Cafe Joo

營業中

休息中

吾知道原來系狗友善餐廳今日初四，搵老友gathering吹水，老友搵左哩間韓國餐廳tea。位置系商場比較偏的地方，餐廳窄長，好在旁邊是落地窗，所以都舒服。坐低就話限時一個小時，雖然最後我地坐三個鐘都無加錢，但心理吾舒服。另外原來哩間餐廳室外系狗友善餐廳，本來無所謂，但狗隻經過餐廳入口才到戶外，傾傾下突然後面有狗吠聲嚇親，可能考慮一下室外門口位置。食物價錢比較高，尤其是無下午茶餐—鍋夫得三小塊，但好香好鬆—雪糕正常—咖啡有拉花，幾香。

平日放假去沙田新城市廣場，人流確實少好多。所以今次不用排隊，便試一下位於沙田新城市廣場一期一樓的cafe joo 。 店內裝修清新簡約，坐得很舒適，加上平日人流不多，無需等位，趁機會和朋友食個lunch 。當日叫了兩個lunch set ，當中有餐湯，主食，和飲品 。 lunch set,可以選擇當日餐湯或沙律，我點了南瓜湯，卡邦尼意粉，和cafe latte 。朋友點了香煎帶子意粉 。 跟餐加$18 可以有一件柚子芝士蛋糕 。我喜歡在天氣凍時喝熱飲，所以這裡的南瓜餐湯，意粉也比煮得比較熱 。卡邦尼意粉的煙肉不會過度乾硬，味道剛好 。另外這裡的香煎帶子意粉，當中帶子不會過熟，因為有很多餐廳煮得過熟而影響了帶子的質感，這裡煎得剛好，而且賣相不錯 。另一個驚喜是，這裏跟餐的Cafe latte不用額外加錢，而且咖啡杯碟也很特別 。總括來說，lunch set價錢不會太貴，而且環境舒適，值得推薦 。

食過嗰間Cafe Joo嘅午餐，梗係要講吓心得啦！一落座，就點咗個latte同日餐湯，先講湯啊，粟米湯真係滑到彈牙，啖啖精華咁。至於咖啡啊，外觀靚仔到爆燈，不過呢，揼咗脫脂奶，味道就變得有點失色，愉快指數跌咗班。☕牛油果忌廉芝士烤窩夫牛角包只係okok，窩夫牛角包本身口感唔錯，但配搭就冇想像中震撼。再試嗰杯薄荷朱古力咖啡就真係不錯，提提神，做午後飲品實在唔錯。午餐組合份量啱啱好，輕食控會鍾意。嚟到Cafe Joo，最令我驚喜嘅係咩？就係嗰八爪魚沙律嘅新鮮感，加入嘅柑橘爽口得嚟唔輸濟州味。香煎帶子呢，就真係要比個like👍，外皮香脆，入面鮮嫩得嚟，掛汁嘅忌廉芝士汁會令人一試難忘。唯獨檸檬味似乎跑單幫，少咗哩個酸香就更完美。轉頭再食啲嘢輕鬆啲，嚟個韓式脆辣雞翼。配嘅三款醬汁各有特色，我嗌咗個甜辣款，勁辣得黎又惹味，辣到我差啲流眼淚，好正！如果唔食辣，就真係要揀另外兩款喇。感受嗰陣，真係夠哂本土風情，幾有味！總結，Cafe Joo既唔會令人太驚喜，但消閒飲嘢食吓小食，都算過得去。尤其如果你唔介意試下啲辣一點嘅嘢，咁嚟呢度就唔算失望。下次想搵間無壓力，又有啲小新鮮嘅地方，記住嚟過呢度坐坐啦！🌟

Cafe Joo 係一間韓式餐廳，但特別的是主廚運用韓式醬料及食材混入意粉、意大利飯等等西式食物，造成一道道美味嘅fusion菜餐廳走木系風格，設有戶外地方可以同狗狗一齊坐，仲有寵物餐牌提供🤩 方便愛狗人士同主子一齊用餐！韓國炸雞 半隻 $118🖤黑白配⚪️揀咗醬油汁，炸雞炸得香脆，咬落有肉汁醬油汁甜甜的，同炸雞好夾可以選汁另上，跟個人口味隨意點炸韓式紫菜牛肉飯卷 $88紫菜外層嘅炸粉被炸到脆卜卜，飯仲係微暖雖然牛肉嘅份量唔算好多，不過牛肉味好出，好食!濟州島炒八爪魚配墨魚汁闊條麵 $158每條麵都cover到墨魚汁，好香墨魚🦑味不過八爪魚有少少過靭，另外有一碟凍嘅泡菜味八爪魚，辣辣地幾開胃🤤棉花糖黑朱古力咖啡 $45賣相吸晴，飲落有黑朱古力🍫嘅苦澀味，如果平時鍾意食黑朱古力嘅朋友應該會幾鍾意

