Cafe Alley

營業中

休息中

第一次來是2019年11月，被這裡的牛油果鴨胸意粉驚艷到。之後來西貢行山都來過Cafe Alley幾次，咖啡好飲（還附上漂亮的拉花🥰🥰🥰），食物水準穩定。服務又好，但免加一。小店經營，你想一想，為了甚麼會艱苦經營？這些絕對是愛。街坊會來這裏買啡，我入西貢會回頭，這都是他們的成績表。希望這種充滿人情味的小店，能一直繼續下去。讓我們需要休息時，能有你們的美食充電🔋😆。

西貢好多西餐廳都幫襯過，今次揀咗呢間小店都有驚喜，之前睇咗網民食評後，試咗佢三樣食物，都好食😋👍最後order埋兩杯咖啡打卡☕️整個餐就好圓滿啦🥰🥳🥳食物用心製造，服務周到及細心，會主動添加水，雖然沒有+1服務費，但仍然友善招待👍會再來🥰

第一次黎既時候系lunch，個陣好多人，佢座位有限，印象中系2張4人枱，1張望窗既bar枱，出面好似仲有得坐，但天氣熱，我都吾想出去。Lunch個陣坐左bar枱，我系最後一枱黎，眼見廚師好似得一個。1:0X入座，等到1:40先有第一個餐，趕返工黎講，有D難系度食。但我食過佢個南瓜忌廉蟹肉意粉之後，真系一試忘返，屋企人黎西貢，叫我帶食，我都揀左尼間。 今次系晚上去，好似系5:30pm就去食，冇人都好正常。 其實對我黎講系仲好，因為上次等好耐，今次佢淨系serve我一枱就應該輕鬆D。到我走個陣都有多2枱了。對我黎講，南瓜忌廉蟹肉意粉系必叫，佢好creamy，又有一粒粒南瓜，做到我以前系italian tomato食既感覺!!! 屋企人嫌佢細份左D，其實我都覺，可能系好食，所以想食多Dxdd意式肉丸磨菇意粉系我第一次食，佢D肉丸有Ikea既味道，好好味。蕃茄汁都吾算太濃，我都好中意。明太子炸蝦意粉都好食，炸蝦比左3條，啱啱好夠分。系要預左有明太子就會略為鹹左D，但整體都好食!!雙重朱古力鬆餅 $28招牌雞翼4隻(香烤沙嗲) $48屋企人見意粉份量都吾算大，怕吾飽就叫多個雞翼同朱古力鬆餅做小食

今日同家姐去咗西貢一間夫妻檔cafe食嘢☺️☺️因為家姐一直都想推介我去呢間度食，因為佢之前食完念念不忘佢嘅雞翼同埋意粉😂😂佢話一定要帶我去食過就知幾好食👍🏻👍🏻👍🏻我叫咗白汁蘑菇煙肉意粉🩷🩷🩷🩷🩷呢個意粉真係食完之後覺得佢先係世一白汁蘑菇意粉👍🏻因為我平時喺出面食到啲意粉都係偏腍身，同埋冇咁爽。腍身嘅意粉可能掛汁比較多啲，但係佢呢個意粉勁有咬口之餘又爽，硬到啱啱好，又唔會太過腍身。重點係佢煮到每一條意粉都掛滿晒白汁👍🏻👍🏻再加埋佢啲煙肉炸完又炒香咗更加入味，同埋佢個蘑菇咬落都好多汁。份量就啱啱好夠胃口比較細嘅女仔食😂我呢啲太大食唔夠飽。香烤沙嗲雞翼🩷🩷🩷🩷🩷原本家姐想推薦我食另外一款招牌十里香，不過可能嗰日兩點先入到去已經賣晒，所以食吓呢款先。佢係偏向甜口嘅沙嗲醬雞翼，而且佢烤完勁多汁啲肉又滑唔會乾柴👍🏻真係想encore多一碟，但因為個全日早餐未上菜，所以食完睇吓夠唔夠飽再加單。全日早餐 🩷🩷🩷🩷呢個係一個飽肚必叫系列😂😂因為佢樣樣都有，不過就冇意粉咁驚動到我，佢個腸仔有少少香草味都幾好食，而且佢個煙肉係炸完再煎過，整得幾香口。加埋炒蛋、蕃茄仔、蘑菇粒、同埋茄汁豆，加沙律菜都幾夠飽，味

