Amica

營業中

休息中

呢間餐廳好多人幫襯，我同朋友閒日夜晚嚟食飯，食食下啲人甚至開始要等位，真係好受歡迎！🍲是日餐湯 加$15是日餐湯係蘑菇忌廉湯，味道濃郁，滑口，非常開胃。🍝野菌意大利粉配牛肝菌醬 $98呢碟意粉份量都算多，醬汁濃郁，好掛汁，配搭大量嘅菇同番茄等配菜，增添咗口感同味道，好快就食哂。🍖燒西班牙豬肋骨配自製燒烤醬 $188呢個主菜配有沙律菜，豬肋骨燒得啱啱好，肉質嫩滑，份量都十足，配搭燒烤醬好有風味。🥤凍朱古力 $20 朱古力味道夠濃郁🍨特濃朱古力心太軟配雪糕 $68外脆內軟嘅心太軟，切開有流心效果，配上雪糕一齊食，非常好滿足~

臨近聖誕節當然要同屋企人慶祝一下食下大餐啦😊今晚我哋一行四人就黎到位於太子嘅「Amica」，開業已有多年，一直以優質西餐見稱！咁小編就緊係要帶埋屋企人黎試吓啦😋黑松露卡邦尼意粉 $98 + $15 是日餐湯(忌廉蘑菇湯） + $20 菠蘿百香果梳打呢個黑松露卡邦尼意粉真係十分之出色！香濃嘅黑松露揮之不去，而且仲有卡邦尼嘅香味！兩種味道混合一齊相當之好味😋海鮮意大利飯 $128 + $28 法式龍蝦湯 + $20 芒果柚子蝶豆花泡泡梳打海鮮意大利飯濕濕地都幾易入口👍岩哂我呢啲懶人😂而且材料非常之豐富！差唔多每一啖都有海鮮咁多😋燒蘇格蘭🏴󠁧󠁢󠁳󠁣󠁴󠁿比目魚 $188 + $28 法式龍蝦湯 + $20 香橙芒果泡泡梳打煎得好香脆👍而且啖啖肉又冇魚骨，真係好岩老友記 同 小朋友黎食呀☺️炭燒美國黑毛豬鞍扒配柚子燒汁 $198 + $28 法式龍蝦湯 + $18 牛蒡花茶黑毛豬鞍扒相當之鮮嫩！口感都唔會好韌，好腍😋而且都幾大塊架！😋抹茶戚風蛋糕 $58相當之重抹茶味嘅一個戚風蛋糕！一食完一啖香濃嘅抹茶就即刻包圍住我嘅口腔🤤聖誕木頭🪵朱古力蛋糕 $68呢個木頭蛋糕係店員推介，又幾好味喎！😋

如果大家過嚟太子呢頭想食西餐又冇idea,推介大家試呢間旺角太子超高質西餐，一定唔會失望，因為今日第一次黎覺得好有驚喜！食物水準很高，價錢合理。先說法式龍蝦湯龍蝦味鮮甜濃郁！口感滑溜creamy ,但一啲都唔膩。白酒煮澳洲黑青口令我回想法國的青口，超鮮甜，烹調得非常好，淡淡酒香，配上鹹香嘅海水味。食唔停口！性價比高！燒蘇格蘭比目魚推介必點！食咗真係有幸福嘅味道！比目魚好滑溜Juicy,煎得非常香口，配上特製嘅醬汁，係白色嘅乳酪！原來同比目魚係絕配！有啲sour cream嘅味，總之好好味！

當天32人午餐 party ，人均＄250係包場價價，性價比超高，有5個 course !！店長Carrie很貼心服務，為每人打上名牌。5 courses包括 蘑菇湯；每枱8人有2大盆小食每盆3款；主菜有5款可選，每款都有同事點選，款款味道都很好，西冷扒很厚身， ordered medium 真係做到 medium ，並冇over cooked ；美國豬扒配薯蓉係我一直最喜歡吃的其中一道菜，豬扒煎得很香口，薯蓉配上的香草和汁超好香；烤黃油雞半隻也很香口，雞肉柔嫩又肥美，非常吸引，也配上香草很配搭；另外有素菜 spaghetti ＆香蒜虎蝦 spaghetti 2款意粉；甜品當日升級為 雪糕配waffle ,絕不欺場；同事生日，我要求甜品碟寫字裝飾，還送上生日蠟燭很窩心，我多多要求也一一達成又不用另加費用😝最後包一杯飲品也供八款選擇，冷飲也不用額外加錢。當日同事好開心過了一𠆤平安夜午餐聚餐。很值得推介的一間歺廳，全面平分，以性價比計算，我比85分。👍🏻

