Be Leaf (已結業)

觀塘嘅Be Leaf 行過路過嘅人都一定會比佢嘅裝修吸引，門口嘅藤椅同石春路岩哂打卡。今次就去左食晚餐，選擇幾多，味道都唔錯。香烤椰菜伴煙燻甜椒堅果醬椰菜好多汁，食落一啲都唔乾，橙紅色嘅甜椒汁食落酸酸地，配埋椰菜一齊食幾開胃。面頭仲加上一啲好香嘅煙肉碎，食落唔會太單調，帶點鹹香，係一個幾健康嘅選擇。海賊雞翼（6隻）海賊雞翼個名令我聯想起土匪雞翼，但呢款雞翼炸到好熱好香脆，面頭沾上啲香料，又有啲辣椒碎，食落味道都幾香濃，同朋友一齊分享呢個小食都幾唔錯。白酒牛油煮西班牙辣肉腸魷魚意大利麵意大利麵煮到好香一上枱就聞到濃濃嘅牛油味，但入口唔會覺得太油膩，加埋白酒一齊反而滲出微微嘅 香氣。辣肉腸更增添整個麵嘅油香，令到個麵更香濃。焦糖海鹽杏仁粒沙冰見到個名就覺得好吸引，焦糖味好香濃，但唔會過甜，沙冰入口好smooth，絕對係夏日特飲之選。清新Fresh之選 薄荷青檸梳打另一夏日推介，我就最鍾意飲酸酸嘅青檸啦，消暑開胃。自家製美國核桃巧克力布朗尼配冧酒提子雪糕布朗尼食落暖暖地，咬到粒粒核桃，令到個布朗尼食落唔會太單調。加埋冧酒提子雪糕，一冷一熱，雪糕好香酒味，仲有提子，食完好滿足。

觀塘Be Leaf.味道：7/10🌟抵食：6/10🌟環境：8/10🌟.今日帶大家黎到裝修文青嘅觀塘打卡Cafe🤎-✅推薦：(素)意式茄蓉野菌雜菜意大利麵🥬🍝首先，佢嘅意粉係即叫即整上到嚟勁熱🔥番茄醬汁濃郁嘅意粉中有唔少蔬菜😍有茄子🍆西蘭花🥦翠玉瓜🥒蕃茄🍅蘑菇🍄等等😋超滿足，完全唔覺得食緊素食😉-❌中伏：香蒜辣椒欖油銀魚柳鮮蜆意大利麵🤐銀魚柳另小編以為有塊魚柳配意粉，結果冇🤣銀魚柳其實係啲超超超咸嘅魚🐟然後個廚師落得勁重手完全食唔到😶大家唔好叫😂-🆗普通：馬來椰香喇沙蟹,蟹,蟹,意大利飯(蟹籽蟹肉蟹柳) 🦀️鍾意食喇沙嘅朋友去可以試吓💛喇沙醬味好濃，包裹著每一粒飯😍不過由於佢真係太大碟，食到後尾好滯👀

一間西餐廳有齊幾個打卡位，相信女孩子一定歡喜若狂，盡情享受美食之餘，又有靚相留念，Be leaf就可以做得到。門外氣派不凡，內部格調高貴典雅，美觀舒適；金色餐具及輕巧餐碟鍍有金邊，更添矜貴。今晚嘅餐湯係南瓜湯，幼滑香甜，有少少炸脆麵包粒增加口感。一客蒜香牛油蟶子拼蒜香包 ，當中嘅蟶子充滿鮮味 ，上面鋪咗滿滿嘅配料，有驚喜，加上烘得脆身嘅蒜蓉包，完全提升味道層次。主菜有法式紅酒燴美國羊膝 配香酥手抓餅，賣相好吸引，好容易切開嘅羊膝代表炆得夠時間及火喉，肉嫩多汁，有配菜及醬汁，混合一齊食，勁惹味，再有脆脆酥香嘅手抓餅，更添滋味。侍應推薦當日新出爐飲品，係焦糖海鹽杏仁粒沙冰，將堅果搗碎為微細幼粒，入口似沙沙感覺，但忽然又會咬到小粒粒，幾特別，淡淡杏仁奶味及香滑忌廉，飲落清甜順滑，果然係好介紹。另外一杯Cappuccino有拉花圖案，咖啡味濃，配合適量鮮奶，入口甘甜細膩。餐廳環境舒適，尚有更多美食有待發掘，期待下一次的體驗吧。

