Aroma Thai Food (已結業)

有晚行過太子，見有間新開泰國餐廳，裝修有格調，加上冷氣充足🤗😝環境舒適！就入咗去試吓，佢唔係平時嘅泰國餐廳，無乜乜金邊粉個啲，主打係食金麵，因為想了解多少少，就問下侍應金麵特色，侍應都會細心解釋，同朋友一人叫左一碗，加幾個小食，黎到賣相超吸引，食落辣辣地幾過癮，仲可以自己調番再辣個味😝又脆卜卜，口感有層次，份量岩岩好，可能奶茶會有少少太甜，自己味道問題，。總括然而，我覺得好值得一試！好少泰式餐廳見到有金麵，真係有泰國風味！

聽朋友講太子有間泰國餐廳專食麵的，岩哂兩個人簡單食一餐飯，收工緊係拉埋男朋友去試下。餐廳果然係專食麵🤭有金醬麵、乾撈麵同湯麵，仲有小量小食可以嗌！✨烤豬頸肉冬蔭乾撈豬頸肉份量多，烤得幾脆幾香口，溏心蛋好入味，將蛋黃、肉碎、芫荽都撈埋一齊，肉碎鹹香同冬蔭湯底既酸辣好夾😎另外仲有脆脆增加口感，整體都好好味！✨泰北烤雞金醬麵金醬麵濃濃咖哩香味，湯底濃稠，回甘而不辣👍🏻而且仲有新鮮香草既清新味道。脆麵條都需要壓碎，撈混之後軟脆麵條吸收醬汁精華，口感豐富😁雞肉幾香嫩，完全唔"鞋口"，不錯！✨香茅炸雞翼即叫即炸香茅雞翼，聞落已經好香香茅味，雞翼香脆可口，食落都幾juice 而且肉質嫩口，同朋友share 食 無咁罪惡😹✨薄脆蝦餅比起平時一般泰式嘅蝦餅薄身，食落無咁彈牙，但蝦味香濃突出，非常香口惹味，值得一試🤪✨泰式凍奶茶平時我麻麻哋，飲泰式奶茶😹因為太甜飲兩啖就唔想飲，但係呢間泰式奶茶，茶味突出而且甜度唔高，幾好👍🏻✨泰象啤泰啤每次比我感覺都好似番左泰國咁，甘甘地好解渴😋總結，香港泰國餐廳真係比較少見撈麵值得一試！

Aroma Thai Food (太子)泰北美食店舖裝潢簡潔得嚟好有泰國feel，有泰國飾物‘’象‘’擺設，"象"喻意財運事業路路亨通，店舖員工好有禮貌值得“讚”👍。付款方式多樣方便客人一定有一款啱你😆。店舖主打泰北金醬，每日手工研磨，而且採用大量新鮮香草香料，配上金黃色全蛋麵；泰北清湯，每日自家熬制六至八小時，還有自家製作健康飲品，務求令客人食得開心健康❣️泰北滷水牛金麵牛筋彈牙，牛肋條軟嫩，牛肚入口即化，配上黃澄澄金醬，醬汁入口有鮮香草的味道，還帶有柔和微辛口感，與炸得脆卜卜金黃色全蛋麵敲碎撈埋普通全蛋麵有雙重口感😋❣️冬蔭什錦乾撈麵麵條Q彈有勁，配上魚蛋墨魚丸、脆皮魚餃，及洋蔥、豆芽、辣椒…...等配料，酸酸辣辣、口感清爽，開胃醒神❣️小食拼盤新鮮魚蝦餅煙韌彈牙，雞球外脆內嫩，炸豬皮酥脆，泰式腸香辛可口，配上調味醬汁，層次豐富，令人食指大動❣️酸辣鳳爪酸辣中帶鮮香，鳳爪爽脆入味，洋蔥爽甜，口感層次豐富，酸辣開胃❣️泰式凍奶茶融合了泰式茶葉的獨特香氣和牛奶濃醇的口感，夏日能享受到冰涼清爽的飲品❣️凍檸檬草南姜飲清新檸檬草和暖韻南薑，解渴消暑養生美味

