am.pm (譽發廣場)

營業中

休息中

💛成日都聽日人講旺角油麻地有間抵食梳乎厘，但係成日都無時間去試，今日終於有呢個機會啦😆😆am.pm呢間梳乎厘係有良心嘅黃店就唔洗講啦，佢連間鋪都係黃色巴士造型，夠哂吸睛🤣🤣野食方面，好多香港特色口味嘅梳乎厘，包括珍珠奶茶、奶黃流心、黑糖厚鮮奶等等不過因為某🐷 係抹茶控嘅原因，我地係揀左靜岡抹茶梳乎厘😎😎叫完大概要等5-10分鐘時間，因為外賣單都真係幾多，不過可以係店外見到現在製作都幾吸引架😍 梳乎里比想像中仲鬆軟，震下震下咁, 表面仲有滿滿嘅抹茶醬，抹茶味非常特出，係奶味較淡嘅抹茶醬，抹茶控嘅朋友應該都會鍾意😍😍下次再黎一定要試下唔同味先😚😚

呢間小店應該開咗三年多，到依家我都係第一次試，每次經過見到都係大排長龍，排隊係一件最討厭嘅事情，而且係呢個炎炎嘅夏日，晚飯前同朋友經過，佢話好想試呢間班cake，食完晚飯21:30，捨命陪君子，一直令我卻步冇試嘅原因，第一成要排隊，第二冇枱冇櫈，大熱天時要企喺條街到食好唔放便可能好多人都試過，而人龍比以前少，比我預期中快10分鐘就有得食，點了signature 炎燒布丁🍮日本3.6牛乳雪糕🍦布丁面香香嘅焦糖，滑脫脫嘅布丁，香甜牛奶味雪糕😋原來真係值得排隊等㗎！

次次從油麻地出旺角，都會經過呢一間黃巴甜品舖，但係次次都勁趕，冇機會食！今次終於有時間試吓啦！.▪️提拉米蘇梳乎厘 $45食落幾輕盈，唔會太heavy，返到屋企都仲係暖暖地，唔會話林到扁曬！朱古力味都好濃郁▫️黑糖厚鮮奶布丁多士加日本3.6牛奶軟雪糕 $55珍奶控表示，一啖多士一啖珍珠簡直係大爆發，好似將黑糖鮮奶昇華咗！不過因為實在食得太飽，order完，秒速消化左個雪糕，其他就拎左番屋企同瓜瓜share 💙

之前經過好幾次都見到一架十分搶眼的黃巴士am.pm甜品店都好多人排隊，今日見人唔多一於試下啦，店舖雖然不設坐位要立食不過都好多人幫襯，見店員每一個客人order 先會即做絕對新鮮我先order 一個金燒奶黃布丁多士試下，賣相已經相當吸引雪糕顏色好靚又聞到好香焦糖味，先試一啖用3.6北海道牛乳嘅雪糕真的好滑好好味，後來問店員原來雪糕加入了碟豆花所以顏色非常靚，件熱辣辣金黃色嘅布丁多士好特別又香脆又香滑，一啖多士一啖雪糕一冷一熱真的好好味食完同朋友感覺都好似唔多夠口一於再試多另一款炎燒布丁梳乎厘梳乎厘加布丁感覺真有啲特別 ~ 唔似一般梳乎厘一陣風咁又有布丁嘅香滑，個面滿是焦糖好香脆濃濃的蛋味又有啲似棉花糖味道，食完兩個甜品真的非常滿足又好飽

到油麻地吃午餐後，就口痕想吃吃甜品。看到這家永遠都有人在門口等待的外賣甜品店，當然唔執輸要排一排、買一買！炎燒布丁梳乎厘 $50滿滿的布丁加上梳乎厘Pancake，表面係燒到脆卜卜嘅焦糖，每一個都係即叫即整所以等候時間大概要10分鐘。一口可以吃到好滑嘅布丁🍮同好香嘅梳乎厘🥰而熔岩朱古力布甸多士 $55就一定係朱古力迷最愛，配上忌廉、布丁，再加了$10 的吸睛藍色嘅3.6牛奶雪糕，就滿足晒成個甜品嘅胃😚