沙田寵物友善韓式餐廳介紹 - Cafe Joo呢日CK同女朋友係沙田睇完聖誕燈飾打完卡肚仔餓，就去左新城市廣場一間韓式餐廳醫肚。Cafe Joo室內環境以淺色木紋為主，配合柔和燈光，環境舒適簡樸，另外更設置一大片落地窗，採光十足。所有食物飲品都係透過店員提供既二維碼用手機落單，夠哂方便Cafe Joo係LUBUDS旗下首間韓式餐廳，由本地著名西廚精心策劃新派韓食菜單，利用香口惹味的韓式醬料與食材烹煮意粉及意大利飯等意式佳餚，並呈獻多款韓式料理，例如炸韓式紫菜飯卷、韓國炸雞、濟州島炒八爪魚配墨魚汁意粉、韓式慢烤牛肋肉等，打造與別不同既Cafe形象。飲品有多款咖啡、鮮果特飲、養生茶等，滿足唔同客人既口味。 餐廳特設寵物的專屬餐牌，讓寵物在舒適的戶外用餐區享用健康和無添加的批類及蛋糕。戶外用餐區連接寬敞的露天寵物公園，客人可與心愛的寵物無憂無慮地吃喝玩樂。我地呢次食左澳洲和牛漢堡($128)同澳洲和牛焦糖洋蔥煙肉漢堡($148)，牛既肉質彈牙厚身，肉汁豐富，配上酸酸地既醬汁一齊食，非常開胃 ! 加上店員招呼都周到，下次黎沙田會再試埋炒雞Cafe Joo地址:新界沙田正街18號新城市廣場1期1

Pet friendly 嘅韓國餐廳係香港少之有少今次食左lunch setLunch set配是日餐湯/沙律 + 飲品沙律杯好有誠意 平時嘅沙律杯都係夾啲菜入杯再淋少少沙律醬上去呢到嘅沙律杯係預先將菜同沙律醬攪勻再放入杯 每條沙律菜都平均沾有沙律醬 好正😝然後主食揀左煙肉卡邦尼意粉一上枱已經聞到好香濃嘅煙肉味本身意粉偏乾吉穿半熟蛋撈勻後令成個汁都好creamy 唔會太多汁意粉就偏硬身 煙肉粒有焗過令質地厚身偏硬有咬口配以黑椒同芝士粉 令成個意粉咸香味濃我俾99分😙飲品升級做棉花糖黑朱古力咖啡微燒焦的棉花糖放係咖啡上面 再加上？檸檬葉嘅香草令杯咖啡加上半融棉花糖都唔會太膩 不過黑朱古力咖啡偏苦未必岩每個人口味Ps服務正常不過你一食完就會黎執野有種趕你走嘅感覺 價錢偏貴但係會想再黎試其他野食嘅餐廳😌

沙田好似好多野食，又好似無乜野食，行黎行去，經過呢間餐廳，見到環境好似唔錯，就膽粗粗入去試下。呢間係一間韓式餐廳，但個感覺好唔似傳統的韓式店。入到去都幾多位置，木系feel，都坐得幾舒服，坐位間有充裕的空間。布拉塔芝士蕃茄闊條麵好香好濃的蕃茄味，好 creamy 的芝士好濃密順滑，有一份奶香及芝士味，配搭一齊黎食，幾夾喎~韓式醃八爪魚醬汁好惹味，少少辣，八爪魚口感爽脆彈牙，整體不錯食物質素都幾唔錯，下次可以再試下其他野!

最近發現新城市廣場的餐廳變化了不少今天週末無意中經過這間韓式咖啡室，而且不用排隊，決定試試餐廳已我最喜歡的淺木色裝修，感覺溫暖及舒適，令我最驚喜的是座位是可以轉動的！而且這間餐廳有室內及室外位置，可以方便帶寵物的朋友餐廳主打韓式咖啡料理，有前菜小食、主菜漢堡、甜品等等，當然還有咖啡類飲品韓式脆辣雞翼（辣）這個是即叫即炸的，上菜時熱烘烘，而且炸得很爽脆，肉質鮮嫩，因為是單骨雞翼，如果炸粉薄一點會比較好鮮蝦牛油果沙律這個沙律有三種醬汁可以選擇，分別是蜜糖芥末醬、濟州蜜柑醋、芝麻醬油醋。我們揀選了蜜糖芥末醬，這碟沙律賣相吸引，而且份量也合適，材料也新鮮，唯獨是覺得醬汁偏酸，有一點蓋過食物的原味韓式大醬炒野菌闊條麵這是令我最驚喜的一道菜！沒想到他的野菌也包括了翠玉瓜，醬汁的味道加上野菌的尾部十分配搭醒胃，而且闊條麵的質感剛剛好彈牙爽口，我們二話不說就把這碟很快完成了😆整體來說，餐廳的食物質素不錯，見到有很多人叫他們的咖啡和甜品，下次可以來試試看

