影片
港鐵九龍塘站 A2 出口, 步行約14分鐘; 港鐵九龍塘站A1 出口, 步行約12分鐘
繼續閱讀
電話號碼
26886098
開飯介紹
此大學餐廳由Bistro Bon原班人馬經營，是Attic Handmade Pasta的姐妹店。主廚經驗豐富，以現代的烹調手法及進口食材，製作一系列地中海及亞洲菜式。
繼續閱讀
營業時間
今日營業
08:00 - 22:00
星期一至五
08:00 - 22:00
星期六至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
有關獎賞計劃
餐廳：Bistro NTT by Attic (九龍塘)地址：九龍塘聯福道32號吳多泰博士國際中心地舖如果要喺九龍塘搵餐廳，相信大部份人都只會諗到又一城，最近就有個喺浸會大學讀書嘅朋友介紹咗校園入面一間高質西餐廳俾我——Bistro NTT by Attic，以為大學校園只喺得平價劣食？No喇🙅♂️，相信呢間餐廳會打破任何一個人嘅刻板印象😎雖然喺九龍塘地鐵站要行大概15分鐘先到，但其實原來有小巴可以轉乘去到餐廳附近🚌，位於吳多泰博士國際中心地下，餐廳曾經轉過手，都已經開咗接近3年，而之前佢哋亦都有一間分店喺尖沙咀，不過依家已經執咗，想食返同一個大廚團隊嘅美食，就要稍移玉步過嚟九龍塘喇Khalil主廚年紀輕輕，但喺就精通多國佳餚，仲堅持精益求精，不停研發唔同嘅美食，最近佢哋就設計咗一系列新菜式，我緊喺唔執輸啦😋。餐廳有會員制同多款特價套餐，浸會大學職員同學生亦有八折優惠🧑🏻🎓，想食私房菜可以將心水、主題同budget send比餐廳團隊幫你Tailor-made一個獨一無二嘅餐單，包你滿意同有驚喜🎉 叫咗個熔岩南瓜蟹肉三文魚籽鹹蛋黃意大利飯同雞白湯蝦膠雲吞雞，兩者都可以用套餐價加配埋餐湯，頭盤同餐飲。前者賣相一流📸，有半個原隻焗南瓜🎃，承載住用蟹肉、明太子、三文魚子、鹹蛋黃、南瓜蓉同忌廉煮成嘅意大利飯，就咁食個飯有啲鹹膩，就咁食焗南瓜會有啲飽滯，但將兩隻撈勻一齊食就達到Harmony嘅口感同滋味🤩；後者用咗超過70隻本地雞熬煮8個鐘而成嘅雞白湯，媲美得上日式拉麵店嘅雞白湯底，成個概念仲fusion咗中式嘅砂窩雲吞雞，當中除咗有半隻嫩滑唔嚡嘅雞隻之外🐔，仲有用Ravioli皮整成嘅意大利雲吞，裡面包住蝦膠同豬肉，口感一致，雲吞皮有Al Dente質感🥟，湯底仲有鹹香嘅乾貝絲同Parma ham做點綴，加埋索湯一流嘅娃娃菜同竹笙，如果可以嚟多碗白飯比我撈湯嚟食就好🤤飲埋杯鮮香解膩嘅芒果熱情果梳打($32)或者飽肚感十足嘅凍黑糖布甸鮮奶($38)，呢餐真心夠晒誠意👍
繼續閱讀
話說同大少去完又一城打卡之後，見差唔到到左老公嘅放工時間，就係咁….我地就嚟左個小驚喜，玩一轉接放學…哈哈。老公見到我地就緊係好歡喜，所以就帶左我地去附近一間好有特式嘅西餐食個豐富晚餐。餐廳整個環境都好寬闊舒服，空間感十足。由於老公都只係嚟食過lunch，所以都諗左好耐食咩好，店員姐姐唔知係咪見到我地嘅迷茫，主動過嚟為我地介紹及講解有咩好嘢食，多一份親切感覺，最後叫左餐廳主打嘅菜式。先嚟 法式馬賽魚湯配藏紅花蛋黃蒜蓉包，姐姐真係冇介紹錯，個魚湯底夠鮮味得嚟又濃郁，再配上嫩滑嘅西班牙紅杉魚仔、鮮味嘅青口、彈牙大蝦同魷魚，令到整個味道層次更加提升。藏紅花蛋黃蒜蓉包 我就覺得係另一亮點，滿滿嘅蛋黃配上外脆內鬆軟嘅蒜蓉包味道好香濃，再加入了藏紅花就可以提升香味嘅層次，單食都已經好好味。再配埋個香濃魚湯一齊食，可以話吸晒湯嘅精汁後令到鹹香中又帶點甜，大愛。鴨白湯手打意粉配慢煮鴨胸同樣出色，湯底用上鴨骨熬製，所以鴨味濃郁但又唔膩，而鴨胸經過低溫慢煮，肉質非嫩滑多汁，而手打意粉都非常柔軟又夠彈牙。我最鐘意就係佢嘅湯汁都好夠，每啖意粉都可以掛滿湯汁一齊食，口感好豐富。香煎紐西蘭西冷牛扒外層煎至酥脆，而內裡又保持七成熟的熟度，讓肉質味道濃郁得嚟又夠嫩滑，有入口即溶嘅感覺。浸大教職員仲有折扣優惠，所以今個晚餐真係抵食又好味呀！
