BELLAVISTA

營業中

休息中

其實大家知唔知啟德Airside 有個空中花園，天氣涼涼哋去散下步、食個飯都幾chill 。夜晚選擇咗花園嘅餐廳，望住個城市夜景食晚餐。 性價比高嘅餐廳真係特別多人，呢度主打墨西哥菜同西餐，有唔同嘅酒精類飲品提供。最正仲係寵物友善嘅餐廳嚟㗎。 🤍炸魚薯條炸魚大條唔厚粉，魚肉夠滑，本身冇乜調味，可點沙律醬/茄汁，水準唔錯🤍墨西哥玉米卷（雞肉）玉米卷包住生菜、雞肉碎、仲有牛油果醬同酸奶醬，咬落口感豐富，加埋少少檸檬汁就更清新。🤍海鮮意大利飯鐘意risotto 入口係淡淡番茄味同芝士香，這道吃著煙韌又有鮮味，賣相精緻

星期五lunch 帶小狗去Airside.選擇此餐廳， 平台可以放狗chill 下。午餐1）Steak $138💢medium rare 真係好生， 早知要medium or medium well. ❌️🐂牛排好韌， 有根。 唔好食👎Burrata salad 水牛芝士好大粒， 軟滑， 但冇味。🥗2）Half Roasted chicken燒雞 $125🐔雞脾位諗d, 胸位好韌。meatballs - 此較好食飲品- 涷檸茶極差， 唔甜， 冇檸檬酸味， 冇茶味。總評。最好是能招待寵物， 坐餐廳外都ok 午餐食物 -真係好一般

airside這個商場已經來很多遍了，這次來吃這間高層平台的酒吧餐廳餐廳走輕鬆休閒路線，晚上配合夜景很靚，座位有一部分是露天座位點了一個⭐泰式牛肉沙律，一個⭐培根芝士焗薯條，還有⭐蟹肉意粉沙律的牛肉用了烤架烤，幾乎全熟但不韌，有碳烤香。 沙律醬汁是泰式甜辣醬的口味，酸，甜，很輕微的辣，沙拉菜新鮮煙肉芝士薯條新鮮烤好出來的，起司拉絲，經典組合蟹肉意粉走乾身路線，有蒜香，調味適當，都nice兩杯飲品叫了mocktail，一杯無酒精Mojito一杯，兩杯飲料都很好看，很打卡able晚上和朋友在餐廳喝一杯聊聊天，看看夜景，很舒服~

早兩日食晚餐，叫咗六碟嘢，因為要揸車，最後冇嗌酒類飲品，加上想之後幫襯附近啲特色茶店，所以只係嗌水飲。等咗兩三個字後，四碟餸上咗但叫咗嘅水仍然未有，向第二位外籍女侍應跟進第二次，佢竟然回答，for free water it will take some time! 然後2分鐘佢就攞晒啲水嚟。

試咗啟德呢間空中花園嘅餐廳Bellavista. 餐廳環境好chill, 鬧市中可以放空一下真係幾好. 假期前比較多人室內座唔多位亦滿座，冇位坐outdoor幾relax不過最近天氣凍記得着暖啲啊. 飲品叫左fruit punch 同Mexican mule, 夠晒refreshing. 前者有多種果汁混合而成不同果味互相交集味道甜美，後者雖然係酒精飲品但係都易入口口感清新. ⭐️Mozzarella cheese stick外表炸至金黃酥脆，芝士條拉絲感十足口感濃郁誘惑，沾上酸甜意式蕃茄醬更開胃. 呢個絕對係happy hour必點嘅小食. 👏🏻⭐️Truffle Mushroom ravioli , cream sauce 忌廉醬松露意大利餃, 濃濃松露香味非常誘人,忌廉醬好奶滑濃郁，意大利餃脹卜卜足料餡料煮得好軟腍，外皮不失煙靭. 如果想口味清新啲，另外都有蕃茄醬版本可供選擇.⭐️Parma ham pizza薄餅面層鋪上一塊塊巴馬火腿，鹹香味濃. 清新嘅火箭菜大大中和芝士飽膩感，薄薄嘅餅底好香脆. 百多元嘅定價呢個size同質素相當抵食. 而家OpenRice訂座慶祝生日order甜

呢度出名墨西哥菜，環境有戶外同室內，客人可以坐自己鐘意既地方，入面仲有調酒師即場調酒，我地叫左一杯martini 加左expresso既cocktail飲落好滑溜同易入口既sweet味，加埋咖啡好夾，呢度仲有多款cocktail,mocktail紅酒，白酒等等好多酒品俾客人選擇。我地叫左一份墨西哥雞肉bbq pizza，呢度既pizza好惹味，少少辣又大大個，食落餅底比較似餅乾脆身，雞肉加bbq醬都幾夾又飽肚。

