Burgerman (埃華街)

營業中

休息中

BURGER相信係好多人嘅最愛，總會係不經意嘅時間突然有條癮好想食。又一係個只想出去飲杯咖啡嘅日子我遇到哩間BURGER😆 。🍟 招牌芝士漢堡配肉醬薯條 $98芝士漢堡哩個經典組合幾時都係我嘅最愛。漢堡包有微微焗過變得脆身，有更想麥味。😍 漢堡又夠厚身多汁，牛味香濃。配上新鮮蔬菜，解膩得來又增加口感。而肉醬薯條更唔洗多講，薯條粗身大條夠曬脆，淡淡嘅薯香味更引起人嘅食慾，配上微酸嘅肉醬更添風味。😋😋🍍燒菠雞腿漢堡配薯格 $88麵包一如嘅住嘅脆身。但燒菠蘿真係值得一讚，燒菠蘿只用鐵板輕輕燙過，將菠蘿味帶出同時保持濕潤口感。雞腿外皮香脆而肉質更加鮮嫩多汁，一啖咬落去真係會食到隻手斬濕曬架。🤪 薯格相對黎講比較普通，但仍是正常水準，即叫即炸絕不馬虎。#大角咀美食 #伏遊大角咀 📍Burgerman (大角咀)大角咀埃華街95-97號地下

食完早午餐…換件衫落clubhouse做完運動消耗哂電力！又見餓想快快脆醫肚咁食乜好呢？就食🍔🍟🥤啦！！. 和牛漢堡 Waygu Burger店之推薦！草飼120日嘅香煎和牛！入囗即溶！配埋日式培燒芝麻醬＋意大利寶伐朗芝士！果然食得出有質素🌟另加配咗洋蔥圈…件件卜卜脆加倍滋味！！. 招牌芝士漢堡 Classic Cheese Burger自家手打牛肉好有咬口！加埋半溶味濃嘅車打芝士！簡簡單單經典滋味👍👍仲加咗好有口感嘅有皮薯條！食落比普通薯條更有咬口！！

餐廳裝修黑黑啲，燈光曖昧，高腳蹬座位，好適合情侶約會。😏食物適合各類人士選擇，有牛，雞，海鮮，素食漢堡；還有小食同飲品。我今日外賣叫左推薦款漢堡，至尊漢堡。單睇圖片都好有食慾。有雙層牛肉，加埋各類蔬菜配料疊得好高身，一級嘅視覺享受。😲漢堡包皮，烤成金黃色，外脆內軟，撒些芝麻點綴，美觀又好食。重點牛肉好厚身，肉汁豐富，牛肉味濃郁。配料又多款，臘肉，雞蛋，芝士疊加，鹹度適中；番茄生菜沙律醬，增加濕潤感又解膩。價錢適中，值得一試。

今日去左一間位於大角咀埃華街既漢堡包店，叫做Burgerman，點左兩個漢堡包🍔，分別係98蚊既鹿兒島豚肉漢堡同埋68蚊既燒菠蘿雞腿漢堡，我仲加左33蚊，叫左炸蕃薯條🍟同埋一罐可樂添！鹿兒島豚肉漢堡入面件豚肉好多肉汁，配搭車打芝士同埋煙肉，口感一流！值得注意既係塊麵包皮唔淋！另外燒菠蘿雞腿漢堡都係好食之選，果塊炸雞非常之脆口，不過今次冇得配搭蜜糖芥末醬，轉左車打芝士，但都依然唔錯！至於炸蕃薯條好脆，因本身蕃帶甜味，唔洗沾茄醬都可以！

好似都有好一段時間無踏入大角咀啦！！！呢日出開黎上堂之後就諗住行個圈先返去行行下竟然撞到舊同事，我地就隨意入左黎坐低，打算食d野咁聚下舊由於我同佢都食左luncg，所以都唔係好食得落burger，反而想食d小食同香口野所以我地嗌左一份“炸薯格”HKd$32同“脆炸特製蕃薯條”HKd$38兩款炸物都係即叫即炸架！！！！！薯格表層已有輕輕既調味，每塊都大大片，好完整食落香脆惹味炸蕃薯條係呈幼身條狀外層有一層薄薄既粉漿包著，所以食落份外香脆，仲有蕃薯天然既香甜味道添不論係綠茶定椰青水都好清新解膩