今晚去食左間不錯的西餐👍慢煮黃油燒雞（半隻） $178雞肉鮮嫩多汁！搭配黑松露醬口感不同 重點係配菜好好食！蘆筍同埋薯仔😚😚燒西班牙豬肋骨 $188肉質燉到超冧！自制燒烤醬十分入味 連脆骨都食到～份量不錯是日特飲：荔枝梳打 $10套餐加好抵～解膩雜莓窩芙雪糕 $78有莓果醬同水果與雪糕的組合，酸甜平衡 窩芙偏脆口#香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

諗住搵間方便散水既餐廳，預早幾日訂枱，18/12/2024六點多到，無咩人，全晚都有好多空枱，諗住唔阻外的情況下坐耐些，吹吓水，侍應見食物已食完，就不停執拾，而當時仍有幾枱客。晚餐選擇都多，二人選了2個晚餐，分別是海鮮意大利飯及燒西班牙豬肋骨配自製燒烤醬再配上是日特飲熱柚子茶及茘枝梳打食物美味，海鮮意大利好足料，有4隻青口，當中一隻無肉，三隻大蝦及三件魷魚，豬肋骨好入味，骨肉易分離，燒烤醬就一般。

主菜驚喜，地方寬敞，服務有禮晚市散叫+$少少錢，有湯同飲品🥖餐包～亞麻籽芝麻包，好鬆軟🍄‍🟫+$15蘑菇忌廉湯｜🦞+$28龍蝦湯濃郁蓉蓉蘑菇湯Creamy有口感 🥗牛油果藍蟹沙律配檸檬欖油$78大大盤，清鮮什菜、牛油果、青瓜、味蟹肉等…加上檸檬和欖油，簡單既Sauce微酸清新，健康又豐富，大愛推介🦐海鮮意大利飯$128虎蝦、黑青口、墨魚；用到鮮蕃底精華滲透米粒中帶濕潤，片片蒜香，零舍開胃🐟燒蘇格蘭比目魚驚喜驚喜，大大塊既魚扒，厚身肉嫩配忌廉汁，蔬菜、青瓜苗、薯蓉伴碟冇見過有餐廳用青瓜苗做菜少少辣醮上比目魚，味道獨特+$20跟差所有飲品🌿新鮮熱帶水果冷泡茶🥤Vanilla Latte

朋友之前食過一次，同我分享話環境都幾舒服，上菜又快，嘢食味道唔錯而且價錢都幾實惠。食完之後都覺得幾唔錯，而且都幾好坐。‣ 二人套餐 $398· 精選餐湯餐湯係薯仔湯，入邊仲有啲薯仔蓉，但係都叫咗入口即化，湯嘅濃稠度啱啱好。而餐湯仲有搭配芝麻餐包仔，作為前菜份量啱啱好。· 黑松露薯條我都幾鍾意餐廳嘅黑松露蛋黃醬，黑松露味都算係幾濃郁，而薯條炸到脆卜卜，但係食落去唔會話有油益味，薯條份量又唔少，兩個人食啱啱好。· 蟹肉三文魚籽意大利粉配海膽汁海膽食落去唔會食到腥味，而三文魚籽都食到佢嘅鮮甜味，意粉嘅生熟度啱啱好，整體嚟講都幾滿意，因為有時候啲海膽汁好容易食到腥味，我同朋友好快就清咗碟。· 炭燒美國黑安格斯西冷 ＋$28西冷都俾得幾厚身，啲肥膏都煎得幾香，呢個價錢嚟講，我覺得都幾抵食。就咁食其實塊扒都已經好香，隔離仲有醬汁俾你唔夠味點嚟食。· 是日特飲朋友就嗌咗杯柚子蜜，而我就係飲佢嘅荔枝梳打，雖然都就快冬天，不過我覺得食薯條點樣都飲啲有氣嘅嘢感覺疏爽啲。· 各式窩夫 ＋$38可以揀芒果或者雜莓窩夫，咁我哋今次就揀咗雜莓窩夫，無論芒果又好雜莓都好，其實都係雲呢拿雪糕，不過我覺得雜莓偏酸，比較

第一次來這裡，覺得味道和環境都不錯，所以要給個讚👍。午餐點了意式燴安格斯牛肉意粉及美國豬肉眼配薯蓉雜菜，都很好吃。意式燴安格斯牛肉意粉是用番茄醬汁，也不會太鹹，分量也不太少。見別人點的虎蝦蘆筍意大利粉配忌廉芝士汁，則是用白汁，看來也不錯。美國豬肉眼配薯蓉雜菜，味道豐富，配燒汁和薯蓉一起吃，非常美味。午餐飲品有很多選擇，除了一般的咖啡檸茶，也可選橙汁或蘋果汁，還有很多特別的飲品，不過是要加錢。會下次再來試試其他菜式。

