試一試既心態，服務員既態度尚算合格，但一上菜。。。。失望了，我明白廚房既辛勞，我自己之前都係做飲食，可能因為咁，所以會嚴謹，我同隔離檯前後腳叫埋同一樣野，相比之下，我既份量係下午茶份量，差別好大。睇完呢篇文章，你地可以話我多餘，但我覺得，一間餐廳，吾係咁樣做，仲要係同一張檯，同一時間上菜，我望住我碟意粉，真心覺得似係食過先黎影相，雖然有芝士粉喺面

嗰日自己一個行街，行到肚餓就搵嘢食，間餐廳bookmark左好耐但係仲唔試過，所以就趁呢個機會試下。 食物，服務同環境冇上像中咁好，午餐時候都還好，但到下午茶時候見到有湯通粉同炒蛋 🤔，感覺上好似茶餐廳咁，但係咖啡都真係做得唔錯... 嗰日食左個午餐有蕃茄忌廉湯，飲得出係用茄膏開出嚟嘅，主菜肉丸意粉做得唔錯，挽回唔少分數嘅，到最後餐飲吖咖啡，就係全餐最好嘅部分啦～可能嗰日係星期日下晏，翻枱都算快，本來想坐耐少少睇下書都已經唔好意思（雖然佢地冇講明用餐時間）...

我同仔仔好中意食pizza....試過呢間餐廳既pizza已經唔再去其他餐廳了🤩佢既pizza有6件，得一個size,味道都係大約六款左右，不過佢係即烤的，煙煙銀銀好好味。另外試左牛扒，估唔到好入味肉質好軟，有洒店級數！而意粉有好多款式，都好好味😍我最鐘意係傳d咖啡，有好多選擇，好香濃，其實我係飲開奶茶的，但每次嚟呢間餐廳嘅時候，我都會選擇飲咖啡😀至於食物份量方面都OK，雖然價錢略貴少少，但味道質素，餐廳環境，服務員態度各樣我都好滿意。

有點驚喜能找到一間環境舒適有梳化坐既餐廳食個短暫下午茶（90分鐘），而且價錢貼地，餐廳內有經裝潢，可以讓食客在周末放鬆心情，聊個天。Walk in等侯時間近15分鐘算是可以接受，有興趣既可以預先用GULU 拎定位 。食物味道不過不失，唯其提供在瓶中既飲用水味道有點怪，有點像水喉水味道，飲了一口就已經放棄。我們叫了個卡邦尼意粉再加$12 羅宋湯。份量以下午茶以言都幾大份，女生未必能全部食完。加上醬汁濃稠，上面撒上的芝士粉加厚質感，有香口的味道但可惜未能做到既滑而薄的感覺，食落很有飽腹感。但以$56以言仍然都划算，可以一試。而甜點個雪糕窩夫就可圈可點，窩夫的蛋味不夠香濃，外層亦沒有很鬆脆，切下去會有一點點散落。朱古力雪糕既朱古力味不重，淡淡的，整體味道一般。不過賣相唔錯，影相女生打個卡還是可以。配上香蕉士多啤梨相對能提升食慾，不過其士多啤梨有點酸。

同閨蜜出黎食飯，一定要搵個坐得耐，坐得舒舒服服既地方，呢間野做到，同埋位與位之間唔會太近太密，聊得好釋放，唔怕嘈到人。不過食物我就覺得不過不失啦：【羽衣甘藍藜麥沙律】健康之選【芥末三文魚Pizza】脆脆薄批，較普通【小食併盤】好多款小食，件數多，蕃薯條甜甜的，金沙骨酸酸的，雞中翼咸咸的，包羅萬有咁【抺茶泡泡奶】抱著期待試下，黎到好靚架，好似Latte拉花咁，但係飲落就係奶，無咩驚喜

沙田物價 畢婁都好貴，好難得夜晚搵到間又環境好，又平，又唔洗點搵位既地方。夜晚八點幾其實都幾乎滿座，不過可能希爾頓中心人流比較少，所以泥到已經有位。一開餐牌，價位都非常大眾化，由四十到一百不等，而且食物既賣相同圖片既係一樣架！🍝即刻叫個意粉解下肚先🐒份量十足 ! 另外仲叫咗個肉醬意粉同一杯熱奶茶，兩樣嘅感覺都好似食緊大家樂嘅餐飲，所以比我感覺就好似連鎖式集團咁。不過野飲就有d伏，叫左杯焦糖泡奶，講唔出咩感覺，但真係處理唔到😂

