龍點心 (Eastcore)

營業中

休息中

卡通化的古代茶居設計，有別於一般點心專門店，主打新派特色點心，精緻而且擺碟精美，好味之餘，都好啱打卡點心選擇嘅種類都幾多，而且好多點心拼盤，最啱咩都想試下嘅朋友～口水汁龍利魚腸粉 $44呢個配搭好有創意，腸粉滑身，加上龍利魚啖啖肉，再配上惹味口水汁，唔使多講都知好食😋黃椒醬排骨 $40黃椒醬好特別，食落少少辣好清爽，排骨好滑，但唔會好肥，味道唔錯筍尖蝦餃皇 $40蝦餃皮好薄，蝦肉好新鮮又彈牙，加咗竹筍食落口感更豐富，好正😋 必食！一口鹹水角 $38錎料幾豐富，唔會油淋淋，幾好食，一口一個，賣相都幾得意懷舊燒賣食落啲肉係新鮮嘅，口感幾彈牙，味道ok羊肚菌牛肉球 $44加咗羊肚菌，多咗一份香味，牛肉球新鮮爽彈，又大粒！新鮮即蒸嘅點心係好味好多，環境都幾有特色！

朋友食過都大讚好食嘅點心店《龍點心》今次有朋友仔喺外國返嚟梗係要帶佢嚟食啦🤗ღ一龍大滿足一籠過有多款唔同嘅嘢食，有豌豆桃子、松露野菌晶瑩餃、酸菜魚鳳眼餃、蝦餃、芝士墨魚燒賣蟹粉菠菜香蝦餃，每款都好好味😋ღ脆脆富貴紅米腸粉賣相好靚打卡一流紅米腸粉食落幾煙韌 入面包住脆卜卜嘅炸蝦同新鮮蝦肉口感層次感豐富ღ鳳爪拼金錢肚鳳爪煮得柔軟入味，牛肚夠淋，而且醬汁唔會過辣ღ肉鬆馬拉糕馬拉糕入口鬆軟唔會過甜，加上面頭嘅肉鬆，比起傳統馬拉糕冇咁單調，味道唔錯ღ一口鹹水角賣相精緻，顏色鮮艷吸引🤩入口外脆內糯，好有咬口ღ桂花糕 花花造型，食落好彈牙，帶淡淡桂花香

餐廳嘅新派點心款式好有創意，賣相精緻款款都吸引🥢全日供應即叫即蒸，晚飯時段都食到熱辣辣點心🎈龍餃子有四款餃子💁🏼‍♀️筍尖蝦餃皇、酸菜魚鳳眼餃、松露野菌晶瑩餃同蟹粉菠菜香蝦餃，各有特色蝦餃煙煙韌韌，蝦肉新鮮，口感特別爽彈酸菜魚鳳眼餃味道微辣，幾惹味紫色嘅係松露野菌晶瑩餃，賣相超靚充滿黑松露香味蟹粉菠菜香蝦餃加咗三文魚籽，食到爽口蝦肉之外仲食到三文魚籽爆發鹹鮮味🎈鹹蛋黃墨魚燒賣墨魚丸加燒賣既質感，裡面仲有流心鹹蛋黃，啱晒鹹蛋黃愛好者🎈大澳蝦醬鮮魷卷外層薄身酥脆，內裡包住彈牙魷魚粒粒，食到兩種唔同嘅口感融合🎈脆脆富貴紅米腸粉腸粉口感煙韌餡料豐富，同時食到香脆及軟糯口感，配有甜豉油、芝麻醬同泰式甜酸醬 迎合唔同人口味🎈臘腸潤腸蒸雞飯好足料，雞肉份量多而且好嫩滑，最鍾意佢嘅飯粒粒分明，臘腸香味滲晒喺飯粒之中，配上甜鼓油完美組合🎈拉絲菠蘿包內餡係芝士🧀微微拉絲，表皮脆脆口感唔錯

