Bugis@叻沙・海南雞飯

營業中

休息中

行過鑽石山搵地方食lunch, 最終揀咗呢間新加坡嘢，一個心唔洗等位就入去，lunch set算喺幾多款揀，最終揀咗呢個海鮮叻沙湯嚟講算係濃味，海鮮料就一般喇，不過幾特別喺原來佢入面喺鴛鴦麵（油麵加米粉），呢個幾特別，未試過，整體上個人感覺一試都可，起碼佢個麵嘅湯夠熱，如果個湯再少番啲油就好喇題外話，佢餐牌個餐可以加小食，當然一個人無加，實食唔晒，之不過個小食一加都要加18或者22蚊，其實都有啲貴😂

知道呢間餐廳新開咗無耐，所以同埋班同事嚟試下lunch set叫咗2個餐先係新加坡方面應該最著名嘅海南雞飯($64)，感覺啲雞幾滑，不過就唔覺得好特別，油飯都對普通，食完無好大嘅回憶，至於另外仲叫咗個肉骨茶配白飯($58)，個肉骨茶，味無咁重，伴飯食難以用湯帶味，同事就話同平時飲開嘅唔太同同埋佢地加錢加小食個價，都要18同22蚊，感覺都幾貴，查實個lunch個價錢唔係特別平，加上可能去食之前有啲期望，所以有啲失望

這間以星加坡美食為主題的店，最近在荷里活開了分店。他的主打是海南雞飯和喇沙。我不喜歡吃辣，但是有我最喜歡的海南雞飯。海南雞飯同春卷的味道都可以，但不能說是激好味。感覺就像在茶餐廳食海南雞飯一樣。即是說，是香港式的海南雞飯，而不是星加坡感覺的海南雞飯。價錢比茶餐廳貴一點點，尚可接受吧。肉骨茶味道不夠濃郁，與星加坡或馬來西亞的肉骨茶不能相比。唯獨是餐牌有些誤導，以為是跟餐加＄6一杯的飲品，原來要加＄18。加＄18一杯飲品？根本不是優惠。

行來行去荷里活廣場都冇乜新嘢食其實就係悶悶地食到經過又見到新開咪入去試吓最重要係唔使等位而且我哋又鍾意食星馬嘅嘢喇沙湯麵、海南雞飯每個餐都會跟一杯薏米水或者羅漢果水兩者都麻麻哋我反而好想飲凍檸茶多啲雖然用心良苦餐廳簡潔乾淨侍應新有禮貌啱啱新開都保持到水準因為我已經去咗第三次食物美觀味道剛剛好值得推薦嘅我已經介紹過好幾個朋友去個個都話OK最重要價錢合理份量唔少（暫時）因為荷里活廣場裏邊真係有好幾間啲啲但係味精超級勁⋯出得去食嘢就預咗有味精但係冇咁勁呢間我唔使講太多食過就知道

見到荷里活廣場多了一些新的餐廳, 於是就嘗試下新加坡菜, 因為前年去完新加坡, 仍然對她的美食念念不忘。這間餐廳的裝修都挺特別, 有一個車站牌在門口。我跟男朋友等了差不多30分鐘才有位置, 可以是星期六閼係吧。我們在等的期間已經想好要吃什麼, 海南雞飯, 叻沙, 馬拉盞通菜和椰汁冰。評價一下海南雞飯: 幾好吃, 雞挺滑, 而且份量也多, 不是只有雞皮沒有肉的。油飯香, 不會太油膩, 夠乾身, 粒粒分明。叻沙: 比我想像中的好, 挺足枓, 有3假蝦, 有2隻蜆, 魚片和豆卜有2-3個。我喜歡它不是米線, 而是油面和米粉, 所以不會太淋太糊。我只是嫌油了一點, 其他的跟味道還不錯。馬拉盞通菜: 份量多, 但不好吃, 通菜有點老, 硬硬的, 而且吃到最後, 有沙, 可能洗不乾淨吧椰汁冰: 太多冰, 而且不是沙冰, 待冰融化, 淡如水一樣, 太不好。我覺得衛生需要改善, 桌子雖然而清了, 但沒有抺乾淨, 也是濕濕的。我個人不會再吃第2次了。