近排好想食空氣感梳乎厘😌，自己比較喜歡勁多醬料層次感豐富😋，另推出新口味 厚多士，我個人好鍾意厚多士口感一定要試吓😚.❥ ❥ ❥金燒奶黃布丁多士 $55厚厚嘅多士用竹簽串多士外面燒過至微焦，表面帶一點甜嘅味道或膽有啲似食西多士嘅口感，滿滿奶黃布丁表面勁邪惡，側邊配軟雪糕非常軟滑，另有一種香濃牛乳味🐮，香口味我人好鍾意❤️⭐️🤩.❥ ❥ ❥莓果梳乎厘 $45朋友揀選左季節之特選勁重梅果味道酸甜開胃，頂層滿滿棉花爆炸糖 食落去嗰種口感特別過人，疏乎厘裏面有驚喜，爆多醬酸酸甜甜不錯，另外重要雪糕配襯口感好豐富層，口味創新特別😍

最近大熱天時成日都好想食雪糕解下暑☀️琴日就去左附近依間黃巴士食甜品🚌上次都食過一次佢個梳乎厘pancake覺得幾好食，今次就再試埋佢menu既新出品係布丁多士🥞食落都幾飽肚嫁，正正啱晒食完飯仲未飽既我地呀😬佢依個布丁多士仲唔洗自己加錢，就已經會default左有埋佢既日本3.6牛乳雪糕嫁🍦不過影相記得要影快啲呀，依家天氣實在太熱，會溶得好快嫁🤣-靜岡抹茶布丁多士 $55炙燒布丁梳乎厘 $50

講起梳乎厘🗣位於油麻地嘅黃色大巴士 am.pm必定係大熱之選🚌專賣梳乎厘 Pancake😗有多款口味嘅梳乎厘選擇😍即叫即整，新鮮熱辣🤗.熔岩朱古力多士配日本 3.6 牛乳雪糕 🌋🍦多士表面用火槍燒咗一層焦糖🔥口感外面又甜又脆內裡軟熟😆上面好多 Cream同朱古力醬🍫味道香甜微苦😋一邊食住熱辣辣嘅多士🍞一邊食住涼浸浸嘅日本 3.6 牛乳雪糕🥰雪糕香滑，奶味濃郁🥛真係好夾呀.黑糖厚鮮奶梳乎厘🥧表面滿滿都係厚鮮奶😛再用黑糖畫出虎紋🐯加上煙煙韌韌黑糖珍珠😉梳乎厘落口充滿咗蛋香🥚空氣感十足，口感鬆軟🤤每一份有兩件梳乎厘✌🏻份量啱啱好

呢條人來人往嘅後巷行左十幾年，近年愈來愈多小店出現🥳 見到疏乎厘真係會忍唔到口😋！彈下彈下，鬆軟又好味！原來呢架好sharp嘅黃色巴士喺立食Pancake店，有好多口味嘅疏乎厘，即叫即整，新鮮熱辣😍#黑糖厚鮮奶疏乎厘等左⏰8分鐘終於出爐，絕不馬虎！疏乎厘食落空氣感十足，配合甜甜嘅果糖珍珠，煙煙韌韌。#金燒奶王布丁多士 🍞試埋呢個新出嘅布丁燒，脆脆嘅蕉糖，鋪滿奶王醬，很配搭嘅組合😋 一口多士一口雪糕降溫🍦

每次係油麻地地鐵站出黎都會經過依間黃巴士,店內係無座位,所以每次都見到好多人圍住,今日終於有機會支持下💛ampm有布丁多士同梳乎厘,有吾少既特別味道選擇,例如奶皇流心,黑糖厚鮮奶同靜岡抺茶都有,而且價錢吾算貴炎燒布丁梳乎厘($50)店員用火槍將梳乎厘既面層燒至金黃色既焦糖脆脆,味道香脆,再配上吉士醬,梳乎厘質感鬆軟綿密,蛋味香濃,充滿空氣感,賣相同味道一樣咁高質🥰靜岡抹茶布丁多士配日本3.6牛奶軟雪糕($55)多士用火槍將糖燒過所以外脆內軟,口感軟綿帶濕潤,有點似法式多士既味道,而且帶有少許玉桂味,抺茶味道濃郁帶回甘,味道吾會太甜,牛奶雪糕係淺藍色好靚啊❤️口感軟滑,而且同多士一齊食有一冷一熱既口感對比好正!培茶牛乳(任何梳乎厘+$20 原價$35)培茶味道香濃醇厚,珍珠好煙韌而且甜度適中,依個價錢好抵飲

