Add Some Thai Restaurant

營業中

休息中

😡😡😡開開心心一家人食飯一行十人，由訂枱、入座、點餐都係提及過有最低消費$200。我買左蛋糕侍應話要$200切餅費，係幾貴但唔緊要啦都買左，就食完個陣侍應解釋係有最低消費我哋唔夠（$17xx），所以點都係要收我哋$2000，俾個建議我（反正都係要收不如叫多啲嘢食拎走）。一家大細有老有嫩唔想做潑婦，更加唔想老人家唔開心，是旦叫多少少野拎走算。Ps: 其實錢唔係問題，問題係比人感覺亂收錢，$200切餅費演變成最低消費人頭$200。成件事係覺得佢呃人錢，就算嘢食幾好食都係錯晒。

今日同男朋友去行街，一直都唸唔到吃咩好，見到有個泰國餐廳傳單，突然之間就想吃返個泰菜，平時我地吃泰菜都起九龍城吃，一直擔心其他地方啲泰菜唔夠正宗，但我地都第一次見到有“泰西” Fusion菜，好得意。入到去唔駛排隊，環境好大，我地叫左泰式酸辣鳳爪沙律，泰式小食拼盤，海鮮菠蘿炒飯同埋馬拉盞炒通菜，份量對我地黎講啱啱好，唔多唔少，最令我地驚艷就係馬拉盞炒通菜，通菜好嫩味道鹹香，唔會太過鹹，鳳爪沙律非常清爽，好開胃！下次都會再幫襯！

第一日係觀塘返工，跟同事吃工廈泰菜🇹🇭，冇唸到觀塘啲泰菜竟然咁好味😋！而且環境勁大勁正勁有feel🤩，我嗌咗一個泰式BBQ牛扒套餐同埋追加左一款芒果糯米飯，泰式BBQ牛扒 $98牛扒煎得好香夠林，牛扒熟度啱啱好，而且好juicy😍，同出面吃啲高級牛扒差唔多，但只需$98，好抵吃！👍芒果糯米飯 $48芒果好甜同埋好多舊🥭，加上糯米飯好煙韌好有咬口，搭配椰汁🥥，真係好好味😋，基本上係必選甜品！總體黎講，呢餐Lunch體驗非常好☺️，如果平日係觀塘返工嘅話，非常推薦試下Add Some Thai！👍

呢間餐廳份量大，但係味道就一般。樣樣嘢都不過不失，但係又唔會特別回味。不過好嘅係我朋友生日買咗個蛋糕上去，佢好有心思幫我擺盆同埋寫埋名，呢個好值得推介。服務就一般。

喱間餐廳一定不會推薦！收費不明。一入到去個侍應就西口西面叫我地坐門口，我地差唔多3:46入去，個侍應就話5:30 last order, 6:00要交枱。之後我地叫左一個豬手飯+蝦餅，我見到碟蝦餅已經係出餸位，個侍應經過完全無理過我碟蝦餅，仲係到禁電話，我望住碟蝦餅等左8分鐘，都無人理過我碟蝦餅，我就問侍應碟蝦餅有未？個男侍應先慢慢行過去拎。勁不知所謂囉。張menu寫明下午茶時段有85折/8折，埋單果陣收正價。我問佢點解？間餐廳回覆話兩個人食飯得一個人叫套餐，係要收正價。ok. 但我覺得間餐廳要係menu果到mark清楚啲條款先囉。menu只係寫繁忙時間每人要叫一個套餐。但我地去到得一張枱食飯，平日3:45唔係啲咩繁忙時間，另外如果下次落單果陣應該要提醒客人因為得一個人落單所以無折扣。唔係收錢果陣先講囉，如果係咁你就直接係menu到寫啦。難吃。態度差。

已經好耐冇寫食評，今次真係忍唔住唔理解點解一間餐廳所有員工既態度都可以咁差首先我係訂左位，一行三人一上到去佢地開舖冇耐，見到個女職員已經黑口黑面又冇禮貌朋友唔知自己安心未掃到，佢就好唔耐煩咁同朋友講，但都冇打算幫手，由得我地自己搞到點餐果時，又係呢位女職員負責，全程基本上不發一言，除左問我係要飯定薯菜到之後我朋友叫佢幫我地影張相，佢個樣係好唔情願，影得唔好都唔緊要，影完係反住白眼咁走咩料呀？😤之後見食物食唔哂，問另一位女職員拎外賣盒，佢問我地一個定兩個，我朋友好快答佢兩個但剩下食物其實唔算好多，所以我咪問佢外賣盒幾大，佢係扮聽唔到然後行左去，好野👍🏻到最後臨走時見個男職員企係門口，同佢講幫我確認訂位出席，佢問我電話，可能我細聲啦，佢語氣好差咁問：幾多話？野食係好普通，lunch 得一個lunch menu 冇得單點，點左三個餐加三個小食羊架好騷，其中一件好肥牛扒全熟，冇牛味還好配菜算新鮮，菠蘿好甜滷水豬手還好，不過滷水味好單調而且肉唔夠滑，跟餐個迷你生菜包好鹹而且勁油，食完見到成茶匙油係碟度馬拉盞通菜算係最好食，幾惹味，菜幾嫩冇渣，不過都係好油鳳爪沙律鳳爪唔夠爽口，個汁就幾醒胃豬頸肉勁

