影片
港鐵將軍澳站 A2 出口, 步行約10分鐘
繼續閱讀
電話號碼
52093009
營業時間
今日營業
12:00 - 23:00
星期一至三
12:00 - 23:00
星期四
全日休息
星期五至日
12:00 - 00:30
以上資料只供參考, 請與餐廳確認詳情
自從常用既外賣平台即將消失後，我發現其他平台冇得簡呢間小店，店仔細細間，不過我們每次都覺得佢既外賣到家都好好食，今日出開將軍澳市中心，順路去幫襯。一如既往，老板煮得好用心，炸雞同玫瑰炒年糕都超好食！仲要唔貴！我哋覺得玫瑰炒年糕太好食，所以一人叫左一份，而個蜜糖炸雞都係脆既，超好味（佢真係即製熱騰騰，難怪外賣送屋企唔會凍左，包裝又靚，份量兩個人真係飽到上心口）不過店面比較細，我哋選擇去附近公園食🥘順路仲賞埋花同時最近經濟差，要落手落腳支持下香港小店
繼續閱讀
️🇰🇷🇰🇷🇰🇷🇰🇷🇰🇷🇰🇷幫襯過數唔到咁多次，炸雞好出色，同埋有得揀半份，啱曬小鳥胃嘅女仔。最鐘意玫瑰炒年糕夠辣同香！飯卷就無咁特別，試過一次外賣嗌明太子唔記得落醬😌呢個價錢有呢個質素，食過會想再encore。可能因為地點唔近地鐵站，又喺屋苑入面比較隱閉，人流唔算多，所以強烈推薦俾鐘意食韓國小食嘅大家去支持下，希望小店可以繼續經營落去～🇰🇷🇰🇷🇰🇷🇰🇷🇰🇷🇰🇷
繼續閱讀
叫左個白炸雞配青楊辣椒沙律醬無得輸 隔左陣先食都仲好脆口 個醬都幾香口另外仲叫左明太子蟹肉韓式飯卷飯卷好足料 同埋叫左炸醬麵可以選擇豬或牛份量都好夠仲可以WhatsApp 落定單都好方便價錢同質量都唔錯 希望長做長有！
繼續閱讀
尋晚去咗親古食堂試佢嘅黑炸雞配薯條，總體嚟講幾好。黑炸雞嘅外皮比較酥脆，帶有特別嘅黑色。雞肉嫩滑，味道唔算太重，唔會覺得油膩，算係幾好食。至於薯條，炸得啱啱好，外層脆，內裡保持鬆軟，配合炸雞食都幾搭配。整體嚟講，黑炸雞值得一試。我都會考慮下次再試其他食物🥘。
繼續閱讀
之前食過泡菜炒飯，覺得炒得幾好食，所以就再外賣一次 (鋪面比較細，有一張枱仔俾客人坐，但主要做外賣生意)，而今次就試下其他新野。首先，鋪頭係即叫即整，睇到佢哋嘅用心，所以要預返咁上下既時間等，期間又見到佢都有唔少外賣單，所以我地都等左廿分鐘多啲 (佢講定左俾我地聽，大概廿分鐘，我地都有入返商場行吓消磨時間)。鯛魚燒 (吉士味+紅豆味) ($20/2個) 鯛魚燒甜度適中，周邊都脆脆地暖暖地，$10平平地又得意有鯛魚樣🐟，都岩小朋友拎起手食，不過睇落黑左啲同埋條魚比較奀，唔太多餡同埋細左啲 🤣🙈吞拿魚沙律飯卷 ($48)吞拿魚沙律呢個醬都幾多，包住生菜、雞蛋同青瓜，有種淡淡然既清新味道，唔會太濃味，但又唔會太驚艷，因為味道較單一。反而，我見芝士牛肉同明太子蟹肉多人叫，我都會想下次試下。韓式‧無骨炸雞 (蜜糖味) 半份 ($40)炸雞small size雖然得四件，不過都大件同埋咬落都好脆同埋有肉👍🏻 隨雞仲附有炸薯條，薯條係好似港式小食店賣既粗炸薯條，唔錯。不過留意返，佢個蜜糖醬係另上。有好有唔好，好既係你可以自己調較甜度，想沾幾多就幾好；但唔好既就未必好入味，想濃味啲就沾多啲。結論🫰附送泡菜&醃蘿蔔🫰開到凌晨，宵夜一流，炸雞啤酒韓劇😆⚡️份量唔夠兩個人呀🥲男朋友隔幾個鐘就叫肚餓 (不過可能我食得多飯卷就還好😗)⚡️呢幾樣野味道還好，下次叫返炒飯&黑炸雞試下，希望可以驚艷我！ CP值：7/10 (加左半分俾上一次食既泡菜炒飯)餐廳資料餐廳名稱：93친구식당 (親古食堂)餐廳地址：將軍澳唐明街1號富康花園商場地下46號舖餐廳營業時間：星期一至日 12:00-01:00 (星期四休息)
繼續閱讀
您可能會有興趣的...