ASAP As Simple As Possible

營業中

休息中

見咁耐冇黎過就再幫親下，點知中哂伏叫左個雞脾意粉跟咖哩汁，意粉係冇味既應該用滾水熱番就出，咖哩汁味道尚可雞脾又係冇味，仲有甘筍臭既，叫人點食呀？真係以後都唔會再黎，冇下次

成日都比呢間餐廳既圖片吸引 間唔中會好想食日式蛋包飯 今次終於到捨得入去食！環境幾好 呢個西班牙飯唔係我食 試左少少 飯好重蝦味 味道唔差，不過就唔太西班牙飯（據食呢個飯既男朋友所comment）少少失望既蛋蓋飯 一直以為係蛋包飯原來係蛋蓋飯 蛋幾滑 呢個蘑菇汁有得轉其他汁 但係想試試蘑菇味會唔會夾 發現呢個汁唔太蘑菇 個雞件都好普通 味道單調 就同普通茶餐嗰塊雞扒切左粒無分別 但係價錢都唔平 好似都成 $70-80 再架埋野飲都差唔多 $100朱古力幾好飲 似奶味重既朱古力奶男朋友想飲杯熱奶，但係杯奶完全唔熱，只係少少暖😂總括而言個人認為不太抵食🥲 亦難啲會想返轉頭食

💕個人分享😋🍳吉列魚柳+牛奶炒滑蛋+牛油多士 $42魚柳炸得很脆👍🏼炸粉感覺像軟殼蟹味🦀===========================🍅牛乳滑蛋野菌三文治+雞肉蕃茄湯通粉🐥 $41感覺像茶餐廳/自己煮的通粉，牛乳滑蛋夠滑～～～～～～～～～😋美味指數：7/10🧼環境衛生：8/10👼🏻服務態度：6.5/10💰人均消費：~$41.5

行過第一城，最後一日可以堂食，入去一個人都冇，中伏！叫咗一個芝士蘑菇漢堡餐，九十幾蚊，落單時，叫他們走菇，來到沒有走，薯條同漢堡我要沙律還要凍，跟住要同侍應講點解冇走菰，佢話換比我，我再同佢講全部嘢都凍，於是佢玩俾我，換來返嚟薯條都係凍我漢堡包底頂都係凍，只係舊肉換咗有少少暖，嗰舊漢堡扒直徑可能得60 mm仲要係冇味，非常失望！有時唔係唔想幫襯你，你哋做返自己本分先。下次一定唔會再嚟！今日仲要趕住六點鐘走！

早鳥dinner 優惠，堂食、外賣都有9折🤩下午食得小，早點食晚餐真心唔錯😚不過最後之角落位需要處理下，上次有幾隻蚊飛嚟飛去，今次仲有😨海鮮龍蝦湯泡飯$81⋯⋯好正呀！夠晒熱，海鮮又多，叫多碗白飯夠2人食😀牛肝菌汁扒意大利粉$1252隻燒大蝦🍤配牛肝菌汁非常惹味咖喱牛肋肉滑蛋蓋飯$83⋯⋯咖哩唔太辣，啱小朋友食原庄可樂（罐上）餐飲包，抵！炭燒西班牙豚扒意粉🍝（豚肉汁）$81呢個最差，豚肉太乾、硬，鞋颯颯，麻麻地☹️粟米湯另+$3⋯⋯好多粟米🌽粒，香甜好飲👍🏻大大杯凍檸茶都當餐飲（包）Dinner menu 比較多選擇🤩

又係第一城呀，不過今日係隔咗好耐無食嘅早餐時段，難得早返dd起咗身，去食成2個月無嚟過嘅ASAP。呢度裝修其實幾有心思，間間單單又好有色彩，今日仲比之前少咗人，感覺仲寬敞咗。入座會比埋口罩袋，幾好服務。望返餐牌...咦？我唔知有無記錯，好似加咗dd價。叫咗兩份同樣setting嘅餐，差在一個係牛肉蛋包，一個係雜菌蛋包。包包好食，呢度住打蛋，炒得啱啱好夠滑又唔會太生。個通粉味幾好，不過煙肉得一條無加其他配料喇。呢度嘢食水準唔差，但用料嚟講加埋一都唔平，泊得住出面d午餐，間唔中食下都OK嘅。

日式鰻魚甜蛋青瓜粒炒飯（$95）鰻魚好好食，夠軟、一啲骨都冇🦴，大人細路都岩食👍🏻👍🏻除咗放喺炒飯面嘅鰻魚片，炒飯裡面都有少少鰻魚粒，加埋甜蛋🍳、青瓜🥒，全部食材都好夾🍚，眨吓眼就食晒成碟😂吉列黑豚滑蛋蓋飯（$77）吉列黑豚炸得好脆🐖，外脆內軟，點咖哩汁🍛食非常夾🤤！但只有四條，唔係幾夠喉😣。滑蛋炒得好嫩好滑🍳，好快就食晒成碟～鳥唐揚滑蛋蓋飯（$75）炸雞太硬🐓，而且數量太少，好多雞皮，冇咩雞肉。忌廉汁🥣唔夠味同埋係凍嘅🥶，令人失望😞

入面有成十張吉枱，出邊根本冇人等..（唔知幾耐冇出嚟睇有冇人等）我哋㩒張飛就行入去問有冇二位，個侍應寸寸摃話冇人都要叫㗎⋯⋯呢啲咁嘅安排，做老闆你睇吓會唔會有返單..冇嘢㗎，嚟少啲..

