555 Thai Fusion

營業中

休息中

555 Thai fusion地址: 555 Thai Fusion (馬鞍山)地址:馬鞍山鞍祿街18號MOSTown新港城中心(4期)3樓3001號舖行過千色見到有一間新泰式餐廳，環境裝修得幾舒服，每張台都有足夠地方擺野，又有梳化坐，見到個餐牌都幾抵食，就入黎試下！泰式火鍋 $198 有二款湯底可以揀，有冬陰公同椰子雞，我今次就揀左椰子雞湯底，見到好奶白色，飲落仲好有椰子嘅鮮味，幾好飲！小食-香葉雞 （3件） $24雞肉鮮嫩多汁，仲有一陣香葉味，如果多幾舊就正啦🫣🤭🤭炒通菜 $68通菜正常發揮，有少少辣味。泰式滷豬手 $108滷豬手幾有驚喜😝，識落唔鹹，啖啖肉，份量仲好多添！冬陰荔枝特飲 $58幾特別嘅飲品，只有超小的辣，幾好飲！

經常有人話馬鞍山係美食沙漠，坦白講句又未至於嘅，只要你識搵，沙漠都可以找到水源！泰式火鍋雖然唔係什麼新鮮事，但今日就帶大家食嘅泰式火鍋，絕對係「沙漠中的一個綠洲」餐廳環境方面：空間感很大，座位亦很多，有卡位，坐得很舒服食物方面：主打泰國料理，當然「泰式火鍋」亦是招牌菜之一這道泰式火鍋絕對性價比高湯底：冬陰湯 / 原個椰青椰子雞湯（2選1）而我就選擇了「冬陰湯 」湯底：冬陰湯酸辣味以及香料味很地道，十分美味可口海鮮：蝦（3隻）花蛤海鮮很新鮮，蝦又很彈牙肉類：泰國牛肉丸（3粒） ，泰國豬肉丸（3粒），魚丸（3粒） ，豬肉片，雞肉肉類品種也很多，丸類食物很彈牙菜類：唐生菜，青通菜，秀珍菇，栗米芯，蕃茄角，泰國米粉整個泰式火鍋用料十足，有肉有菜有海鮮很豐富！食物也很新鮮！還可以加$38任飲「泰式檸檬茶」「泰式青檸梳打」這個價錢絕對超值！泰式火鍋還可以任意加配配料及小食！飲品方面我絕對推介這杯冬陰荔枝特飲，開始點餐的時候不敢點怕有伏！加上我飲嘢想解渴，但餐牌上杯特飲偏偏有隻辣椒仔！而你點估到冬陰功都可以變做一杯清涼解渴嘅飲品呢！首先，賣相絕對吸晴，口感亦不錯！有香茅的味道，再加荔枝既甜味，好清爽

一直有食開泰巷，今日一去發現已經轉咗招牌都心知不妙，冇辦法老人家已經坐低咗，費事轉餐廳，一坐低就係咁推銷佢地$555購物現金券，又話好抵好抵，一個爛鬼禮盒同埋兩罐鮑魚，再加一堆現金券，見店員推銷得咁落力，唯有俾錢.叫咗幾個嘢食如下👇🏻豬頸肉沙律份量已經唔係多，味道仲要咸到超晒標冬陰功湯分量出奇地少，只係兩個大人飲都唔夠，味道當然唔係正常冬陰功嘅味道啦，應該都係現成攞貨.香茅雞翼雖然有六隻，但係都係細得可憐同麥當勞啲香辣雞翼差唔多size，味道都係好鹹，而且啲肉質唔知點解好淋，一啲香脆感覺都冇燒雞肉炒貴刁上到枱係明顯唔係即刻炒已經攤凍咗，夾起上嚟仲癡到一嚿嚿，啲雞肉唔使講都係凍凍地㗎喇食到一半我個女已經覺得啲嘢唔啱食，我有叫多半隻海南雞加油飯一上枱都個賣相非常差，已經唔想影相啦，其實碟雞都要$128仲要加$25個飯，份量已經少，隻雞仲一啲脂肪都冇，肉質鞋口同食急凍雞扒冇分別，講埋個油飯先至嬲，個飯明顯係兩兜飯混合（有軟有硬），再如啲黃色嘅油落去而且一啲香味都冇我絕對唔會再幫襯呢一間餐廳