今日同老婆大人一齊閒逛西貢，問過大人好幾間入唔入去食，大人都無表示，直到呢間門口，大人好快話入去食。入到去有個女仔讓咗張2座位既Bar枱俾我地(感謝)🙂，有位好靚仔既侍應生(我真係認得你)好快清潔張枱後，我同大人就座底，位侍應生好快亦都好有禮貌🙂咁俾menu我地揀食物。因為唔太肚餓，只點了mix雞翼4隻(十里香+沙嗲，原本我只點十里香，位靚仔侍應介紹可以2+2，太好，可以試晒兩種味道)，還有白汁蘑菇煙肉意粉和熱朱古力(靚仔侍應好有心講返有大、小選擇，我選了大杯)。熱朱古力好快上枱，估唔到熱朱古力都咁有心思造出拉花😃，之後意粉到，味道很好，有少許黑椒味，提升了味覺效果，因為剛煮好夠熱，白汁不多也不會太漿。最後雞翼來了，外皮香脆，肉質夠嫩又juicy。環境雖然不大，但坐得好舒服，剛好Bar枱有幾個盆栽🪴點綴增加環境美感，亦都對住出面街，可以靜靜觀察街外百態。‘Tony’、‘無情’，下次再去西貢一定會搵你試埋其他餐點😄。

係西貢嘅小店，無太多嘅座位，係好舒適嘅cafe, 可以慢慢坐，傾下計，度過一個朝早❤️.🍳全日奄列 $98有煙肉奄列，牛角包🥐！牛角包細細件好脆口，再酥啲就更好💝🍝蒜味香草蜆肉意粉 $68好大陣蒜味好足料😍🥪西班牙火腿、牛油果、芝士三文治 $48呢個比想像中細份.餐點不過不失，舒適放鬆嘅環境好吸引到再訪💝仲有免加一，好抵食！老闆都好nice!.📍Cafe Alley (西貢)西貢西貢海傍街3號地舖

叫咗一個南瓜蟹肉意粉，佢係將南瓜同蟹肉blend咗出成醬汁煮意粉，好好食同好特別，佢係南瓜味同蟹肉味都好出，呢個必叫十里香雞翼好食，推薦，好食，係老闆獨家研發既十種香料整成既調味，佢入面都妹juicy，必食蜆肉意粉就正常發揮，意粉軟硬適中，呢個感覺清番少少，唔係好濃味，都幾多蜆肉奄列all day breakfast推薦，好食，佢薯餅好脆，牛角包係甜甜地唔錯，奄列正常發揮既，唔錯幾滑炸飯團幾特別，好脆，入面有少少肉海鮮飯既味，佢配咗個淡淡地既忌廉醬lemonade好飲真係好少位，可能要等一等但值得

假日閒時入西貢輕鬆下😀搵到呢間小店 高質得黎仲好有人情味❤️先講野食😋 大推All Day Breakfast 🍳 賣相唔錯 食落梗加係停唔到每一樣都好好好好好味👍🏻 必叫另外叫左個意粉 同樣出色Mocha 睇個樣都知得😋😋😋店員好親切 店內亦坐得舒服望住窗外真係可以坐足一日😚題外話 當日落住微微細雨 眼見門口有客人無帶遮店員竟送上長遮一把 叫客人用完先拎番店 人情味加晒分☺️☺️☺️總括嚟講 一定會encore ❤️❤️

揸車黎到西貢行下 行到海徬街有間cafe 店面比較細 但餐牌既野食好吸引 就試試佢吧⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️ 全日早餐 All Day Breakfast $98香腸 煙肉 炒蛋 蘑菇 蕃茄 薯餅 茄汁豆 迷你牛角包 沙律菜 好豐富呀 而且係即叫即做好新鮮 因為會見到店員即場煮 每樣食材都好香口 滿足哂唔同口味▪️ 南瓜忌廉蟹肉意大利麵 $88意粉好掛汁 食到有南瓜肉同埋蟹肉 每啖都好入味 而且意粉煮得剛好 唔會太硬太淋 可以試試▪️ 招牌雞翼4件（可選十里香，香烤沙嗲） $52我地試左唔同味 雞翼係新鮮焗熱辣辣 十里香有甜甜地既味道 而沙嗲味就非常惹味 小食非常滋味

《Cafe Alley》📍 西貢海傍街3號地舖呢間位於西貢嘅cafe雖然遠離鬧市但係都估唔到原來人都幾多😱，同埋個人覺得裡面嘅座位都偏少😣，所以如果要食就要早d去排定隊👍🏻‼️➖➖➖➖➖➖➖➖➖➖➖➖➖✨All Day Breadfast $98（8/10）裡面包括有香腸、煙肉、蕃茄、炒蛋、沙律菜、蘑菇、薯餅、茄汁豆、迷你牛角包🥐個人覺得佢嘅蛋幾滑🍳、薯餅都幾脆🤤，整體上食落去都唔錯，都幾大份👍🏻✨mocha 235mL$35 350mL$40 （8/10）飲落去唔會好苦，整體都好順滑，咖啡味都好清香😋✨latte 235mL $33 350mL $38同樣都係好順滑，咖啡味相對膠濃，奶味都好香🤩➖➖➖➖➖➖➖➖➖➖➖➖➖✨食物（8/10）✨環境（8/10）✨服務（9/10）