今日到醫院覆診日子，睇完醫生都會去第一城廣場食個lunch😚今次就黎試下ASAP As Simple As Possible, 餐廳位置係比較少人既商場，不用排隊。佢地有十幾款lunch set選擇, 有d雞扒意粉價錢$7x - $8x 另外有個menu款式比較特別既有burger 素肉之類 價錢貴少少主食前會有個湯or 沙律，我選了粟米湯。個粟米湯飲得出黎自家煲既，唔係罐頭野Impossible 漢堡粟米藜麥飯🥦🥬🌽呢個漢堡肉係素黎既，素肉既質感都好似真肉呀，味道就清新d個焗飯有好多蔬菜，如南瓜洋蔥，但好似煮得唔夠奈有d硬男朋友點既安格斯牛漢堡藜麥飯🤣🤣個汁係咖喱汁，個醬汁同牛漢堡都好濃郁既味道呀。不過個牛漢堡就細左d禁

跟朋友午餐想坐低慢慢傾，呢度座位舒適香草肉醬牛脷野菌意粉🍝$72大約有6-8片牛脷，拌上香草🌿味道清新份量剛好，牛脷軟淋淋，有咬口😍吉列西班牙豚肉滑蛋蓋飯$80蛋包飯蕉上咖哩汁，十分香口惹味🥰再加上吉列豬扒，真係可以食多兩碗飯😜粟米忌廉餐湯，香甜可口；細細杯飲完都唔會太飽，還有空間吃主菜黑松露蘑菇湯，帶點濃郁蘑菇碎勁有口感凍奶茶餐廳望向街，十分開揚隔一段時間，menu都會有少少改變，唔會食到悶👍🏻

味道比想像中差意粉好乾身 但汁比較少有少少要格硬食咁 肉都係不過不失飲品叫咗杯牛奶🥛 都幾濃既但個人並不推介。而客人比較多員工都要叫幾次先會過嚟但餐廳環境唔錯 可以用作傾下計 吹下水既地方但食物質素普通

公司要farewell同事，咁大家就上foodpanda 搵咗呢間餐廳叫外賣返office齊齊食，唔洗身水身汗行出去之餘，又準時到office，一lunch time就有得食，又唔洗等位😋其中有兩個餐🤪 吉列西班牙豚肉滑蛋蓋飯餐配燒汁（配沙律或者湯 &飲品）$80-豬扒肉質唔錯，但有啲根-豬扒調味適中，就算無汁就咁食都ok-個燒汁不過不失，餸飯ok烏唐揚滑蛋蓋飯餐（配沙律或者湯 &飲品）$78-沙律不過不失，唔會苦-個餐會配埋個汁，個汁醬就揀咗蘑菇汁，蘑菇汁嘅蘑菇味好重但調味唔夠，差啲黑椒？胡椒味？-個滑蛋飯有啲失望，滑蛋夠滑，但調味唔夠，而個飯淨係飯，無炒過。-唐揚雞就得5舊，但雞調味夠-份量偏少，CP值較低總體而言，不過不失.. 一啲好一啲差，但以呢個價嚟講，唔會再選擇。

入了沙田找朋友食飯，他說屋企附近這間餐廳食物質素很好，那麼就在此吃個飯聊聊天吧！套餐包括有是日餐湯或沙律，主菜和餐飲。這裡很特別餐湯是用杯裝，有別平常用碗載着感覺好像在外國的感覺。沙律也很清新蔬菜新鮮配上沙律醬汁很醒胃。吉列西班牙豚肉滑蛋蓋飯，豚肉新鮮用上吉列做法也不失鮮嫩很多汁，咖哩汁配滑蛋真的一絕，不用幾分鐘已經吃完了。海鮮濃蝦湯泡飯，海鮮很豐富有青口、蜆肉、蝦等，湯底真的非常濃郁，喝一口湯好像口裡放進幾隻蝦的感覺，味道很鮮甜。

今次係我第二次叫外賣，係Deliveroo叫，選擇種類唔算多，但係到就一定要叫burger，外賣叫意粉好易好dry！講咗自己食嗰餐先，安格斯牛肉芝士蘑菇漢堡，個餐仲包埋沙律🥗薯條🍟 $88仲有飲品，都真係幾抵食！外賣焗耐咗都唔驚難食😂不過我啲朋友叫意份就真係麻麻，舖頭好細心咁幫佢分開啲汁，避免會有太鹹或者俾啲粉吸收晒嘅情況，但俾意粉醬嘅汁太少，可能堂食係夠嘅，但舖頭諗漏咗外賣啲意粉會硬咗，變咗一餅野啲汁又唔夠整返開啲麵，可能呢啲位要留意返

今日係公司超忙碌地工作，諗起唔知幾點先收得工。最後決定對自己好啲。叫個豐富啲嘅晚餐。同事提議不如叫ASAP,自己又未試過。咁就試吓啦。佢餐牌嘅種類唔算10分多。大概分咗漢堡包意粉同飯既然一路做嘢一路食嘅， 咁就叫個方便啲可以一路拎住黎食一路可以做嘢嘅食物。最後叫咗安格斯牛肉芝士蘑菇漢堡。跟餐有薯條，另外亦都可以點配沙律/粟米湯/黑松露忌廉野菌湯。我最後點左沙律。飲品方面，我點左凍即磨炭燒咖啡。等咗大約30分鐘到就送到。先講漢堡包，牛肉味唔算濃，芝士份量都唔算太多。但係成個包嘅配料都非常豐富。薯條味道正常， 但份量就比較少。沙律配埋個醋嚟食，勁開胃。而我自己最滿意嘅就係杯咖啡，咖啡味超濃，而且佢有糖水另上。而我自己就唔太好甜嘅，所以分開糖水上呢個舉動十分之貼心。整體來講成個餐都OK嘅。下次有機會會試埋佢嘅意粉或者飯。