Antidote

營業中

休息中

新派韓燒不離傳統口味，呢間韓國餐廳真係令人眼前一亮！一入到餐廳，環境好有情調，燭光同酒瓶蠟燭擺設好有心思，影相打卡一流。食物方面，佢哋嘅韓燒真係驚艷，特別係嗰碟薄切牛肉，油花分佈得啱啱好，燒完入口即化，仲帶住濃濃嘅蒜香同辣醬，惹味得來唔會太嗆，完美保留咗韓式燒肉嘅傳統風味。佢哋仲有醬油蝦，係另一大亮點！蝦好新鮮，醃得入味，醬油香氣濃郁，帶點微甜同鹹鮮，咬落去蝦肉彈牙，汁液四溢，食完仲想舔手指，夠晒過癮！小菜都好出色，泡菜夠酸辣，爽脆開胃；燉魚糕湯，湯底濃郁，魚糕同年糕吸晒湯汁，食落軟糯又有鮮味，暖胃又滿足。海鮮湯麵同樣出色，蝦同青口份量多，湯頭濃而不膩，配上新鮮香草同蔥花，層次感好豐富。飯團外層煎得香脆，內裏米飯軟糯，咬落去仲有少少芝麻香，簡單但好食！雖然係新派韓燒，但佢哋好注重傳統嘅調味同烹調方式，唔會過分創新到失咗韓式魂。服務方面，店員好有禮，會主動幫忙燒肉，仲會提醒你唔好燒得太耐，保持肉質嫩滑。整體嚟講，無論係環境、食物定服務，都好有質素，係一間值得一試再試嘅韓國餐廳！下次同朋友聚會，必定再嚟！

餐廳位於北角，由正宗韓國人主理的新派韓式餐廳，好清新嘅裝修風格，每道菜式都散發著濃厚的韓國風味小碟配菜可以免費添加，款式好新穎，有鵪鶉蛋、辣蘿蔔、甜薯仔、泡菜及年糕燉排骨湯 🥘這道燉排骨湯簡直是靈魂之作，湯底濃郁，排骨嫩滑，搭配新鮮的蔬菜，讓人一口接一口。湯裡的香料與韓國特製的調味品完美融合，讓我感受到家的味道，溫暖又舒心😊醬油炸雞 🍗炸雞是韓國料理的代表，醬油炸雞更是絕對不能錯過，外皮酥脆，裡面肉質鮮嫩，配上自家製的醬油醬，甜中帶鹹，口感層次分明海鮮煎餅 🥞韓式海鮮煎餅餅底好特別，用上蔬菜韮菜做餅底，好鬆軟又唔肥膩，上面有蝦魷魚等海鮮，搭配特製的醬汁，這道菜好有韓國風味

去完釜山回來，很想繼續吃韓國菜，這裡有間正宗由oppa主理的韓國餐廳，味道和我在釜山吃的一樣，感覺又去了韓國。🤭🤭Menu 基本上有多種韓國特色餸菜都有。醬油蟹我們share吃，醬油蟹鮮甜都幾多膏好yummy，會有兩個特色飯團，把它放在蟹蓋攪拌吃好滋味。😍限定蠔仔蘿蔔飯蘿蔔飯有淡淡芝麻味道，好香蠔味，每只蠔脹卜卜還有飯焦 的焦香。涼拌豬手份量好多，有特製芝麻醬和特製嘅Wasabi汁 個人喜愛Wasabi汁令到豬手好香甜，豬手沒有半點臊味。