原本想試新餐廳，雖然餐廳不大，人手有點不足，要求水才拿給客人，添水也是要自己要求。自己用QR Code落單後，想問一下侍應落單情況，就回應係咁架啦。所以試一次就算了。

在新城市廣場睇戲，見戲院旁開了一間韓式餐廳，便試試。它裝修簡潔，木系為主，十分之型格。餐牌顯示有很多選擇，由小食、主菜、甜品及各式飲品，應用盡有。我見其甜品及咖啡很吸引，不過要趕去睇戲，還是留待下次吧！我們叫了一個小食韓式紫菜牛肉包飯及澳洲和牛漢堡，希望它能快快上桌，因我們只有30分鐘。紫菜包飯先上，樣子吸睛，它還附有千島醬汁，對於我這個醬料控，更是驚喜。味道方面，很有特色。它的外皮加了脆醬去輕度的炸，整個飯卷多了一層脆香及口感。由於飯不多，咬落啖啖餸，好味。只是牛肉及肉汁較少，味道不夠濃。👍🏻👍🏻它的漢堡包同樣吸睛，包頂還放了一條天婦羅青辣椒，可愛！它的牛肉極厚，十分juicy，咬落很香牛肉味，絕不死實，好味。青椒香脆又帶有少少清新甜味，不是一般的伴菜。薯條亦香脆，熱辣辣的，全部都好好味。😋😋😋Cafe Joo 值得一試再試，下次要試其甜品及咖啡。

今日諗住同狗狗過嚟玩，順便食吓嘢。上網見到有人話呢一間態度好差，本着食完就走嘅心態入咗嚟。見到嗰個俾人話態度唔好嘅戴眼鏡侍應，已經打定最壞打算。但係佢除咗陰聲細氣啲之外，態度非常良好。當然狗狗唔可以坐室內，佢都好好態度解釋。之後仲主動攞風扇俾我哋，又問我哋狗狗需唔需要水。所以最後感覺良好。嘢食方面，正常水平。可能因為係早餐，唔會覺得太特別。但可以帶住兩隻小魔怪喺商場裏面食嘢感覺好好。下次有機會再嚟。

我一入去冇人理 就行前左幾步搵人 想問有狗仔係咪要坐室外有個男職員 有眼鏡 見到企我後面嘅家人抱住個細狗仔就用一個欄住既手勢好冇禮貌咁指我地岀去話:有狗要坐岀面今日又熱又焗又落雨 唔緊要 規矩係咁 我預左不過啲態度真係唔得之後佢又走黎講點落單 又係面冇表情由於落雨 枱凳都濕既 冇幫手抹 ok 我自己搵紙巾抹冇過未食已經一肚氣 所以都係決定走拎返個餐牌出去比個男人 佢又係面無表情收返就算先唔理間餐廳嘅裝修 選擇 食物質素咁既態度真係趕客 希望餐廳負責任正視問題

特意去好多次、差不多將menu嘅嘢試過一遍先寫呢篇食評。個人認為menu上所有嘢都好岩口味，想食light d可以揀沙律或小食，想heavy少少亦都有意粉、gourmet burger，什至扒。飲品選擇又多，就算唔飲咖啡嘅人都好多選擇！有時撞啱時間會有Lunch Set or Dinner Set，價錢就相對抵食。甜品方面，推薦佢個牛角窩芙，好好食！個雪糕都好好味，真係冇得輸！平時諗唔到食咩都會過黎，如今成了飯堂😂雖然餐廳係QR code落單（其實更方便），不過service都幾好，員工友善👍🏻喜歡動物嘅人，黎到有機會見到附近有貓貓狗狗，人都開心啲❤️

沙田新開韓食Cafe, 環境舒適，幾好坐，適合打卡，🥢咖啡幾好，食物ok, 飯卷比較遜色。炸韓式紫菜飯卷$68濟州島炒八爪魚沙律$128濟州島炒八爪魚配墨魚汁意粉$158Espresso Tonic.$40👍

係沙田新城市廣場買完野，唔知食乜好，見到係好偏僻既位置，有間幾特別的韓式餐廳，去到既時候有唔少空位，用左木系裝橫，感覺幾特別但係舒服既。我唔太肚餓，只點左一個意粉及一杯橙汁卡邦尼意粉配煙肉及溫泉蛋，有濃郁既芝士香氣🧀，香脆既煙肉🥓，日本溫泉蛋🥚一切落去，蛋黃流出🤤，十分正！幾樣配合夾埋一切，真係好好食，值得一讚👍