BUFFEE

剛開業的Buffee人潮不斷，經過一段日子之後終於沒那麼擠擁，我們可以慢慢呷一口抹茶和吃個包包/甜點了。星期日的中午來到，店內客人不多，我們點了: 小山園抹茶撻，開心果流心酥，前者是就是抹茶蛋撻，蛋漿抹味不重，主要是面層的甘納許醬比較濃抹，曲奇皮鬆化，對我來說很可以😌甜度抹度也拿捏得不錯。後者是我知悉開店以來的目標(沒有之一)，看見大家吃的相片非常吸引，開心果醬超級流心，酥皮也是酥脆得來不油不膩，開心果堅果的香味濃，麻糬下面好像還有一層法式杏仁奶油底？！夾雜著一點點開心果碎，味道比較複雜帶層次，我比較喜歡，早前在享樂烘焙店買到的開心果千層蛋撻，感覺上是比較單純的開心果味，而開心果流心酥的甜度也稍甜。飲品方面，我們點了丸久小山園-若竹，和山政小山園-松風，後者入口比較醇厚濃稠，回甘味重。後記：其實兩杯抹茶肉眼看分別不大，而當天我轉了soy milk，同行妹妹轉了oats，看見店員一邊談天一邊沖泡，之後也沒告訴我們哪杯是哪杯？當我問哪杯是oats，她還好像說了句忘記了轉(不太確定)😕山政小山園松風 $70丸久小山園若竹 $60小山園抹茶撻 $28開心果流心酥 $42…查看更多

灣仔/銅鑼灣區開咗好多唔同嘅烘焙店，今日去咗呢間由本地人氣<享樂烘焙>為其獨家設計及供應嘅<Buffee >。 <Buffee >除烘焙產品外，咖啡會是另一主打賣點。 雖然店內空間唔算大， 但除外賣外， 店內亦有提供少量座位給客人堂食 。今日我去到嘅時間可能比較晏， 柜內麵包款式未有預期般多，買了件我好想試嘅濃厚朱古力撻，另外再加多一件抹茶蛋糕，一杯<White > 咖啡。朱古力撻內饀混合了朱古力及伯爵茶， 店員會幫客人將撻預熱，因此食時內饀仍暖，入口順滑味道濃郁， 但略嫌朱古力味被伯爵茶味分薄了不少 ，可以的話朱古力味道濃郁些會較啱我。件抹茶蛋糕外層海綿蛋糕軟綿有彈性， 內餡嘅抹茶cream 夠杰身而軟滑， 另外蛋糕放上了蒟蒻，令蛋糕食時多了份層次， 口感更加豐富。…查看更多

灣仔新開麵包cafe，咁岩今日喺灣仔收工，順便過嚟買個開心果酥試吓。留意番佢六點就閂門，所以想買嘅你要趁早啦。🔹開心果流心酥 $42開心果味好濃，每咬一啖都充滿着開心果醬😋咬第一啖已經食到麻糬，麻糬軟淋淋，幾有咬口。佢個酥皮整得幾脆，而且好多層。不過成個酥都好實心，睇得出師傅好有心機整好每一層，讚😍…查看更多

從網上得知享樂係灣仔跟人家合作開設"Buffee"，而且佢有獨家產品，所以特意來一試。我地點了開心果流心酥、朱古力撻、丸久小山園若竹matcha latte。開心果流心酥畀其他撻大，面層係開心果醬，中間係開心果吉士，職員翻熱後呈現半流心狀態，所以要小心食否則會流哂出來。酥皮好香又薄又脆唔會食到一口油。底層有煙韌麻糬。食完真係好滿足，但略嫌甜度稍高。朱古力撻翻熱後面層朱古力醬都係半流心狀態，中間朱古力吉士醬好香好滑。最後matcha latte拉花好靚，抹茶濃度適中 (如果再濃d再好)食物質素好好，環境幾舒服。由於我地係平日3點幾去所以好易搵位，但餐廳內座位設計比較奇怪，所以我估計繁忙時間去嘅話比較難堂食。…查看更多

灣仔 ｜ 人氣麵包咖啡小店💓最近喺網上見到唔少人介紹呢間主打手工麵包＋精品咖啡嘅新派小店BUFFEE，店名由「Butter + Coffee」組合而成，充滿質感感覺🤍由享樂烘焙團隊每日新鮮製作麵包，再加埋專業咖啡師駐場，難怪咁快就成為打卡熱點😂不過去到實地就有少少出乎意料——店鋪比想像中迷你，座位真係得幾個😩😩而且座位採用咗一種「Cube」設計，上下層概念雖然創新，但實際使用上比較唔方便🤯坐得非常尷尬⋯⋯ 上層要伸腳落下層，下層又無枱放嘢食😭😭😭食物方面就真係有驚喜：開心果流心酥（$42）：店員堂食會幫手翻熱，一切開就已經爆餡！面層係濃香開心果醬🍽️ 中間係滑滑地嘅開心果吉士，仲有煙韌麻糬同杏仁餡，層次豐富又香口，甜度稍高! 酥皮夠薄夠脆，食完真心滿足✨✨整體嚟講嘅麵包質素高、口味創新，而且有超過20款選擇🫦連咖啡、抹茶、手沖茶都唔少選擇。不過如果打算堂食，就要心理準備環境比較局促，建議平日非繁忙時段去會舒服啲🙏🏻…查看更多