Blossom

營業中

休息中

話說之前T小編之前已經同朋友嚟過呢間cafe飲咖啡同食lunch，食過好食之後當然係毫不猶豫地要帶J小編嚟一齊食啦！🙈聽講呢到係九龍城已經幾出名，長期都有人排隊，不過小編今次都幾好彩唔使等位haha 環境嚟講，主要都係呈日式木系嘅裝修為主，所以整體感覺望落去已經好舒服~小編幾推薦大家叫個燒春雞嚟食，因為真係幾好食🥹其實嗰日最想試埋佢哋個signature Tiramisu，但無奈真係有啲飽費事嘥所以就無叫到🥲下次再嚟食一定要試吓！除咗九龍城分店之外，西環同灣仔都有，有興趣嘅朋友記得bookmark左去啦~

好谷氣，難得放假想舒舒服服向九龍城搵間餐廳食下lunch，呢間餐廳之前都有幫襯過幾次，諗住應該都okay，見到有位就冇諗太多入咗去坐，點知由開始落單計時，等到45分鐘都無野食到，只有兩杯飲品，其中一杯仲要$120，耐心等左一陣，過左30分鐘覺得好唔妥所以出聲問，問左個女待應四五次，d 野食究竟幾時先到？佢都無反應，扮睇唔到聽唔到，完全發緊夢，無理過我地，未試過食嘢要咁受氣，最後我同朋友忍到45分鐘決定走人！真係嬲到頭頂都出煙希望佢地快d關門大吉，老闆真係多謝晒你呢個阿呆女待應！要d食客受氣，以後都唔會再去，今時今日咁的服務態度仲要收人$120蚊杯coffee! 無野下話？

第一次去驟眼睇個店名，以為係另一間Cafe門口擺咗架單車，一入去環境唔錯，好有日本風，沖咖啡位置嘅後面擺左各式各樣嘅酒，似乎佢係想有啲Cocktail之類嘅飲品提供，仲以為佢會開到好夜囉，點知都係六點收工，夜晚想嚟試吓都冇機會！而家啲Cafe大部份到六點，少數都會勉強去到七點既！第一次去試咗佢嘅all day Breakfast食過有條腸仔覺得好有日本味道，今次原先都係為咗佢而去，不過結果叫咗第二樣🤓而家食早餐，其中一款Yoga BowL 走唔甩，今次另外叫咗一個特別小小嘅Benedict。加左用杏脯汁整成嘅汁醬，酥種麵包加埋芝士，鹹鹹甜甜酸酸咁都幾特別。Yoga bowl 都係嗰啲啦，呢一間多啲款式嘅生果有士多啤梨/藍莓/哈密瓜/香蕉 我都係飲返Dirty而另外就叫咗affogatto (其實都諗咗一陣晨早流流應唔應該食雪糕） 結果呢杯嘢變咗Espresso加cream味道都唔錯。本身個Espresso超級苦！

去九龍城飲吓咖啡約朋友傾吓偈，見呢間環境好似幾靚就嚟使吓 Cafe來講佢都幾多選擇我就揀咗一個燒春雞配返薯條，番薯條都幾多人讚，不過自己怕炸嘢太油膩所以淨係食一兩條share比朋友佢哋都鍾意食！好值得一讚嘅就係，雖然佢都係一般比較貴Cafe價錢，但係佢比其他Cafe足料，沙律菜非常新鮮，而且數量好多！燒春雞上碟勁靚，好啱啱嘅烤熟程度，唔會好油膩，我自己好輕易就搣咗塊皮搞錯睇吓呢沙嘅菜幾新鮮幾多好柔軟㗎！係新鮮嘅跡象😍😍雞腿為好味！雞胸就瘦啲 朋友個軟殼蟹飯都好靚仔！我試咗一舊都幾厚肉㗎！唔會好似有啲餐廳咁得個炸皮同埋好值得一讚佢每個定食都會陪一份生果，係清甜嘅哈密瓜呢度嘅店員服務態度都好好好專業咁下次嚟會再揀呢間