之前喺觀塘返工，見過呢間餐廳好靚，今晚約咗朋友試吓，果然冇令我失望餐廳有一種好渡假舒適嘅感覺，戶外有位置坐，入邊就有好大個椰殼造型嘅椅子影相叫咗個蜜桃巴馬火腿水牛芝士沙律配蜜桃油醋汁，夏天食又清新又開胃，賣相唔錯，用料新鮮，沙律汁令到成個沙律味道突出，配上火腿帶出鮮味蒜香牛油龍蝦肉辣蕃茄全蛋闊面亦唔錯，龍蝦味香濃，配上甜美嘅蕃茄仔，闊條麵完全吸收晒醬汁，好惹味，闊條麵比較爽口，我同朋友都好鍾意食成晚最突出就係甜品，宇治抹茶烤團子紅豆梳乎厘班㦸，一上枱已經聞到好香嘅蛋味，感受得到充滿空氣感，同日本食嘅質素有得比，抹茶嘅味道好香噴噴，而烤團子好煙韌，成個甜品絕對值得一試朋友叫咗杯黑糖焙茶鮮奶，焙茶味道濃郁，加上淡淡的黑糖味道，混合得好夾，唔會太甜我叫咗杯清爽嘅飲品Ocean Paradise，賣相好靚，打卡好適合，鮮藍色帶出海上嘅感覺，清新嘅檸檬味亦好突出如果假日嚟一定可以慢慢傾偈，享受一個下午

最近好鍾意舒芙蕾～🍮搵到呢間環境超級好的小店Café有波西米亞風嘅放鬆氛圍🍂點上一杯咖啡 一塊蛋糕🍰慢悠悠地度過愉快午後時光～我同朋友正好在生日月份 仲讓餐廳職員幫手寫左Happy Birthday～個人認為值得一試～滿滿度假風非常愜意仲有戶外座位 可以帶狗仔坐在戶外聚餐🐩無論是休息 定拍照打卡都非常舒服！

搭巴士成日經過呢間餐廳 裝修好峇里風feel 專登揀咗生日去呢度打卡影靚相 禮拜日好多人 餐廳唔算好大 點咗兩份午餐 一份pancake 兩杯嘢飲 味道其實好普普通通 但價錢其實都偏貴 純粹為打卡嚟一次就Ok 但未必會令我再嚟嘅理由

環境格局唔算好大，比想像中細，但好適合一班女士們打卡既好地方 一開始，女士們到處打卡想影下相先 門口位打卡好靚 好適合放係icon到我地當日叫左個4人餐店員話新客成為會員再會多一客小食或飲品，所以當日我地叫左兩款小食，及兩杯飲品。食物口感都唔錯👍，埋單總共$1436 都有好多野食，所以都算係值得推介🥳

點了一個口水雞套餐，傳統的四川菜，雞肉入口，味道甜中帶辣，辣中帶香，香中帶麻，而且雞肉入口細嫩幼滑，麻辣的醬汁，更令人再三回味。辣度適中，適合不太食得辣的我，而且雞肉用了青瓜鋪底，覺得太辣就吃一件青瓜，清甜又清新，減去很多辣的感覺。餐湯是蕃茄薯仔湯，他選用新鮮蕃茄和薯仔，味道帶酸而且清新。點了一個法式紅酒燴美國羊膝配香酥手抓餅，手抓餅熱辣辣，羊膝肉煮得很腍身，入口軟腍有口感，而且帶有香濃的羊肉味，配埋紅酒汁好惹味，半碟有薯蓉和蔬菜，薯蓉入口幼滑，很濃的牛油味，這個手抓餅，口感酥脆，配上醬汁味道不錯。這個椰香花生醬朱古力，牛角包窩夫配楓糖合桃雪糕，這個甜品是即叫即做的，太美味。這杯焦糖控，自家製焦糖餅咖啡，表面的焦糖慢慢融入咖啡，你會飲到咖啡香濃味，和甜甜的焦糖味。這杯Grapefruit Summer 夢幻配色是黑加倫子和西柚兩隻味道混和，原來是這麼夾的，味道清新。

峇里風cafe🏝️一見到門口已經覺得好靚💕食物都比想像中好～打卡café來講都算係唔錯呀我地lunch time過來，午餐本身有跟冷律、餐湯同茶。都幾抵食，份量同味道都唔錯☺️‣ 日式慢煮燒牛肉配日式冷麵 ⋆ $88‣ 脆炸珍寶軟殼蟹配日式冷麵 ⋆ $95

