龍點心 (軒尼詩道)

營業中

休息中

龍點心 (軒尼詩道) (灣仔)今晚放工同男朋友 @ottolee626 去左灣仔飲茶食點心～ 呢排食得多熱氣野，想食下d蒸點、粥品同嘆番杯熱茶減少罪惡感🙈🥢皮蛋瘦肉粥 $48好大碗好岩小編下火😝 皮蛋同肉都好多，每啖都食到😍🥢鳳爪排骨飯 $58即叫即蒸熱辣辣～ 份量都幾多，飯粒唔會太硬又唔會太淋身，熟度恰到好處❤️🥢一龍大滿足 $68 (6款，每款各一隻）•酸菜魚鳳眼餃•蟹粉菠菜香蝦餃•筍尖蝦餃皇•松露野菌晶瑩餃•鹹蛋黃墨魚燒賣•豌豆桃子🥢麻辣牛肉燒賣 $40🥢脆脆富貴紅米腸粉 $50 嘩～ 賣相唔係平時咁單調得白色，而且醬汁好特別，係配左泰式辣醬、花生醬同醬油，可以混醬又得，揀自己鍾意既醬蘸又得～🥢紅豆沙奶蓋 $28用奶蓋代替花奶，好新穎但原來幾夾～ 而且上面放了一片楓樹🍁，賣相別緻，味道仲有陳皮果香，高質❤️*需加一服務費地址：灣仔軒尼詩道216-218號地下A&B號舖

勁Iagable嘅點心店📸早啲嚟食就係為咗嚟打個靚卡冇咩人周圍影下相都得芝士鮮蝦腐皮卷腐皮炸到脆卜卜裡面釀咗彈牙嘅蝦肉而且芝士味好突出似係用家庭裝芝士片唔係拉絲果種一龍大滿足-蟹粉菠菜香蝦餃-筍尖蝦餃皇-咸蛋王墨魚燒賣-酸菜魚鳳眼餃-松露野菌晶瑩餃-碗荳桃子每款各一粒蟹粉菠菜蝦餃頂部有三文魚籽蟹粉味好出食落有多重口感酸菜魚鳳眼頂部有一件魚肉一睇就分辨得出餡料有淡淡嘅酸菜味呢個口感第一次食咸蛋王墨魚燒賣因為裡面係咸蛋王醬細心位係餐廳都有插咗枝旗仔提醒食客小心燙咀墨魚滑好彈牙配埋濃郁嘅鹹蛋黃醬好夾麻辣牛肉燒賣我對於所有麻辣食唔都抗拒唔到呢個絕對冇令我失望食落口夠晒麻夠晒辣之外都仲食到牛肉球會有嘅香茜味有好多馬蹄口感豐富黑金流沙包 呢個流沙包真係要湊熱食個流沙一搣開就跑晒出嚟雖然個餡好多但唔會好甜抵讚

約了朋友到這間試點心店內冷氣和沒有開一樣,一個字「熱🥵」食完全身大汗嘅,店員話喺店舖問題,沒有得改善🤦🏻‍♀️食得好趕店員會不停催促埋單食60分鐘就要走不推薦這店舖😐

✔️一籠大滿足 $68呢個啱晒心大心細嘅朋友～ 有齊晒酸菜魚鳳眼餃、蟹粉菠菜香蝦餃、筍尖蝦餃皇、松靈野菌晶瑩餃、鹹蛋黃墨魚燒賣、豌豆桃子🥳 講唔停覺得每款配搭都幾新穎 味道亦都唔錯🥰最鍾意係酸菜魚鳳眼餃 帶少少辣味都幾夾🌶️✔️脆脆富貴紅米腸粉 $50腸粉中間層炸衣過咗一陣仲係好酥脆😚 裏面包咗豬肉同蝦 講唔停覺得幾好食 👍🏻另外除咗最普通嘅中式豉油之外 仲有類似泰式辣醬同埋麻醬可以點❤️✔️拉絲菠蘿包 $38呢個菠蘿包嚟到嘅時候仲係好熱辣辣🔥 中間仲夾咗芝士 好鬼邪惡🧀 不過個芝士係偏甜嗰種～✔️芝士鮮蝦腐皮卷 $42講唔停覺得呢個比較油 同埋芝士味唔係好係食到🥺 不過如果當去普通嘅腐皮卷嚟食都唔錯嘅😋

