Ask for Alonzo

餐廳：Ask For Alonzo地點：鰂魚涌太古坊菜式：意大利近地中海省份的菜式餐牌：Set dinner$298另加一，包前菜9選1，主菜5選1或者意粉意飯12選1，同甜品4選1。某些菜式要加錢。飲品有雞尾酒，手工啤酒，咖啡茶，果汁等。麵包每人有兩款各一片，分別加有提子乾配果仁同sun-dried tomato，暖暖地，烤得好脆口，味道好豐富，配自家製松露加巴馬臣芝士醬，更加又滑又香。Italian Cold Cuts & Cheese Board Mortadella, Parma ham, spicy salami, Taleggio, Gorgonzola意式凍肉及芝士拼盤用木板仔上，三片唔同款火腿包括意式肉腸，巴馬火腿同辣莎樂美腸，配有兩片軟芝士，酸洋蔥，酸燈籠椒，橄欖同兩片香脆多士，好豐富。Seared Tuna 加$48 另加一Lemon dressing, caper, rocket吞拿魚賣相一流，一客五片，整得半生熟，加有洋蔥碎紅椒碎同橄欖，下底墊有火箭菜沙律，伴有新鮮車厘茄同檸檬一件，加有滿滿橄欖油。吞拿魚都算嫩，沙律菜好夠油份不過唔膩，味道酸酸地，好啱悶熱夏天作為開胃菜。Crab Linguine 加$28 另加一Chilli, basil, cherry tomato, EVOO非常滑溜扁意粉撈有唔少車厘茄同埋蟹肉，加有好多香草同胡椒。服務員於落單時已經提示呢道菜會有d辣，其實只係微微辣，味道帶好清新檸檬味，口感豐富，好味道。Prawn & Asparagus Risotto 加$38 另加一Creamy lobster bisque5隻燶面大蝦鹹香爽脆有海鮮味，燉飯醬汁豐富，味道酸酸微辣，龍蝦味夾雜好多蔬菜，包括車厘茄同蘆筍，口感味道豐富，面頭灑上香草，非常好食。CheesecakeStrawberry coulis大大件芝士蛋糕面頭加上士多啤梨醬，碟上面再加上紅莓醬同灑上糖霜。滑溜芝士蛋糕好滑，加上脆脆餅底同莓醬好美味，唔會太膩，口感似布丁。Scoop of Ice Cream今日有雲呢拿味，用一個雪糕杯裝住，肉眼都見到有粒粒雲呢拿籽。A's Homemade Lemonade $38 另加一檸檬水加有薄荷葉同檸檬一片，薄荷味好香。鮮蘋果汁 $48 另加一鮮蘋果汁係天然啡色，味道清甜，好好飲。今餐前菜主菜甜品都好食。餐廳環境舒適。外籍服務員態度友好。…查看更多

前排去完會展，同朋友去咗港島區覓食，去咗呢間位於鰂魚涌嘅---🌟Ask For Alonzo🌟以食意大利菜式為主，餐廳好有格調，可以坐出面亦可選擇坐裏面，而我哋就揀咗坐室內，坐位舒適，餐廳服務態度好好✨️我哋揀咗二人套餐，選擇都好多下._.🍅| Tomato Bruschetta |🍅(toasted garlic bread)前菜揀咗呢個滿滿蕃茄粒餡料嘅蕃茄烤多士，小蕃茄好fresh，酸酸甜甜，好開胃.🐚| Sauteed Clams |🐚(spicy lemon & white wine broth with crunchy focaccia)蜆肉數量多，裏面嘅醬料有檸檬，酸酸地，提升蜆肉嘅鮮味道，仲配埋麵包可以點，味道好夾.🍝| Alonzo's Carbonara |🍝(spaghetti, crispy Roman guanciale, Italian eggs, black peppe)主菜想食一個麵類，點咗卡帮尼，卡帮尼汁濃郁，意粉掛滿汁，仲有鹹香味嘅煙肉粒，令到意粒非常惹味.🐖| Roasted Italian Suckling Pig |🐖(mashed potatoes, black forest mushroom sauce)豬肉賣相幾吸引，厚身，慢煮過嘅豬肉非常腍身，唔會鞋口，醬汁好濃味，仲配埋幼滑嘅薯蓉泥，好夾.🍰| CHEESECAKE |🍰(with strawberry sauce)甜品點咗芝士蛋糕，配有士多啤梨果醬，酸酸甜甜，口感唔會太膩.🍫| ALONZO'S SIGNATURE TIRAMISU |🍫鬆軟嘅外層，好香濃嘅朱古力味，仲有陣陣嘅酒香味，唔會太甜._.…查看更多

