Big Buns

營業中

休息中

灣仔美食攻略2023 港英美式輕食CAFE 三文治麵包專門店灣仔近年變化好大,由死場到慢慢有重建既新面貌,舊鋪走,新鋪來除左傳統既車仔麵,雲吞麵鋪!而家仲多左好多小店今日就千山萬水過左灣仔搵到近188既CAFE,只做早午餐,5點半就收工必試冷泡茶,每日精選濃湯仲有佢既特色早餐全餐卷包括煙肉,餐肉,炒滑蛋,薯餅,洋蔥醬即點即做,口感豐富,雖然份量大而多但佢做到可以一口咬得到既SIZE!佢個番茄湯真心堅好飲,我無胃口都清曬碗湯!誠意推介#小店 #香港小店 BIG BUNS灣仔軒尼詩道288號英皇集團中心地下G16號舖Shop G16, G/F, Emperor Group Centre, 288 Hennessy Road, Wan Chai

灣仔的三文治外賣店 Big buns ，位於灣仔軒尼詩道288號英皇集團中心地下。是間細小的快餐店，只有兩三個張不舒服的吧位高椅，周圍好多雜物，主要是做外賣生意。見到網上介紹主打足料爆餡的烤拉絲芝士三文治、英式炒蛋三文治，加上慢煮牛小排、煙肉、薯餅、意式肉醬、牛油果等，份量十足。另有卷物、酥皮批、西多士、自家製曲奇和奶昔等等，特登走過來幫襯，迷你西多士同一般茶餐廳製作做法大同小異差,只係面加糖再燒，有層焦糖面格外脆口，花生味滿重，個人覺得好甜好膩。

作為一個打工仔，早餐對我嚟講好重要，早餐決定當日的工作戰鬥力！當日要開長途會議，作為拼搏前的第一餐，就來一份豐盛嘅早餐-早晨全餐卷（$68）全日早餐就食得多，全日早餐卷就相對比較少見！卷皮包著炒蛋、煙肉、午餐肉、薯餅..等滿滿的配料~煎香了的卷皮厚度適中帶點脆口! 一次過一啖將多款配料放入口中，意想不到整個味道很夾，完全沒遺和感! 煙肉的鹹香配上香脆薯餅，鹹鹹甜甜般互相衝擊味蕾，感覺很玄妙~卷皮包著配料不鬆散，好方便進食!對於忙碌的打工仔嚟講進食方便得來又得到大滿足感，食飽就有滿滿動力工作去～在沒心情口淡淡的日子就點一份烤芝士三文治配自家製意式肉醬 ($58)，三文治也是即叫即製，新鮮熱辣！另外加$30可配飲品、餐湯或沙律，當日口淡淡所以叫個番茄濃湯陪襯下~三文治烤得香口，肉醬惹味，咬到中間還拉得出芝士絲呢! 番茄濃湯味道清新，幾開胃，岩晒口淡淡的日子調整一下心情~當試完一啖三文治，一啖番茄濃湯後，建議可試下食法二，類似日本的鰻魚飯三吃法!就是將三文治輕沾番茄濃湯來食，當中肉醬味道又昇華了! 工作到下午，個人開始無電，又係時叉一叉電，下午茶梗係要整返個西多士!迷你西多士 ($28) 已

