1986地道越南餐廳 (東寶大樓)

營業中

休息中

Wish list 其中之一 其實嗰日係諗緊食前面間Cafe定係地中海/西班牙野（？），但係我又好鍾意食越南嘢，結果都係食呢間先！去到門口 已經聽到啱啱走出嚟嘅客人講呢間嘢好食 😋性價比高 下次再嚟感覺良好。 好似冇揀錯咁裝修簡單乾淨 佢會用竹碟仔裝住紙巾同埋筷子🥢幾得意有特色生牛肉河個湯吾係太濃郁 但味道ok 肉好新鮮 九層塔（？）撈埋幾香但吾重口味食吾到味精 牛油果沙冰濃郁牛油果香氣，打得好均勻，好滑配合佢個青瓜好香！老闆 侍應姐姐都好nice 冷氣機唔知係咪有少少問題 兩個職員都不停用部機寫住冷氣機check嗰個溫度成個過程其實職員冇做過任何嘢，出餐落餐過程流暢但係你會覺得氣氛好開心，你會想再嚟黃店～

一個平日夜晚 係靜靜地既土瓜灣零舍有一間越南餐廳門口有一班人等位等外賣就係呢間1986地道越南餐廳ᶘ ᵒᴥᵒᶅ有幾地道？老闆娘本身係越南人 北越既海防出世細細個開始跟做廚師既爸爸學廚大個左黎到香港係唔同東南亞餐廳學過師而家就開左自己餐廳賣地道北越菜式我地第一次幫襯叫左最招牌既兩款ˎ₍•ʚ•₎ˏ生牛肉湯河粉同海防蟹膏濃湯飯佢地既生牛肉河會配埋一隻半熟蛋浸住係高湯第一啖緊係試左個牛湯底先好清甜 飲得出唔係果陣味精味.ᐟ‪‪最後飲下飲下飲到見底牛肉大大片 望落無乜肥咁但食落好嫩滑有肉味浸埋蛋汁仲滑～河粉都好滑～我最期待既蟹膏濃湯飯都無失望ჱ̒ ｰ̀֊ｰ́ )報道話用左30斤多膏母蟹煲4個鐘煲出黎飲落都真係幾濃厚 真材實料用黎送飯真係好正( ˶˙ᵕ˙˶ )佢仲有唔同配料 份量多味道就正常啦另外我地加左份牛丸同海蜇扎肉沙律牛丸油脂好重 似坊間既和牛牛丸應該唔係自家製 但好食既沙律既海蜇略嫌有啲硬同無味底下就係清爽既青木瓜沙律黎✿✿✿✿✿✿✿✿✿✿✿Follow @lastbitematters for more

1986搬左新舖之後都未試過堂食，因緣際會下，今個星期六六點倒兩個人去左食。雖然係大約六點，但餐廳都唔算少人，環境都可以，唔算坐得好逼。兩個人叫左一個生牛肉湯河，蟹膏粉絲，小法包，雞蛋咖啡同埋牛油果沙冰。牛油果沙冰基本上次次都會叫，牛油果味濃之餘又唔會有草青味，叫小甜已經夠甜。生牛肉湯河同蟹膏粉絲都不錯，如果想食越南野都可以頂一頂引。雞蛋咖啡都好香，之前未飲過其他雞蛋咖啡，唔知佢算唔算好飲。小法包反而係亮點，叫咁多樣入便最好食既。

丫OUTUbe忛哥及忛嫂對此店嘅越南食品有極高評價，尤其個碗越南生牛肉河更是，近乎無懈可擊，揾食肥華係帆哥頻導粉絲亦係牛魔王一族，嘅然有高人指引,在8月7日肥華即同靚媽一試呢碗超正越南生牛肉河，為避開呢間爆場名店嘅人潮，肥華兩人在早上11：30此店開門營業時間之前便到達此店門前，順利進入店内用饍，肥華一早巳擬定要食甚麽食物，生牛肉河係必點之物而越式春卷及墨魚餅亦在柯打之内，正如忛哥忛嫂評語此店之生牛肉河真係好食到冇朋友，牛肉質素奇高，並非坊間一般越南食店所用嘅佳寶凍肉店個類肥牛片，而湯底及配料都有上佳質素呢碗名物值A十十而個越式春卷亦是一個A級評分美食，墨魚餅味道卻衹值B級，反而後加嗰碗越南三拼牛肉河粉除咗牛肉正之外，個兩粒牛丸質素有直逼七八十年代德發牛丸水準，又係一碗A十十出品，此店除咗食品出色，各侍應員工辦事勤快，對客體貼細心值得揾食肥華給予此店高度評價👍👏👍👏👍👏