同朋友黎食二人餐本身見$388有好多野食又湯又小食又主菜又甜品好似幾抵食咁點知諗住「筆」冬陰公落碗嘅時候第一下就見到曱甴⋯當刻即刻通知店員店員個樣好無奈講咗聲唔好意思 就即刻收走咗煲湯留低仲有曱甴嘅碗喺我地張枱然後冇任何人再去跟進⋯為免飲番同一碗湯 我地最後轉咗另一款湯成餐飯都食得唔安落⋯食完諗住惡夢完結點知只係開始⋯番到去2個都肚痾朋友仲要由夜晚痾到朝早⋯希望餐廳可以改善一下食物衛生情況同員工處理嘅程序⋯

冬陰功忌廉汁軟殼蟹意粉 $78隻意粉冬陰功味偏淡反而食起嚟似多啲蕃茄汁忌廉味(忌廉味幾重🤪) 所以食起上嚟都唔辣(啱啲食唔到辣嘅人) 成碟啲意粉嘅精華就係隻軟殼蟹 隻軟殼蟹真係做得好脆好香 而且佢事前已經整走曬蟹腮 所以可以放心成隻食 overall成個餐有8/10🤤環境雖然係喺工廠入面但係內為裝修做得幾好 令人食嗰陣時感覺好舒服總括而言，呢一間餐廳嘅性價比係幾高嘅價錢屬於中價位嘅泰式餐廳，美食可以話係一流！

今日有幸食到駱駝漆大廈嘅Add Some Thai泰式椰青雞湯 $0係套餐附送嘅雞湯，椰青同埋羅勒味幾重成個湯有清新嘅感覺，裏面亦都有雞粒湯入面有唔同嘅香料同椰青，可以話係幾足料招牌泰式無骨海南雞 $76油飯轉咗白飯，飯粒比較分明無骨海南雞非常之滑，而且份量非常之多，超過一隻手掌咁大，食起上嚟非常滿足另外嗰汁配上雞肉非常之夾，有酸味嘅感覺附送嘅蝦片比較脆身，菠蘿同車厘茄亦係清新嘅配搭泰式凍檸茶 +$3冰冰涼涼，比較提神配上泰式香料，感覺清新亦富有特色

今日黎到觀塘食泰國菜,一入到餐廳,感覺好舒服,地方好大,坐位又唔洗好逼,因為APM餐廳真係好逼。其實依間泰國菜好近MTR,係駱駝漆一座,真的不錯的選擇。因為 LUNCH,所以就叫了2個套餐,每個餐可加一項小食。主食就叫了咖哩牛同炒金邊粉。兩款既份量係夠既,不過就好似無辣味,牛筋好夠林、豬頸肉就夠香,所以都不錯的。我就最愛小食,有蝦餅同埋炒通菜,蝦餅就真係夠大隻同有口感,必選~飲品就係要讚,西貢少女係好好味~有PASSION FRUIT,正!!!!美中不足就係想食牛油雞翼,就算單點都無,所以就無得食了。有機會就下次再食~

裝修有特色，令人有輕鬆既感覺1️⃣🐥泰式酸辣鳳爪沙律 沙律同鳳爪各佔一半，伴碟既菠蘿好甜，啲汁落哂係沙律菜到，鳳爪唔係好夠辣2️⃣ 🦐曼谷經典手打蝦餅蝦餅好厚身好彈牙，外層炸到金黃色，配埋沙律醬都幾夾，但如果配泰式辣醬會更好3️⃣🦀黃咖哩咸蛋軟殼蟹配法式蒜蓉包 軟款蟹一開二，外層炸到好脆，但就比較細隻同無咸蛋味，法包同咖啡汁一齊放沉淋左，如果蟹同法包分開放會更好4️⃣🌶原隻大蝦冬蔭公湯 因為怕太辣，所以揀左少啲辣，湯好足料有成6-8隻蝦，仲有少少菇，味道帶酸同偏濃5️⃣🐷泰式燒豬肋骨 （推介指數: ⭐️⭐️⭐️）肋骨唔算多肉，本身味道唔重，係肯面層個醬汁，帶少少辣，不過不失6️⃣🐔泰式無骨海南雞(半隻) 雞肥瘦適中，雞肉都好滑同帶鮮甜味，略嫌切得有啲大件7️⃣🐟泰式明爐青斑 魚唔算太太條，個湯底係甜甜地，則邊有啲豬肉碎，好重香葉既味道，魚質會越煮越老8️⃣🥭芒果糯米飯 最有驚喜係個甜品，雪糕係椰子味，仲帶有椰肉，糯米飯煮到好煙韌軟糯，芒果都好甜🌟餐廳主打泰式fusion菜，唔係正宗既泰國菜