呢間正宗韓國菜位置於炮台山，從眼見佢裝修，唔經唔覺都開業大約一年多了，因為系附近返工，每日都見到午市 時間排滿不少OL食客🤭皆因全間餐廳都系由韓國人主理，裡面仲有幾個靚仔Oppa， 店內環境以木系簡約設計，寬敞舒適。今晚放工終於約左朋友仔來試試。一入座先來幾款前菜小吃，有泡菜，蘿蔔，韓國年糕，甜薯，仲有我最愛嘅鵪鶉蛋全部都可以refill😍店鋪食物選擇多不勝數，眾多韓國料理種類佢哋都有，令到選擇困難症嘅我更加唔知食乜🧐自從去旅行食過醬油蟹之後一直對佢念念不忘🤩但喺香港食過唔同嘅店鋪，都食唔番韓國食的那種口味，見到佢哋呢度有個醬油蟹套餐好抵食😝 order咗個set，簡直令我喜出望外😱🤭醬油蟹套餐$574 包括：✨醬油蟹1只醬油一啲都搶唔到蟹嘅鮮味，新鮮唔腥，醬汁唔會好咸，而且好多蟹膏同蟹肉，非常推介😍😍😍✨紫菜飯團2個✨芝士薯仔煎餅🥞超厚條嘅薯仔絲配埋芝士，炸得非常香脆，簡直令每一口非常飽滿，配合有個酸醬汁解膩✨醬油炸雞外層松脆，醬油味甜甜香香，雞件多汁Juice，惹味😝LA牛骨排M $388份量超多，醬汁濃味但又不蓋牛味，肉質嫩滑，送飯一流。餐點還會奉送蛋捲及一個辣排骨湯。

東岸公園附近一以健康韓式料理聞名的餐廳推出新菜單，趁週日晚上前往一試主打新鮮食材與低脂烹調，讓人吃得美味又無負擔木質桌椅搭配綠色植物，氛圍溫馨，牆上還有韓國風景的投影韓國服務員態度親切，周到且專業，感受到用心與品質用餐前先送上免費前菜：有泡菜、魚餅條、燉南瓜塊，以及韓國年糕等烤牛肉拼盤由服務員席前烤製，牛肉片薄而均勻，色澤鮮紅搭配蒜粒、蔥花和香菇，入口嫩滑多汁，肉質軟嫩生醃醬油蝦浸在湯汁中，蝦肉鮮甜Q彈，醬汁微鹹帶點甜

係一個韓國朋友嘅介紹之下黎左antidote 佢話味道正宗又好食 所以今晚就黎左試試餐廳環境好chill 仲有唔少韓國staff 真係有種置身係韓國嘅feel未食主菜之前 前菜已經好豐富海鮮豆腐鍋一上菜個時俾佢個鍋嚇親 平時好少見咁大鍋！海鮮種類繁多 有：青口 大蝦 蟹 等等⋯ 十分足料豆腐豆味香濃 吸收曬海鮮嘅鮮味海鮮煎餅本身冇諗過叫煎餅 因為覺得都唔會有咩特別但係朋友極力推薦下就叫左黎食 完全冇後悔！煎餅一啲粉感都冇 食落好香口 脆卜卜 而海鮮餡料都好足料 牛肉石釜飯牛肉鮮嫩多汁 飯粒吸收晒牛肉嘅精華再加埋韓式醬汁撈勻 又有另一番風味釜飯底仲有脆口嘅飯焦添！餐廳最近仲出左新menu 下次再約朋友一齊黎食

喺炮台山附近返工，成日經過一家的韓國餐廳，終於去試試，環境舒適，讓人感到放鬆。這裡的空間寬敞，非常適合聚會。鮮美的醬油蟹本身好喜歡醬油蟹，這家做得好出色。蟹肉鮮甜而且紮實，真係好鮮甜，配上飯團簡直是一絕！食完一隻會再想食，真的是太好吃了！泡菜冷麵值得一提的是他們的泡菜冷麵，清爽可口，份量好足，味道清新，非常解油膩，讓人吃完後總是想再來一碗。這裡的前菜選擇多樣，適合不同口味的人。無論是聚會還是家庭聚餐，喜愛韓國菜的朋友們絕對不能錯過這個好地方！