出出入入北帝街，成日看見1986排隊人龍，都想試下好唔好食，適逢今日去Nike Store 買sports wear，走時天文台發出黃雨驚告，看見1986唔駛排隊就行入去食個 afternoon tea la, 顺便避下兩。店內裝修簡单，但非常乾淨光猛，每張枱很清潔，木枱木凳给人有warm的感覺，非常親切，侍應妹妹服務好，快快手手，醒目👍Menu simple and straight forward, 看圖識食乜，就叫咗個個人客都叫的檬粉。🎇海防蟹膏湯檬粉$70湯底超濃，夠熱鮮甜，沒有半点MSG的存在，蟹膏味道濃烈，有肉丸，鮮蝦，扎肉，香草，蕃茄等，超多料，雖然下午茶唔想食咁多，蟹湯都差不多喝晒。雖然同是蟹膏湯檬，比較ssp的第一郡，第一郡湯底比較酸一些，令人開胃，1986勝在湯超甜，很有海鲜味，各有各好，環境和服務就1986好些。

本身諗住揸車嚟食燒味飯，點知摸門釘，兜下兜下見到間越南餐廳，差唔多10 點冇堂食，泊低架車即刻衝入去睇吓先，今次叫咗我最愛嘅蟹膏湯濛，生牛肉河加個小食墨魚餅，同埋叫咗兩杯特飲，見到佢個Menu真係好想試咖啡，可惜因為係晚餐驚瞓唔着！下次一定要晏晝過嚟！整體來講餐廳感覺乾淨，而且待應嘅服務真係超出預期，首先唔係每間舖頭都主動提供飲用水，而且都唔知幾多年喺呢類小店度食嘢，冇人走過埋嚟問我要唔要加水！但今次有個侍應小姐問我同先生需唔需要加水，呢一個體驗令我好深刻，店舖嘅係青檸檬水！咁熱嘅天氣簡直清泉一樣其實我哋叫嘅都係招牌菜所以味道非常正宗亦都似預期，呢個唔使多講，重點係個墨魚餅！煎香都感受到非常之彈牙！如果去呢度食嘢都建議一試🫢埋單見到原來外賣有八折！如果所有主菜都可以配飲品成套餐！咁樣就會親民同經濟啲，始終地點喺土瓜灣舊區！價錢吸引仲可以吸引到唔同階層嘅人嚟試了!

放工聽住首越難越愛，就突然想食越南嘢。細細個成日聽話82年紅酒好好飲，酒我唔啱，唯有食1986嘅越南嘢。生牛河湯頭夠熱，牛味濃，我估係牛骨加豬骨淆出嚟。飲落唔覺頸渴，味精應冇落或落好少，係出色嘅。佢個牛pho重有樣very inspiring 嘅特點，就係佢會配個牛湯生雞蛋俾你。我食咁多年牛pho都係特一次有咁嘅配撘，好特別。我友人就叫咗個蟹膏湯飯，我偷食咗啖，好濃味。我朋友冇話好冇食，淨係見佢飲唒啲湯。

濛粉感覺太像米粉，可能我孤陋寡聞。蟹粉和湯底都relatively 失望，肉丸亦非常普通。生牛河的牛肉卻surprisingly 出色，配得上HKD 70的 additional premium price.招牌coffee 沙冰感覺有濃濃的朱古力糖槳，椰槳，蓋過了咖啡味道。可能年輕人口味就是這樣，各花入各眼。

一走入 1986 地道越南餐廳，好感度逐漸遞增：地方乾淨企理，年青店員有活力有禮貌，就算係侍客嘅清水，都加咗橙片同青瓜片，零舍好飲。叫咗我最鍾意嘅海防蟹膏湯檬粉，上枱時未除口罩都已經聞到蟹湯嘅香氣，好期待😍。先呷一啖湯，果然入口鮮甜，好正。配料方面，雖然蟹膏唔算多，但係其他例如香菜肉丸，蝦，扎肉，蕃茄，萵筍絲，洋蔥，蔥花，炸蒜片等等總類好多，令到成碗檬粉無論味道還是口感都非常豐富。食下食下，好快就連湯都飲到一滴不剩。我最鍾意試新嘢，所以飲品就叫咗葛根青檸特飲，我對葛根係點樣完全冇概念，估計類似粉葛咁清清甜甜，不過原來比我想像中更甜，唔係我鍾意嘅味道，下次應該要叫返薄荷青檸梳打。