📍 Burgerman (大角咀)上個星期六去開大角咀 原來大角咀都好多嘢食😍無意中發現到呢一間快餐小店😚咁啱想食漢堡包就入咗去試吓😆自己一個人叫咗一個餐🤭份量都好夠 自己一個人食唔晒🤣-漁夫之堡 $63小編我平時都幾鍾意食魚 所以就揀咗有炸魚嘅漢堡包🍔我另外再加多左$33配返薯條同埋嘢飲🧃佢哋嘅漢堡包係即叫即整嘅 所以等咗一陣就有熱辣辣嘅漢堡包同埋番薯條食🥰漢堡包包體食落去嗰邊好脆 咬落鬆軟🤩中間夾住塊炸魚、蕃茄、生菜等等食落去鹹鹹酸酸 外脆內軟🤤番薯條食落去都好甜💛 同埋都幾大條 外脆內軟🤤總結：餐廳食物質素唔錯🥰幾好味🤤店嘅地方唔大 餐廳環境都整潔企理👍🏻-附上餐廳嘅餐牌👇🏻

Would you like a burger?呢間小店都幾旺場！其實我好鐘意食burger😝😝鹿兒島豚肉漢堡 （$98）係豚肉配車打芝士☺️同埋煙肉🙌🏾佢係好厚的肉餅咁 超juicy d 汁流唒出黎！ 最喜愛佢d cheese 🤪🤪 仲有個皮好脆☺️☺️燒菠蘿雞腿漢堡 （$68）店員話平時係配蜜糖芥辣醬架 不過未番貨就冇緣試啦🤭就加左車打芝士 係大大塊炸雞排黎架！ 另外+$33 有炸番薯條同汽水🥤我鐘意個蕃薯🍠條😚😚 甜甜的又低卡路里d 🙌🏾🙌🏾Burgerman (大角咀)大角咀埃華街95-97號地下

哩間值得推介今晚即興約了組女食飯，見到門口已經好吸引，講講下發現大家都將哩間放咗入「想食」名單中🤣紅磚牆好有歷史玩味，高凳高台成個感覺好時尚，坐得都舒服！欣賞台上設有手套，讚！樣樣野都好好食！❤️highly recommend去試！❤️.和牛漢堡 $82 😋😋😋😋😋哇，咬落去爆汁，雖然帶晒手套，啲肉汁都流晒出黎～入口即溶，第一次食漢堡係配炸洋蔥絲，再加provolone cheese，哩隻芝士我食到！成個包好好味！.燒菠蘿雞腿漢堡 $68 😋😋😋😋😋個雞炸得好好，又大件，醬多，配車打芝士，夾埋整體好豐富，睇圖三，係咪好震撼！.跟餐 $20我哋兩個都跟餐，配油皮薯條和薯格兩份食，另加$5配烏龍茶、椰青水，兩樣新鮮炸，薯格更勝一籌，炸得好香脆帶點辣，店員推介佢地的自家製辣醬（圖五），好食呀！係咁點醬！.

約左朋友來到大角嘴happy hour, 唔想食正餐又想有個地方chill, 我就揀左食burger。呢度有間出名的burger shop 叫burgerman , 平時鍾意食開burger的，也是burgerman 的常客。來到當然點個burger餐啦，點一個丹麥🇩🇰藍芝士漢堡🍔，係我最鍾意的藍芝士，味道夠曬濃郁，有人會覺得臭臭地，但正正夠臭先係正宗藍芝士精髓，加薯格同汽水，都係$100到，另外再點了一份吉列黃金炸蝦🍤，啱曬邊傾計邊食，夠曬chill。朋友話怕肥，又做開運動，所以點了個燒雞青蘋果沙拉🥗，健康得來又好味，燒雞新鮮出爐也是香噴噴的，沙拉份量也多，有菜有肉，夠曬balance。呢度環境也像外國的漢堡店，傾下計感受下外國氣氛最好不過，下午茶時分人也少，啱曬傾計tea一tea。

👧🏻Wodafoodie in Tai Kok Tsui次次黎食Burgerman 都揀水牛城雞肉今次試新野 估唔到有驚喜 好味！😍✨鵝肝和牛漢堡 $140令人難以抗拒既鵝肝煎得表面香脆，好厚身，入口即溶，滿口油香🤤🤤和牛好多汁肉質軟腍，配埋無花果黑醋汁，酸酸甜甜咁又真係中和到鵝肝既油膩感☺️唔係間間都有鵝肝食，呢到唔算貴又好食😋！👍🏻✨漁夫之堡 $63 套餐+$20 (有皮薯條，汽水)炸魚柳最怕食到乾爭爭既魚，佢炸得香脆之餘入面魚肉仲好滑☺️好鍾意佢個他他醬配埋炸魚柳好match 好好食😍套餐薯條好多呀！好邪惡🤣🤣✨煙燻燒烤雞中翼 $486隻雞翼先$48，有3種醬汁可以揀，我呢個BBQ汁酸酸地好滋味！😆📍 Burgerman (大角咀)大角咀埃華街95-97號地下