星期五Lunch Time喺太古坊搵食真係一個挑戰.間間餐廳都爆滿, 等位等到懷疑人生.今次就搵到呢間餐廳.餐前麵包有兩款暖笠笠嘅自家製麵包: 蕃茄麵包 & 果仁麵包兩款都好好食, 外脆內軟, 烘得啱啱好.特別係果仁麵包, 咬落有堅果香, 同埋好有口感.仲有黑松露醬配搭, 好食到連我呢個唔愛醬料嘅人都忍唔住點晒嚟食.Set Lunch (HK$150)Starters:Selection of Italian Cold Cuts & Cheese好少見set lunch starter會有咁大盤cold cut & cheese.裡面有三款凍肉、芝士、醃洋蔥、甜椒同酸種麵包.Salami 我覺得有啲辣.Ham上面有啲甜椒, 所以食落有鹹香之外, 仲有微微辣味, 好開胃.酸種麵包烘得乾同脆, 配埋芝士或Salami食, 真係好正!Tomato Bruschetta呢個係健康之選.多士上面勁多蕃茄粒, 底層鋪滿火箭菜, 味道清新.但如果你唔鍾意火箭菜嘅獨特味道, 我建議唔好揀呢個啦.Mains:Ravioli Fiorentina意大利雲吞裡面係滿滿嘅ricotta芝士同埋菠菜蓉.配埋蕃茄同羅勒醬, 酸酸哋好開胃.份量亦都啱啱好.Spaghetti Carbonara (HK$18)呢款Carbonara用嘅意粉比較粗身, 我覺得口感冇咁彈牙, 有啲似粗版蕎麥麵.上面嘅豬面頰肉係炸得好香脆.撈埋意粉嚟食, 我覺得好香好好食.不過芝士味就略為淡咗啲.Drinks:Iced Tea我哋就揀咗凍嘅檸檬茶.味道中規中矩, 飲落清爽.食完意粉飲返杯凍檸茶解下膩都唔錯.…查看更多

今天跟朋友在太古坊地下一間意大利餐廳，來個悠閒又遲來的午餐。這是我第二次幫襯，餐廳一如既往地穩陣。午市有兩款選擇：set lunch menu 或 tasting menu，我哋都揀咗後者，有前菜、主菜加甜品或飲品，一次過享盡三道菜。無論味道定氣氛都舒服又滿足，慢慢咁享受意大利風味，真係寫意。一開始送來的餐前麵包已經開胃：蕃茄麵包同果仁麵包，外脆內軟，重點係配搭嘅松露醬，香到不得了，真係會忍唔住清晒成碟。🏅前菜- selection of cold cuts and cheese，有三款凍肉、兩款芝士，仲有多士同醃洋蔥和甜椒，一邊食一邊傾計，幾chill。- sautéed clams，用白酒炒蜆，加埋蒜片、紅椒同濃濃上湯，蜆肉鮮甜肥美，用香草多士蘸汁食，一流。🏅主菜- Prawn & Asparagus Risotto：蝦唔算大隻，但爽口彈牙，配埋蘆筍片同蝦味濃郁的忌廉湯底，creamy又唔膩。- Roasted Italian suckling pig：兩片烤得香脆的乳豬，底下係滑嘟嘟薯蓉同蘑菇醬汁，係我每次都要點嘅主菜。🏅甜品或餐飲朋友揀咗一件cheesecake配士多啤梨醬，大大件，兩個人share都夠。我點了一杯意大利甜酒 Limoncello，檸檬味清新香甜，冰涼回甘，係意大利餐後常見的消滯酒，完美作結。…查看更多