今日去到馬鞍山入面食一間泰國菜！但係今次唔係食普通嘅主菜！而係食泰式打邊爐！打邊爐仲要係泰式？係咪未試過呢？香港好少地方有得食今次呢一間就有得食啦！地方非常容易搵到！如果搭地鐵嘅話、馬鞍山B出口上面第四期3樓就見到啦！餐廳位置好闊落仲有唔同嘅裝飾同埋裝修非常華麗！再加上非常有泰國亞熱帶風格又帶清爽氣質！今次食佢嘅邊爐套餐！真係大開眼界，除咗有好受歡迎嘅冬陰功湯之外、竟然連椰子雞湯都有火鍋湯底！仲要用新鮮椰青牛製！入面超多椰肉好正！除咗好食之外湯底亦都可以喺第一次時候當湯咁飲！養顏又養生！餐廳好貼心，直接提供套餐、所以好多類型嘅食物都有、海鮮有蝦、蜆隻、蔬菜類有皇帝菜、粟米芯、蕃茄，同埋蘑菇等等！仲有非常彈牙嘅豬頸肉、同埋雞肉食落去非常嫩滑同非常香！之後再叫咗啲小食有牛油雞翼！呢個真係好好食內軟外脆好香牛油味道！再加上炸得好香口，放耐咗都唔會咁容易淋哂！之後再叫咗個泰式魚餅！配上特製醬汁真係非常好食同滋味！555thai fashion 馬鞍山B出口新港城四期3樓

天氣涼涼哋❄️特別想食火鍋/雞煲…..等我呢個中泰混血兒，介紹一間Fusion 泰式火鍋俾大家啦！555 Thai Fusion有名你叫Fusion就梗係唔係傳統嘅泰式火鍋啦！味道比較適合香港人口味😋👍🏼👍🏼👍🏼餐廳環境乾淨，裝修係屬於小清新泰國風，卡位有自成一角嘅感覺，有空間感，坐得都幾舒適。食物方面，性價比高😋👍🏼我哋就叫咗⬇️1️⃣泰式火鍋套餐，揀咗「原隻椰青椰子雞湯」做湯底，都幾真材實料👍🏼真係有好多椰子🥥肉😋2️⃣豬頸肉沙律，係fusion嘅味道3️⃣馬拉盞炒通菜4️⃣冬陰荔枝特飲，真係要特別介紹一下，佢係一款飲落令你有百感交集嘅感覺，有一種好獨特屬於泰國嘅味道，有清甜嘅荔枝香、有辣、有香茅….. 包你一飲就愛上😍

早前來到馬鞍山新港城的「555 Thai Fusion」 ，餐廳帶來全新泰國菜，除了傳統泰菜，還有坊間少有的泰式火鍋，既然第一次來就選擇了泰式火鍋✨泰式火鍋湯底有兩個選擇，分別是冬陰湯和原個椰青椰子雞湯。✨火鍋配料包括海鮮類有3隻蝦和花蛤肉類方面有泰式牛肉丸、泰國豬肉丸、魚丸（各3粒）蔬菜類分別有唐生菜、青通菜、 秀珍菇、 粟米芯、 番茄角 泰國米粉另+每位$38 任飲 泰式檸檬茶或泰式檸檬梳打當侍應把湯底送上枱，已聞到冬陰湯濃濃味道。喝一口酸辣程度剛剛好，趁未加配料前再喝一碗。配料方面同樣出色，大蝦爽口彈牙，花蛤鮮嫩甘甜，肉丸同樣Q彈，米粉因為吸收冬陰湯精華，酸甜滋味，好吃到停不了口✨火鍋另可加配小食，共有5款選擇，我就選擇了口感彈牙的泰式魚餅✨香葉雞即炸香葉雞肉，皮脆香口，肉汁豐富，非常惹味✨泰式鹵豬手豬皮Q彈，肉質軟腍，鹵水味道濃郁，吃時加點泰式醬，好味程道再提升🍹冬陰荔枝特飲將冬陰加入梳打水，入口辣中帶甜，杯中放了香茅令味道更豐富外，香矛也可當成飲管，每喝一口都感覺到淡淡檸檬香氣，很有特色的一杯飲品