餐廳位於商場6樓，分室內和室外，洋溢著悠閒感。點了墨西哥烤肉fajitas，可選雞、牛或雞牛混合，我們選了雞肉，附奉四片玉米餅麵包tortilla，並配有牛油果醬、酸奶油和蕃茄莎莎三款醬料。 烤雞嫩滑、有肉汁並帶有燒烤的香氣，配搭三色椒、洋蔥和蕃茄以平衡肉的膩感。 另點了瑪格麗塔pizza，有mozzarella芝士、蕃茄醬配上新鮮的羅勒葉，薄餅薄身香脆，有芝香和蕃茄香，美味！飲品方面點了mango mule和virgin colada，兩者皆不過不失。

坐月之後老公話好耐冇食西餐，於是乎一家大小帶埋蕃薯一齊去食AIRSIDE，貪佢平日消費有得免費泊車4小時，啱曬帶bb去街。原本訂左檯坐indoor，入面比較逼夾，加上好重油煙味，於是乎都係轉左坐outside。天氣清涼坐Outside 比較舒爽，可以望到啟德環境，加上有BB車環境比較闊落，冬天都會有暖爐喺旁邊唔會怕太凍。🍠紐西蘭青口&貝殼桶 $175平日唔好青口既我都幾欣賞依道菜，啲青口唔重腥味好soft，啲香蜆冇沙好嫩，個white wine sauce都好好味😋🍠卡邦尼意粉 $145醬汁算濃厚，意粉掛汁，但略嫌portion太少同比較偏鹹。🍠松露意大利餃 $155個ravioli都算出色，一碟有5隻，松露味好出唔會太膩，忌廉醬好濃郁，算唔錯👍🏻🍠意大利辣香腸pizza $165整個批有8塊薄批，唔喜愛麵包的家人都覺得幾好食，即使凍左都仲脆皮，味道啱啱好。🍠紐西蘭谷飼肋眼牛扒 $288配菜有大啡菇，火箭菜，蕃茄及炸蒜。叫左medium，但肉質都比較靭，食落亦冇乜牛味，真係麻麻地。🍠朱古力布朗尼 $68🍠紅絲絨蛋糕 $68比較差係兩個甜品，天氣唔熱但上菜時啲雪糕已經溶晒，似係食緊忌廉多

Staffs are nice and helpful to place the order and take the photos.Food is great with large portion. It is suitable for sharing with a group of people. It won't feel so hot even it located in the rooftop. However, you might feel a bit crowded when it was full house as the table and chairs were very close to each other. Chat in lower volumn if you wanna share some secrets.Nice decoration and cozy place that recommended. 

餐廳有室內同室外，可以慢慢坐吓，同朋友chill吓1️⃣ 松露意大利餃（忌廉醬)意大利假大大隻，外皮柔滑，內餡香濃搭配奶油醬和松露的獨特風味，好滿足2️⃣ 墨西哥烤肉（雞牛混搭配）用鐵板上，熱辣辣雞肉和牛肉搭配玉米餅和各種醬料我最鍾意牛油果醬，口感豐富且有層次，特別適合喜愛墨西哥風味的食客3️⃣ 自家製酸甜醬雞翼雞翼外皮酥脆酸酸甜甜，好開胃4️⃣ Mango/Berries Smoothie 除咗酒精飲品，餐廳仲有smoothie Smoothie好清爽又健康溫馨提示，餐廳都係外國員工，點餐時需要用英文

今晚同閨蜜去啟德AIRSIDE shopping, 佢話想試下6樓既墨西哥餐廳, 我當然話好啦, 都好耐無食墨西哥餐, 呢間位於6樓平台係半露天,  都係動物友善餐廳, 環境真係好chill, 氛圍又好又有歌聽, 感覺好relax!*Mix Fajitas~ 墨西哥烤肉 (可選/牛/雞/Mix）呢款出名既墨西哥烤肉可以選擇mix牛和雞，一次過試哂兩款肉類! 一黎到用鐵板上，保持熱度, 已經聞到好香！雞肉好夠味和嫩滑，牛肉濃味, 加埋洋蔥和甜椒，搭配埋特製番茄莎莎醬、牛油果醬同埋酸奶油，夾埋落玉米餅麵包(有四片)，口感豐富，好有層次, 真係好夾！*Mexican Nachos～ 墨西哥玉米片（可選蝦/牛/雞）揀左牛肉，再配上牛油果醬、酸忌廉、蕃茄沙律，好colourful，小小微辣和很香口。*Red Sangria 點左我很喜愛的Sangria, 紅酒味十分濃郁，加埋不同的生果肉，清新香甜的雜果味紅酒 。*Rosemary Blueberry Smash酸酸甜甜的藍莓清新怡人，迷迭香帶有松樹般的香氣。*Chocolate Brownie ~巧克力布朗尼 初時以為好結實, 原來都好軟熟還有