繼續閱讀
九龍塘隱藏西餐廳，性價比高高質食物，打卡，約會餐廳，CP 值高九龍塘一間秘密餐廳，隱藏喺學校，裝修以木系簡約風，環境寬敞衛生整潔，仲設有獨立房間，半開放廚房。服務非常之細心有禮貌同有耐心，廚師又好有心思，進出嚟講解添，非常欣賞呢度嘅服務態度。呢個價錢，性價比高，有興趣嘅朋友一定要嚟，今晚嘅晚餐，我覺得可以四個人食都冇問題。今晚嘅晚餐法式馬賽魚鍋用時令海鮮煮湯，今晚有西班牙紅衫魚，蜆肉同蝦等等，湯味濃郁，食材新鮮，一定要趁熱食。南瓜蟹肉鹹蛋黃意大利飯打卡又可以食，有水準，每一口都係鹹蛋黃同蟹肉嘅味道，再配搭南瓜帶點甜甜嘅味道，豐富嘅口感同層次感，特別又有創意。蒜蓉蛋黃醬牛油多士賣相非常之吸引，第一次食蛋黃醬嘅多士，咬落鬆化美味，有輕輕嘅蒜蓉味，仲有豐富嘅蛋黃醬同牛油味，別具特色朱古力三重奏一片片嘅松露朱古力，入口溶化，啱晒朱古力愛好者心太軟，外脆又鬆化嘅表層，包住裏便留心戀戀嘅朱古力醬，再配上雲呢拿雪糕，實在滋味無窮。酒心朱古力慕絲，好軟滑又絲滑嘅慕絲，口感軟綿綿，又充滿朱古力嘅味道同小小嘅酒味，如果想解你亦都可以配上特製嘅香蕉汁，雙重口感雙重味道。定期會做推廣優惠價，今晚簡直係大滿足，一定要分享給大家知道這個隱世好餐廳。
繼續閱讀
九龍塘浸大竟然有高質西餐廳？Bistro NTT食評分享！呢次去咗九龍塘浸會大學入面嘅 Bistro NTT by Attic 食晚飯位於九龍塘的西餐廳主打創意西菜，裝潢走木系簡約風，氣氛舒服，啱晒朋友聚餐或者慢慢嘆晚餐------------------------------🥣 雞白湯蝦雲吞雞
雞白湯好濃郁，冇味精，飲落去有種暖胃嘅感覺~雲吞入面有蝦，啖啖鮮味，十分彈牙而且入面仲有時令菜，雞肉，大件又嫩滑令整體口感更清新，真係有層次！ 🎃 蟹肉南瓜意大利飯配鹹蛋黃醬
南瓜切半好似熔岩咁流出嚟意大利飯入面有三文魚子、蟹肉、青口，配埋鹹蛋黃醬，口感超rich，啖啖蟹肉好鮮甜，鹹蛋味同南瓜真係絕配，一啖落去鹹甜交融，中和得好，令整體味道更平衡！青口新鮮得嚟又夠味，冇腥味，啖啖海水味，簡單但好食！ 🍫 朱古力重奏
有軟心朱古力、朱古力雪糕、酒心朱古力雪糕、心太款、同香蕉奶～每一款都各有特色，甜得啱啱好，唔會膩！
我同行最鍾意酒心朱古力雪糕，微微酒香加上濃郁朱古力味，真係好有層次
食完真係有種幸福感，好似食咗一份用心整嘅朱古力甜品藝術品咁！👩🍳 服務方面
Waitress 非常熱情，招呼到位，服務質素一流，真係感受到佢哋對食物同客人嘅尊重！ ————————-Bistro NTT by Attic (九龍塘)九龍塘聯福道32號吳多泰博士國際中心地舖
繼續閱讀
熔岩南瓜蟹肉意大利飯🦀🎃$198呢一個意大利飯好足料，手掌咁大隻既青口，伴隨極大量蟹肉同三文魚籽嘅意大利飯，埋藏喺一整個大南瓜入面～呢一個意大利飯嘅醬汁比較濃厚，配埋南瓜肉一齊食就有解膩嘅作用！雞白湯蝦膠雲吞雞🐔$308呢一個雲吞雞煲，應該算係中西合璧mix n match! 呢一個雞湯底，係真係攞原隻鮮雞熬製，所以湯頭零舍有鮮味！ 每一啖雞肉、娃娃菜、竹笙都吸收咗呢個雞湯嘅精髓！另外，意大利雲吞入面包咗蝦膠同流心蛋汁，趁熱食好好味！另外佢哋都有唔少心思位，例如喺呢個雞鍋面頭，加咗唔少炸乾貝絲，香口又提鮮！烏龍茶奶凍🍮 $68呢一個奶凍都好有特色，算係呢度嘅招牌甜品，茶味好突出，而且唔會太甜，大家嚟到記住試吓！
繼續閱讀