觀塘道398-402號Eastcore係全新活化商廈 位置優越開咗好多餐廳 今次專登嚟試下比較Fusion嘅點心🥢龍餃子 ($50)一籠四款唔同嘅蝦餃•筍尖蝦餃王 •松露野菌晶瑩餃 •酸菜魚鳳眼餃 •蟹粉菠菜香蝦餃🥢嘆世界燒賣拼盤 ($70)一籠六款唔同嘅燒賣 口味獨特•泰式冬陰功燒賣 •澳洲帶子黑蒜燒賣 •意大利芝士墨魚燒賣•俄羅斯羅宋湯燒賣 •法國黑鬆露燒賣 •韓國泡菜牛肉燒賣🥢羊肚菌牛肉球 ($46)羊肚菌可以增強抵抗力 平時都會用嚟煲湯成本加埋誠意都十足啊🥢鰻魚荷葉飯 ($82)鰻魚都算厚身 荷葉飯內亦有雞肉餡料🥢豆腐布丁 ($30)清甜嫩滑 小朋友最愛🥢桂花糕 ($28)呈玫瑰花形 顏色亦係漸變色睇得出創辦人除咗注重味道 亦注重視覺觀賞龍點心係屬於Fusion新穎創作嘅點心店觀塘呢間分店好新 而且座得舒服同非常乾淨佢哋仲有會員制 有會員折扣同埋生日優惠如果成日嚟其實係非常抵嘅 有興趣可以同店員了解下

龍點心(Eastcore）一間新派點心專門店龍點心,餐廳位於九龍觀塘觀塘道398號Eastcore一樓,餐廳裝修摩登新穎時尚,環境光猛,乾淨衛生,餐廳主打廣東點心,以創新大膽設計新派點心,服務員招呼到位。一龍大滿足一龍大滿足內有鹹蛋黃墨魚燒賣,筍尖蝦餃皇,豌豆桃子,酸菜魚鳳眼餃,蟹粉菠菜香蝦餃和松露野菌晶瑩餃,我的口味喜歡鹹蛋黃墨魚燒賣,食落爽口彈牙帶有鹹蛋黃味。厚切叉燒腸粉叉燒腸不是叉燒粒而係厚切叉燒,叉燒肥瘦均勻,食落好有口感。鳳爪拼金錢肚一個點心雙拼,2個點心都好惹味,鳳爪夠大隻又入味,金錢肚微辣,超淋滑,越食越惹味。羊肚菌牛肉球每一個牛肉球表面都有一隻羊肚菌,羊肚菌補腎益胃,增強免疫力,這個牛肉球真不簡單,有益健康的點心。馬拉小籠包好有特色的小籠包,入口爆汁,汁的味道估吾到係肉骨茶,夠創意,有驚喜,吾錯的小籠包。肉鬆馬拉糕馬拉糕表面全被肉鬆覆蓋,好有蛋香味嘅馬拉糕食落有口感,每口馬拉糕充滿肉鬆香味。

同事約我放工一齊去飲夜茶，店舖裝潢懷舊，有霓虹光管招牌。我們點左：一龍大滿足$70，有蟹粉菠菜香蝦餃、酸菜魚鳳眼餃 、松露野菌晶瑩餃 、筍尖蝦餃皇 、碗豆桃子 、鹹蛋黃墨魚燒賣 ，有小心爆汁標籤，即叫即蒸新鮮熱辣上枱，全部都很美味😋筍尖蝦餃皇$42：晶瑩剔透的外皮，大隻蝦仁爽口彈牙。😍一口鹹水角$38 ：有粟米、蝦米、肉碎，細細粒容易食。懷舊燒賣$40 ：豬肉和蝦仁都爽口，味道不錯👍鰻魚荷葉飯$82 ：放有金箔凸顯矝貴，鰻魚厚肉甘香，飯粒爽口。荷花酥$38，賣相靚靚蓮蓉甜甜地，鬆脆可口。龍芋酥$38，芋味香，酥酥脆脆。 义燒包$32，正常味道。