朋友話太子新開左間食泰北菜，聽落幾特別，咁我哋就揀左佢食晚飯。餐廳以黑色做主調，裝修時尚簡約，有D位用左代表泰國嘅象仔做擺設，環境幾好。餐牌選擇OK，仲有D出面未食過嘅菜式，價錢唔貴，無加一。我哋就叫左三款小食、兩款主食同兩杯飲品。酸辣手撕雞：手撕雞份量都算多，裡面有豆芽同青瓜絲等配菜，爽口清新，少少辣，唧少少青檸汁，好有泰式酸辣感，作為前菜都幾開胃。北泰清菜生菜伴馬拉盞：生菜青綠，無油清淡，爽口。配埋上面少少炸蒜同點埋旁邊馬拉盞醬，鹹鹹辣辣，又幾好喎。香茅炸雞翼：賣相吸引，剛炸起，淡淡香茅味道，醃得入味，熱辣辣，好香口。薄脆蝦餅：炸粉皮薄，比一般蝦餅脆身，蝦肉彈牙，點埋泰式甜酸醬就已經好好味。泰北安格斯牛肉金麵：牛肉幾淋，旁邊炸菜爽口，麵有炸麵同全蛋麵底，醬汁係自家製，有新鮮香草味道，仲有甜甜地嘅椰漿味，夠香又夠濃，有層次感，微辣，唔夠辣仲可以加埋都係自家製辣油，撈埋好好食。泰式冬陰公湯鹵水牛湯麵：冬陰公湯底幾好喎，夠濃夠辣。鹵水牛有牛肋條、牛筋同牛肚，三款都夠淋，吸晒湯汁，好夠味。麵揀左金邊粉，就算浸耐左都仍然爽口，唔錯。飲品：薄荷青檸梳打好有冰涼感，鹹檸七夠冰凍，兩款都消暑解渴。

男朋友話好耐冇食泰菜，今日就特登搵咗呢間喺太子嘅泰菜食。原因係因為見到佢好似會食到傳統嘅泰北麵，喺香港比較少食到嘅，就想睇吓佢好唔好食。泰北烤雞金醬麵 ($98)呢個金醬麵都幾高質，好似去咗泰國食咁。佢嘅面有炸麵同埋普通麵，敲碎咗個炸麵之後撈埋一齊食有雙重口感。烤雞有驚喜，嫩滑多汁。配料有芫荽、洋蔥、酸菜、青檸等，風味十足，難怪成為舖頭嘅招牌。秘製酸辣鳳爪沙律 ($48)鳳爪彈牙爽口，沙律以蕃茄、洋蔥為主，個酸辣汁都幾開胃，而且有非常之濃郁嘅芹菜香味。泰北烤牛肉 ($68)烤牛肉肉質都算嫩滑，肥瘦度適中，薄薄地一片又唔會太硬，牛肉味濃。個人覺得唔洗點個青醬已經好好食。薄脆蝦餅5件 ($38)蝦餅比想像中薄身，炸粉唔算好厚。口感方面，如果更厚身應該會再啖啖肉啲，不過當佢係light啲嘅小食食啦。泰式生蝦八隻 ($98)點埋苦瓜食幾有趣，生蝦都算新鮮嘅，不過不失啦。嘢飲方面，泰式奶茶 ($25)都幾正宗。另外叫咗杯檸檬草南薑飲($16)，風味都幾特別，有消炎化胃氣作用。店內提供幾款唔同嘅調味料，重口味可以自行加減。