黎到馬鞍山食飯，揀左間幾有特色的泰國野𝟓𝟓𝟓 𝐓𝐡𝐚𝐢 𝐅𝐮𝐬𝐢𝐨𝐧，就係千色隔離，上網睇睇都係得呢間，無其他分店。見到佢有泰式火鍋，又唔係好貴，一於試試佢！🔸泰式火鍋🍲$198湯底可選冬陰湯或原個椰青椰子雞湯，我哋就要左冬陰湯，上菜時都香噴噴！湯底酸酸地，唔係好辣🌶️直情就係平時的冬陰湯咁可以直接飲～海鮮類：蝦、花蛤肉類：泰國牛肉丸🐮泰國豬肉丸、魚丸🐟豬肉片🐷雞肉🐥蔬菜類：唐生菜、秀珍菇、蕃茄角🍅青通菜、粟米芯、泰國米粉🥬配料方面有海鮮、肉類、蔬菜類，一碟拼盤咁上，本身以為好少料，但食食下又好飽喎。如果人多唔夠食，亦可以單點再加唔同既配料。整體黎講都好ok，蝦、花蛤都好新鮮，蝦係爽口既。丸類都好多，好有泰國食粉麵既feel，最後有個泰國米粉，索晒啲冬陰湯，好好食😍🔸串燒(雞)(3串)$24🔸牛油雞翼(3隻)$24🔸泰式炒飯(雞/豬/蟹肉)$88跟火鍋可以加錢配小食，我地要左串燒同牛油雞翼，牛油雞翼好出色，外皮勁脆但係仲keep到中間好有肉汁，而且牛油味好香，推薦！泰式炒飯要左蟹肉，份量都幾多，食到絲絲蟹肉🦀炒得乾爽，都唔錯😋🔸椰青$48🔸冬陰荔枝特飲$58飲品方面最特別係杯冬陰荔枝特飲

“泰式火鍋”($198)“串燒(3串)”(+$24)“蟹肉蛋餅”($98)“香烤油酥餅(2件)”($48)“冬蔭荔枝特飲”($58)“椰青”($48)馬鞍山新港城近住千色最近開咗間泰國菜睇睇menu發現有個超抵食嘅泰式火鍋🍲所以一於試試佢😝湯底可以選擇冬蔭湯/原個椰青椰子雞湯我地就揀咗椰子雞湯🐔鍋入面真係有成大片椰子肉🥥而呢個餐本身已經包咗海鮮,肉類,蔬菜好似蝦,花蛤,雞肉,豬肉片,丸類,唐生菜,米粉等等真係好豐富,完全係夠2個人食😙仲可以用優惠價加配小食我地就加咗3串雞肉串燒,味道都好唔錯😛另外仲叫咗蟹肉蛋餅,油酥餅蟹肉蛋餅好足料,啖啖都食到蟹肉🦀😋油酥餅夠哂酥脆,就咁食或者點湯都一流🤤飲品方面都好有特色,好似冬蔭荔枝特飲咁杯入面真係有隻辣椒🌶而香茅就係飲管😆飲落味道幾清爽,完全可接受😝

住咗喺馬鞍山咁多年，今日發現喺千色店門口隔離開咗間新嘅泰式餐廳（ 前身都好似係泰式餐廳，唔知係咪改咗名定點😝），不過唔理啦，見佢哋Menu有個好特別嘅泰式打邊爐，好鬼吸引，忍唔住同阿姨走咗入去撐枱腳。我哋2口子叫咗一個泰式火鍋套餐 $198套餐包有以下食物：（湯底可選）冬陰功/ 原個椰青椰了雞湯我哋揀咗冬陰功🌶️🤤✪ 海鮮類蝦（3隻）花蛤✪肉類泰國牛肉北(3粒）泰國豬肉丸(3粒）魚丸(3粒）豬肉片雞肉✪蔬菜類唐生菜青通菜秀珍菇蕃茄角粟米芯泰國米粉另外我哋追加左一條原條新鮮鱸魚$158和一客蒜蓉包$48（4件）✪飲品椰青 $48冬蔭荔枝特飲 $58個冬蔭功湯底好出色，原來用嚟做湯底打邊爐係咁得咁正架，真係冇得頂呀。冬陰公本身已是一道極濃郁的湯底，再配上打邊爐配料，完全唔使加任何醬料一齊食已經好入味好好味，湯底嘅香茅等香料份量做得恰到好處，酸酸的蕃茄味道真係好開胃。配料份量都好足夠，肉類新鮮，丸類彈牙，蝦肉仲好細心撤走晒啲腸，正體係夠晒兩個人食。至於我另外點嘅新鮮鱸魚真係好好好新鮮，上枱嘅時候你完全Feel到佢係新鮮切條魚出嚟，我哋淥兩淥再放入口，嘩🤩魚肉入口即溶，超級正🤤至於飲品方面個椰青

