93친구식당 (親古食堂)

營業中

休息中

自從常用既外賣平台即將消失後，我發現其他平台冇得簡呢間小店，店仔細細間，不過我們每次都覺得佢既外賣到家都好好食，今日出開將軍澳市中心，順路去幫襯。一如既往，老板煮得好用心，炸雞同玫瑰炒年糕都超好食！仲要唔貴！我哋覺得玫瑰炒年糕太好食，所以一人叫左一份，而個蜜糖炸雞都係脆既，超好味（佢真係即製熱騰騰，難怪外賣送屋企唔會凍左，包裝又靚，份量兩個人真係飽到上心口）不過店面比較細，我哋選擇去附近公園食🥘順路仲賞埋花同時最近經濟差，要落手落腳支持下香港小店

️🇰🇷🇰🇷🇰🇷🇰🇷🇰🇷🇰🇷幫襯過數唔到咁多次，炸雞好出色，同埋有得揀半份，啱曬小鳥胃嘅女仔。最鐘意玫瑰炒年糕夠辣同香！飯卷就無咁特別，試過一次外賣嗌明太子唔記得落醬😌呢個價錢有呢個質素，食過會想再encore。可能因為地點唔近地鐵站，又喺屋苑入面比較隱閉，人流唔算多，所以強烈推薦俾鐘意食韓國小食嘅大家去支持下，希望小店可以繼續經營落去～🇰🇷🇰🇷🇰🇷🇰🇷🇰🇷🇰🇷

叫左個白炸雞配青楊辣椒沙律醬無得輸 隔左陣先食都仲好脆口 個醬都幾香口另外仲叫左明太子蟹肉韓式飯卷飯卷好足料 同埋叫左炸醬麵可以選擇豬或牛份量都好夠仲可以WhatsApp 落定單都好方便價錢同質量都唔錯 希望長做長有！

尋晚去咗親古食堂試佢嘅黑炸雞配薯條，總體嚟講幾好。黑炸雞嘅外皮比較酥脆，帶有特別嘅黑色。雞肉嫩滑，味道唔算太重，唔會覺得油膩，算係幾好食。至於薯條，炸得啱啱好，外層脆，內裡保持鬆軟，配合炸雞食都幾搭配。整體嚟講，黑炸雞值得一試。我都會考慮下次再試其他食物🥘。

之前食過泡菜炒飯，覺得炒得幾好食，所以就再外賣一次 (鋪面比較細，有一張枱仔俾客人坐，但主要做外賣生意)，而今次就試下其他新野。首先，鋪頭係即叫即整，睇到佢哋嘅用心，所以要預返咁上下既時間等，期間又見到佢都有唔少外賣單，所以我地都等左廿分鐘多啲 (佢講定左俾我地聽，大概廿分鐘，我地都有入返商場行吓消磨時間)。鯛魚燒 (吉士味+紅豆味) ($20/2個) 鯛魚燒甜度適中，周邊都脆脆地暖暖地，$10平平地又得意有鯛魚樣🐟，都岩小朋友拎起手食，不過睇落黑左啲同埋條魚比較奀，唔太多餡同埋細左啲 🤣🙈吞拿魚沙律飯卷 ($48)吞拿魚沙律呢個醬都幾多，包住生菜、雞蛋同青瓜，有種淡淡然既清新味道，唔會太濃味，但又唔會太驚艷，因為味道較單一。反而，我見芝士牛肉同明太子蟹肉多人叫，我都會想下次試下。韓式‧無骨炸雞 (蜜糖味) 半份 ($40)炸雞small size雖然得四件，不過都大件同埋咬落都好脆同埋有肉👍🏻 隨雞仲附有炸薯條，薯條係好似港式小食店賣既粗炸薯條，唔錯。不過留意返，佢個蜜糖醬係另上。有好有唔好，好既係你可以自己調較甜度，想沾幾多就幾好；但唔好既就未必好入味，想濃味啲就沾多

這間舖頭真的很好食，點了個外賣炸醬麵，牛肉卷和炸雞，出奇地很好吃，炸醬麵很香，炸雞很嫩，還有牛肉的牛肉味很重，我決定下次要拜訪這間舖頭了，請不要阻止我，還有很欣賞他開很夜

叫咗明太子蟹肉飯卷外賣返屋企食，點知一打開已經覺得唔對路。。一食落口d 飯濕到糊仔咁。。其實店主煮完煲飯都應該會知落得太多水，點解仲可以賣俾人食呢🤷🏻‍♀️ 最後食左d餸，無食d 飯, 幾十蚊咁就晒左。。。

外賣送到黎d炸雞都仲係脆，雞肉無雪藏味，炸得啱啱好，份量都適中。配埋個蜂蜜醬好好味，送埋一小盒泡菜同酸蘿蔔做小食。吞拿魚飯圈真材實料，俾咗好多吞拿魚，調味都好清新，唔會好重口味，係住家嘅味道。紫薯餅入面除咗紫薯仲有栗子粒，炸得都好脆，個麵衣同炸雞唔一樣，似係可藥餅嗰種外層。仲要好抵食，連運費都唔貴，本身食物個單價應該幾平。之後有機會要試埋其他食物，泡菜炒飯都好似好多人推薦。今次個外賣平台送得有d 耐，如果堂食炸雞應該更熱