同個朋友係荷里活廣場食晚餐，成個商場既餐廳都係啲好多地方都有既連鎖餐廳，都揀唔到食咩好，經過依間餐廳又好多人排隊，又未見過依間餐廳，就試下，7點幾左右拎飛要等廿張枱，等左半個幾中就有位我地2個人，入到去坐張4人枱，同枱已經有2個人坐底左，枱上有放餐具既盒分開隔兩邊，但d待應無將我地既枱號分清楚，d野食尼得有d亂，不停將同枱隔離既野食放我地到，又將我地既放佢地到，感覺有d麻煩及無奈而食物質素方面，就唔錯既，我地嗌左一個印尼炒飯，一個海鮮叻沙，同芝士榴連波波印尼炒飯包左兩串串燒，串燒幾好味，炒飯就較普通，飯偏淋，而蝦肉唔新鮮，食落鞋十十叻沙既海鮮有蝦魚片豆卜同蜆，都算多料，而佢既麵底係麵同米粉，夾埋一齊吃有兩個口感幾特別而芝士榴蓮波波我就超推介，本身我好中意食榴蓮，而依個波波外面好脆，中間層好煙靭，夾埋入面d榴連容，好好味！可惜我既朋友唔食榴連，我咬左一啖後，佢已經話聞到好勁既榴連味！haha最後埋單180蚊左右，都覺得依間幾好

1. 食物一般，少數個別食物可以，例如小魚椰漿飯的飯，叻沙，完。2. 羅漢果茶和薏米水水味極濃，羅漢果和薏米味需要些想像力才能感受到少少少少。3. 服務一般，上菜極慢（已經只是餐廳半滿的時候）。4. 環境ok舒適，餐具，椅桌等算清潔。5. 侍應質素和其他食評描述差不多，有經驗及質素的侍應佔10%，其他好像在訓練中一樣。6. 價錢不算很貴，但絕不算便宜，有加一服務費。7. 綜合以上內容配合呢個價錢，呢個荷里活廣場有很多更好選擇喎！

星期日悶悶地就咗去鑽石山廣場，發現新開左一間食海南雞嘅星加坡餐廳，門面幾靚有，一望入去好多位，地方坐得舒服，於是就入去試試。叫左個招牌菜海鮮喇沙，見佢個MENU 上有個辣蕉仔，問咗服務員，佢哋話都唔係好辣 ，咁就叫左個餐，跟埋個餐飲好似幾抵，我叫左熱既薏米水海鮮喇沙到咗，個湯底個味唔錯，咖哩同椰汁既味道平衡到，不過就咸左啲，飲左幾啖湯就冇飲喇；食左幾啖就食完成碗面，切合下午茶份量熱既薏米水都幾好飲，薏米軟綿綿同有冬瓜粒岩哂夏天消暑

幾失望嘅一次體驗，平時好少寫劣評但係今次一定要寫😅😅 首先嚟嘅係蝦薯絲卷，外面炸得幾膽幾香口，但入面漿太多，我開見到入邊一半係白色嘅，得少少蝦，蝦係淋嘅，無咩口感。然後嚟嘅柚子蝦沙律，嘩😨蝦又淋柚子又淋，仲要配嘅係泰式酸辣漿，好唔match，好難食！賣相都好差，柚子同蝦放喺個膠碗度，下面有一塊生菜墊住😨所以冇影相。個海南雞喇沙係最好嘅，但湯唔夠熱，而且海南雞放埋喺湯入面，好似好少咁。服務方面其實嗰日客人唔係太多，不過漏帶😓 但侍應反應好快，又友善嘅。唯獨係特飲幾好，叫左個椰汁涼粉冰同檸檬沙冰。不過唔會再光顧😓

去荷李活商場睇戲，趁有點時間，入咗呢間新開嘅新加坡餐廳食個下午茶⋯⋯餐廳裝潢頗有南洋風味，走簡單低調路線，坐得幾舒服！下午茶選擇不算太多，都是簡單的菜單，我哋分別叫咗咖央牛油厚多士同迷你海鮮叻沙摻摻咖央牛油多士（$26）哄得幾香口，咖央味道不太突出，反而嫌牛油多得滯，成份多士牛油滿到⋯⋯😂幸好與男友share 兩份食！迷你海鮮叻沙摻摻（$44）意思係混合了米粉及粗麵的麵條，食落係有不同的口感，配料算豐富，湯底係改良過不太辣的叻沙，但略嫌叻沙不夠，算不過不失吧！跟餐送的凍檸檬薏米水幾清甜好飲，夏天飲可以消暑解滯哈哈～～兩人消費$70 算便宜的一餐下午茶🙂

荷李活廣場看完電影，決定和太太在這間新開的餐廳吃午餐(之前已留意它何時開張)。點了海鮮叻沙摻摻$76(另加$6轉即磨咖啡)，福建雞湯麵$72(包飲品)及新加坡香煎魚餅(加$20小食)。海鮮叻沙摻摻 - 上枱時已聞到濃香椰油味， 湯底不太辣。有蝦，蜆， 豆卜及半隻蛋。福建雞湯麵 - 即海南雞配湯麵，雞夠嫩滑， 不俗。新加坡香煎魚餅 - 初時以為係近似墨魚餅般， 原來是煎鯪魚肉，但口感 不錯，夠彈牙。總體而言食物尚算不錯，價錢可接受。