尋日突然間好想食TIᖇᗩᗰISᑌ。。咁就求其咁搵搵下。。就出左九龍城。。因為我見佢個TᖇᗩᗰISᑌ個樣好似好正咁。。去到都城4、5點。。緊係好多位啦。。去到都有幾枱客叫左黎食。。我就覺得都幾好味架。。啲材料落得啱啱好。。如餅底再浸多陣。。林少少就正喇👍🏼👍🏼但味道係幾好架。。佢呢間ᑕᗩᖴE。。仲有個小小後花園。。呢個位打卡都幾好睇架。。下次要試下佢啲主菜覺😋😋..🍰TᖇᗩᗰISᑌ🍵Eᗩᖇᒪ GᖇEY TEᗩ ᒪᗩTTE..📍 Blossom (九龍城)九龍城南角道45號地舖..@blossom.4hk ..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hk

在我最近的一次在九龍城的Blossom餐廳用膳，然而，這次的經歷讓我深感失望。首先，我必須提及這裡的服務員態度問題。他們不僅對客人的需求遲鈍，而且在應對我們的諮詢時更顯得不耐煩，讓我感到非常不悅。一個優質的餐飲體驗應該包含溫暖和專業的服務，但在Blossom，我們找不到這種體驗。再者，食物的質素也不如預期。縱使菜餚的外觀令人期待，但在口感和味道上，我們都感到了明顯的不足。食物的溫度不一，使得口感受損，而調味的不恰當也使得原本應該豐富的味道變得平淡無味。總的來說，Blossom的體驗並未達到我對九龍城餐廳的期望。在這裡，我找不到我想要的舒適用餐環境和優質的食物。我認為，在同樣的價格範圍內，九龍城還有更多其他值得嘗試的餐廳。希望Blossom餐廳能將這次的批評當作改善的契機，提高他們的服務質量和食物質素。我相信，只有這樣，他們才能在競爭激烈的餐飲市場中站穩腳步。

Blossom價錢💲: $128/ $138/ $68好味程度😋: 4/5服務🍴: 3.5/5環境🗾: 3.7/5性價比🥢: 3.7/5回頭率😚: 3.7/5-為左tiramisu而去的blossom，今次選擇去九龍城分店。星期日的下午店內位置都幾full，但啱啱好唔洗等位。店內木系的裝潢非常舒適，但入面枱與枱之間的距離有D近，聽到曬隔離講咩🤣 飲品上都見到幾多人叫佢哋的手沖，而食物都算多選擇，有唔同定食、小食、麵包等。-✅✅波甚湯咖哩飯定食。個人第一次食湯咖哩，相對上加唔少分☺️ 湯咖哩味道濃郁，日本咖哩唔會太辛辣，但夠咖哩的香味+蔬菜的甜味🤤比起湯，佢更似一個汁同湯的狀態。入面有好多日本蔬菜，例如茄子、翠玉瓜、蓮藕、彩椒、南瓜等等，全部都好甜好新鮮，茄子仲係走過有人，所以特別香口。食素都唔覺得枯燥🥰-✅波甚燒牛肉飯定食。用上美國特級雪花牛頸脊，口感軟滑，油脂分布平均，重油脂味，係片質素唔錯的牛肉🤩 配上牛肉汁同珍珠米，可以食好多飯，都係一個唔會輸的味道🤭 但唔係好驚喜。-✅提拉米蘇。呢個size同價錢成正比，mascarpone cheese好厚好軟滑，個人覺得拍得住page com

今日去咗九龍城同朋友影相，順便喺附近搵一間Cafe坐下休息，上網搵咗邊一間咖啡店比較好，朋友就推介去呢一間blossom試吓究竟好唔好餐廳地址位於南角道！我哋下晝去到都發現幾多人，等咗一陣先入到去 不過好彩天氣都唔係太熱我就叫咗一杯iced black! 店員都非常貼心會問每一個客人鍾意飲比較fruity定係nutty嘅口味! 今日我就想試吓比較fruity! 咖啡飲落去非常香口，飲得出餐廳用嘅咖啡豆係優質嘅！after taste就有少少fruity，隻咖啡豆就比較酸，但係總括嚟講都係好飲！餐廳嘅環境嘅都好靚，適合打卡嘅朋友！