服務水平太差。點心，賣相得意，但是食品質素也沒有覺得特別高。不過服務態度實在不敢恭維，只能說差唔多等於冇腦。今時今日，如果以為自己年青，服務態度就只能夠超低，實在太令人遺憾了。冇理由在有其他方法嘅情況之下，隨隨便便叫個客走，咁個客點解要嚟呢。這些服務員，講嘢之前，已經使用了自己的腦嗎？為免浪費該店舖的有限座位，我下次絕對不去。也不會跟任何朋友去這裏。

今日係灣仔又想食點心，但又唔想去酒樓，今次係第二次幫襯龍點心，佢哋啲點心好精緻，服務態度好好，裝修新穎，設計的卡通都好得意，地方清潔。食物質素味道比一般酒樓高水平。龍蝦汁墨魚燒賣筍尖蝦餃皇鳳爪拼金錢肚口水汁龍利魚腸粉（辣）呢個腸粉好有驚喜，估唔到四川辣味口水汁都可以配腸粉，少少辣得來好夾另外仲叫左鳳爪排骨飯，唔記得影，都好好味👍

好味指數：😋價錢：💰💰💰💰💰（連加一服務費$421）🫖普通擔擔麵落餐嗰時無留意個名，食嘅第一啖真係普通到無得再普通，湯底偏辣，而且略鹹，面頭有少許花生碎，仲伴隨好多辣油😰🫖濃湯浸小棠菜苗呢個真係好失望，同用清水洽無分別嘅菜，食落小棠菜仲有陣苦味…🫖懷舊燒賣不是很特別，不過size就比較細，味道唔差，有豬肉、冬菇、蝦做餡，食落都有返啲口感。🫖荀尖蝦餃皇正常發揮，皮厚薄適中，煙煙韌韌，隻蝦都算大隻，而且彈牙。🫖肉鬆馬拉糕算係咁多樣點心比較有特色嘅一個，啱啱蒸起，送上枱熱辣辣。肉鬆足夠，帶有少許鹹味，面頭有啲白芝麻，所以食落都香口，而馬拉糕亦都鬆軟，及格!!🫖大澳蝦醬鮮魷卷食落蝦醬鹹香味都足夠，魷魚嘅餡料亦都豐富，唯一缺點係外皮都幾脆口，不過係硬身嘅脆，而不是酥脆。🫖口水汁龍利魚腸粉呢個真係世界級…個腸粉皮極厚，入面個餡細過一毫子，根本就係食緊個皮，同埋個汁得個辣字，我哋每人食咗一舊就放低左了…🤢🫖拉絲菠蘿包唔當佢係甜品嘅話，係一個普通唔脆皮嘅芝士餡菠蘿包，芝士餡足夠，不過即食都唔係熱辣辣，連加一$13一個，性價比極低🥲📍龍點心（軒尼詩道）灣仔軒尼詩道216-218號地下A&B號舖#灣仔 #

Lung dim sum try to recreate traditional dim sum with new style. Most of the dim sum are base on the transitional recipes however each of their dim sum will be slightly different from the original. My personal favourite is lung dumpling platter. There are four shrimp dumplings with different special ingredients. They are all perfect matched. One of the them is combined with truffle which is really special in similar dim sum restaurants.One small problem is there are not much drink options, only

