Cafe REVOL

營業中

休息中

📍 Cafe REVOL(佐敦)Jordon個日做少少野就去咗附近一間cafe 叫左兩個比較healthy 嘅野食。Yama 清新田園Yama Garden Deluxe-$138佢裏面有嘅嘢都幾豐富，牛油果蟹肉醬蟹肉份量都幾多，牛油果仲有少少口感，我比較鍾意呢個嘅texture，烤veggies 有三色椒，青瓜，西蘭花同椰菜花，每款都烤得好香，西蘭花同椰菜花都好爽口，我私心鐘意三色椒，因為烤過嘅勁清甜🥹，雞胸都有5大塊，調味用芥末醬，雞胸唔柴都算幾滑，而雜莓多士都外脆內軟，果味好香，配上果醬同cream cheese食係不敗之作，佢仲有quinoa係酸酸甜甜咁好開胃，炒蛋勁黃！蛋香都好夠推介指數:8.5/10精選早餐REVOL Special breakfast -$108(smoked salmon)整體同上面差唔多，我講啲上面無嘅！佢個smoked salmon 有兩大塊整成一個玫瑰，煙熏味都好夠，水果乳酪上面有啲berries然後有啲granola 去增加口感，yogurt用左plain yogurt 整體配搭幾好👍🏻推介指數:8/10回購指數: 4/5服務態度: 4/5環境指

自19年起認識的店，隔一陣子就會再來，還有想念這裡的ᴄᴀʀʙᴏɴᴀʀᴀ。這裏的ᴄᴀʀʙᴏɴᴀʀᴀ ，其中最吸引人當然是那隻橙黃色的蘭王蛋，加上香脆的煙肉，味道特別濃厚，汁加入了芝士煮，相對濃郁杰身。今次到訪唯獨略感麵身較硬，但味道依舊很好。特色咖啡都有不少，隨意點了杯有肉桂的，嗯…味道挺特別。後來聞說肉桂真的可以解宿醉!? 下次宿醉時可以再來試試看😆 沒醉時試別的😛。ʀᴇᴠᴏʟ ᴄᴀʀʙᴏɴᴀʀᴀ $128。ʜᴀʙɢᴏᴠᴇʀ ᴄᴜᴇ 宿醉 $48另外一提，很喜歡這店位於的街道氛圍，恬靜舒適，大門還有一棵超美的大樹，很有生氣的感覺。

難得放假去食野，去到鋪頭滿座，當時有一個女仔係鋪頭入面等位，我地都自自然然係鋪頭入面排隊等位，我地兩個人，但係個女侍應就要求我地一定要係鋪頭出面等位，當時係38度嘅高溫，我問，唔好意思我地可唔可以係入面等？出面真係好熱。結果個女侍應話：你地企係度會阻住。首先：鋪頭其實Corner位置其實唔細，企多3-4個人絕對係綽綽有餘，堅持叫客人係38度高溫下等位，絕對十分唔合理。第二，如果真係會阻住，點解我地前面嘅女仔就可以企係鋪頭入面等？如果真係會阻住，大家都應該公平對待。最後我地都係即刻走，我地唔想助長香港呢啲絕對唔可以被接受的態度。唔係要求你當顧客係上帝，但係基本禮貌一定要有。香港人絕對deserve一個更好得服務態度。都唔建議大家貼錢買難受。

之前見過唔少Foodie大讚Cafe Revol嘅卡邦尼意粉，話係全香港最正宗咁話喎！今次就等我哋嚟試下係咪真係咁好食啦！.Revol Spaghetti Carbonara Revol 卡邦尼煙肉意粉 $122隻生蛋黃點解咁黃嘅? 皆因Cafe Revol全部蛋料理都採用新紀元卵．曉，新紀元卵．曉達日本頂級雞蛋質素，蛋味濃郁，稠度亦高於一般雞蛋。咁點解Cafe Revol嘅卡邦尼意粉咁正宗呢? 就係因為佢地完全無加任何忌廉、牛奶去製作依個卡邦尼意粉。而且煙肉都用咗兩種，分別係風乾豬頰肉同厚切煙肉，前者煎到脆卜卜，後者就留有油脂香，令我諗起NUTMAD嘅煙薰豬豬卡邦尼都係同樣做法，兩間餐廳嘅卡邦尼意粉同樣都係咁好味!.Shredded Beef Cheek Bulgogi Egg Benedict, Espresso Toffee Hollandaise韓式醬燒手撕牛頰肉班尼迪蛋、咖啡拖肥荷蘭醬 $138另外👨🏽就叫咗依份手撕牛頰肉多士配班尼迪蛋，兩隻蛋黃嬌嫩欲滴咁，好完美。手撕牛頰肉用韓式醬汁煮過，甜甜地，同埋蛋汁撈埋一齊食好嫩滑。咖啡拖肥荷蘭醬亦都幾特別，唔會話好似真正咖啡咁苦澀或

