Bistro NTT by Attic

營業中

休息中

非常高質素的餐廳 有日本 美國 意大利 不同選擇 環境優美 意大利粉尤其好吃。。。。。。。。。。，。。。。。。。。。。。。。。。。。。。。。。。。。。。。。。

幫襯左三年。頭一年真係好正，服務一流，食物number one。第二年就爭啲，今年第三年，比此機會試一次。環境幾好，油煙大少少。野食quality返曬黎。今次叫左燒雞，朋友叫左個burger。雞肉嫩、burger香。下次可以再黎食。

一直都好鍾意嚟呢度食飯 環境舒服、價錢吸引！最重要係食物唔錯！九龍塘冇咩嘢食燒雞同漢堡包都係每次必點！跟餐嘅薯條熱辣辣新鮮出爐😍奶茶咖啡都唔錯😀👍🏻朋友減肥中就可以食沙律如果食飯時間唔長，可以嗌佢嘅飯或者意粉都係幾分鐘～ 啱晒喺浸大返學嘅同學仔🤪網絡收得唔好 可以專心同朋友傾偈食飯終於可以脫離網絡世界嘅煩擾🤓✨

琴日去咗呢間係浸大入面嘅Bistro NTT食lunch，叫咗個白咖哩豬扒飯，賣相唔錯，味道都幾好👍🏻👍🏻。之後仲有甜品食，覺得甜品比正餐高分🤣👍🏻

今次見到OpenRice 有8折就去試吓晚餐。同35 知己就試下🤔真係有機會驚喜。晚餐有啲食物需要預訂。Order 咗個加大Parma Ham 拼盤😄一個是日精選意粉問佢哋有咩推介佢話今日有個斧頭扒😍可以試吓成2000g ! 😮斧頭扒唔係成日有! 仲有社交平台OpenRice優惠。只要你幫餐廳宣傳就送一勺3L 花茶。賣相超靚🥰呢度地方真係比較偏僻。佢哋萬事都比較靜唔使訂枱可能因為地區關係但真係值得推介嘅一間餐廳用心製作。👍👍👍

餐廳環境清潔整齊，使人胃口大增，食物種類多且健康.職員服務態度優秀且快速有效率. 落單速度快, 上餐速度亦快, 整體進食體驗非常不錯.價錢尚可, 有不同優惠給學生及職員.

已經很久沒有到呢間餐廳之前食過一次不過不失今次行過嚟食咗個lunch😍三文魚帶子意粉Order 個烤春雞🤤而家餐飲有得轉花茶系列熱情果花茶少甜茉莉花茶香而且唔太甜啱晒而家香港健康嘅人仲可以轉朱古力特飲! 見到呢間餐廳廚師🧑🏻‍🍳同侍應都唔同晒佢哋個open kitchen好乾淨見到廚師好有心機喺度砌牛扒服務態度亦好好👍食完嘢啲員工會問你好唔好食唔好食可以反映意見! 值得一讚! 9月1號開始見到佢哋有免費多士同埋一勺3L花茶只要你喺OpenRice 社交平台分享食評就可以免費享用! 😍😲🤤淨係睇相都已經吸引。仲要每日限量得10份，9月1號一定在你。值得推介嘅一間餐廳👍👍👍

今日同其他五個朋友食開學飯，估唔到浸大有間咁有格調嘅餐廳！睇餐牌都有好多款式擇！令我最最最驚訝係竟然有北京填鴨薄餅尼樣野，之前真係聽都無聽過。咁我地好奇就點黎試下啦，出乎意料地好夾好好味！除此之外個烤春雞配薯條同西班牙海鮮飯都好高水準！烤春雞烤得啱啱好，薯條好味過M記個啲多多聲，作為薯條愛好者真係唔好錯過！西班牙海鮮飯雖然覺得有啲偏貴，但真係好好味！份量都好足2個人share 都食到反肚！之後同個職員傾計，佢地話之後有活動，可以免費送3-4人份嘅花茶或者珍寶蜜嘜厚多士。開學之後一定會常黎！