是日就專誠嚟試一試呢一家英倫風嘅烤芝士三文治店，因為從網上睇到佢哋好幾款邪惡嘅出品，賣相既吸引，又合小弟口味，來一趟高質嘅享受。雖然地址標示「軒尼詩道英皇集團中心」，但靠近「灣仔道」一邊，都唔難搵。鋪面以深藍為主調，踏進餐廳，一室白瓷磚，有種簡約嘅英倫風。由於主打都喺附近嘅寫字樓客，以外賣為主，所以，店內座位唔多。晌等候期間，除咗碌手機，睇到黑板上嘅IQ題，你又識唔識呢？答中真喺有餐免費架。除咗主打嘅烤芝士三文治之外，仲有英式炒蛋三文治、凱撒沙律卷、早晨全餐卷、牛油果大蝦煎蛋、酥皮批、迷你西多士、多款配菜、飲品……等等，另加$30就可以升做套餐，包一份配菜及飲品，非常划算。此外，枱上仲放咗好多支醬汁，辣醬偏多，但都喺平常少見嘅，大可自由發揮，令你嘅三文治變得口味更獨特。意式肉醬烤芝士三文治 $58、是日沙律+咖啡 $30全部食物都喺即叫即做，就算個沙律都喺即場撈，無話一早整定晒，睇住師傅喺廚房認真製作，可謂慢工出細貨，所以，都要俾少少耐性都等多陣。成品賣相非常吸引，而小弟當然揀咗烤芝士三文治系列啦，再加$30升為套餐，選咗是日沙律同熱咖啡。先行分享咗份烤芝士三文治，餐牌都寫明用上酸種麵

 下午茶時段想吃點輕食，路經灣仔時，不期然被這間紳士藍英倫風店面的Big Buns停下腳步。小店設有少量堂食座位，主要以外賣為主。餐牌貴精不貴多，主打足料大大份的英式三文治，另有卷物、酥皮批及西多士甜品等。食物都是即叫即製， 保證熱辣辣，下單後大約等10-15分鐘就可取餐。慢煮牛小排英式炒蛋三文治 $58雖然菜式名字為三文治，但真身原來是burger造型，濕潤的炒蛋餡料多得快要滿瀉，加配慢煮牛小排構建多重滿足的味蕾體驗，餡料分佈平均，每口都吃到麵包、醬汁和配料。麵包採用法式甜包Brioche，包身夠挺，入口帶有微甜的牛油香，烘焙出外層輕脆的口感，內裡鬆軟有彈性。內裡夾著牛油炒蛋和半溶芝士，配以焦糖洋蔥，釋放出洋蔥的清甜味，炒蛋入口滑溜，包裹著豐盈蛋汁，牛小排經慢煮後肉質柔軟入味，每一口鮮嫩多汁，牛味醇厚。意式肉醬烤芝士三文治 $58Sourdough 酸種麵包是以傳統古法發酵的麵包，利用天然酵母、麵粉、水和鹽呈現最純粹的麥香原味，烘得外皮脆卜卜，內裡質感綿密煙韌。意式肉醬肉香四射，與芝士向來是天衣無縫的配搭，中間滿溢半融化的邪惡拉絲芝士，芝味澎湃濃郁之餘，還可與多士塑造出外脆內軟的口感

你以為烤芝士三文治就是麵包加芝士，其實要整得好食都唔簡單，邪惡都藏在細節之處。灣仔最近開了間專門賣烤芝士三文治和炒蛋包的小店，蛋奶素可以去食，喜歡吃包喜歡西式快餐的朋友必須一試。灣仔越開越多特色小店，最近這間主打烤芝士三文治和炒蛋包。主要做外賣，現場只有幾個座位，可以邊吃邊跟老闆吹水聊天。黑板上有IQ題猜都幾有趣。餐牌上都是麵包類邪惡美食，主打係烤芝士三文治和炒蛋包，甜品可以食邪惡西多士。提供各種辣醬自由加。英式炒蛋薯餅包HK$48芝士加炒蛋加薯餅，一睇就知係正野，芝士仲用火槍灼過，咬落去係半溶狀態非常爽。新鮮炸起的薯餅仲配上自家製的辣辣沙律醬，食落都幾有驚喜㗎。牛油果醬烤芝士三文治HK$58香港比較少吃到烤芝士三文治，麵包中間夾了兩種芝士和香蔥醬，老闆說原味已經很過癮好吃。不過加牛油果醬咁澎湃都好吸引嘛，自家製作的牛油果醬味道偏酸，配濃郁芝士就很平衝了，中間還有生洋蔥之類吃起來更有層次。烤芝士三文治必配番茄湯，沾著湯吃又多一層味覺刺激，邪惡得令人滿足。