ASK FOR ALONZO鰂魚涌英皇道979號太古坊電訊盈科中心地下6號舖經開鰂魚涌，老友推介地道西餐，環境舒適，食材新鮮，果然冇介紹錯。😸自家製南瓜麵包和乾果麵包，口感鬆軟，配黑松露醬汁，好開胃！😙ROMAN MEATBALLS即叫即製，香濃的番茄醬汁、巴馬臣芝士和意式肉丸 perfect match，口感鬆軟，肉汁豐富，好快畀我清曬，必食！😋TOMATO BRUSCHETTA配料有新鮮火箭菜、蕃茄和麵包，酸度適中，so fresh。😉PRAWN & ASPARAGUS RISOTTO蝦肉新鮮，爽口彈牙，配料有蘆筍、紅椒和香草，意大利飯口感煙韌，忌廉湯醬汁惹味，必食！😻ROASTED ITALIAN SUCKLING PIG肉汁豐富，外層香脆，鹹度適中，菇類爽口，醬汁香甜，薯蓉香滑，推薦！😍ALONZO'S SIGNATURE TIRAMISU又香又滑，入口即溶，香濃咖啡流心，甜度適中，So nice！💖CHEESECAKE上層口感鬆軟，餅底煙韌，配酸酸甜甜的醬汁，So Sweet！😘ASK FOR ALONZO 環境舒適，食材新鮮，地點就腳，太古坊老友放工即Chill，侍應服務態度好，see you again！😎🤘🏻…查看更多

🇮🇹鰂魚涌意式午市套餐🍴 $298品嚐三道菜式坐落太古坊的Ask for Alonzo，室內外空間充滿歐陸情調，午市套餐以親民價錢享受正宗意式風味～🍽️ 套餐 $298/位▫️ 前菜1款 + 主菜1款 + 甜品/咖啡/茶▫️ 附餐前麵包🍞 餐前麵包雙重奏蕃茄麵包 & 果仁麵包｜外脆內軟熱烘烘搭配黑松露醬，呢個醬真係超正！超香黑松露味！🐟 前菜推薦▫️ 香煎吞拿魚表面焦香內裡鮮嫩｜芝麻葉檸檬油醋提鮮▫️ 意式冷盤芝士拼盤（少見套餐前菜！）三款凍肉+芝士+醃洋蔥甜椒｜配酸種麵包🍚 主菜精選▫️ 大蝦蘆筍意大利燉飯龍蝦忌廉湯醬基底｜鮮蝦彈牙▫️ 意式烤乳豬脆皮鹹香味重｜綿滑薯蓉吸盡肉汁+蘑菇醬🍰 甜品：Alonzo's Signature Tiramisu芝士好軟滑，咖啡味同酒香濃郁，好Creamy！CHEESECAKE上層口感鬆軟，配酸酸甜甜的醬汁環境氣氛都好CHILL，值得一試！…查看更多

同同事收工喺太古坊搵到間好嘢，呢間Alonzo幾有驚喜！餐廳環境幾舒服，燈光柔和，座位又寬敞，好適合放工之後坐低，輕輕鬆鬆飲杯嘢、傾下計。我哋叫咗個 tasting menu，款式都幾豐富。羅馬肉丸味道濃郁，香煎吞拿魚外層香口，入面保持到嫩滑；蟹肉扁意粉用料幾足，意大利烤豬腩肉亦唔會太膩。最開心係跟咗甜品，提拉米蘇同芝士蛋糕都唔錯㗎～飲品方面，意大利檸檬茶幾清新，半半特飲都幾特別。侍應Sobi very nice, 環境同食物都令人滿意，係一個幾舒服嘅聚腳點，下次會再同朋友嚟！…查看更多