Lunchtime嚟到呢度食新派點心叫咗好多野嚟試 但又好似無樣有深刻印象/特別好食🫢🥢龍餃子呢個都ok嘅 打卡同味道都唔錯印象中酸菜魚嗰個幾惹味🥢大澳蝦醬鮮魷卷一咬落去真係成口油 蝦醬味係重嘅但係整體而言真係麻麻地🥢脆脆富貴紅米腸粉好飽肚 食咗一舊都飽飽地🥢馬拉小籠包其實我麻麻地小籠包 所以唔評價了🤣🤣🥢黑金流沙包正常 無驚喜🥢嘆世界燒賣拼盤佢有個竹籤仔提醒我哋會爆汁 要小心食真係要小心因為佢有好多粒都會爆汁🤣都幾特別嘅 但有失望因為有幾款都食唔出果啲味🥢一口豆腐正常 炸皮唔算厚 但又唔會覺得特別好食😂😂而且食飯嘅過程中有個職員不停過嚟Sell我哋入會，感覺不是太好

餐廳：龍點心 (觀塘)地址：觀塘觀塘道398-402號Eastcore 1樓4號舖喺傳統酒樓食得多傳統點心🥟，有時都想轉吓口味或者試吓啲新玩意，有3間分店嘅龍點心呢幾年就不停突破傳統框架，將點心加入無限創意同新滋味，製造出一款款令人有驚喜嘅點心美食😋今次就去咗觀塘道Eastcore嘅分店，格局同我之前去過嘅尖沙咀店差唔多，以紅綠做對比色，打造出別具特色嘅環境氣氛🤩。而除咗點心套餐，龍點心仲有多款即叫即蒸點心、即拉腸粉、炸物、燉湯、主食同甜品✝️歎世界燒賣拼盤 $70有六款融合世界特色元素嘅燒賣🌎，包括泡菜蒜辣燒責、冬蔭功泰辣燒賣、黑蒜帶子燒賣、俄式羅宋燒賣、芝士墨魚燒賣同黑松露珍香燒賣，集合韓、泰、澳、俄、義、港風味。我個人就最鍾意爆汁冬陰功燒賣😍，當中嘅蝦肉同豬肉配合埋充滿海鮮辣香嘅冬陰功湯汁夠晒驚喜🌶️✝️笑口叉燒包 $32熱辣辣嘅叉燒包唔算好多餡🔥，但咬開軟熟麵包都仲算食到粒粒惹味叉燒同醬汁✝️酸菜魚鳳眼餃 $42個人覺得值得一試嘅酸菜魚餃，用通透橙色餃子皮包住蝦肉，面頭有嫩滑龍脷柳、酸菜同野生椒辣，酸辣口味balance夠過癮😎✝️筍尖蝦餃皇 $42爽嫩筍尖配上彈牙蝦肉，足料大隻、皮薄餡

呢間食點心嘅舖頭都開咗一段時間，之前未嚟試過。不過聽到朋友介紹話味道唔錯，終於就嚟咗試吓。呢度嘅點心賣相都好新潮，選擇比傳統的茶樓多，味道亦相都唔錯，有啲fusion嘅感覺。份量嚟講都算大，個腸粉包春卷，我要內脆，份量又大，食到我好回味。佢嘅點心拼盤，有好多種唔同嘅燒賣同餃子，一次過可以試到好多唔同嘅新款式，係一個好神奇嘅體驗。

事原街頭玩遊戲完送左一龍點心，點知到用果日收銀員個態度吾知。可能美能美麗的誤會好無禮貌咁講，吾系佢鋪頭出既，擾攘左一排，先有個待應認頭。另一惡死既老女人宿埋左。都算咁就支持佢買個排骨飯，點知等左半小時，都吾緊要，見住佢出餐打包逃手沒手套沒工具放的排骨落個外賣盒面，手真係吾怕熱，但我即時反胃吾敢食，剩係食個龍所謂送既點心。衛生何其惡劣。員工沒陪訓，態度諗改善好客香港精神。🙏