➲ 佐敦 Cafe REVOL➳ 𝐑𝐞𝐯𝐨𝐥 𝐒𝐩𝐚𝐠𝐡𝐞𝐭𝐭𝐢 𝐂𝐚𝐫𝐛𝐨𝐧𝐚𝐫𝐚 ⁽⁸/¹⁰⁾ 粒蛋好得意，忌廉味唔會太搶，但意粉硬咗少少。➳ 𝐇𝐨𝐣𝐢𝐜𝐡𝐚 𝐋𝐚𝐭𝐭𝐞 ⁽⁷/¹⁰⁾焙茶奶度重，唔夠濃，但拉花完美取勝。⤵ 佐敦德成街4-16號富裕臺地下5號舖

前排成日見到好多人都紛紛介紹呢間咖啡店嘅卡邦尼意粉🍝身為卡邦尼意粉嘅粉絲當然要去食下啦！去到Cafe發覺原來之前有去過只不過係食佢嘅全日早餐，卡邦尼意粉上面有一隻雞蛋，而配料有五花肉，煙肉同埋洋蔥🧅本身以為佢嘅蛋味會好重點知係原來芝士味係比較重，整體還不錯！

呢間café已經bookmark左近2年，而家終於有機會一試。星期六café full house，都要等成半小時先有位。等既時候欣賞下門面裝潢，先發現revol係咩意思XD而男朋友就留意到佢既大門係80年代款，好有特色。 2個人嗌左2個main+1杯野飲： 呢款all day breakfast簡直係健人之選，有烤蔬菜、雞胸、炒蛋、quinoa、avocado crab meat sauce、果仁多士，全部都係superfood！最中意佢個雞胸，醃得好好味又嫩滑，食完都唔覺有罪惡感~ 個意粉極出色，個大地魚蝦子醬好濃好邪惡，令人不自覺食哂成碟（最後男朋友比PT話），配菜蘆筍同乾茄好match！ 好濃郁既hojicha~飲到最後都唔會淡哂 JENGGG!! 下次想再試下其他dishes!! 同埋好中意呢條街，個vibe好正，好多棵大樹☀️會再黎!!

Cafe主要係工業風裝修為主，唔係有好多位置但係有一張長枱可以容納好多人。呢一間Cafe最主要係佢嘅卡邦尼意粉同埋全日早餐！首先，卡邦尼意粉近排係好出名嘅，蛋味好重係我鍾意嘅類型！全日早餐同平時嘅有所不同除咗蛋腸仔煙肉等等之外仲有乳酪，呢一個係我叫呢個食物嘅原因🫡

8點鐘叫醒我話帶我食早餐🫠心諗如果帶我食火腿通就🔪🪚⛏.去到門口係我好耐無去坐過既cafe🥹因為唔飲得咖啡/茶，所以cafe癮都收埋左🥹見埋早餐個樣，內心直頭撲滅左👦🏻打爛我隻LC碟既怒火🤣🤣🤣·✨Revol精選早餐（$102）好吸引🤤鐘意呢份早餐！燒牛肉唔會太咸肉質唔鞋、水果乳酪杯酸酸甜甜、炒蛋係日本蛋（加分😙）、烤麵包微暖搽埋cream cheese 大愛、藜麥俾左👦🏻食😂😂總結全部都好味😋·🐷豬柳炒蛋英式漢堡（$70）以為係豬柳扒，但我更愛呢種唔係醃製食物既新鮮豬柳！麵包鬆軟，炒蛋100分👍🏻yum yum·🥛熱鮮奶（$35）原來有鮮奶飲🥹好caring🫶🏻仲有好有心思灑上少少朱古力粉.100分呀🫶🏻·🍵抹茶鮮奶（$50）👦🏻點既例牌matcha latte🤣·✨原來咁早黎係因為👦🏻覺得坐門口位望街境食早餐好chill好放鬆！但我地去到已經有人坐左🥹唔緊要，會再黎😆😆呢間cafe爆分🫶🏻·📍Cafe Revol佐敦德成街4-16號富裕臺地下5號鋪

