1986地道越南餐廳 (東寶大樓)

營業中

休息中

本身諗住揸車嚟食燒味飯，點知摸門釘，兜下兜下見到間越南餐廳，差唔多10 點冇堂食，泊低架車即刻衝入去睇吓先，今次叫咗我最愛嘅蟹膏湯濛，生牛肉河加個小食墨魚餅，同埋叫咗兩杯特飲，見到佢個Menu真係好想試咖啡，可惜因為係晚餐驚瞓唔着！下次一定要晏晝過嚟！整體來講餐廳感覺乾淨，而且待應嘅服務真係超出預期，首先唔係每間舖頭都主動提供飲用水，而且都唔知幾多年喺呢類小店度食嘢，冇人走過埋嚟問我要唔要加水！但今次有個侍應小姐問我同先生需唔需要加水，呢一個體驗令我好深刻，店舖嘅係青檸檬水！咁熱嘅天氣簡直清泉一樣其實我哋叫嘅都係招牌菜所以味道非常正宗亦都似預期，呢個唔使多講，重點係個墨魚餅！煎香都感受到非常之彈牙！如果去呢度食嘢都建議一試🫢埋單見到原來外賣有八折！如果所有主菜都可以配飲品成套餐！咁樣就會親民同經濟啲，始終地點喺土瓜灣舊區！價錢吸引仲可以吸引到唔同階層嘅人嚟試了!