龍點心🐉出名點心賣相新穎精緻呢日就襯下午茶時段 去試試佢既點心睇下值唔值得帶屋企人黎飲下假日茶今次就試咗佢地熱賣既 🐲一龍大🈵、叉燒包同甜品荷花酥🪷叉燒包叉燒包賣相同平時既一樣 味道麵算正常發揮無咩特別呢兩款點心一相枱都好吸睛😊🐲一龍大🈵足🐉 先講一籠6款既新派點心造形色彩繽紛 🌈 適合選擇困難症既人可一次試哂6款點心睇落好似好好食但食落味道又未算係好高水準其中一粒係經典招牌燒賣中規中矩啦🧐蝦餃個皮亦做得唔夠堅挺 一夾就好易爛 跌哂d餡出黎😕甜品荷花酥 造成好似荷花咁好令入面既餡甜甜地上面鋪咗d菠蘿味既糖粒好似食緊甜版既芋角咁

味道：-先論賣相，色彩繽紛、造型各異，夠曬打卡able😆-再論味道，真係食得出燒賣同啲餃子各有味道，好正～價格-略貴，但整體食物體驗好值得！環境：-一般，乾淨企理

諗住試吓呢間嘢，其實食物還可以，但服務態度認真惡劣！優惠條款，很多魔鬼細節！回應只係話沒有沒有，並無具體說明+1服務費但沒有服務，唔怪之個個出外消費啦！俾佢呃咗一次，沒有下次了！

呢間喺🚇觀塘嘅新派點心店，裝修摩登☺️時尚得來又充滿中式🏮元素，點心款式極具創意，而且價錢實惠，十分之值得推介！呢期佢哋仲有🎊入會大優惠，而且可以即時使用☺️，訂定位同屋企人一齊來慶祝🫄母親節就啱晒喇！尋龍記🐲燒賣拼盤係期間限定嘅菜式😍，佢哋周不時會轉下唔同嘅😎口味，今期嘅歎世界🌏燒賣拼盤以環球美饌做主題，入面有🧀芝士墨魚燒賣、黑蒜🧄帶子燒賣、黑松露🍄珍香燒賣、冬陰功🇹🇭泰辣燒賣、泡菜蒜辣🌶️燒賣同埋俄式🇷🇺羅宋燒賣。其中黑蒜帶子燒賣有黑蒜嘅🤤酸甜加上帶子嘅鮮味十分之令人開胃，🌶️冬陰功泰辣燒賣入面有冬陰功湯汁🥣好惹味，泡菜🧄蒜辣燒賣香辣層次豐富超美味。馬拉小籠包🥰入面嘅湯汁係濃香嘅🇲🇾肉骨茶，餡料充滿肉香味，小籠包控必定會食過返尋味😋！羊肚菌🐂牛肉球呢個配搭好有新意，牛肉球加上🍄羊肚菌十分之鮮味👍而且好夾。脆脆富貴紅米腸粉🤩好驚艷，紅米腸粉煙靭有米香，中層😎超級鬆脆，而且入面係滿滿嘅🦐蝦鮮味，沾少少麻醬同埋豉油，個🍤鮮味更加突出好味！大澳🇭🇰蝦醬鮮魷卷有蝦醬、🦑鮮魷同埋鮮蝦🦐三重鮮味，加上香脆嘅網紋春捲皮🫓，好啱我口味。甜品🍮方面拉絲菠蘿包入面有芝士🧀香得來又有拉絲感，桂花糕🌼Q彈清香又甜美

因為落雨，搵唔到位，咁就食點心啦。之前食過都記得佢唔算平。真係唔好俾佢門口嗰個外賣牌同埋套餐牌擾亂，平日lunch時間係冇呢啲套餐嘅。連OpenRice入邊嗰個餐都係冇的。細細粒的鹹水角，點心係幾好味嘅蒸飯份量都足，兩個女仔啱啱好總括嚟講都坐得舒服，味道OK，兩個點心一個蒸飯，人均$102。大家記住呢一個孖寶午市係冇嘅。而呢個套餐就係外賣限定