今天在openrice網上預訂這間餐廳慶祝他人的生日，網上評論很不錯亦是一個打卡熱點。於是預訂了晚餐，領取了晚餐套餐78折優惠券。早了20分鐘到達餐廳，職員帶我們入座，安排了一個死角位置，提出坐近玻璃窗坐位，職員表示該位無冷氣比較熱，於是坐回原位。這個位置一邊近門的竹欄，接近馬路，比較嘈吵。枱面沒有清潔，仍有糖漿之類的污漬，其中一隻餐碟是缺了一角的，於是自行換了另一隻碟。心想可能很多人訂了枱所以被安排在某一個角落。我們叫了二人晚餐套餐，先來一碟沙律及，很快來一碟［蒜香牛油蟶子拼蒜香包］，隻隻蟶子都有兩三粒沙，難頂。接住上了一碟［珍寶軟殼蟹溫泉蛋芝士忌廉意大利麵］，很多芝士，越食越咸。這個時候湯才到，微暖的，而且其中一碗有粒黑色的麵包碎，令人不安。我自己都開始無食慾，留意到壽星仔，免為其難地說好食。最後，送上［法式紅酒燴羊膝配香酥手抓餅］。見到已感不妙，吃了一口車尼茄，味道十分奇怪，接著吃了羊肉，沒有羊肉羶味，全部都是迷迭香的味道，越食越奇怪，這種感覺是，這隻羊應該一出世就是食迷迭香長大的，整塊肉不像肉，食到某個位置，肉是苦的。向侍應查問，她回答，羊肉是加了香草醃製的。我真的不明白，這羊

百忙之中可以喺平日放假，仲要係同另一半一齊放假，當然要走去平時星期六日勁多人嘅餐廳去食吓嘢，今次揸車過到嚟觀塘去食Be Leaf，一見到餐廳門面，就已經覺得好岩平日慢活chill一下，餐廳主色調係木色同竹禾，一入到去就比到一種好舒服嘅感覺，可以枱之間亦都好闊落，為咗迎合觀塘呢個商業貿易區，呢度除咗二人枱四人枱之外，亦都有八人枱同卡座，適合無論係上班族定係街外客。坐低咗之後就QR code落單，今次就嗌咗：1）慢煮雞胸溫泉蛋亞支竹香醋欖油沙律 ⭐️⭐️⭐️⭐️ / ⭐️⭐️⭐️⭐️⭐️2）法式紅酒燴美國羊膝配香酥手抓餅 ⭐️⭐️⭐️⭐️ / ⭐️⭐️⭐️⭐️⭐️3）Ocean Paradise ⭐️⭐️⭐️⭐️⭐️ / ⭐️⭐️⭐️⭐️⭐️4）自家製焦糖餅咖啡 ⭐️⭐️⭐️⭐️⭐️ / ⭐️⭐️⭐️⭐️⭐️5）椰香花生醬朱古力牛角包窩夫配楓糖合桃雪糕 ⭐️⭐️⭐️⭐️⭐️ / ⭐️⭐️⭐️⭐️⭐️今次嗌咗兩個set lunch，黎到嘅份量比我想像中多，慢煮雞胸溫泉蛋亞支竹香醋欖油沙律，喺炎炎夏日食返啲沙律岩晒胃口，溫泉蛋半流心狀態，配合埋慢就煮過嘅雞胸，真係好夾，如果可以落多少少黑醋落去，應該會更加令到胃口大增。另一個set就大咗羊膝配手抓餅，呢個台式同法式之間嘅mix-and-m

呢間餐廳成間裝飾到好似一個森林咁，有好多打卡位，佢門口係有一條石春路，角落頭有一粒巨型椰子🥥俾大家坐入去影相，食完飯可以慢慢影相。🧅🐓🦐Be leaf 小食拼盤呢個小食拼盤有洋蔥圈、水牛雞翼同炸蝦餅，個啲醬係泰式辣醬及沙爹醬，味道唔錯。🦀🍚香煎北海道刺身帶子蟹肉忌廉意大利飯帶子都好厚好彈牙，好新鮮多汁，意大利飯粒粒都索哂啲汁，撈埋一齊食真係好好味。🍞🧄🥣泰式東陰功煮菲律賓活蜆配蒜蓉包蜆好新鮮，有好多隻係入面。東陰功唔太辣，酸酸地好開胃，如果將香脆既蒜蓉包點落啲湯度，味道十分之唔錯。🧀🐖🍟芝士焗肉醬烤西班牙杜洛克豬背肋配薯條豬肋好大塊，但略略有啲乾，唔夠juicy ，薯條好香脆。🍹鹽漬櫻花配柚子梳打呢個飲品好解渴，有啲似咸柑桔🍊咁。🍰泰式斑斕巴斯克烤微燒芝士蛋糕蛋糕有淡淡既芝士及斑斕味，如果同店員講有人生日，可以寫上生日的字樣及插上蠟燭🕯️。#beleaf #beleaf小食拼盤 #香煎北海道刺身帶子蟹肉忌廉意大利飯 #泰式東陰功煮菲律賓活蜆配蒜蓉包 #芝士焗肉醬烤西班牙杜洛克豬背肋配薯條 #鹽漬櫻花配柚子梳打 #泰式斑斕巴斯克烤微燒芝士蛋糕 #birthdaydinner