今日去到鰂魚涌覓食，揾到間好有情調嘅意大利餐廳，仲越夜越多人🍻3 courses set包starter、main、dessert，可以任揀有「🤌🏻」標誌嘅菜式，部分要額外加錢一開始送嘅麵包配黑松露醬，真係超香超好食，勁鍾意佢嘅黑松露醬，好想直接買一樽番屋企日日搽麵包🤣⭐️羅馬肉丸、香煎吞拿魚肉丸都算大粒，上面加咗Parmesan；吞拿魚係生食，旁邊位有輕輕煎一煎，食材新鮮⭐️大蝦意大利燉飯、意式烤豬腩大蝦好新鮮，意大利飯軟硬度適中，醬汁調味少辣，唔食辣嘅人要注意⚠️近豬腩部位嘅肉比較軟熟，薯蓉好軟滑，如果可以再多啲就更好啦～⭐️ Tiramisu、白朱古力奶凍忌廉滑順，咖啡香氣滲透每一層，配上微微酒香，味道層次分明；奶凍質地滑順得嚟帶少少厚度，唔會水水哋，旁邊配有果醬…查看更多

✨鰂魚涌太古坊地下好多西餐廳選擇，Ask For Alonzo係其中一間我最愛，環境好招呼好食物好，未食過的一定要來試試。***** ***** ***** ***** ***** 首先會有免費餐包提供，麵包🍞鬆軟超好味。Seared Tuna 🐟吞拿魚鮮味十足，汁料甜甜酸酸很開胃，配合火箭菜同吃超好味。Prawn Risotto🦐🦐意大利飯口感入口黏黏的軟硬適中，鮮蝦大大隻好彈牙，蕃茄汁還有淡淡芝士味。Tiramisu🍮質地軟綿綿，口感好creamy, 帶有濃香酒味，甜品必選。最後享受一杯濃香幼滑Americano☕️總括來說，餐廳好適合朋友聚餐，二人談心亦好。…查看更多

位於鰂魚涌有室外同室內座位 整個氛圍都好舒服!GREEK SALAD前菜揀左帶地中海風味既salad 有清新爽脆多汁既heirloom tomatoes清脆既黃瓜🥒 加上鹹香濃郁既Fetta cheese酸爽開胃既橄欖 🫒非常開胃!SEARED TUNA吞拿魚外表經過高溫快煎帶微焦香氣而魚肉保持鮮嫩口感搭配芝麻葉同檸檬油醋汁 食落更提鮮PRAWN RISOTTO蝦肉煎香後外表略帶焦香肉質彈牙 而risotto口感軟硬適中並完全吸收晒龍蝦湯嘅精華🦞🦐濃郁得黎唔會太膩 豐富而有層次SPAGHETTI CARBONARA煎到香脆帶咸香既guanciale配上creamy 帶濃郁既蛋香既醬汁而pasta 口感彈牙且煙韌 而且好掛汁 WHITE CHOCOLATE PANNA COTTA奶香濃郁既Panna Cotta加上酸甜交織既雜莓醬💯…查看更多

鰂魚涌店分室內和室外，室外大體上有遮擋，如非非常大雨，是不會影響進餐的。光顧當日室內剛好有活動，而餐廳看來非常受附近上班族歡迎，室外幾近滿坐！最喜歡選擇套餐，縮小要考慮的範圍，晚市可選menu中有小手標示的人物。ROMAN MEATBALLS手工肉丸燉煮至軟腍，淋上酸甜濃郁的蕃茄醬，帕瑪森芝士融化了蓋著肉丸，鹹香與肉香交織出經典滋味。SEARED TUNA厚切的鮪魚外層炙烤，內裡保持寶石紅的鮮嫩，淋上檸檬油醋醬，配搭酸豆與芝麻菜的微苦。CRAB LINGUINE扁意粉的上方堆砌著絲絲鮮甜蟹肉，以初榨橄欖油拌炒櫻桃蕃茄與辣椒，羅勒清香點綴其中。Prawn ASPARAGUS RISOTTO爽滑的鮮蝦與脆嫩的蘆筍嵌入奶油龍蝦高湯燉飯，飯粒飽吸海鮮的精華，美味！ALONZO'S SIGNATURE TIRAMISU質地順滑細緻，苦甜平衡。CHEESECAKE質地滑溜濕潤，餅乾底帶來酥脆驚喜。…查看更多

