影片
港鐵太子站 B2 出口, 港鐵旺角站 B1 出口, 港鐵旺角東站 C 出口
繼續閱讀
電話號碼
23386828
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
優惠
9折
[太子高性價比美食] Amica$100 現金劵
$90
$100
相關文章
今晚約咗老朋友聚一聚，就大家方便，地點晌太子，搵嚟位處「始創中心」嘅「Amica」，因為印象中大概5年前到訪過（記得喺疫情前），知道佢哋嘅出品有質素，疫情都難佢哋唔到，就更加有信心。鋪面比較開揚，從外面已睇到部份用餐區，再走入啲就另一個用餐區區域，可以講地方都幾大，裝修簡約，枱櫈嘅編排唔會有種逼夾感，加上燈效，予人感覺舒服。此外，更有一部份用餐區喺餐廳之外，好似商場嘅一部份咁，佈置得比較似啲咖啡店嘅優閒座，等人可以賣杯咖啡坐低嘆吓。講返有啲咩嘢食揀先，先睇睇餐牌，主要都喺做套餐，包餐湯或沙律，以所揀嘅意大利麵或飯、主菜嚟定價，配埋基本餐飲，由$108-$328，豐儉由人。另外，仲有啲其他嘅湯品、沙律、小食、甜品供選擇！此外，仲見到有款二人用嘅晚餐，賣$408，包括湯品、小食、意大利麵、主菜及餐飲，選取部份菜式需額外加錢，又可以以優惠價追加甜品，計過數，確喺划算少少，所以，簡單啲，我哋都喺揀咗個二人餐。餐具、紙巾已放咗晌枱旁小木盒，重點喺俾咗兩杯熱水，尤其近日外間天寒地凍，先飲杯熱水暖吓胃都鎳好。是日餐湯是日餐湯喺橙紅色嘅蕃茄湯，看似喺平平無奇，不過，一入口真喺好對辦，蕃茄味好濃郁，酸香鮮活，好對辦，口感順滑，稀杰度啱啱好。龍蝦湯 +$28老友就升級選上龍蝦湯，色澤鮮紅亮麗，佢話蝦味極強，可講每口都喺龍蝦精華，夠晒真材實料，非常之好飲。小圓餐包一般跟餐都有啲餐包，但足睇見餐廳喺有誠意，眼前嘅兩個小圓餐包，包面沾滿黑白芝麻，咬落軟熟之餘，有陣陣芝麻香，更重要喺啲包烘番暖，入口喺唔同啲嘅。燒醋漬鯖魚前菜6揀1，就晌鯖魚同青口之間嘅選擇，老友就想試試鯖魚。呢道菜擺盤西式，但鯖魚嘅處理就日式，用上醋漬，鯖魚完全無骨，食得安心，肉質較挺，帶點醋酸香，頗有特色。海鮮意大利飯一向都認為，如果一家餐廳嘅意大利飯做到好，其他嘢都差極有個譜，所以，專登點呢個意大利飯一試大廚手勢。先講個飯嘅賣相，濕潤得嚟無過多嘅汁，感覺已好討好，飯粒入口口感有煙韌感，煮得恰到好處，而海鮮料亦喺靚貨，唔喺雪藏嘢，好有鮮甜味，啲蝦又好爽彈，魷魚仔好有柔韌感。燒格陵蘭比目魚佢哋上菜嘅速度都幾好，而且，兩個主菜都喺同一時間上。件魚煎得外皮焦香，非常靚仔，又夠大件，小試一口，外皮焦脆，肉質超滑，又富油香。下面嘅薯蓉柔滑到不得了，仲配埋好幾款蔬菜，配搭甚有特色。熱檸茶、海鹽焦糖鮮奶咖啡 +$16鮮奶咖啡一向喺小弟嘅「飛弗」，佢哋有好多款特別口味嘅鮮奶咖啡，今次就試咗海鹽焦糖口味。拉花非常之靚，花紋細緻，口感醇和，而且，口感均勻，奶泡撞落去嘅手勢非常之好，喺一杯沖調得具水準嘅鮮奶咖啡。整體嚟講，餐廳嘅要環境輕鬆悠閒，而服務好貼心，不時主動添上熱水，收搭餐具，更有唔少細節位，好似啲碟都喺熱過嚟。食物方面，今晚所試嘅每一樣嘢，我哋都覺得有水準，喺用心嘅出品。
繼續閱讀