慘過茶餐廳 西餐廳哦 大聲夾兇 染髮男侍應粗口連篇 換個位置都不肯 咁樣鋪頭都無知請D咩噶人 以後都唔來 要去哩咁舖光顧自己唸唸廚房D嘢一般 扒有小小咸 水都無杯 唔推薦 總之一句 慘過茶記

之前中過次，唔記得咗，今次又嚟中伏，同女朋友行街諗住坐低飲杯嘢，成個場都冇乜人，行到去門口，幾個服務員見到我哋企喺門口都冇理我哋，仲走入去自己傾偈吹水，咁我唯有走入去問係咪可以隨便坐，跟住服務員就話你係唔係食晚餐，我話唔係，淨係想坐低飲杯嘢，服務員話咁你喺cashier買杯嘢之後過去對面坐啦，嗰下已經覺得條氣有啲唔順，大佬你估你係大家樂啊，嘢飲唔係平，但係又冇服務，個樣仲係串串共咁，嘢飲到啦，一飲之後發覺仲衰過茶餐廳，本身已經冇乜要求，但係真係對唔住個價錢，嘢飲嘅質素只係對得住佢嘅服務態度(一樣咁差)，今次寫食評係提醒自己唔好再中伏

昨晚帶咗朋友嚟太子始創中心3樓Amica西餐廳，嗌咗個二人餐，又抵食又好食，我哋飲咗個蘑菇湯，廚師用新鮮蘑菇製作而成，一飲洛口非常豐富的蘑菇味，而且又夠熱，你都知啦飲湯一定要夠熱，唔熱係唔好飲的，所以這個湯從味道和熱度都非常滿足到我哋，我哋又揀咗個小食，依個小食係用魷魚做的，我唔記得咗個名，所以冇打出嚟，但係真係好好食，呢個魷魚裏面又有麵包，同埋一個好好味嘅汁，混合起來，真係好好食，我仲食晒成碟添，又食咗個蜆肉意粉，廚師煮得好勻循，而且個意粉的軟硬度適中，所以去西餐食意粉，的意粉真的好食好多，我進食期間，唔小心倒瀉杯飲品，有個餐廳職員行埋嚟，除咗幫我清潔枱面，還免費送返杯飲品俾我，實在有點驚喜和窩心

24年11月8日晚（昨晚）與幾名朋友到店進食晚餐，食物質素很一般，菜價稍高，服務員的態度不到位，缺碟，义，飲品久候不到，每每需要兩三番主動再提出才慢慢地送上。其中，在2番催促芝士粉仍未到，食物也放涼了，離座上前再提出，換來是年青染髮前衛傳菜員以高聲及粗野的態度喝罵回應。食完一餐，錢花得很不值，也受氣不少，影響了好友歡聚的情緒。奉勸他人，若要光顧要有充份的心理準備，我是決定以後不會再幫襯的。這晚餐得到是很壞的一個顧客體驗，收10%服務費，但服務水平與一般顧客的基本期望有不少距離。最有禮貌的時候就是要你結帳及著你離開因要打烊了，時間是約晚上9點15分。

星期六經過太子，走去始創裡邊揾食，見到三樓有間環境幾舒適，價錢又唔貴嘅Cafe，仲比我見到一個雞肉墨西哥餅的食品，無諗過喺呢度可以食到，突然好想食，就即刻走入餐廳試下佢。嚟到嘅食物比我想像中大，餅中面的雞肉做得好嫩滑，而且mozzarella chesse份量十足，完全滿足到我嘅食慾，好耐無食過咁好食嘅墨西哥薄餅。我老公本來自己吃左牛扒，見我食得咁開心，都嚟同我搶埋一份。Brunch跟沙律及飲品，但我用半價嗌杯Rose Latte，咖啡又比我想像中做得出色。整體來說很滿足的午餐，性價比不俗。👍

同朋友嚟咗太子始創中心amica西餐廳，🍴味道唔錯，尤其是個餐湯，材料豐富，一飲就知道用原材料做的，又夠熱，實在唔錯，其他食物都好好食，牛扒都燒得好好，餐廳同事都好好，有介紹啲好食嘅甜品俾我哋，我帶朋友嚟食，朋友都話好好味，類似這些食物嘅質素，相對其他，價錢都唔算貴！，慢煮黃油燒雞，我最鍾意食呢一個，再配上黑松露汁，個汁真係好香，加埋本身這個慢煮黃油燒雞，有嫩滑又多汁，下次我再嚟都要食返呢個，可以介紹俾大家，位於始創中心， 3樓竟然有間咁好食嘅西餐廳