有日路過佐敦, 去左間之前去過嘅cafe,去食下佢地嘅酸種麵包. 回想返,都有大半年無翻兜返呢間cafe. 最主要係因為佢地收6:00所以要就啱時間先可以食到. 餐廳係工業風嘅裝修, 樓底高, 感覺唔焗促. 可以好舒服咁傾到計. 手沖咖啡用埃塞俄比亞嘅咖啡豆, 即場係面前磨. 咖啡師應該係特登用咗唔太熱嘅水去沖製,出到黎杯咖啡有花香同果香,有層次, 個回甘味有淡淡嘅莓嘅味道. 酸度平衡得好好. 喜愛度(5分為滿分):4.5Dirty香,濃,滑. 味道帶點朱古力味. 個奶味平衡亦都做得相當出色.喜愛度(5分為滿分):4牛油果炒蛋配酸麵包呢間cafe 其中一個賣點係佢地用嘅雞蛋都係日本空運到港嘅"曉",上到檯就見到深黃色嘅滑蛋舖滿係半份多士上面, 蛋味香濃.好食. 靚嘅雞蛋真係唔需要過多嘅調味. 雖然看似簡單但要煮到個蛋質嫩滑, 就需要將嗰火候控制得好好. 呢到值得加分. 另一半就係牛油果. 牛油果啱啱好熟, 上面淋左少少黑醋醬配甜椒粉調味. 感覺清新. 夾埋個好有彈性嘅酸麵包一齊食,一邊炒滑蛋,一邊牛油果. 兩種味道. 十分完美.喜愛度(5分為滿分):4.5牛油果蟹肉車里茄伴多士真係好

每次經過佐敦見到超多超可愛的cafe 都想要進去看看Cafe Revol 在一條很安靜的小街上 這裡的門把是咖啡機的一部分門口設計很美- 碎蛋沙律番茄新鮮萵苣牛角包- picollo latte 配oatmilk-牛油果三文魚牛角包- 瀑布摩卡朱古力咖啡會回訪

唔知去邊就搵下cafe坐下，見咁多人都話好食先過黎試下，點知令我非常失望。卡邦尼：見個個都話卡邦尼好食就試下，唔知我黑仔定本身一直係咁，意粉未完全煮透咬到入去有輕微粉粉地，不過d汁都好味 煙肉煎得唔錯口感脆脆地又唔太咸。Latte：對比好多cafe都算ok，算幾香濃，不過個人認為酸度稍為偏高左d冇咁酸會比較平衡。總結：唔知會唔會再黎，黎都唔敢再試卡邦尼 意粉實在太難食服務態度又差，人多轉位唔係問題，但語氣同支體語言好唔友善！

唔知係漏咗單定係點，我哋只係叫咗一個bagel一個muffin同埋兩杯latte，完全係唔係好需要製作嘅嘢食，等咗我哋半個鐘。之後仲要俾我哋見到後我哋兩三張單嘅枱，都係叫咗granola yogurt，係會一齊上，係正正俾我哋見到廚房連續出咗三四個。啲員工又黑口黑面，已經好客氣，問佢係唔係漏咗單，一句唔好意思都冇講，完全係趕客。個muffin係好食嘅，不過個bagel就唔值$42囉，咖啡就正常發揮。

女朋友聽朋友講話 CafeREVOL既卡邦尼意粉好正，我會鐘意食，今日就同我去左Café Revol 食個Lunch。去到見到係工業風裝修，地方唔算好大但係好乾淨整潔，好在我地早去唔駛等位就入到去。世一Revol 卡邦尼煙肉意粉叫佢世一真係一D都唔誇張，首先黎到見到個賣相已經流晒口水，蛋方面應該都係用”曉”蛋，出邊一盒曉蛋成50幾蚊一盒，呢度用曉真係誠意十足。芝士味好夠，煙肉唔會好鹹，味道平衡啱啱好，份量都好足夠，誠意推介。煙肉蛋酸種面包Brunch有菜有肉，平衝返只係得肉既油膩感，薯仔上有鹽，帶出薯仔香味。煙肉唔係平日薄薄既煙肉，好有口感，好鐘意食呢款煙肉。Latte手沖咖啡，奶同咖啡中和左個苦味，冇酸味，好飲。Tonic Fresh Lemon Ade女友好鐘意飲酸野，呢個飲完個人好清新，成杯野好有檸檬香味，又唔會太多冰，賣相好有夏日感覺。希望下次可以再去試下個全日早餐。

Cafe REVOL位於佐敦區，餐廳大約可以位30人，裝潢設計以工業風為主，兩人枱比較細小，一杯coffee，一碟主菜已經好逼夾完完不夠放。半自助形式要先付現金（個人覺得埋單只可以現金付款，比較不方便）然後自取你的餐具，連水都係自斟自飲，無人問津理睬。餐廳最多人讚揚是咖啡最出名，尤次是卡邦尼煙肉意粉。爱丁堡農舍 HKD138紐綸堡及芝士佳士拿香腸、炒豬腩肉、煙肉、館苟、烧著茄、炒雜菌、薯蓉、青豆蓉、香滑炒蛋豐盛材料十足，味道清淡。雜菌好JUICY，菇味好重好好食。腸仔有3款煎得好JUICY，除了芝士味可入口，其餘兩款好難食。玫瑰鲜奶咖啡 HKD45咖啡香濃，陣陣玫瑰花香味，泡沫細滑好好渴。