Be Leaf (已結業)

今日朋友帶左我去觀塘呢間靚靚Cafe，乾花拱門、峇里島鳥巢、藤椅桌椅，到處都係打卡位。蒜香牛油蟶子拼蒜香飽：加左牛油蒜蓉煮既蟶子特別香口；蒜蓉飽熱辣辣脆卜卜。茴香炸豬手粒：豬手粒炸得香脆，配上秘製醬汁，回味無窮。香煎北海道刺身帶子黑蒜黑松露野菌忌廉意大利飯福袋：帶子新鮮肥美；意大利飯煮得軟硬適中；黑松露倍添口感；黑蒜感覺健康。鹽漬櫻花柚子梳打：甜蜜蜜既柚子蜜、鮮香既櫻花瓣、加上鹽漬既咸味，豐富層次感。自家制焦糖餅咖啡：焦糖餅溶化後，和咖啡混為一體，令咖啡多左一份甜味，焦糖控必點。梳乎厘鬆餅：即叫即整，空氣感十足，蛋香味濃郁，仲有脆脆既焦糖碎。總結，餐廳環境優美，好有度假feel，食物配搭好有心思，我同朋友好享受左個休閒既晚上。