由韓國人主理🧑🏻‍🍳, 🌟主打新派地道韓國菜🇰🇷🔳招牌黑白炸雞, 鮑魚釜飯🍚, 鍋物🍲等韓國菜式🪴走清新渡假風, 薄荷綠色配木色傢俱🪵🎶擺放植物, 輕鬆音樂, 環境舒適放鬆😌🚇位置鄰近炮台山站, 友邦廣場對面🚶🏻食完仲可以去東岸公園吹海風散步🌊~🔸前菜(免費)🆓年糕｜辣蘿蔔｜泡菜｜鵪鶉蛋｜蜜餞番薯🔸海鮮煎餅🦐  $160  6.5/10煎餅係餡多粉少的類型🥢🤩超級多料☑️青蔥, 通菜, 八爪魚粒, 蜆肉🐙餅面更有數隻蝦仁🦐, 口感豐富😙再脆口啲會更開心~🔸燉排骨🐷  $428  6.5/10🇰🇷韓版火山排骨🔥🌶️換上甜辣的韓式辣醬, 越滾越滋味餐廳好細心俾埋膠剪同桶裝骨✂️⏳排骨經長時間燉煮, 肉質軟嫩😚鍋內仲有大豆芽同薯仔🥔, 都好入味~🔸Starlight Chungha  $100  6.5/10🇰🇷韓國有氣清酒, 🥂清酒混含白酒💖味道甜甜地, 好易入口酒精濃度只有7%, 適合微醺飲(*¯︶¯*)~

Antidote喺位於北角炮台山的新派韓國菜餐廳，喺港島區嚟講少有咁大地方嘅餐廳，行簡約設計路線，用餐環境都幾闊落幾舒適。夜晚嚟到呢度燈光比較昏暗，仲有少少酒吧嘅感覺，飲返杯cocktail米酒一流～呢度有傳統燒肉套餐，又有生醃醬油蟹，而最吸引我揀嚟呢度就係呢個黑蚊蚊嘅酥炸墨魚～新鮮炸起啦香噴噴脆卜卜！仲有泡菜煎餅，超級多料。味道正宗唔油膩～仲叫咗個醬油蟹配埋飯團食，醬油蟹新鮮肉嫩，想叫多轉飯撈埋啲汁嚟食。整體嚟講都幾正，但可能人少無乜氣氛。

朋友好鍾意食韓國野，佢喺港島返工，搵到呢間侍應都是韓國人的韓式餐廳，就約我黎食，我見地點都好方便，上網睇相都覺得好吸引，呢日收工就約埋一齊食飯。 平日晚上，餐廳都好多客，種類選擇多，好多野都好想食。見到好多枱都會點鍋物，望見都覺得吸引，所以我地都點左。 韓式小食好吸引，有南瓜粒，蛋，泡菜，醃蘿蔔，年糕。 辣炒魷魚五花腩這道菜會由職員喺我地面前炒，很有儀式感，睇住職員炒嘅時候，就有種好期待嘅感覺，而且越來越香。魷魚新鮮，肉質彈牙，同五花腩原來都好夾，豬腩肉不會太肥，有油香，辣度適合香港人，惹味之餘不會過辣。 海鮮煎餅呢款海鮮煎餅比起平常吃的大不同，粉漿薄薄的，煎得酥脆，內裡有大量蔬菜和香蔥，咁樣就唔會食到好飽滯，而且蝦又大隻又多，爽口彈牙又有鮮味，很高質。 鯛魚帶子釜飯釜飯職員都會幫手拌均，好細心，用鍋上所以有飯焦，很香口。飯吸收了鯛魚與帶子的鮮味，很香，仲可以拌埋醬汁，更加滋味。 Sunrise 橙 石榴汁呢杯飲品好靚，口感清爽，帶甜味，估唔到原來橙同石榴都好襯，食完辣野飲非常適合。 餐廳出左新餐牌，望落都好吸引，下次黎再試埋佢先。