呢間越南餐廳真係好推薦🥳 今次同啲朋友食得好開心海防蟹膏濃湯飯 $78 蟹膏味重 勁大碗 呢個真係必食招牌生牛肉湯河粉 $68 湯底完全係越南味道 有香草味有青檸味 牛肉好鬆化完全唔煙韌 勁大碗 海蜇扎肉沙律 $48 正常味道 海蜇爽脆紫米乳酪沙冰 $32 甜度適中 夾埋紫米好有好感真係一定要黎試吓😝😝😝😝下次我一定會再試其他嘢，冇諗過間餐廳都真係幾好食。

越南菜近年喺香港嶄露頭角 ，成為港人覓食嘅熱門新選擇😛 皆因越菜包羅萬有，冬天食返碗暖笠笠嘅生牛肉湯河 🍲 夏天又可以食個酸甜開胃嘅扎肉春卷撈檬粉，真係一年四季都咁啱食😋 而今次介紹嘅就係土瓜灣嘅越菜黃店「1986地道越南餐廳」，中午已經見到門口有人龍👍🏻《 招牌生牛肉湯河粉 》$68  4 / 5講到越菜離不開生牛肉湯河，要與眾不同重點就係湯底🥘 用上牛骨、牛尾、牛腩熬製而成嘅高湯，濃郁嘅牛精華啖啖鮮甜，而且絕不油膩👍🏻 少少扣分位在湯底唔夠熱🤏 隨湯麵附上嘅生雞蛋湯幾特別，入口溫和😋《 海防蟹膏濃湯飯 》 $78  4 / 5雪白嘅米飯堆成一座小山，放喺熱辣辣嘅蟹膏湯中間，賣相幾盞鬼 🤪湯頭雖然冇想像中咁濃郁，但依然食得出蟹膏嘅鮮味！😋湯入面有肉丸，大蝦同墨魚粒等材料，同鮮蟹湯燴成海鮮大匯集😛 飯粒挺身有咬口，索哂蟹膏湯嘅精華，暖胃又鮮甜！ 《越式鹹檸檬梳打》 $22  3/5加入左蝶豆花嘅鹹檸梳打呈紫靛色，賣相即刻加分👍🏻 鹹檸有兩顆入口嘅鹹酸味好重🥴加上梳打清爽同“gur”嘅感覺，可以作為取代可樂嘅健康之選！

呢間小店好旺，差唔多每2分鐘就有一個外賣電話🤣出面長期都有人等緊外賣～環境都幾闊落同乾淨，入到去每張枱都會有酒精搓手液同牙籤，好貼心🥰!!!!!一坐低店員就會比水你，啲水入面有青檸、橙嗰啲，連杯水都感覺好有誠意😂D店員同老闆全部都好醒目，做嘢好快手，仲好有禮貌！👍🏻<鮮蝦米紙卷>💰$45又係好多料!!除咗一定有嘅生菜、蝦、米粉之外，佢仲有蛋、扎肉、炸蒜、紅蘿蔔絲🤪個汁唔算太酸，甜酸比例大概2:1咁啦（不過我鍾意酸d🙈）回頭率：🇻🇳🇻🇳🇻🇳/5幸福感：🇻🇳🇻🇳🇻🇳/5飽肚感：🇻🇳🇻🇳/5👉🏻簡而精咁形容：多料～<越式烤豬肉撈檬>💰$58一入去就見到隔離枱啲烤豬肉好正咁，忍唔住自己都嗌左🤣個豬肉食落彈牙，似豬頸肉，油脂感好正🙊出面仲脆脆地咁，仲有d香茅包住，成舊嘢超濃香茅味！檬粉正常水平，偏碎，可以再多dd～個汁入面嗰兩粒肉丸都幾好食，好似有d冬菇～回頭率：🇻🇳🇻🇳🇻🇳🇻🇳/5幸福感：🇻🇳🇻🇳🇻🇳🇻🇳/5飽肚感：🇻🇳🇻🇳🇻🇳🇻🇳/5👉🏻簡而精咁形容：烤豬肉好出色！🥺<海防蟹膏濃湯飯>💰$78有超級無敵多種配料，多到我都數唔唒🤣eg肉碎、蝦仁、