見佢新開就膽粗粗試下,分別叫咗最出名嘅黑炸雞,炸醬麵, 魚糕高湯,牛肉海帶湯三人分享, 黑炸雞 ： 外脆內軟,新鮮即炸好好味,感覺上比起將中韓國品牌連鎖炸雞店仲好食,配甜辣味汁更佳😋😋😋 炸醬麵 ： 味道適中,d面好牙吾錯,下次會是炸醬炒年糕 魚糕湯和牛肉海帶湯 : 牛肉海帶湯完全冇腥味,牛肉只不過係點綴得幾粒,完全可以嘗到嗰陣海帶味！魚糕湯本身會配一個汁畀你點嚟食！一定要點嚟食好好味！！性價比超高應該會再食😋😋😋😋

冇諗過會咁好味😭黑炸雞望落普普通通，見咁多人推介就試下啦⋯⋯個黑炸雞係即嗌即炸，等咗10分鐘左右就有喇我個人本身比較鐘意烤雞，因為炸雞通常都好厚皮，但哩個嘅皮好薄，一嚟唔會搶咗個雞味，二嚟唔會好似平時啲炸雞店咁，明明淨係食幾舊就飽。而且佢連個皮都好好味！雖然佢望落比出面啲雞細舊，但當正餐係完全足夠！炸雞就咁食嘅雞味完全比得上香港其他出名嘅韓式炸雞店嘅炸雞，但估唔到配埋佢哋嘅柚子醬係更出色，甜而不膩配埋酸蘿蔔真係perfect💕佢真係好味到令我諗返起喺韓國食嘅goobne 原味炸雞，但哩個黑炸雞同埋柚子醬真係係從未試過嘅味道60幾蚊食到一份咁出色嘅炸雞，好抵食！之後會想試埋其他菜式(⁎⁍̴̛ᴗ⁍̴̛⁎)

同朋友兩個人夜晚嗌外賣，見OpenRice評分唔錯就試吓！叫咗三樣嘢食黑炸雞🍗 佢本身會配一個柚子蘿蔔汁，不過因為我唔鍾意柚子，所以加咗少少錢叫多咗個甜辣醬黑炸雞外皮煙煙韌韌，其實都唔錯，入邊嘅雞肉都好Juicy🧡🧡🫶🏽 甜辣醬都不錯的另外仲叫咗個泡菜炒飯，上面有隻太陽蛋好靚！另外仲有跟兩個小菜仔！ 呢個算係正正常常，平時泡菜炒飯嘅味道呢個明太子蟹肉飯卷，我就覺得普通啦！！但朋友覺得幾好食😂😂 因為我覺得佢哋飯比較多，而且上面無端端吱啲沙律醬好奇怪🤔️

夜媽媽肚仔餓上外賣平台碌碌下，見到呢間韓式小店🇰🇷，係一個屋苑附近，難怪平時無留意到小店既存在～•無骨黑炸雞配柚子醬 $65+ 甜辣醬$5✨無骨黑炸雞配柚子醬 ，雞肉外層裹左層好薄既黑色炸粉，炸皮好鬆脆，黑蚊蚊既炸皮好得意，應該係用左墨魚汁，每件雞都炸得好juice，肉汁滿滿，係食過最滑既炸雞❤️❤️柚子醬就係稀左既柚子蜜，酸酸甜甜甜辣醬食落味道唔太濃•芝士烤牛肉飯卷$50🥩呢款就唔係好有驚喜，味道好住家感覺，麻油味都唔重，烤牛肉食唔出有特別既調味，芝士係一片片既包裝芝士，入面仲有青瓜紅蘿蔔同蛋絲🥕🥒🥚❤️如果想食炸雞，呢間真係一個唔錯既選擇，係價錢稍貴左DD

將軍澳太多大型連鎖食肆，見到分享，就即刻決定落單試吓，試一試自家製食物，有意外又滿意👍，好味🤤，下次會再試其他食物。黑炸雞，選擇雞翼，炸皮薄脆，讚，雞肉有肉汁，點配柚子醬，甜甜酸酸夠清新。明太子飯卷，芝士烤牛肉飯卷，夠晒味。魚糕湯 + 烏冬，湯底辣辣地，唔似其他咁單調，好多魚糕，跟配洋蔥豉油汁，魚糕點一點，又有另一種味道，有驚喜值得提一提係個前菜，柚子醃蘿蔔， 酸甜味好適中，怕酸怕甜嘅我都覺得好夾，

住左十幾年，樓下終於有間好好味既韓國菜，我平時唔會食韓式前菜，今次我係食哂，柚子蘿蔔出奇好食叫左黑炸雞（有骨就是雞中亦)，原來係墨魚汁皮，炸到好炸乾身，內面係滑肉，真心驚喜，好好食。再叫左魚湯串，湯底好正，胡椒味，而魚串就似腐皮，另配醬汁。芝士牛肉卷都好好食。好少食到咁用心機整既食物。廚師原來係好斯文既後生仔，原來係自己研發食物，尼個後生仔將來一定好有前途，肯創新而且手藝好好。感覺似係一家人一起開檔，成家都非常斯文有禮，佢地岩岩創業，我覺得佢地既質素，絕對要開大舖，大家支持下小店，而且真心好味。

之前試過幾樣野食，評價如下：五花腩飯卷-普通👌🏻海鮮辣麵- 好食！😋泡菜炒飯- 好好食！😋😋如加塊溶溶地的芝士會更好甜辣炸雞-普通 （全都是雞中翼😗）總括來說，可encore, 會再試其他食物。