星期日去咗嚟呢間餐廳食晚飯，二人套餐幾抵食， 有2碗餐湯+1份前菜+1份意粉+1份主菜同2杯野飲，好豐富，夠哂飽。餐湯：南瓜湯南瓜湯熱辣辣，味道香濃，仲有配餐包~前菜：煙三文魚沙律煙三文魚份量都多，搭配各款嘅新鮮嘅蔬菜，清新可口意粉：蟹肉三文魚籽意大利粉配海膽汁份量好多嘅意粉，意粉彈牙、好掛汁。意粉裡面有好多三文魚籽，同意粉一齊食口感層次豐富。主菜：炭燒美國黑毛猪鞍扒配柚子燒汁黑毛猪鞍扒燒得啱啱好，肉質嫩滑，柚子燒汁味道清新，非常特別，增添咗整體風味。飲品：是日特飲-熱柚子茶熱柚子茶味道啱啱好，唔會好甜但又保持到柚子味道。甜品：二人餐芒果窩夫雪糕 （加$38）我地加咗$38追加窩夫甜品，一共有四大塊窩夫，外層夠脆但唔會乾，雪糕香滑，仲有大量芒果、棉花糖同cream，食得非常滿足！
繼續閱讀
✳️周日不入廚房，我和老婆在太子始創中心的Amica西餐廳嘆下兩人套餐晚餐。✨二人套餐~$398真心性價比超高！首先上桌的是南瓜忌廉湯，湯身滑順，帶有淡淡的南瓜香氣，讓人一口接一口，心情瞬間明亮起來。✨前菜是魷魚圈🐙，外脆內嫩，配上特製的醬汁，味道鮮美，讓人停不下來。接下來是海鮮意大利飯🦑，米飯吸收了海鮮的鮮味，粒粒分明，還有大蝦🦐和貝類的點綴。✨然後是我們的主菜：炭燒美國黑安格斯西冷（300g），我們點的是七成熟，肉質鮮嫩多汁，搭配香濃的醬汁，啖啖滋味！✨飲品方面☕，我們選了熱柚子密和凍荔枝梳打🥤，熱柚子密的清香和微酸剛好平衡了肉的油膩，而凍荔枝梳打清爽提神。✨最後，我們加了$15享用當日精選甜品：藍莓士多啤梨餅🍰。餅底鬆軟，水果新鮮，甜而不膩，為這頓飯畫下完美句號。
繼續閱讀
朋友最近推薦位於太子始創中心有間新開Cafe餐廳，因為價錢吸引食物質素高。話要帶我去試試😋餐廳半開放式分兩個區域，座位夠闊落開揚，特別木系裝修，帶有文青風格🥰餐牌確實吸引，二人套餐只需$398包括：2餐湯＋1前菜＋1意粉＋1主菜+2飲品，另外優惠價額外叫甜品，正👍🏻是日特飲 ⭐️⭐️⭐️有凍荔枝梳打和熱柚子蜜兩個選擇。凍荔枝梳打清爽可口💕而熱柚子蜜則帶著淡淡的甜味和微微的酸感，特別適合用來暖胃💕精選餐湯 - 蘑菇湯⭐️⭐️⭐️濃郁的蘑菇湯。質感順滑，味道濃厚，蘑菇的鮮味充分釋放，Yummy💕前菜 - 黑松露薯條⭐️⭐️⭐️薯條炸得香脆，搭配上黑松露的獨特香氣，令人忍不住食不停口💕意粉 - 野菌意大利粉配牛肝菌醬⭐️⭐️⭐️⭐️意粉煮得剛剛好，搭配醬汁口感非常豐富，juicy💕牛肝菌的風味和香氣令整道菜更加出色😋主菜 - 炭燒美國黑安格斯西冷（300g）⭐️⭐️⭐️⭐️一上菜，我同朋友嘩了一聲，份量十足，肉質鮮嫩多汁。炭燒使得牛肉表面帶來焦香味，內裡卻保留了肉的原汁原味，十分惹味，真是令人滿足💕甜品 - 雜莓窩夫配雲呢拿雪糕⭐️⭐️⭐️⭐️甜品胃既女生們，當然會揀我哋至愛嘅窩夫窩夫外脆內軟，搭配新鮮的雜莓，增添了酸甜的口感，加上滑順的雲呢拿雪糕，每一口都帶來愉悅的心情。正💕二人套餐的性價比十分高，無論是前菜、主菜還是甜品，每一部分都頗具水準，絕對值得一食再食😆🥰
繼續閱讀
上年仲係未加價都還可以，今晚去食已$398+10%／2人餐，2個餐湯+選一個餐前小食+1個意粉/飯+選豬扒/牛要再加錢+2杯飲品(熱檸水/熱蜂蜜茶/荔枝茶)唔使加錢。講真加埋10%$440蚊 完全唔值，出面叫塊扒都包湯包嘢飲都係百零蚊佢呢度只可以揀豬扒唔使加錢，一個意粉值唔值200蚊呢？塊豬扒食唔食200蚊呢 未加價都食開，而家嚟完呢次加價真係唔值。 我朋友食完落樓 兩個都唔飽要再搵嘢食 怪得知今日望落去少咗咁多客。
繼續閱讀