經常與朋友聚餐會選擇尼度，因為離浸大近。本次點了個番茄紅酒鴨胸肉扁意粉，意粉有少少硬，但是幾好味，冇紅酒味，肉無腥味，番茄煎得好出味。整個意粉賣相很好，盤子也很漂亮。薯條🍟好大條，有口感。南瓜湯如果稠啲就好啦。

本來想去光顧，但是侍應稱已經截單。嘩！晚上10點關門，晚上8點半就截單，未免太早吧！烹調菜式至少要2小時？見食評那麼吸引，專誠駕車，用了12元咪錶費，換來的是閉門羹。大門又沒有貼出告示註明截單或最後落單時間。專誠前往，但是換來閉門羹，希望店方檢視一下。

星期二大概晚上7:30到餐廳， 我包左全場。食物質素方面： 芝士大啡菇漢堡，漢堡包由內到外都十分好吃，包面微溫的，內夾有大片芝士，菇菇十分juice，還有沙律醬。伴菜薯條質素正常。服務方面： 經理哥哥十分熱情和有禮貌，上菜速度正常。餐廳環境方面：坐位十分大，很合適三五知己或一班人聚餐談天。經理哥哥很nice 地送了餐湯餐包和餐飲給我。我說要熱檸茶，經理說因茶膽不好，問我轉檸水好不好，我當然說好，因是免費的。

Bistro Bon上年年尾話結業原來佢用新名成功投標 又開返喇餐廳setting基本上同以前一樣不過換哂枱櫈同埋裝修氣氛照樣悠閒 又有啲新鮮感餐廳重新開返 可能太少人知 呢度又負評多過好評 所以星期六日都冇乜人呀希望可以幫呢間咁好嘅餐廳平反一下首先係餐廳名菜 燒春雞上次黎見到有枱學生 全部都嗌呢份呀第二要介紹我的最愛牛肉煎蛋漢堡非常厚又juicy嘅burger 超好味如果個日唔知食乜好 我就會揀All Day Breakfast有時係多士 有時係muffin以前好似有Bagel 希望可以重出menu啦最近好似出咗新menu今日試咗斧頭扒 超厚肉超juicy!Tomahawk 不得不提佢個薯條係超好味!!! 我嗌親嘅餐都有大家一定要試呀!

今日周圍都滿唒, 又無車位泊車, 又想挑戰下新餐廳, 所以就去咗浸會大學呢間餐廳。 開頭都無咩期望, 見到啲價錢中上, 但小朋友都鍾意食西餐, 又可以泊車! 試咗羊架, pizza, pasta 同 burger, 好味喎! 用料都好優質, 呢啲貨出去食唔只呢個價啦! 真係估唔到有間咁好食的餐廳在咁靜的位置, 會再去食!

裝修後嘅質素差到無人有！食過一次已經知咩料🤯午餐嘅時候叫咗嗰Black Truffle Mushroom Risotto，我1分鐘就食完，真係得兩三啖咁多（BB仔份量）！！！完全無可能食得飽！食完仲係好肚餓！我同朋友食完之後要出去再買啲嘢食先ok～份量咁少又唔係抵喎！真係焗鬼氣！第一次食飯食到咁嬲😡😡😡但係食完出去發覺勁多人等緊位，咁垃圾都可以有咁多客，真係不知所謂！奉勸大家唔好食呢間喇😵😵出去食喇～

開左業一個月都唔夠啲嘢己經質素大跌⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️我叫翻同樣嘅餐‼️一樣價錢‼️少左一條腸一塊包⁉️啲菜又少左好多‼️隻蛋穿左佢都竟然夠膽上 😡😡😡一個月已經搞成咁 我諗之後只會仲差如果冇左嗰優惠我諗我真係唔會再食希望餐廳負責人可以搞搞佢呢張係一個月前我叫嘅餐呢個係一個月後我叫翻同樣嘅餐啲煙肉仲要好似煙肉乾咁離晒譜大家自己睇吓然後小心啲早餐就就四十蚊 仲要折左我去hall can 食唔好咩😡