店名: 龍點心地址: 灣仔軒尼詩道216-218號地下A&B號舖灣仔站A4出口，行2分鐘環境: 4/5價錢: 3.5/5味道: 4/5呢間係新開嘅新式點心舖，裝修幾靚，但價錢就相對地會貴少少，另設觀塘分店一龍大滿足❤️❤️❤️❤️$68一籠包左酸菜魚鳳眼餃，蟹粉菠菜香蝦餃，筍尖蝦餃皇，松露野菌晶瑩餃，鹹蛋黃墨魚燒賣，碗豆桃子各一，可以一次過試哂咁多款🤨入面墨魚燒賣同蝦餃皇最出色，其他都比較偏向係gimmick嘢😶鳳爪拼金錢肚❤️❤️$46其實食落味道正常，有少少辣但份量太少，得2隻鳳爪同3舊金錢肚，咁就要$46🥹☹️拉絲菠蘿包❤️❤️❤️$38本身想食流沙包，但中午12點去到已經賣哂，就叫左呢個雖然個名叫拉絲，但食落無呢個效果，似係菠蘿雞尾包🙈🫢但都好食🤤芝士鮮蝦腐皮卷❤️❤️❤️❤️❤️$42比想像中出名好多，上枱啱啱炸好，超熱個皮好脆，入面食落係似蝦滑，彈牙得黎好有蝦🦐味😔口水汁龍利魚腸粉❤️❤️❤️❤️❤️$48佢個口水汁有少少麻辣，好香腸粉入面嘅魚好淋，一啲都唔腥，索哂個汁好好食🙈🥰不過浸得耐就有少少辣茶位$12@1位#stitchfoodie灣仔#foodie #香港美食 #美食推介 #港島美食 #九龍美食 #食好

✧｡ 灣仔創新Fusion點心 ♡ 味道驚喜配搭別出心裁 ｡✧原來中菜都可以與其他菜系Crossover.ᐟ.ᐟ⭐︎灣仔新開了一間創新的點心，裡面的菜式每件都十分吸引～樣貌有特色而且食材配搭新穎，難怪平日晚上都坐無虛席ꕤ𓂃　(\ (\ („• ֊ •„)　ꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀꕀ.• ♥️ 龍燒賣 $48以四色四味製成的燒賣，分別是懷舊燒賣、麻辣牛肉燒賣、龍蝦汁墨魚燒賣和滷水鵪春蛋燒賣。最欣賞是它的用心設計和配搭，每一口都品嚐到燒賣的特色～麻辣牛肉確實入口就刺激到，龍蝦汁的爆汁而且口感像品嚐墨魚丸⸜(*ˊᵕˋ*)⸝‬鹵水鵪鶉蛋細細的饒有趣味。.• ♥️ 脆脆富貴紅米腸粉 $48必點系列！喜歡脆脆口感更不能錯過࿐⋆*一口咬開脆脆超爽口呀₍ᐢ⸝⸝› ̫ ‹⸝⸝ᐢ₎而且內餡豐富，豬肉碎碎、紅米外皮加脆脆口感滿分💯配上泰式辣醬、麻醬和豉油更添滋味！.• ♥️ 黑金流沙包 $38飲茶怎可能放過奶皇流沙包.｡◦♡外表黑金有高貴的感覺，不禁期待內部的澎拜奶皇～撕開果然流沙奶皇一湧而出，趁熱吃最好味。.• ♥️ 豆腐布丁 $28好香好濃郁的豆腐味，而且整杯份量不少 ♡飯後要吃一杯也要留點肚子

初訪龍點心🐍2個人食 唔覺意叫到一枱都係野食🤭淮杞螺片燉竹絲雞湯🍲癲左 非常足料能入味 以咁嘅價錢 岀面可能得3舊湯料一龍大滿足🍱顧名思義就係 乜都有得比你試😆想試哂佢哋嘅手工點心 必點之選想講嘅係 每粒都無可挑剔 非常好食又新穎肉鬆馬拉糕🍰又咸又甜 入口好特別肉鬆會cover左本身馬拉糕甜而漏嘅感覺 唔錯唔錯😛脆脆富貴紅米腸粉🫶🏻哩個菜式 係我最鍾意嘅入口非常香口 腸粉質地亦都好煙韌而且仲有3款唔同嘅醬汗比你揀唔似普通酒樓咁 只會比豉油你去食嘅朋友不妨試試佢🤭🤭🤭整體 體驗非要之好店員態度好 上菜快手 味道比起坊間嘅新穎點心店相差太遠 絕對值得一試！

