Bistro NTT by Attic

營業中

休息中

聽朋友話唔錯就想lunch嚟試下，味道方面合格唔算好驚喜，份量都幾多，但係個日叫個碟飯的米有少少生，環境方面都幾舒服，唔會同隔離位坐到好近，空間都幾闊。整體來講，都算合格

九龍塘飲食沙漠嘅綠洲本身以為麻醬烏冬會好單調點知有蛋有蟹柳有青瓜有蛋真係好吸引同好好食！！朋友食all day breakfast 都好豐富而且侍應姐姐都好好禮貌下次會再嚟㗎

作為新生今日第一次試到呢間餐飯，lunch食左個漢堡質素都唔錯，薯條調味幾惹味，份量都足。係浸大附近算質素唔錯嘅餐廳。浸大學生仲有九折同免加一優惠！值得一試！！

今天來到Bistro NTT ,今日與朋友一起進食，覺得環境舒適，設計時尚，可惜冷氣有點冷，建議帶毛氈和風褸，而且座位有cushion，10分舒服，初嘗惹菌芝士手打牛肉漢堡拼和風風味薯條，配沙律菜，賣相吸引，顏色豐富，香氣撲鼻。安格斯牛肉10分有肉汁，芝士入口即溶，配上生菜和洋蔥的爽甜，一咬下去口感10分豐富，在口中有多重滋味。薯條炸得香脆，外脆內軟，配上茄汁。沙律菜配上醋汁，10分美味。

今日嚟到Bistro NTT，未開始食已經覺得個環境好舒適，仲好有設計感，美中不足嘅係呢度收唔到電話訊號，但係佢又要你網上落單，雖然有BU嘅Wi-Fi，但係呢度都係收唔到BU嘅Wi-Fi，而餐廳冇提供，大家可以選擇用個訊號好啲嘅台。我哋嗌咗兩個漢堡，同埋兩個意粉，見到啲嘢食嚟到，好大份，望落好吸引。我食咗個白汁青口意粉，十分飽肚，比平時西餐廳嘅份量多，啲青口焗得幾香。

今日上完堂去食左呢一間食，上年嗰間麻麻哋今年整咗新裝修。所以試吓睇吓咩料。入到去發現冷氣好大，新裝修唔錯亦都有包廂。Menu都有分主食，漢堡等等，仲有得嗌甜品。我帶咗大啡菇漢堡配薯條同沙律菜。賣相唔錯，價錢平均$80

今日落左堂之後，同朋友唔知食咩好。突然有朋友醒起bistro NTT已經開左，咁啱我地又有時間，就即刻決定去試下喇！入到去見到裝修唔同左，環境非常舒適，仲有令人放鬆嘅音樂，真係好適合午間嘅休息時間！今次我地叫左野菌芝士手打牛肉漢堡配風味薯條及沙律，跟餐仲有一杯野飲添。薯條外脆內軟，仲係暖嘅，上面有一層好香嘅調味粉，真係好符合我地嘅口味。再黎就係個漢堡，塊手打牛肉好夠厚，仲有肉汁，調味又香，個醬汁帶啲酸味真係開胃喇。漢堡入面仲有啲洋蔥，口感更豐富又唔滯，下次再黎一定要再叫佢！

天地堂最啱嚟bristo ntt食飯，裝修左之後環境舒服左好多，好適合同friend嚟傾計。今次嗌左牛肉漢堡，仲有配薯條同熱飲，份量超足👍🏻漢堡醬比較多，牛肉都多汁，上菜都快，值得嚟一試！

Lunch黎到BU試下呢間隱世西餐,lunch menu都幾多選擇下, 其中簡左burger試下. 漢堡扒味道唔錯,配菜薯條超正,環境又坐得舒服! 職員服務態度好好,值得推薦!

整體食物價錢大概80元每位，以大學餐廳來說稍貴。青口意粉味道不錯，意粉彈牙，但青口只有三小塊，不太夠。豬肋骨肉質較硬，但數量很足夠，並隨餐附有沙律和薯條，整體都不錯。最後如果是教友，付款時有9折優惠，如果順路可以一試。

今天，我和家人朋友來到Bistro NTT 吃午餐。這裏環境舒適，座位寬敞，有兒童餐具，附近有咪錶車位和乾淨的洗手間。這裏有各式各樣的美食，有沙律、烏冬、意粉和漢堡包等等，份量十足，我們吃得津津有味！下次一定會再光臨。

大家好，今天我要介紹Bistro NTT 餐廳。這裏附近設有咪錶車位和乾淨的廁所。這裏空氣非常新鮮，還有陽光。這裏有很闊的沙發和軟綿綿的咕臣，還有兒童餐具，非常適合兒童來吃。還有限定優惠。

今次試咗all day breakfast。 牛角包好鬆脆，煙肉的質感香脆但唔太乾。薯餅啱啱炸起，外脆内軟！😚炒蛋同蘑菇is my favourite,炒蛋十分軟滑，蛋香十足，蘑菇juicy 多汁。整體都好正，比上年進步了不少，值得一試。

This restaurant is designed to cater to the international students on the HKBU campus, but our family has found it to be our go to for good food and friendly staff.It's gone through a renovation and a name change but the food remains exceptional and the people great. It's good for a date night but also family friendly! They take care of kids with all the amenities and the food is really tasty.If you want to come at night, book ahead or at least check out the menu because some of their signature

本身冇諗過係浸大附近有得搵到好食的東西，但但難得有機會有朋友推薦，就試下哩間Bistro NTT。入到去都覺得好舒服同環境幾好，餐廳keep住都播一啲好Hit嘅英文Classics。食咗一個黑椒汁雞胸飯，雞胸好難整得好食，但好彩個雞胸都唔會柴！不過食到某一啲部份，會突然覺得好粉，所以口感有少少奇怪。不過成個飯真係好大份，一個男人都食唔曬😂