「食過一次冇下次」叫左蝦餅食，78蚊諗住都有正常嘅蝦餅size，結果嚟到得4件麥樂雞咁細嘅蝦餅，真係嚇親。心諗可能好好食呢，一食落去又霉又唔好食。跟住叫咗泰式炒河，真係未見過白雪雪嘅炒河，個賣相可以話係0分，睇見都唔開胃，一啲鑊氣都冇。蒜蓉包算係正常，menu寫48蚊兩4件，其實係兩片一開二😓，又俾佢搵笨。聽到廚房同出面啲侍應講點解冇人叫火鍋，係咪你地冇sale。心諗佢地梗係想人叫火鍋啦，唔洗佢地煮嘛😓總之呢間餐廳真唔好食又唔抵食啦。😓

新港城中心呢個新裝修開業泰國餐廳，餐廳空間感好大座位都唔少，坐得舒服。泰式滷豬手 $78無骨嘅滷豬手，滷得好入味。豬手原本就已經好大隻好多肉，起埋骨食落仲要啖啖肉勁方便。滷汁個味夠香，豬手吸收晒d滷汁香味，個皮勁彈有膠原感又唔算太肥所以食落都唔會話太膩。泰式軟殼蟹 $118兩個隻既軟殼蟹炸件，炸粉唔厚，食落脆身，本身蟹味夠鹹夠鮮甜。咖哩偏杰身同埋小辣，撈飯食好好味，可以食得幾碗飯都得。泰式炒河粉-豬 $88 大片既河粉，油唔會太多干炒都唔太差。豬肉片多夠厚身，味道適中唔會太鹹，鍋氣夠熱夠香。雞油飯 $18糯米飯 $18飯就不過不失啦，夠晒熱。冬蔭荔枝特飲 $58呢個特飲幾特別，感覺真係似飲緊冬蔭公咁。加左香茅同檸檬葉，飲落幾清新而已幾香。不過原來仲有條辣椒，真係十足飲緊冬蔭公咁，愈飲愈辣飲到成個人暖晒。成杯特飲甜甜地嘅荔枝味又有好香嘅香茅同檸檬香，再加埋辣椒嘅刺激感真係幾特別。手工紅棗薑茶 $42/壺一壺熱辣辣嘅薑茶好岩女仔飲，唔太甜，薑味又唔會超濃飲唔到，飲到咁上下又可以再加水繼續飲，愈飲愈暖，幾好。

٩(ˊᗜˋ*)و✨近排幾hit泰式fusion菜，餐廳最近翻新後，裝修以木系風格為主，環境新淨，每張枱均設有梳化位，如果想chill住食，555 Thai都唔錯🍃～🧚🏻‍♀️~~~ ꜰᴏʟʟᴏᴡ ~~ ~~ ʟᴇᴛ’ꜱ ~~ ɢᴏ ~~~🧚🏻‍♀️🟢 —— 泰式紅咖哩｜大蝦 $98大蝦共有6隻，爽口彈牙，紅咖喱醬濃郁幼滑，帶點椰香微甜，搭配嘅菠蘿、荔枝有驚喜‼️🟢 —— 椰子雞湯 $78椰子雞用火爐㷫住，椰香味濃郁突出，🖐🏻佢地唔係行坊間酸辣開胃派，滋潤順喉，雞肉嫩滑份量足料，最啱冬天飲完暖笠笠❤️‍🔥～🟡 —— 金不換炒肉碎｜雞肉 $78肉碎已經唔係「碎」，似係大大塊雞扒切粒+切條豆角🤣感覺偏港式豆角炒肉粒…🟡 —— 炒貴刁｜雞肉 $88份量超足！香煎雞扒嫩滑，可惜泰式風味欠奉，味道偏淡，🥹亦唔係一般橙色微甜嘅Pad Thai味，無伴碟配料提供，少少失望～🟢 —— 🌶️冬陰荔枝特飲 $58甜+清+辣….有意外驚喜喎‼️整體飲落清新帶荔枝甜味，加上經典泰式風情嘅香茅，搭配小辣椒，💥為味蕾增添刺激感，且賣相好打卡able，推薦！👍🏻🟢 —— 椰青 $48椰青size好大個，清爽解渴一流！🧚🏻‍♀️~~