2022-05-28女朋友去咗同朋友食生日飯🎂係觀塘約咗打麻雀🀄️搵到間位於由於工廈嘅泰國餐廳Add Some Thai🇹🇭雀友們見餐牌，食物種類花多眼亂😵‍💫又趕住開局，就揀了四人套餐👩‍👩‍👧‍👧四人餐分頭盤，小食，主食，蔬菜，甜品，食完飽死🫃嚟飲碗鮮蜆海鮮冬陰功湯，酸酸辣辣帶有少少蜆嘅甜味，醒胃😊小食拼盤手打蝦餅，春卷，泰式炸蝦片一支骨雞翼，豬頸肉，迷你酸辣鳳爪沙律，份量多炸得好香口🍤主食泰式燒雞半隻， 泰式雜菌炒金邊粉，黃咖哩鹹蛋軟殼蟹，軟殼蟹正常就一碟上，依間餐廳有良心，怕你唔夠食，分咗四碗，一人一碗唔洗爭，咖哩較為稠身，香濃咖哩配軟殼蟹新鮮感覺🦀埋尾炒咗碟馬拉盞炒通菜，少少辣馬拉盞嘢味🥗食到尾段仲有甜品，88蚊升級至芒果糯米飯配是日雪糕，芒果重甜味，唔會淡某某無味🥭整體環境坐得舒服，食物好味，份量多到驚人，價錢除翻200幾蚊位合理，推介之選☺️☺️#addsomethai #鮮蜆海鮮冬陰功湯#泰式小食拼盤#泰式雜菌炒金邊粉#黃咖哩鹹蛋軟殼蟹 #泰式燒雞#馬拉盞炒通菜#芒果糯米飯配是日雪糕

本身同一大班朋友慶祝一個朋友生日，食物質素其實唔錯，但侍應上完菜下一秒就即刻以不屑既面容黎望我地。食完飯後，諗住叫侍應清潔枱面準備影相時又敷衍收拾，有一半枱面垃圾都係冇收走，真係食完一肚氣，永遠冇下一次！

朋友聚會- 就叫泰國菜外賣share ！軟殼蟹算幾大隻，但有啲油，而下面底嘅金邊粉好腍，口感似河粉多啲，唔係好有味道豬頸肉係厚切，嘅亦都嫩好彈牙，燒得啱啱好酸辣汁唔係分布得太均勻，但鳳爪幾厚肉，去晒骨、去得好完整！都算幾辣惹味！幾有層次送飯一流燒肉半肥瘦，燒得幾好，唔會燒過黑。黃咖喱雞：辣道岩岩好，有唔同配菜，味道OK，雞唔算多餅皮薄、剩有啲油喺餅皮面，入邊有蔥，蔥油餅咁，都幾香！點咖喱食好夾！有火腿喺上面真係第一次食，夾埋啲辣豬肉碎再包生菜，多咗分層次同肉鹹香蝦餅大件、彈牙，一常以往地好食！海鮮飯方面，上面嘅海鮮就唔多吸引㗎啦，就試吓個飯啦⋯個飯炒得唔錯幾香，加埋啲肉鬆幾好味，但我覺得海鮮飯上面如果有少少椰漿就更加好，因為海鮮冇乜味，又乾。

同朋友到Add Some Thai Restaurant 吃晚飯，位於觀塘開源道62號駱駝漆大廈一座9樓D室。 一早在openrice上訂位， 但去到當日 餐廳竟然突然取消了我的訂位🥴( 我是準時七點到達的) ， 幸好是平日😏當天沒有太多客人，所以成功入座，如果唔係我們就白走一趟了😅。 店內燈光偏暗， 座位都算舒適。 我們點了泰式蒜蓉炒椰菜苗、 黃咖哩碎肉蒜蓉包、 沙爹雞肉串、 炸蝦餅和圓肉杞子香芒茶。 🔸泰式蒜蓉炒椰菜苗 ～ 整碟菜完全沒有鹹味😳， 應該忘記了落鹽🤔。 🔸黃咖哩碎肉蒜蓉包 ～ 蒜蓉包香脆， 黃咖哩碎肉都幾辣。 🔸沙爹雞肉串 ～ 厚切雞肉串燒， 都幾juicy😊。 🔸炸蝦餅 ～ 蝦餅香脆彈牙，不錯。 🔸圓肉杞子香芒茶 ～ 味道偏甜， 芒果味不突出。 整體價錢相宜，食物質素ok。突然被取消訂座