上課前經過灣仔很多cafe的那條街，發現角落開了一家小巧的burger店，裡面主打burger和烤芝士三文治，如果在附近上班的話是不錯的一個選擇～食物看似很基本的組合，我試過後我覺得是simple but fine，越基本的菜式對食物製作的要求就要更精心才能做到真正的好吃，而這裡就做到這一點。🔹英式炒蛋三文治 $48這個小小的burger每一層都是功夫！它的特色就是有一層滑滑的炒蛋，蛋香和奶香一邊吃會一邊聞得到，中間夾住芝士和追加的薯餅，味道柔和一點但嗅覺會很滿足，薯餅提供了脆脆的口感，而自家製的洋蔥醬則讓味道更豐富；我說的功夫就是所有食材都是即叫即製，中間的芝士會用火槍燒溶，而法式甜包則會像韓國吐司一樣底面都會煎脆一點，讓你一口咬下去的時候超滿足！🔹迷你西多士 $28這個西多士製作過程非常繁複，首先裡面的醬料是花生醬加Nutella，為了增加口感還特別用粗粒花生醬，入口會比較能吃到花生醬味，不過後段會有nutella的味～炸到金黃色的西多士之後還會在面層撒上啡糖再用火槍燒一下，讓每一粒西多士都甜度均勻而且每一邊都很脆😋最後再在上面淋上滿滿的煉奶，看似超級膩但入口卻發現比預期更不甜，煉

今日係灣仔揾下有咩小食既時候🧐發現係克街同灣仔道既轉角位新開咗一間英式三文治專門店，門面係藍色，入面用咗白色磁磚，簡約英倫風路線🏠鋪頭主打外賣，有3,4個高腳吧檯位可以堂食，有齊中英文菜單📜有烤芝士三文治、英式炒飯三文治、凱撒沙律卷、大蝦煎蛋、酥皮批等等，叫完三文治加$30就可以升做套餐🥗今日揀咗basic既英式三文治($38) 試下🍔見到廚師即點即做，先烤香法式甜包，再炒製creamy滑蛋🍳出爐黎睇到同美式漢堡好近似，但比較細同埋有牛油香，中間有細甜既洋葱同埋咸香芝士🧀

Lunch Time又係周圍搵食嘅時候啦！呢日就發掘咗灣仔 Big Buns，佢係一間英式三文治外賣店，提供烤芝士三文治、英式炒蛋三文治、早晨全餐卷等等特式三文治選擇，而且份量都好充足，不論早餐或午餐食一定填滿腹腔，仲好滋味添！每款三文治可配不同饀料，朋友試咗Big Buns最signature嘅烤芝士配慢煮牛小排三文治，酸種麵包塗上蛋黃沙律醬，烤到脆卜卜，咬下去是半溶的車打芝士和水牛芝士，啖啖拉絲！牛小排肉質彈牙有咬口，肉味香濃。加30元配番茄濃湯和一杯飲品，大家一定要試吓個番茄湯呀！一定好味過餐廳出品！番茄湯啖啖番茄蓉，一D都唔酸，越飲越開胃，入面仲有麵包脆粒，店員推介以三文治點番茄湯來吃，一口脆一口半淋，多重口感，好好味！女仔想清淡D可以試吓凱撒沙律卷，墨西哥餅皮卷著啖啖爽脆及豐富的生菜，混合脆脆的煙肉、烤麵包粒唔會悶，加上巴馬臣芝士增添酥香，我更加配煙三文魚，增加蛋白質更滋味！特別推介甜點：迷你西多士！切成一口size嘅西多入面混合了花生醬及榛子醬，西多炸到外層香脆，撒沙糖上面再燒成焦糖，最上淋上香甜的煉奶，真係超邪惡超好味!! 食唔停口！作為甜品或下午茶開心呢～

行過試試新開嘅英式三文治， 嗌左個慢煮牛小排炒蛋三文治再加薯餅。 有驚喜！ 好少可係呢區有呢類英式三文治，仲要係新鮮即刻整。 款式都好似幾多，下次可能會試下sourdough。大家行過可以一試 🧐