今日放工約咗朋友食飯，嚟到Airside 6樓的西班牙餐廳，這裏環境舒適，氣氛超好，係放工輕鬆的好地方，適合三五知己一齊聊天🌟#松露意大利餃（蕃茄味）松露意大利餃可以選忌廉醬或者蕃茄味口味，今次我哋揀咗蕃茄味✨餃皮薄而柔韌，包裹著香濃餡料，散發著松露香氣，與番茄的酸甜相當搭配👍🏻🌟#希臘沙律希臘沙律清新又健康💗配料新鮮多樣，有新鮮的沙律菜，希臘乳酪，青瓜，三色椒，蕃茄仔，紅洋蔥，黑橄欖，色彩繽紛，口感豐富🫶🏻🌟#濃郁蘑菇餐湯配蒜蓉麵包蘑菇餐湯湯底醇厚，非常濃郁，蘑菇還是有顆粒感，感覺更加鮮味😋搭配蒜蓉麵包，外脆內軟，完美地吸附湯汁，溫暖人心💗🌟#MANGO MULEMango Mule 清新又充滿熱帶風情🫶🏻切片的黃瓜增添了清爽口感，搭配香甜蜂蜜糖漿和濃郁芒果醬，味道更加圓潤✨檸檬汁的酸味與啤酒的微辣相互交融，聚會或放鬆時的好選擇👍🏻

今天同朋友去左新開既sogo行街shopping，順便過去啟德Airside果邊搵間餐廳歇一歇。朋友帶我去六樓的半露天餐廳食午餐，呢度有濃郁的異國氛圍。我地揀了是日西湯(SOUP OF THE DAY)，係粟米蓉忌廉湯，甜甜的、有啖啖粟米蓉。另外點了自家製肉丸（MEATBALLS），肉丸以蕃茄肉醬為底，肉丸口感好，可以把肉丸沾滿滿咁食係最正。主菜色香味俱全，令人垂涎欲滴。澳洲黑安格斯牛排（AUSTRALIAN BLACK ANGUS STEAK）點了五成熟，配粗薯條，安格斯牛排表面煎得香香帶少少脆，切開時牛排還出緊煙，肉嫩易入口。烤雞半隻（HALF ROASTED CHICKEN）配上粗薯條和醬汁，外皮金黃酥脆，內裡肉嫩多汁，薯條外酥內軟，唔錯唔錯。黑松露蘑菇薄餅（TRUFFLE MUSHROOM PIZZA）的餅皮金黃酥脆，表面撒滿了細緻的黑松露碎片，散發出濃郁的香氣。蘑菇片新鮮多汁，與黑松露的風味相得益彰，增添了豐富的層次感。午市套餐包咖啡/茶或汽水。餐廳在Airside六樓，可遠眺啟德體育園和海景，下次可以再來chill下。

上個禮拜同一大班朋友食飯想去呢間餐廳，正因有人生日，我係電話book嘅時候要求餐廳準備蛋糕. 當日前後打左兩次電話，接聽嘅香港店員非常清楚講到係上個禮拜晚餐時間已經book左； 我再三提醒一定要準備好蛋糕，同埋口頭確認過日子同時間。 去到晚上食飯，餐廳並無香港店員，剩返兩三位南亞裔職員竟然話我無book。 全部人企係餐廳出面等佢處理；不但無任何處理，仲要無視。 但凡有職員可以同我地講幾點可以返黎，或者係跟其他人排隊拎籌，我地都係ok. 時隔一個禮拜後, 餐廳某職員（用英語溝通嘅女士）今日打黎問我係咪book左位 😅 店員之後得悉我地就係上個禮拜無左Booking，連一句歉意都無，仲要即刻收線。 呢種服務態度真係極度惡劣，希望大家可以考慮其他服務態度更佳嘅餐廳。

係openrice book左位去到要等成差唔多半個鐘都冇位，全家企喺度等吹風，係咁話就嚟就嚟，根本就handle吾到，態度亦都唔係特別好，我哋最尾行去隔離間餐廳食booked for our family and friends and dogs, but when we arrived they kept telling us to wait, just said almost almost, in the end have to wait 30 minutes and we just left