喺希爾頓行完傢俬舖，想搵間坐得舒服啲嘅餐廳傾吓計，記得之前已經見過呢間Cafeholic，今日終於有機會試吓下午茶供應時間係2:30-6:00，我哋五點幾入座，有得試佢哋個下午茶餐。下午茶餐嘅選擇都幾多，有甜品、沙律、意粉等，仲可以加湯同埋包嘢飲。我哋叫咗個雞肉醬扁意粉，卡邦尼煙肉忌廉意粉，同士多啤梨雲呢拿雪糕窩夫食物賣相同味道都比預期中好雞肉意粉的茄汁甜甜哋，好開胃。窩夫亦都達到預期。總括來講，都係一間性價比高嘅餐廳。想食得平平哋又坐得舒服，Cafeholic 係幾好嘅選擇

第一次光顧位於希爾頓中心的Cafeholic 的早餐。看過門外的餐牌，找到我們想吃的款色，便決定入內。一進入了店內，便看見木地板和櫃，再看看其他的陳列和擺設，確能給人有一種家的感覺，坐得舒服。鮮奶燕麥、煎雙蛋配厚多士配熱咖啡 ($34)感覺上是一個健康的選擇。鮮奶燕麥保持了燕麥的原味，不需加糖亦容易入口，吃起來還是滑滑的！加了黑胡椒和鹽的煎熟蛋更為美味。個人認為多士一定要配牛油才好吃呢！香煎雞扒煎雙蛋配厚多士配熱檸檬茶 ($40)雞扒煎得恰到好處，味道尚可。煎熟蛋配鹽和黑胡椒來吃確實能增添味道。這裏的多士不算太厚，一整塊牛油似乎多了些。熱檸茶味道一般。離開Cafeholic的時候被門口的餅柜吸引了，他日有機會便可試試此店的千層蛋糕。

朋友係沙田呢頭比左一堆cafe我就揀左呢間初頭諗住都係普通cafe但係佢個一口牛配芝麻醬意外地又幾好食喎有牛味又唔會un個卡邦尼意粉好正常窩夫好靚!味道都唔差不過好淋，唔建議叫我同我個fd當日坐左2，3個鐘都冇趕我地走除左食物服務都好抵讚

剛好經過黎左呢度食下午茶，星期六下午都近乎滿座，點左個雞肉醬扁意粉，熱檸茶，好少餐廳會有意粉或扁意粉簡，意粉煮得唔錯，有咬勁，個汁都非常均衡咁佈滿每條意粉，個雞肉醬都有啲雞肉，個汁基本上難道唔高，但口味適中，不會太咸太淡，算係做得不錯既。原本檸茶無咩得別，但飲得出個茶底有啲講究，有種獨特茶香。朋友點左咖啡，試左一啖，真係唔錯，溝豆出來效果都有獨特香味。唯獨衛生方面有點不滿，首先意粉碟應該出菜前要抹碟邊吧，但意粉上菜時邊位好多汁，仲有手印，點都會扣印象分，另外發現地下竟然有舊薯容，仲俾我踩中左，跣左一下，但店員完全唔幫手，印象分扣到貼晒地了，食物再好都要再諗諗有無下次。

喺沙田區諗食乜早餐都諗到悶，成日食都係啲連鎖店，今朝唔趕時間，就決定行遠少少食新野cafeholic,10：30餐廳人數不算多，一個人成功坐到4人台卡位，叫左蟹柳炒蛋蕃茄通，湯底帶酸但蕃茄味濃，非常優質，蟹柳都唔係hea貨，完全唔粉，餐飲奶茶都係中上既品質，只可惜跟餐冇多士，少少美中不足，但總括黎講都係好滿意😋😋好味道

咁岩黎到沙田行街，行到攰一攰，當然要搵啲野食醫下肚！沙田無論幾時都咁多人，要搵間餐廳坐低食野真係唔容易😫去到冇咁多人既希爾頓中心，發現左一間西餐廳，下午茶款式都多而且價錢都唔貴最重要唔要點等位，就衝左入去坐低了😂入到去睇睇menu，揀左個卡邦尼意粉，煙三文魚碎蛋沙律·吞拿魚班尼迪蛋同埋一個士多啤梨雪糕窩夫！卡邦尼意粉好多汁，每條意粉都充滿芝士汁，好creamy，不過食得太多會好濟！班尼迪蛋有2款，一個煙三文魚沙律，一個吞拿魚蛋！一次過可以試晒2個口味，正！而窩夫就有啲普通，比較淋！面頭有雲呢拿雪糕同幾粒士多啤梨，士多啤梨比較酸！整體黎講環境同野食都ok!

今日忙著買聖誕礼物比小朋友，來過快吃有質素午餐。点了黑松露白汁蝦意粉,蒜香雞翼，烟三文魚芝士薄餅。蒜香雞翼味道夠，配沙律菜和柚子醋。芥末三文魚pizza 餅底夠脆，三文魚好大片，抵食黑松露非常多。