鍾意食梳乎厘嘅我 當然唔會錯過任何一個機會💛 am.pm既梳乎厘款式眾多又新穎 雖然不設座位 需要企喺舖頭出面食 但仍然人潮湧湧 好多人排隊 所以畀咗錢之後都要等大概15-20分鐘先至有得食靜岡抹茶梳乎厘 $45濃郁嘅抹茶醬配上新鮮熱辣嘅梳乎厘 頂層有抹茶奶凍🤤 上面更鋪滿抹茶粉 抹茶嘅苦味同濃味適中 唔係假嘅抹茶味👍 梳乎厘非常動L 充滿空氣感 蛋味濃郁 抹茶控記住唔好錯過~黑糖厚鮮奶梳乎厘 $50 配搭日本3.6牛乳雪糕 +$10梳乎厘上嘅奶蓋充滿奶味 配埋黑糖漿食 可以中和黑糖漿嘅甜味 熱辣辣嘅梳乎厘 再配上凍冰冰嘅牛乳雪糕 一凍一熱 雙重口感👍 雪糕令成個梳乎厘生色不少 充滿蛋味嘅梳乎厘沾上濃濃奶味既雪糕同奶蓋 甜甜鹹鹹 非常好味

幾年前同朋友試過一次呢間嘅梳乎厘，今日同另一位友人慶祝生日，食完正餐決定直落甜品賀一賀佢。雖然係大熱天時，依然好多人幫襯，果然係人氣甜品店。黃巴士造型係小店標誌性嘅設計，大型雪糕擺設同一系列Charlie Brown嘅模型都超可愛，忍唔住影咗幾張相。黑糖厚鮮奶布丁多士配日本3.6牛奶軟雪糕 $55今日先發現除咗梳乎厘，原來仲有布甸多士選擇，聽落幾得意，我地仲另外加配咗好多人點嘅軟雪糕。多士經烘烤後有焦糖布甸味，外層焦脆甜蜜，咬落富蛋香且酥軟。黑糖珍珠微熱煙韌，增強整體層次感。Tiffany blue色嘅軟雪糕質感勁幼滑，最啱夏天享用。提拉米蘇梳乎厘 $45大量Tiramisu粉鋪係兩層梳乎厘之上，鬆軟嘅梳乎厘食落唔會太膩。不過整體唔夠熱，受熱部分唔太平均，加上Tiramisu味偏淡，如果可以加強返就更好啦。

這肯定是近期吃到 最精緻又好吃的街頭甜點了。講緊的是油麻地am.pm 即叫即製的烤多士和梳乎厘。 基本上每次經過也大排長龍， 無他，因為甜點即叫即製， 而且也有多種口味， 極具特色， 只要想到 梳乎厘 入口那一刻的愉快， 就會忘記排隊等食的辛苦。靜岡抹茶布丁多士55多士即叫即烤, 烤得焦香酥脆, 配上夏季清涼的日本牛乳3.6 雪糕， 十分消暑，一下就吃光光。 配搭的靜岡抹茶布甸，甜中帶清幽 ，加埋涼度十足的忌廉，滑滑溜溜， 多士的溫熱與及牛乳雪糕的冰 涼， 一整個冰火交融 ，好味到不得了。吃下來十分飽足炙燒布丁 梳乎厘果然是am.pm的名物。 由落order度睇住店員整, 到送上手 ，梳乎厘軟綿輕盈又震騰騰，充滿空氣感， 及後店員衝上布甸醬 ， 加埋即刻以火炙燒， 外皮硬脆 ，內裡滋味醇厚， 陣陣蛋味與甜香 在口裡徘徊 ，味道和層次十分豐富。

黑糖珍珠牛乳雪糕靜岡抹茶布丁多士再嚟到黄巴士，回味中🌟黑糖珍珠牛乳雪糕 ，珍珠Q彈，雪糕好香滑🌟靜岡抹茶布丁多士 ，抹茶味好正，厚多士多脆內軟熟，正到飛起#yummy #ampm

炎燒布丁梳乎厘 + 牛乳雪糕($60)油麻地人氣梳乎厘專門店，次次行過都好多人排隊，今日飛繁忙時間經過，終於到我打卡，即叫即整，梳乎厘上面有滿到瀉嘅custard，再加一層脆脆焦糖，可以想像下個層次感，梳乎厘鬆軟度係7分，配上淺藍色牛乳雪糕，好吸睛😍😍，整體7～8分，賣相真係100分 不過天氣大熱，雪糕溶得好快，我食唔到冰火相融嘅感覺，我下次會帶埋把風扇再食過🤣🤣