今次食咗依間餐廳。發覺星馬菜食來食去都係揀嗰幾味。係咪好傻?!海南雞飯配味精湯。雞都滑嘅。皮唔太厚食落都唔會油淋淋。都係配嗰啲醬啦。個油飯不錯。太陽蛋豬排椰漿飯。太陽蛋熟咗(期待流黃)。豬排太肥喇。好多膏。比較油膩。椰漿飯味道唔算濃。可以再重椰味啲個人set各配一個小食。揀咗雞串同炸蝦。串燒個沙嗲醬不錯。舊肉唔會乾晒。炸蝦都脆口炸粉唔算厚。配辣醬。ok。飲品揀咗檸檬薏米水同羅漢果茶。幾特別。味道都正路。夠健康。還好。所以係一間唔錯嘅食店。雖然食物唔係做到好標青。但味道也不差。如果要彈就係不過一坐低發現張枱濕到一個點無抹乾。

同老公去睇戲前諗住搵下野食, 一向新屎坑都有三日香, 見有新野忍唔住試一試 叫左兩個餐加一個小食 , 一個新加玻小魚椰漿飯配兩隻南乳雞翼 , 一個新加玻 茄汁紅飯配蜜汁豬扒及太陽蛋 ,小食油酥餅(配沙糖) 等左勁耐 油酥餅 -- 味道普通 , 但無必要返兜 但我想問下個沙糖呢...........? 又話配沙糖既 本身想問,但老公話夠味,驚佢真係俾到黎會晒左,所以就無問到。跟住隔左10分鐘左右我既小魚椰漿飯到了 , 個下我個心係 XY你個Z, 估唔到個小魚係尼D喺酒樓夜晚食前菜個堆 , 咁我駛鬼黎食咩, 個白飯係唔錯,好香椰漿味 , 南乳雞翼太咸 到老公個餐 茄汁紅飯配蜜汁豬扒及太陽蛋, 起初都無乜留意 , 到食食下 ,老公問左我一句, 個豬扒好似係叫蜜汁係咪? 我地起初以為個兜係蜜汁 , 原來係錯既我再望一望返張剔單張相同落單張紙先發現 , 咦? 點解蜜汁變左香芧既即係你鐘意點就點 , 唔駛問個客既? 我老公話佢食左兩啖廢事換,而且唔知又要等幾耐我先無出聲 , 1點9落單, 等到兩點3,D野先到, 塊豬扒仲要骨多肉少 , 服務態度只有一下最快, 個下就係你食完搶住收

成個商場其實無咩好食，有新野都會想試下。好不幸，今次呢間都係一次就講拜拜。本來想先單叫餐牌食物試下水溫，但呢幾日天氣實在太熱，好難唔叫凍飲送飯。所以最終都係揀左俾多少少錢叫2個$88單人餐。小食：雞肉串，魚餅雞肉串食落似走油雞肉，無咩特別；魚餅有香葉味道小弟鍾意。主角：海鮮叻沙摻摻，新加坡海南雞飯叻沙湯底味道唔錯，好香，唔會過辣，麵條都好好食。攞命係，作為一碗叫「海鮮叻沙摻摻」既麵，3粒蜆肉係可以既，但係幾隻蝦都係梅肉，食左半啖無食。魚片好實淨，唔太討好，豆卜無咩特別。海南雞飯本來想要求走翼，但店員話指定部位要另加$5，小弟即刻來個超級大反眼🙄好彩味道不錯，雖然唔係話超級好食，但係雞肉的確幾滑，鍾意食爽滑雞皮一定喜歡飲品：斑蘭檸檬薏米水因為杯入面只有一小塊薄薄既檸檬，所以無乜檸檬味，都無斑蘭味，有淡淡既薏米味，估計可能加太多水。另加：肉骨茶味道不錯，夠濃，不過唔夠熱。總結：$88單人餐抵唔抵食見仁見智，在下無第二次，會選擇過返隔離越X。多過

記得上次到星加坡已經有三年了，以往曾經需要每兩三個月便需往公幹。回說正題，今日和一家大小往荷里活廣場閒逛，於此店行經時，聞到很熟悉的味道…………班蘭的味道！再加上室內的簡约設計，便决定試一試！一看餐牌，有喜愛的喇沙、海南雞和肉骨茶，反正我們有三個人，就点這三款吧！至於味道喇沙的外貌很平凡，但湯底十分香濃，椰汁味十足。海南雞是起了骨的，夠香滑，可能是起了骨的關係，皮和肉各一半，不太夠吃和有点肥膩，星州的肉骨茶有胡椒味和藥材味，胡椒味的肉骨茶好像胡椒豬肚湯的味道，個人就不太喜歡，反而就喜歡藥材味多一点，這家店的肉骨茶味道是可以的，但那塊豬軟骨就扣分了！沒有味道和有点靭！最後飲品是凍班蘭意米水和羅漢果水，味道很有層次感，不太甜正正正。最後埋單，三個人埋單不需二百蚊，抵抵抵，希望能keep 住水準。後會有期！