今晚嚟食呢間泰國嘢，完全係比泰北金醬吸引嚟嘅，見到menu 寫住主打手工制嘅醬料同埋波咁大嘅蛋麵，我哋就決定食呢間嘢。食泰國嘢就梗係唔少得叫返兩個小食啦，今次我哋就嗌咗豬頸肉同埋生蝦 ，菜式可以話一啲都唔馬虎，出面嘅生蝦好多都係上碟濕淋淋，今次呢間連放底嘅苦瓜都係清爽嘅，配埋蒜片同辣椒粒一齊食風味十足。豬頸肉方面份量都唔少，個人認為佢係偏向蜜味，所以有啲怕燒到好燶嘅人都適合食。主菜有意外驚喜，我哋嗌咗一個泰北金醬雞麵同埋拋打肉碎豬肉飯，估唔到喺油尖旺晚市都仲有50幾蚊嘅飯餐，拋打肉碎唔會太乾身仲有啲醬汁，太陽蛋就唔使講啦睇相都見到佢煎得好脆，而且肉碎原來有汁撈勻飯食別有一返風味，值得一試！到期待嘅泰北金麵啦，上碟嘅時候已經被波咁大嘅蛋麵吸引咗目光，撈埋幾款唔同嘅配料，食咗第一啖之後就返唔到轉頭，香辛味十足又唔會辣到要係咁飲嘢，驚喜係雞扒唔係一啲炭燒或者煎到乾晒嘅雞扒，雞肉係好滑嘅，撈埋個醬汁一齊食落喉嚨都好舒服。最後嘢飲方面我哋分別帶咗鹹檸七同埋泰奶，特別嘅係佢哋嘅杯係用啤酒玻璃杯去裝嘅，感覺上飲到最尾嘢飲嘅味道都冇俾啲冰溝稀，而且仲keep到好凍嘅狀態值得一讚！

✨同朋友喺太子站附近發現一間新開既泰北美食餐廳⚡️Aroma Thai Food⚡️✨餐廳主打泰北風味菜式，其中推介嘅係金醬麵🍜。我同朋友點咗泰北烤雞金醬麵🍗，同泰北豬頸肉金醬麵🍖✨金醬麵特別之處係用上多種地道既新鮮香草同香料🍀，以人手研制而成。麵底用全蛋麵，配一球全蛋炸麵，賣相已經夠特別😍食法係將全蛋炸麵敲碎，再撈埋本身嘅濕麵一齊食。炸麵香脆，同濕麵分別有兩種口感，食落好特別😋😋烤雞嫩滑juicy，豬頸肉煙煙韌韌，好出色👍🏼✨餐廳將辣椒油分開另上，大家可以根據自己食辣嘅程度落辣椒油👍🏼👍🏼✨小食方面我哋叫咗魚餅拼蝦餅同香茅炸雞翼，兩款小食都熱辣辣，配甜酸汁非常開胃👍🏼✨嘢飲方面，我哋叫咗檸檬草南薑飲🍀同鹹檸七🍋。嘢飲大大杯🍹，一杯薑味十足；一杯有大大個鹹檸檬，好足料👍🏼✨下次一定會再試埋其他款金醬麵同小食😋

好喜歡幫襯小店今次呢間係太子好近地鐡"D" 出口出口向前過對面馬路後右轉一直行再過一條馬路仔就到 只需幾分鐘"Aroma Thai Food" 汝州街六月先開業上網搵太子附近泰國菜時發現見到d 食物相發現就係想食呢d 麵啦😍真係跟泰國一樣會配"脆脆麵"仲有佢個金醬麵個汁 😋自己特製所有配料係泰國原用的湯淆製六至七小時👍🏻汁抵食落去除咗有咖哩味道好似有花生味道 感覺係沙嗲加咖喱👉🏻泰北烤雞金麵 😋😋上枱賣相好吸睛，烤雞肉滑嫩多麵底係跟正宗泰國風味用全蛋麵另外加一球炸得香脆嘅全蛋麵波波撈埋一齊食好有層次感👉🏻安格斯牛肉冬陰功乾撈麵幾特別 好少用冬陰功做呢個酸酸地 夏天啱晒唔會太辣 如果唔夠辣 可以配自家制辣醬有二塊脆脆片 用嚟潷埋啲肉碎放上面食👉🏻泰式生蝦又點少得佢😬彈牙 配上生苦瓜 都幾好👉🏻香芧炸雞翅見到隔離枱好靚 就叫咗真係好香 雞肉好滑👉🏻泰北清湯生菜配馬拉盞👉🏻檸檬草南薑茶 (凍/熱）好清新自家制 有幾款選擇👉🏻泰啤自家制醬料開放式廚房