位於馬鞍山MOSTown 新港城中心（四期）3樓3001號舖的555 Thai Fusion，主打泰國菜。餐廳的燈光明亮，而且店內職員有禮又勤勞。餐廳有部分的職員和廚師也是正宗泰國人，同時懂得說廣東話和泰語。筆者當晚大約六時五十五分到達，其他食客也陸續於七時入座。當晚七時的入座率約七成，頗為旺場。筆者今次和家人共四人來晚餐，整體來說，對晚餐都頗為滿意。📌原隻泰式燒雞配木瓜沙律 - $138Roast Chicken with Green Salad侍應端來了賣相吸引的原隻燒雞，整體味道也頗有水準。燒雞外皮燒得微脆、香口、乾身，裡面的肉質仍能保持滑嫩多汁，可見廚師經驗豐富，燒雞的火候、時間也拿捏得相當精準。。燒雞事先有醃過，直接享用，味道也頗為不錯。旁邊還有兩款醬汁，左面的為泰式魚露醬油，味道頗為強勁濃郁，加少許已相當夠味。右面為泰式甜辣醬。吃一口燒雞，再吃一口開胃清新的木瓜豆角沙律。木瓜和紅蘿蔔刨成幼絲，能平衡燒雞的膩感，是一道相當清新的配菜。下次再來這餐廳用餐，一定會點這道原隻泰式燒雞。。📌泰式咖喱軟殼蟹 - $118 Thai Deep Fried Soft-shell Crab

我記得之前呢間餐廳是泰巷，經過裝修後，餐廳的用餐環境是已經升級左，並且改了呢間的餐廳名稱我今晚就是去了呢間餐廳食晚餐，雖然服務態度是升級左，食物的質素仍然是保持到，但是用餐環境的升級程度不是太多，只是在餐廳盡頭少左兩個卡位及兩張枱，劃為存儲室，而存儲室門口的裝修很普通（只是貼左深色牆紙），卡位與卡位之間的間隔上方，只是加了盞細燈；另外近門口的牆只是貼上餐廳的大字牆紙，兼換了個燈牌而已我今晚點了泰國清湯河粉（豬肉丸，豬肉片，豬膶）及香烤油酥餅，冇點飲品，連埋加一，埋單已經接近140元，如果點埋飲品，絕對不止這個價錢，呢間餐廳因應全面的升級，價錢已經變得非常離地，我下次絕對不會再光顧這間餐廳

以前泰巷一直係我嘅馬鞍山食堂，有日去到突然裝修中，好快就整好，變咗呢間555。啲侍應係一樣，餐廳入面裝修差唔多不過整靚咗，個餐牌就完全唔同晒，以前下午茶三四十蚊，宜家貴咗好多起碼50，午餐都貴咗，有啲成百蚊，冇咗好多小食。食咗兩次，寫喺同一篇食評算了。第一日食係星期日，好多人，滿座。下午茶時間，可以叫下午茶menu同lunch menu都得叫咗個下午茶吉列魚柳配雞胸沙律雞胸份量都幾少，魚柳就ok午餐menu嘅豬肉炒河 要$108都幾少，啲河粉又幼又碎，冇乜味，反而豬肉就有雪藏味午餐可以揀小食，揀咗雞胸沙律雞胸都幾鞋下午茶、午餐叫熱奶茶唔洗加錢，泰式凍檸茶+$3第二日星期一再去食，發現menu有啲唔同咗，可能係假期同平日嘅分別？同埋假期要加一呢日嘅下午茶menu，多咗小豬扒番茄通粉、雞扒冬蔭公仔麵，呢啲記得前一日係冇的午餐menu，首先我前一日叫嘅炒河已經冇咗，變咗金不換豬肉碎飯亦都冇咗個小食三揀一，不過多咗優惠價加小食今次叫咗午餐嘅黃咖哩牛面肉飯，比想像中好食，黃咖哩唔算好辣，不過都唔係濃椰味個種有大概5舊牛面肉同1舊薯仔今次午餐叫泰式凍檸茶，經理又話唔洗加錢，午餐係送埋列出嘅飲品，下