朋友約我食好西。今次黎到呢間大角咀嘅burger店。一睇menu就比佢最貴最誇張嘅漢堡吸引： 👅Crispy Foie Gras Wagyu Burger鵝肝和牛漢堡 ($140) 👍🏻👍🏻👍🏻鵝肝係我嘅guilty pleasure.每一次食都覺得係我最後一次食😅鵝肝配和牛真係好juicy。呢個鵝肝都算係高質鵝肝，無咩腥味，而且肥美。用黑醋汁巧妙咁中和左鵝肝嘅油膩感。配上底下嘅蔬菜蕃茄，成件事好fresh。我地加左$20 配沙律加汽水，所以成個餐好豐富 👅Crispy USA Sweet Potato Fries 脆炸特製蕃薯條 ($38) 👍🏻👍🏻經過朋友嘅精密計算之後,佢覺得加$33換$38嘅蕃薯條 唔比 加$20換$32嘅炸薯條 抵，於是我地就要左加$20嘅餐and單點$38蕃薯條🤣蕃薯條真係有蕃薯味，口感同硬身薯條一樣，都幾特別。

放工一個人悶悶地，又肚饑，即到附近搵食醫肚，呢間漢堡快餐店係我至愛，真係想同大家介紹下！店內環境寬敞，有獨立用餐位置，無論一個人進餐、或者四人一枱都可以。店內裝修有美國色彩，加埋音樂背景，在疫情下無得去旅行，都可以讓自己置身於美國洛杉機的漢堡店中！此外，店長在餐廳每張格上都預備手套俾食客享用，在疫情下唔怕食物同手上的細菌有近距離的接觸，值得一讚！食物方面，無論牛、豚、雞、魚、海鮮均有得你選擇，加埋專為素食者而設的大菇漢堡，總有一款合你口味！人氣推介有：和牛漢堡加菠蘿， 和牛選用日本產120日草飼， 肉汁豐富，入口即溶，加配菠蘿的鮮甜味道，簡直絕配中既絕配。加$20更有埋薯條/薯格/田園沙律同罐裝汽水。

我超鍾意食burger 嘅，對burger 好有要求！呢間個feel 似外國口味，見佢評語幾好咪試吓，有d 期望！唔係唔好食咁簡單，係難食！cheese burger 完全冇汁，乾食！個包冇烘嘅，唔熱，唔脆，林之之！薯條唔知有冇計時，未炸好，白雪雪的！食頭幾啖我已feel 到好伏，似港式茶餐廳果d 假burger，有d 嬲，個廚師一定未食過好食嘅burger,所以先煮d 咁嘅野出來！冇下次！食到好無癮，相都冇影！又唔係平！我寧願食老麥！

口痕想食burger，咁啱朋友係附近返工，佢就帶我黎呢到食，一睇餐牌已經有幾款想試🤤成個餐牌最最最最吸引，最最最最邪惡當然係鵝肝和牛，諗都唔諗就揀左佢😌鵝肝和牛漢堡 $140 +$20combo set配沙律鵝肝好肥美，完全唔會話又乾又鞋口，而係接近入口即溶，最重要係無咩腥味👍🏻和牛漢堡都唔差，都係juicy好食，只係同鵝肝相比之下就顯得佢略有失色👅沙律菜夠新鮮，而且佢嘅沙律醬係胡麻醬再加黑醋，mix埋一齊好Fresh，一啖又一啖咁就清曬👅蕃薯條 $38略有普通，同薯條一樣，但因為比較幼口感差少少，都係鍾意粗薯條多啲😛 但如果鍾意食蕃薯🍠朋友可以試一試無妨🤭Btw呢到好貼心，平時食burger難免會整到成身醬，呢度有提供手套喔🥰

its cheap for set lunch, but definitely not a good burger.1) chesse is cold, not even melt, chef just place it on top.2) meat is thick but small in area, makeing the burger too thick3) sauce is not enough4) no pickles5) beef have no flavour at all6) beef is overcooked and not juicyit just a cheap burger, slightly better than McDonald.#food #hkfood #delicious #yummy #igfood #foodig #hkfoodpoet #ot_toinfinity #閃電五連鞭 #burger #burgerman