The summer heat kills my appetite, and the exciting flavors of Thai food cures the appetite loss. Today I visited Aroma Thai Food in Prince Edward that specializes in Thai noodle dishes. ◆Angus Beef Thai Soup NoodlesThe soup is made with pork and chicken bones that has been boiled for 6-8 hours with no MSG. Guests may add fish sauce, sugar, chili or chili vinegar according to their own preference. Indeed, rich and thick soup without unpleasant artificial flavors. ◆Khao Soi w/ Beef Short Rib, Ten

今日去咗太子附近「Aroma Thai」食lunch 因為朋友說想食金麵喎🤪😂 「Aroma Thai」裝修間幾有特色，環境舒適…..泰式生蝦 - 有8隻蝦，配菜涼瓜…跟生蝦一齊食又幾好味！泰北烤雞金麵 ….. 上枱已經好吸睛，尤其個炸麵波波🤩🤩整碎後撈埋一齊食雙重口感😋😋烤雞肉滑嫩多汁…跟個汁一齊食好好味🤤而且份量很足🥰泰北烤牛肉⋯⋯牛肉好入味👍泰式打包肉碎煎蛋飯……是濃邊太陽蛋😚😚味道也ok

今日係泰國餐廳用餐體驗令人難忘由一踏進餐廳個一刻起，我就被濃郁既泰式香料所吸引原來係餐廳自家製既調味四寶，甜酸咸辣因個人口味自由調配金呢到出名金麵，我同朋友各叫左一碗雞肉同豬頸肉，麵條Q彈有咬勁，淋上泰式酸甜醬料,每一啖都令人回味無窮豬頸肉肉質鮮嫩多汁，帶有微微的煙燻香氣，非常入味雞肉滑嫩多汁，配上泰式香料的調味，別有一番風味另外，無骨鳳爪都好印象深刻。外皮爽口，令人停不下筷子，少少辣好過癮五花肉油而不膩，肉質鮮嫩，同樣有少少焦香，令人欲罷不能。炸雞亦出色，外脆內嫩，唔洗點醬都好夠味，加埋就更加香口隨餐附上飲品一杯，呢個比較特別他凍檸檬草南薑，飲落好清新唔會太甜，食完啲咁重口味既野整返一杯就岩岩好！

今日天氣勁焗，無乜胃口但又想食少少野，系太子附近search到呢間泰國餐廳！OpenRice睇好似係新開！甘我哋就去試下！！我哋叫左：1. 泰式清湯牛米2. 泰北安格斯牛肉金面3. 酸辣手撕雞4. 秘製酸辣鳳爪沙律5.泰式烤豬五花肉1. 泰式清湯牛米個湯底非常清甜，又食得出濃濃嘅牛肉味，最正嘅就係舊蘿蔔，非常入味！如果小食有蘿蔔就正2. 泰北安格斯牛肉金面賣相非常靚，牛肉好嫩口，個湯底好濃郁好好食，又煮得好爽口，個脆炸球好有新鮮感3. 酸辣手撕雞本來以為手撕雞個汁同鳳爪一樣，原來係唔一樣嘅，最正嘅地方係佢凍冰冰，非常啱夏天食4. 秘製酸辣鳳爪沙律個鳳爪沙律，夾埋啲洋蔥食，非常爽口5.泰式烤豬五花肉呢個五花肉，肥而不膩，啲肥肉好爽口好正

