Be Leaf (已結業)

一間西餐廳有齊幾個打卡位，相信女孩子一定歡喜若狂，盡情享受美食之餘，又有靚相留念，Be leaf就可以做得到。門外氣派不凡，內部格調高貴典雅，美觀舒適；金色餐具及輕巧餐碟鍍有金邊，更添矜貴。今晚嘅餐湯係南瓜湯，幼滑香甜，有少少炸脆麵包粒增加口感。一客蒜香牛油蟶子拼蒜香包 ，當中嘅蟶子充滿鮮味 ，上面鋪咗滿滿嘅配料，有驚喜，加上烘得脆身嘅蒜蓉包，完全提升味道層次。主菜有法式紅酒燴美國羊膝 配香酥手抓餅，賣相好吸引，好容易切開嘅羊膝代表炆得夠時間及火喉，肉嫩多汁，有配菜及醬汁，混合一齊食，勁惹味，再有脆脆酥香嘅手抓餅，更添滋味。侍應推薦當日新出爐飲品，係焦糖海鹽杏仁粒沙冰，將堅果搗碎為微細幼粒，入口似沙沙感覺，但忽然又會咬到小粒粒，幾特別，淡淡杏仁奶味及香滑忌廉，飲落清甜順滑，果然係好介紹。另外一杯Cappuccino有拉花圖案，咖啡味濃，配合適量鮮奶，入口甘甜細膩。餐廳環境舒適，尚有更多美食有待發掘，期待下一次的體驗吧。