alfafa (康怡廣場北座)

營業中

休息中

上網睇呢間餐廳既評價好壞參半，不論係太古分店定其他分店都係，價錢唔算貴，食物種類算多，有漢堡、扒類、意粉、燴飯等等，每款都有5-6個選擇，以身試伏睇下質素如何－－－－－－1. 日式照燒大西洋鱈魚柳及有機鮮蘑菇炒意粉 $92名就好長😂簡單姐係鱈魚柳配蘑菇炒意粉，原先想叫漢堡，點知賣哂，意粉本質煮得唔錯，唔太腍少少彈牙，但照燒汁好甜，反而鱈魚柳完全冇味，表面雖然有煎過，但雪藏味好重，唔太新鮮，蘑菇好普通，份量得好少好細片，真係麻麻地😖2. 燒帆立貝黑松露醬燴飯 $110呢個飯真係有點失望😕閒落有黑松露味，但食落似係濕濕地既白飯，好淡味，而且帆立貝燒得好乾，真係食一次就夠，同埋有點顛覆左我對燴飯既定義

呢間Alfafa經過好多次，覺得太健康=唔太好味/食唔飽。食完發現我錯了😂 睇到menu都覺得佢選食材都幾有心思，選擇都算多元化。一來就有開胃嘅雜菜湯，同罌粟籽餐麵包，我叫嘅係雞肉雜菌燴紅米飯，creamy有芝士香味，用risotto 嘅煮法，令到比較硬身嘅紅米煮到軟身但保持有嚼口。唔錯唔錯！雞肉都煮得好香滑。味道適中，少油少鹽。餐飲叫左杯蘋果茶，係公平點嘅出品。算良心企業。食完餐飯感覺良好，飽肚又感覺唔滯。返工lunch健康首選！

肚餓，好隨便就入左去坐叫左餐，加多$30就有前菜同一杯餐茶。多士&雜菜湯原以為佢只係普通羅宋湯，原來個底有大豆同其他菜牛肉漢堡$108包有d脆，唔硬。牛肉多汁，有d似安格斯咁，當然好食d。薯條就係我最愛嘅厚身條條！炸得好好！唔油，上桌個時熱熱嘅，好正。但最特別嘅反而係佢左邊嘅黑松露醬，咸得黎又唔會覺得膩，好濃厚嘅黑松露味，可以細心d去感受下佢嘅味道，點薯條同加落漢堡到都得！穀飼牛有機鮮磨菇及亞麻籽燴紅米飯$106牛整得好好，六成生熟控制得好，肉嫩，飯可以食到紅米味。叫佢要加$15唔會好濃奶，茶味都係中間。最後送左$50xd

之前係ig見到呢個公司三文治tea set已經好想食 但係我成日都好肚餓 挨唔到teatime先食野 今次終於食到😍·公司三文治配薯條 $62佢個presentation同相一樣咁靚 一擺上檯就好開心 佢個薯條係真係即炸🍟超級熱辣辣 個公司三文治係有誠意既 入面都幾多料 係乾左少少 如果入面加d沙律醬/mayo應該會再好食d😋不過我自己點茄汁黎食都ok😈·香草蜜糖雞翼意粉 $98個雞翼超級啖啖肉 而且個意粉texture好好 係真係剛剛好al dente個個狀態 值得嘉許😎😎·#rbyeat#rby太古 #rby北角 #rby樂福·📍太古康山道1-2號康怡廣場北座M樓M2舖📍北角英皇道500號港運城1樓123-124號舖📍樂富聯合道198號樂富廣場一期UG2 L226&227

餐包焗得脆，加埋牛油好好食！ 紅湯就好多菜，但味就好淡，比較失色。烤澳洲100日穀飼牛有機鮮蘑菇紅米飯 ($104)個賣相好吸引，但個牛好乾好硬，冇肉汁，好難咬開，牛味都唔算濃，令人極度失望；飯就算係香既，不過不失。呢個飯收$104，以佢牛扒既質素黎講完全唔抵食，唔合格。Pancake All Day Breakfast ($108)沙律同牛油果都新鮮，太陽蛋熟度岩岩好，煙三文魚正常，PANCAKE份量大，幾厚，佢應該將香蕉打融落個粉漿度，食唔到果肉但都好濃香蕉味。呢間餐廳既價錢同質素唔太成正比，有啲失望。

店是在商場內的一間長長的餐廳。鮮菠菜火腿流心蛋，芝麻包配alfalfa 特色沙律，流心蛋太熟，已有一半以上的蛋黃凝固了，流心效果一般。迷你版芝麻包，上加兩片火腿，再夾埋流心蛋吃，口感都相當豐富。沙律菜爽脆，這個下午茶清新可口。日式照燒丹麥义燒配流心蛋紅米飯，义燒似是豬柳肉，賣相和肉味都麻麻。配餐羅宋湯、餐包，一般的。有機檸檬綠茶，不是有檸檬片的綠茶，而是一個茶包，老實講真係一啲檸檬味都無。綠茶一杯而已。檸檬蜜糖，淡淡的。

我約了一直指導我工作方向的朋友食tea,下午茶環境好，而且味道好的地方真心難搵。我地約了康怡廣場，看到Alfafa 餐牌上有一個二人西式tea set如果在西餐廳食，一定好貴，我地見價格合理，值得試試。由上層咸點食起，煙三文魚和大蝦三文治是我最喜歡的！另外，法國甜撻，有杏仁趣片，杏仁令甜撻口感提起其他奶凍、沙拉一般般，我不期望特別好食，只想人流靜靜，可以傾訴近況！每人一杯有機水果茶，中和口中的甜味令我醒一醒！