太子新開左間泰菜都幾有特色，環境算寬敞，菜式都多，同朋友叫左3樣野食share，一路食一路傾計都坐左兩個幾鐘☺️✨泰式生蝦 - 有8隻蝦，又幾鮮甜爽口，沾埋個汁食好出味🦐✨小食拼盤 - 有炸豬皮、蝦餅、魚餅、炸雞同泰式香腸，兩人分剛好每樣都食到，我自己最鍾意炸豬皮同蝦餅，香脆食唔停🤭✨泰北滷水牛金麵 - 呢個麵勁特別，其他地方好少見到，個炸麵球好吸睛，食落卜卜脆🤤個汁有d微辣幾惹味，牛肚、牛筋同牛腩都夠腍而且幾足料！食食下發現原來個底都仲有好多麵，share食都夠飽😛✨薄荷青檸梳打 - 成個配搭好fresh又消暑，啱晒食完熱氣野飲🍋‍🟩 ✨泰式凍奶茶 - 去泰國餐廳我都會必叫泰式奶茶，佢唔太甜又夠大杯，飲晒都唔覺膩👍

食晏約朋友嚟呢間新開無耐嘅泰式餐廳，試完你就會知，Aroma Thai係一間好用心嘅小店，食物出品質素高，食到傳統泰國風味，價格合理，CP值高泰北安格斯牛肉金麵($98) - 泰北金麵極高質，汁好香濃，但又唔會蓋過麵嘅蛋香，加埋脆麵、芫荽、小洋蔥、酸菜同辣油，口感同味道都好豐富好有層次，同喺泰國當地食嘅一樣，安格斯牛肉軟腍，味道香濃泰式烤豬頸肉飯($62) - 豬頸肉飯好香口，啖啖肉食得好過癮小食拼盤($118) - 小食種類豐富，炸得啱啱好，香口惹味泰北清湯生菜伴馬拉盞醬($16/碟) - 生菜翠綠，加埋炸蒜同馬拉盞醬好好味，有心思泰式蕃茄沙律($32) - 蕃茄同洋蔥都好新鮮，沙律汁嘅味道酸得嚟帶點辣，好開胃，口感爽脆午餐泰式奶茶($13/杯) - 泰式奶茶隻香味好出裝修風格幾型格，啲擺設幾精美，夠涼夠闊幾好坐，感覺幾chill餐牌提供嘅選擇好多，麵、飯、小食、蔬菜、各種泰式飲品，應有盡有，用QR code落單好方便，仲有好多嘢想下次再嚟試

晚餐去左位於太子，開張有耐嘅泰國菜食晚飯，餐廳喺汝州街，太子站一出，行幾分鐘就到，非常方便。餐廳用qrcode落單。有各種泰式粉麵飯，小食同飲品。之前食泰國菜好似冇見過金醬所以就揀左黎試下。泰北滷水牛金麵 金醬撈 叫左少麵有牛肋條，牛筋，牛肚三種，每樣都炆得好夠諗，而且吸哂湯汁嘅香味。牛肋條牛香味重，一絲絲嘅肉質咬落多汁。牛筋滑溜，唔會有太硬嘅部份。牛肚爽而且夠咬口。麵底係全蛋麵，另外仲有一球炸得香脆嘅全蛋麵波波，撈埋食更有層次。金醬份量適中，唔會太多太少，醬汁濃厚，撈麵配搭一流。食得出醬汁加左好多香料，唔只係一般咖哩味，帶微辣，越食越過癮。泰北清湯生菜伴馬拉盞醬，清湯生菜配上乾蒜，喜歡重口味就一定要加埋馬拉盞醬。飲品必試嘅一定係 泰式凍奶茶，飲落係合適嘅甜度，奶香幼滑，茶底都夠濃。餐廳食物都多選擇，店員有禮，值得一試！