老細我知我好鍾意食tiramisu，早前佢同朋友出開九龍城，試過呢間話好好味～本來我叫佢外賣返嚟畀我，佢話唔得！一定要堂食先至食到個真正味道～好！就跟佢嚟試下！個tiramisu真係好好味，唔係一般死實實嘅，但係最特別嘅係佢啲飲品，睇到個名，其實你唔係好夠膽叫…🤣😅不過原來真係好好飲！*想椰椰了$118：有gin，coconut rum ，ocho rum，黑糖同椰奶～竟然仲要係熱飲，味道好似甄沾記椰子糖，但又帶有酒香！😍👍🏻*泰醉$108：有dark rum，芒果汁，菠蘿汁，椰汁同梳打水～好精神真係好有泰國feel其實似一杯酒味更濃嘅peanut butter😅😋*Old Fashion $108：呢杯好有heart嘅old fashion有一陣煙燻嘅味道，幾特別～店主加咗青檸皮，所以又帶有一種酸酸甜甜嘅清新感覺🥰

再訪左好多次嘅blossom 味道水準不嬲有保證 今日就試下新野波燒春雞配薯條 $158半隻燒春雞 香焗嘅外皮 keep到飽滿嘅肉汁啖啖嫩滑嘅肉 香草吊味 令人食指大動最食唔停口嘅一定佢個蕃薯條 外脆內軟 仲要好香蕃薯味配上沙律菜解解膩蟹肉忌廉意粉 $128蟹籽蟹肉磨 十分足料意粉好入味 咸淡得宜宇治金時窩夫配抺茶雪糕 $108半份窩夫 焗得好香脆 都好香抺茶味配埋cream 抺茶雪糕 紅豆 士多啤梨仲有以烘過嘅焦糖鋪面嘅香蕉配料好豐富 好滿足

之前冇食過呢間Cafe，見佢係外賣app賣相好似唔錯所以就試吓佢嘅brunch😬我哋嗌左個鱷梨煙三文魚配意式香草包同埋鮮果乳酪碗。鮮果乳酪碗份量合理，乳酪同所有材料比例啱啱好，好夾好好食，個份量女仔食都其實夠飽。鱷梨煙三文魚配意式香草包份量就比我想中中少，佢嘅香草包得半塊唔係好夠，但煙三文魚同牛油果嘅份量正常，亦都有配沙律菜。雖然以呢個價錢嚟講份量少咗啲，但味道係出色👍🏻調味做得真心唔錯，牛油果亦都係熟得啱啱好。如果有多半塊包就完美😂

來了一杯泡沫咖啡好好飲,環境舒適,有音樂,樂而忘返,入到去可以把煩惱先掉開,好好享受店員的招待和廚師弄的食物,很喜歡用餐的感覺,物有所值,下次有空會再去光顧,謝謝你們給我一個心情愉快的午餐👍😀

估唔到九龍城都咁多隱世美味cafe，呢間blossom 真係令味蕾有一番新體驗cafe小食正餐比較重味，所以點咗杯mocha唔會偏重朱古力，反而coffee嘅苦味比較出，整體唔會感到油膩同濟。必試炸番薯條，真係好好味，新鮮即炸番薯條，啖啖番薯香味，食唔停口杏脯金文畢芝士酸種包，法式麵包外邊硬脆，中間鬆軟，帶點甜，杏脯醬好香，第一次食真係感到好驚喜，唔同一般cafe咁樣普通水泡蛋加塊包，原來都可以做到咁好食炸軟殼蟹飯，相反冇早餐咁有特色，原隻軟殼蟹炸起，價錢方面都比較抵食。

標題與內文無關，但係野食同飲品都符合水準的cafe，值得一試今日無特別試佢咖啡，反而飲左培茶latte，我飲落去有培茶的甜味岀現，淡茶香，可惜沒有凍飲，但係好飲的Latte 正常，啡同奶互相協調balance剛剛好，奶味唔會完全遮蓋咖啡嘅味道炸雞，好食，本身雞肉醃嘅時候已經落咗花椒，咬落去啖啖麻香Tiramisu 落左酒，只要肯落酒，其他嘢點唔得，都一定變好食😂👍🏼全日早餐，推介大啡菇，薯餅，沙律菜個醋，仲有個包同蕃茄好食，芝士雞肉腸難食(建議唔好用水煮🤔❓)，其他都可接受

今日lunch 揀咗呢試吓，呢度環境好舒服，11點呢個時段人唔太多，感覺好chill! 今次叫咗「波甚全日早餐」，我特別鍾意日式炸薯餅、芝士焗啡菇，好好味😋！可惜今日時間唔多，下次會試吓佢嘅精品咖啡。