北角有間特色韓式小店由韓國🇰🇷人主理，主打韓國新派料理， 我仲有見到一位靚仔oppa 註場 ，😆 環境開揚舒服， 剛過lunch hour 冇太多食客，食物擺盤精緻而且水準不錯👍海鮮豆腐湯平時飲開人蔘雞湯的我嘗試呢款海鮮豆腐湯都冇失望，超豐富材料湯汁鮮味十足，食了不少蜆肉豆腐好飽滿芝士煎餅邪惡芝士配上薯仔🥔仔口感好好，煎得脆卜卜內軟綿綿好好味🤤蠔仔🦪釜飯粒粒新鮮蠔仔🦪肥美可口，飯粒粒分明啖啖香口！

想不到炮台山也有韓國菜，而且都幾特別，平時食韓國菜一定食炸雞、石頭鍋飯同燒肉，而呢度有醬油雞、泡菜牛肉釜飯、山脈烤肉，菜式都幾好食，食前又有韓國五小碟，仲可以refill. 餐廳都幾大，而且同朋友聚餐都OK餐廳係全韓國人打理，但溝通完全無問題醬油雞醬油雞味道濃郁，醬油的鹹香和雞肉的鮮嫩結，而且外脆內嫩又多汁泡菜牛肉釜飯飯泡菜帶有微微的酸味和辣味，搭配牛肉的鮮嫩，讓整個釜飯粒粒分明，又不會太多飯焦山脈烤肉平時食烤肉食得多，呢個BBQ style都幾特別，送上來一座山，都有啲湯底同煮熟啲肉，不過就無焦香甘，但都好健康，有好多蔬菜同菇菌，肉質鮮嫩多汁。

環境好坐餐牌選擇多食物份量大最好多一兩個人食先叫到多少少野食但食物可惜醬油蝦完全唔入味醬油蟹入味 但又未算好好食豬手調味可以 但肉質較乾但味道普通 個人比4/10 食2 啖 唔會想一口接一口果種無食到好好食既幸福感覺得好又一餐唔好又一餐既感覺😚

一直都好想試下韓式燉排骨湯，聽聞係醒酒名物，如果冬天食仲暖笠笠添。 餐廳提供五樣伴餐，除咗泡菜同辣椒醃蘿蔔，仲有甜蕃薯、醬汁年糕同鵪鶉蛋，十分開胃。 黑芝麻炸雞估唔到黑芝麻同炸雞又幾夾，黑芝麻醬加少少沙律醬汁同大量生蔥夠惹味，雞肉juicy，唔錯。 燉排骨湯(加炒飯)勁足料！有豬脊骨、薯仔、粉絲、菜乾、紫蘇葉、各樣嘅菜同調味配料，豬骨入味，骨髓融入辣湯，味道鮮甜濃郁，骨頭相連嘅肉有滿滿嘅骨膠原，入口即溶。薯仔諗甜，蔬菜則減低飽滯感。 最後加咗個炒飯，用燉排骨湯加泡菜、芝麻、蔥粒、紫菜等炒飯，用佢嚟做結尾就perfect池啦！

炮台山精緻韓國料理原來炮台山都有間裝修精緻嘅韓國餐廳，店員全部都係韓國人，感覺好正宗。餐牌選擇齊全，烤肉、炸雞、釜飯、冷麵、小食，通通都有。前菜有泡菜，甜番薯，年糕，辣蘿蔔，鵪鶉蛋。黑芝麻炸雞少見嘅炸雞口味。炸雞外脆內滑，黑芝麻醬好香，每一件炸雞都包滿醬汁。特色豬手豬手份量超級多，肥瘦均勻，膠質豐富，瘦肉部份唔會乾柴，仲可以用生菜包住去食，減低油膩感。蠔仔釜飯配燜蘿蔔季節限定嘅釜飯，店員仲會幫你攪均。大大粒蠔鋪滿個飯，無用過多嘅調味，食到原本蠔既新鮮味道。明太子釜飯明太子味道濃郁，帶有少少辣味，令整體味道冇咁單調。餐廳環境坐得好舒服，係傾偈聚餐好地方。