見好耐冇請爸媽食飯，所以就做下孝順女啦👧🏻因爲平時佢地都係食中餐多，想比佢地試下其他野，又見呢間餐廳價錢合理又多選擇就帶左佢地黎啦👨‍👩‍👧三個人叫左一個飯一個意飯加多隻燒春雞☺️仲加左三十蚊有多個湯同一杯野飲，個湯都幾多豆，味道唔錯😍不過爸爸就話每碟嘅份量都好小，唔係好夠食😂

8.早餐煙三文魚鮮菠菜 奄列$48再加一食第一啖已經豐富蛋殼碎，比牛角包更細的奄列，有十塊菠菜葉，內含一塊仲凍的卡夫芝士，慘過同佢 乞食，反而最好味係蕃茄，慘慘。份量小仲要無味既早餐。可以連蛋都無味。好高難度。後悔唔去金記。48蚊再加一。 食d咁既野又點會有good morning. 全日比佢影響晒。

放工在康怡廣場找晚飯的地方，看見了這間餐廳，款式都合口味便進去試試。看了看菜單，看中了一款看來很健康的點了磨菇雞肉红米飯。另外餐飲是熱㗎啡。先上了雜菜湯和小小的餐包和牛油。餐湯不全味道不全錯，餐包外硬内軟，暖暖的使牛油放入内很快溶，好味。之後等了约十多分鐘，飯到了。红米很多，特別是磨菇和汁融入飯內，紅米飯也煮得軟軟的，很易入口。但雞柳不太特別，而且還有小小的雪藏味。大家可以想像這飯不會好有味道，但加了小小鹽後便好好味。㗎啡是小有的十分澴味。整體這飯好味，雖然雞肉仲有改善空間。

入面勁多空位，卻要人係門外等位。同事執跟4 人檯，眼見只得一張，卻要2 人一起執。檯面卻只有幾碟嘢。加上勁多位 卻不給你選擇。態度極差！沒有笑容，還黑面！不只一次了。 完全沒改善過！ 到底點請人？

星期日同朋友係附近睇完戲要醫下肚見Alfafa嘅tea set都唔錯咁，一於就試下啦！好彩唔洗等好耐，10分鐘就入得！環境都不錯，不會很嘈吵，幾適合幾個朋友悠閒咁傾下偈我叫左烤雞有機鮮蘑菇天使麵，再加$15配雪糕特濃咖啡天使麵麵身爽口，醬汁不算濃郁，適合喜愛清淡的朋友！而咖啡就有驚喜！將雲呢拿雪糕浸在特濃咖啡裡面，雪糕充滿咖啡的味道，咖啡味濃而不苦澀，我非常喜歡總結，餐廳環境和食物質素都不錯，會考慮再來！

工作關係黎到康怡，一心食個靚早餐先做做野！前一晚搵到尼間幾好喎最吸引係麵包方面的有成7款選擇，決定食佢！環境幾舒服，本來想坐窗口位，點知去到已經好多人無得揀$44+$4（Ice coffee)點咗個自選3款，磨菇、雞扒、火腿扒！一上枱，見到個牛角包🥐甘大個，好開心個包好酥脆仲烘過好好味！！多埋粟米蕃茄真係好豐富，睇見心情都好D...份量都剛剛好，滿足又唔會過飽，咖啡都好合心意，一個早晨好開始😊

周末訓到黃朝百晏先肯起身，午餐變相就變左下午茶了。難得見到alfafa 唔使等位，兩口子便把握機會入去食個悠閒的下午茶。下午茶餐款式都算多，甜的咸的都有，相信能夠滿足到大眾的口味。Alfafa公司三文治配薯條 ($58)三文治厚厚的好足料，鬆軟麵包夾着蕃茄蔬菜，口感清新。薯條炸得香脆可口，味道不錯。雞肉腸煎蛋配意式雜菜長通粉•牛奶多士($58)炒蛋嫩滑沒有炒得過熟，雞肉腸唔會太咸亦都有肉味，牛奶麵包就比較普通。長通粉蕃茄湯底相對清淡，味道不過不失。

星期日想搵嘢食，見呢間冇排長龍就試下，反正之前經過幾次見到都有興趣試下。浦助下便點了下午茶餐的公司三文治跟凍檸茶。沒多久旁邊有一對夫婦及小孩也坐下了。過了15分鐘，也未見食物的蹤影，反而身旁比我遲來的夫婦他們的意粉已吃了大半。我很餓，便問給我落單的黑衫侍應可否跟跟？等了超過15分鐘了。他就很有態度的說「公司三文治即叫即整係要等耐啲架喎！」我心想你不早說？！我也不是惡言相向不是投訴用不著這麼兇吧？到離開的時候我通常都會唔該侍應，本來我都諗住照講唔該，但黑衫黑口黑面果位侍應企喺門口也完全不屑一顧，也就算了。公司三文治size 也很小，好像迷你版（抱歉照片我是吃了一份才記得拍照）。唔抵食，最嬲係態度差。有時就算真的漏單或出錯也非大問題，但態度惡劣便不可原諒。絕對不會回頭俾錢買難受。