今日朋友帶左我去觀塘呢間靚靚Cafe，乾花拱門、峇里島鳥巢、藤椅桌椅，到處都係打卡位。蒜香牛油蟶子拼蒜香飽：加左牛油蒜蓉煮既蟶子特別香口；蒜蓉飽熱辣辣脆卜卜。茴香炸豬手粒：豬手粒炸得香脆，配上秘製醬汁，回味無窮。香煎北海道刺身帶子黑蒜黑松露野菌忌廉意大利飯福袋：帶子新鮮肥美；意大利飯煮得軟硬適中；黑松露倍添口感；黑蒜感覺健康。鹽漬櫻花柚子梳打：甜蜜蜜既柚子蜜、鮮香既櫻花瓣、加上鹽漬既咸味，豐富層次感。自家制焦糖餅咖啡：焦糖餅溶化後，和咖啡混為一體，令咖啡多左一份甜味，焦糖控必點。梳乎厘鬆餅：即叫即整，空氣感十足，蛋香味濃郁，仲有脆脆既焦糖碎。總結，餐廳環境優美，好有度假feel，食物配搭好有心思，我同朋友好享受左個休閒既晚上。

終於可以到這間人氣極高的打卡餐廳了。餐廳以峇里島度假風及波希米亞擺設。餐廳主色以米白作主調，配上不少乾花裝飾，讓人有種遠離煩囂，世外桃源的感覺！我們點了幾度菜式：1. 糖漬青芒伴溫煮阿根廷天使麵配熱帶水果醬：這道菜結合了甜味和咸味。麵條煮得很有口感，清新甜美的美道，很開胃。今日2. 香煎北海道刺身帶子蟹肉忌廉意大利飯：帶子和蟹肉的嫩滑口感，配以忌廉意大利飯，忌廉飯很Rich，口感十分豐富。3. 黃金廣島蠔櫻花蝦蕃紅魚湯意大利麵：這道湯意大利麵很清爽，湯頭鮮美，搭配海鮮和蕃茄，恰到好處。4. 芝士醬焗醬烤西班牙到洛克豬背肋配薯條：這道菜是一個經典的西班牙菜，濃郁的芝士醬和豬肉完美搭配，配以薯條，更是讓人食指大動。飯後，我們到處打卡。特別是那充滿乾花佈置的鞦韆和地上的石頭擺設，令我們重燃少女心。

Be Leaf相信唔少人已經黎過打卡，我地已經算遲啦！不過遲到好過無到，因為黎到真係覺得值得一黎！門面唔同位置都適合打卡，最好就係假日同三五知己一齊黎enjoy一個下午食物方面都同樣出色既Be Leaf，今次我地就食左以下菜式🌼 蜜桃，巴馬火腿，水牛芝士沙律伴蜜桃油醋汁 $108.0蜜桃好正！非常甜！成個沙律我就最鍾意蜜桃啦！兩片巴馬火腿配埋水牛芝士感覺非常夾！蜜桃油醋汁唔會好似柚子醋咁太酸，甜甜地咁，非常好味🌼 黑芝麻紅棗陳皮雞翼 $98.0好甜既雞翼，炸得好脆酸酸甜甜既醬汁，食落令我諗起西檸雞，不過味道唔係完全相同🌼 香煎法式鵝肝牛肝菌意大利飯 $168大大片既法式鵝肝，我終於係香港食到比較似樣既鵝肝意大利飯既味道相對上就偏淡d，配搭比較油香既鵝肝就啱啱好🌼 Strawberry 🍓 Avocado 🥑 Smoothie $52.0呢個smoothie打得好順滑，估唔到strawberry同avocado既味道原來係咁夾好正呀🌼 Ocean Paradise $46.0飲落係荔枝梳打味再加dd檸檬味，清爽可口.好啱呢個天氣飲！