星期二黑雨唔駛返工，趁restaurant week優惠同老公一齊去屋企附近既Ask for Alonzo食晚餐，好飽。餐包配黑松露醬，好食喎。精選意大利凍肉及芝士拼盤食得出食材高級，幾好食。烤焗托米諾芝士 配意大利巴馬火腿 紅蔥頭,露荀, 黑醋醬，都幾膩，露荀整得好好食無渣。佛羅倫斯意大利雲吞配茅屋芝士,菜雲吞及羅勒蕃茄汁，內餡同醬汁唔夾，內餡粉粉地，麻麻地。經典肉醬千層麵同樣食落粉粉地，唔好食。招牌提拉米蘇酒味出，入口會化開，可以既。芝士蛋糕 配士多啤梨醬，有檸檬味，清新啲。野飲叫左一杯熱latte同凍latte，唔錯。…查看更多

今次放工去試下呢間餐廳嘅食物，真係有驚喜。先講個餐包，外皮夠脆，入面軟熟，仲有雜糧嘅口感，配埋個醬，簡直絕配。至於個冷盤，有火腿、甜椒同埋其他配料，味道層次豐富，食落好清新，唔會太膩。重頭戲當然係個意粉啦，培根卡邦尼意粉，奶油味濃而不膩，培根煎得香脆，加上芝士粉，每一口都係滿足。整體嚟講，呢間餐廳嘅食物質素都幾高，環境又舒適，服務都唔錯，真係一個約會聚餐嘅好地方。下次有機會，一定會再嚟試其他菜式。…查看更多

Alonzo，聽起來是個充滿異國風情的地方！😍 就讓我來分享一下這次的美食體驗吧！首先，那鮮蝦意大利飯🦐🍚簡直是視覺和味覺的雙重享受！飽滿的鮮蝦🍤配上口感恰到好處的意大利飯，每一口都充滿了鮮味，加上番茄🍅和西葫蘆的點綴，清新爽口！再來是經典的意大利麵🍝，簡簡單單的番茄醬汁🍅卻有著讓人難以抗拒的魔力，酸甜開胃，搭配新鮮羅勒🌿，簡直完美！清爽的希臘沙律🥗也是我的心頭好！青瓜🥒、番茄🍅、菲達芝士🧀和橄欖🫒的組合，健康又美味，淋上香醋汁，更是錦上添花！最後，那碗蘑菇湯🍄🥣濃郁的香味撲鼻而來，口感順滑，每一口都充滿了蘑菇的鮮美，暖胃又舒服！配上烤麵包🍞🥖和醬料，更是讓人欲罷不能！😋總而言之，Alonzo的美食體驗非常棒！👍 推薦給所有喜歡意大利菜和地中海風味的朋友們！💯…查看更多

午市好難搵位，好彩Ask for Alonzo 有室外位，又冷風機又唔太hot。Spaghetti Pomodoro🍝：經典不敗！酸甜蕃茄醬汁➕清新羅勒🌿，簡單卻讓人回味無窮！鮮蝦意大利飯🦐🍚：必點！每一粒米飯都充滿濃郁鮮味，鮮蝦Q彈，口感豐富！希臘沙律🥗：清爽開胃之選！青瓜🥒、蕃茄🍅、羊奶芝士🧀和橄欖🫒的完美組合！蘑菇湯🍄🥣：暖胃佳品！creamy口感，蘑菇鮮味十足！價錢午市貴左啲，不過尚可！…查看更多