平時我爸爸媽媽每逢放假都好鐘意去西貢行下放鬆下，特別Cafe 又多，又近海邊環境食完可以行吓咁而除咗西頁大街嘅Cafe，靜少少、人流冇咁多嘅海傍街都有間唔錯嘅小店💛爸爸媽媽係常客，仲知老闆Eric同老闆娘係Angel，真係Feel 到佢哋成日嚟🤣爸爸話鍾意呢度氣氛好，同樣係小店，但就由兩位老闆親力親為佢哋成日都好好笑容🥰，感覺好溫馨，食物同咖啡又有心思👍作為客都會覺得特別親切～ 所以會成日回頭幫襯﹗南瓜忌㢘雞肉意大利麵 $88Menu上面特別提醒會有少量蟹碎， 鮮蟹肉味道鮮味，意粉份量夠 南瓜醬味道自然清甜蕃茄蘑菇茄子意大利粉 $78茄子擺得好整齊，煮得軟腍蕃茄嘅味道都係好自然，又唔會太淡或者太濃，啱啱好意式芝士配素菜飯團配酸忌廉 $48估唔到素菜飯團係炸的😂😂好得意，食落外層硬脆，口感超香口入面熱辣辣又好Creamy，食落仲會拉絲😍味道都好味﹗呢個真係比較少食到，完全唔似飯團🤣芒果椰子蛋糕 $42榛子朱古力蛋糕 $42兩件蛋糕係唔算好大件，但食得出味道濃郁特別係芒果味最怕假，佢呢度係好天然清新嗰種～唔會死甜另外朱古力蛋糕嘅榛子味都好出，雖然價錢嚟講，Size唔算好大，但味道係好味的，

小小的店鋪，內有大概十多個座位，離市中心有點距離，但環境舒適休閑；而食物因即叫即做，等待時間可能會比較長。全日奄列內有煙肉磨菇芝土奄列、薯餅、迷你牛角包、沙律菜及西班牙火腿，食物頗有水準。南瓜忌廉蟹肉意粉，內有大量蟹肉，忌廉香滑，但味道偏淡！美式咖啡，香濃有啡味，酸度不高。雖然整體水準未見突出，平平無奇，但價錢不算貴，有空經過，也不妨一試！Cafe Alley地址: 西貢海傍街3號地舖電話: 65636621

西貢自家製咖啡店☕️Cafe Alley @cafe_alley 西貢大街小巷中嘅寶藏café，嚟西貢嘅吃貨一定要支持 早餐正價餐牌（ 全天候冇套餐提供）人均：$100-$200時間：早上時段都多人排隊，店內位置較少，或需拎籌等候入座 ❤️大讚！招牌雞翼４件（十里香）$42店主自家研發十里香口味，好特別。我個人認為仲好食過土匪雞翼！如果去Cafe Alley 嘅話一定要試吓😋 🥐全日早餐 $88性價比高全日早餐，都算飽肚。欣賞佢個迷你牛角包，誠意十足。 🍝鮮牛油果鴨胸意大利麵 $73健康唔油膩，比出面其他café一般意粉份量大，又一推薦！ ☕️泡沫咖啡 (350ml) $37店主太有誠意啦，用格仔鋪上cappuccino，$37 但係一啲都唔hea！ Bible rating: 9/10📍地址：Cafe Alley (西貢)西貢海傍街3號地舖

二訪西貢呢間cafe，佢係位於大街盡頭嘅轉角位，小店大約有十幾個位，無太多花巧嘅打卡位～但最重要係兩次嘅食物好高水準，值得回訪！全日奄列［煙肉蘑菇芝士奄列/薯餅/迷你牛角包/沙律菜/西班牙火腿］擺盤好豐富好吸引！蛋皮柔軟唔乾，奄列切開入面芝士同忌廉好creamy，又唔會好漏，蘑菇亦好夾。伴碟嘅薯餅香脆，成碟都好好食。招牌雞翼 十里香口味唔夠喉又叫多份雞翼，好入味，香草味濃又熱辣辣，正常水準。Mocha店員知道我地想要棋盤格嘅拉花幫我哋轉，影相打卡超靚！同埋好飲一啲都唔酸，黑朱古力味香濃！

星期一西貢比想像中多人，難得呢間cafe靜靜哋，我哋揀坐室外窗口位(好彩係第一臺客人 之後陸續有客人🤓）唔要茄汁豆 番茄，其他嘢份量加咗少少，熱辣辣 正牛油果鴨胸意粉很特別，意粉好味😋沙嗲烤雞翼好juicy 必點！百香果疏打特飲可以少甜呢間可以encoreP.S. 服務態度nice