自從地鐵新站落成，很多時出街搵食都已經方便很多了，今次這一間雖然位於地鐵站偏遠，但始終好過坐巴士氹氹轉。。。裝修硬件感覺上蠻為新淨，當日揀選了三拼牛湯河粉HK$58. 與及鮮蝦米紙卷HK$45.先講一下當人的（三拼牛湯河粉）內裏有牛扎肉/牛腩及牛丸，自己就覺得牛腩較為偏小同細件，由於偏小及細，所以吃着的時候感覺味道亦都不算太強，相反自己就覺得細細的牛丸很有牛肉味，河粉滑，有出面少有（油炸鬼），湯底濃而不過於咸，扎肉做得不錯～（鮮蝦米紙卷）大大條兩件一分為二，份量充足之下每條都很飽滿，內裏有蝦肉夢粉乳鴿沙律菜，沾上醬汁來吃很是滋味～整體而言雖然位置比較隔涉，但值得一試，價錢親民與及服務和衛生都很好！★此店可用八達通收費沒有加入服務。★

我剛剛在某集團酒店受了一肚氣，空著肚子到北帝街覓食，經過了1986，見座位幾企理，就和Honey進內。Honey點了他最喜歡的生牛肉河：好好喎！牛肉很嫩，而且新鮮。牛肉湯甜美。店員教我們如果吃「蛋湯」：將牛肉粉沾在蛋汁，再吃，牛肉會更嫩……果然！湯汁已經夠濃，裏面有好多洋蔥和薄荷葉，一流！而我就點了招牌蟹肉檬粉：這個好好味！有肉丸、扎肉、蟹王，還有萵筍絲、洋蔥絲、豆芽……好豐富！最讚的是那個湯頭，不鹹，但非常甜！好濃郁的蟹黃香！嘩！真係好好味！Honey又點了紙米卷：這個也好好味！紙米薄薄的，但捲得很實淨，一咬下去，是非常爽脆的生菜和青瓜， 香料有薄荷葉，有東南亞味道，還有紮肉和海蝦，真材實料！Honey好守舊，仍點越南滴漏咖啡：我嚐了點點，好濃好甘。而我就貪新鮮，點了乳酪紫米露：好好味！乳酪酸酸的，濃濃的。紫米有咬口，又軟軟糯糯。整個餐都非常好味！員工也很殷勤！意想不到的一餐剛才在集團酒店受了一肚氣，現在在街坊小店得到善待， 更顯街坊小店人情味，和對食物的誠意！

懲罰祭最後一天想壓軸揀一間沒試過又不會太遠的店，於是就很慎重？地選了這家評價不錯位於土瓜灣的越南料理，剛好我也好～久沒吃過越南菜了💛在外賣窗口直接點了海防蟹膏湯金邊粉，下龍灣手工墨魚餅，越式脆春卷，大概20分鐘拎到，保溫袋袋住到家樣樣嘢都還熱fufu🤤海防蟹膏湯金邊粉的湯是分開裝，我回家打開發現好像是給錯成了河粉？不過也不可能再回去換啦😂配料跟菜單上的圖一模一樣👍有扎肉，蝦，香菜扎卷等，好大碗且整體份量慷慨😂蟹湯味道香醇濃郁，河粉浸住片刻都好入味，不過可能因為車程比較久所以拌開比較碎😅一個重口味的我表示蟹湯味道還可以更濃一點🙈下龍灣手工墨魚餅非常優秀！新鮮足料真手工！鮮香彈牙之餘可以吃到墨魚粒，齋食都不覺得油膩，沾甜辣醬配黃瓜片一起吃又是另一種滋味😋脆春卷一份四件，有配新鮮薄荷羅勒和生菜，因為車程關係雖然酥脆度有一點影響但好食度不減～內餡清爽足料，配herbs點醬汁吃一點也不膩而且根本停不下來（不過外賣盒底真的還蠻油😂）海防蟹膏金邊粉 7.0/9下龍灣手工墨魚餅 7.5/9越式脆春卷 7.5/9OVERALL 7.5/9其實法包我也超有興趣不過只能下次再戰😍