－直都想試下灣仔龍點心，因為新派點心都幾吸引及有特色。 今次食完呢餐晚餐已經想再去食，因為餐廳食物款式都幾多，去多幾次試哂☀️菊普茶都好好飲今次試佐幾款皇牌點心：🍵花旗參蟲草花燉雞湯底不油，花旗參味好濃，雞肉湯料非常足夠😄🥟一龍大滿足 (6款唔同既點心)#松露野菌晶瑩餃-紫藍色嘅外表,啖啖都充滿香菇味#鹹蛋黃墨魚燒賣-彈牙嘅墨魚乳燒賣人面 鹹蛋黃汁#酸菜魚鳳眼餃-好似食緊酸菜魚，惹味#蟹粉菠菜香蝦餃-菠菜配合蟹粉，口感豐富#笥尖蝦餃皇-皮薄，蝦肉爽囗入味#豌豆桃子綠豆蓉嘅壽包 幾香又不太甜（ 好味到要額外追加2籠）🥟龍餃子（4款）筍尖蝦餃皇松露野菌晶瑩餃蟹粉菠菜香蝦餃酸菜魚鳳眼餃🍚鰻魚荷葉飯3⃣️大塊好juicy 鰻魚，荷葉飯內非常多肉😊😊食完已經好飽喇🥬濃湯浸小棠菜苗清清地，食出菜苗鮮味😃🥒濃湯浸翠肉瓜秀珍菇瓜肉已經被濃湯滲入，清脆爽口🌺玫瑰桂花糕作為飯後甜品，入口酸酸甜甜嘅玫瑰花清香感

呢一日我約左個朋友飲杯茶 食個包傾下近況 講下無聊瑣碎事.無論係門面定內在裝修 都非常有特色保留左少少懷舊既味道 又有啲新潮既元素吸引左不同年齡層既食客光顧可以將飲茶文化帶比唔同既人.👅龍餃子 $50(筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃)👅龍燒賣 $48(懷舊燒賣、麻辣牛肉燒賣、龍蝦汁𨯔魚燒賣、滷水鵪鶉蛋燒賣)打卡必叫!!!!!!!!!!上枱果下真係覺得好靚唔同顏色 仲有唔同味道2個人黎食岩岩好 每人試2種味👍🏻當中最特別既係麻辣牛肉燒賣有少少辣 最岩我口味.👅脆脆富貴紅米腸粉 $50裡面既脆脆係指吉列蝦!咬落口感真係好得意 有啲似炸兩同樣係腸粉皮包住 只係餡料換左做蝦幾有創意👍🏻👍🏻👍🏻.👅淮杞螺片燉竹絲雞 $52👅花旗蔘蟲草花燉雞 $52呢2個燉湯真係真材實料 用料豐富😱超多湯料係入面 而且非常清甜好滋潤既感覺啊🤤.👅拉絲菠蘿包 $38菠蘿包皮脆 裡面係芝士餡就算一上枱就食 都食唔到拉絲效果有少少失望 不過個味道唔差既

上一次食完龍點心即刻做埋會員，知道最近有個新優惠 ‘ 宮廷點心下午茶🫖 ’ ，捉埋🤴🏻黎食先！☺️☺️宮廷點心下午茶🫖：原價 $128 依家會員價98，但要向店員落order先，當中有八款點心，每樣一件加花茶😁😁 ～～～黑金流沙包～～～流質狀態嘅包，但包嘅皮比較厚，但合格以上😝😝～～～鹹蛋黃燒賣～～～同流沙包一樣內裏呈現流質狀態，第一次見可以飲嘅燒賣😛😛～～～荷花酥～～～好有驚喜，非常薄脆嘅點心😝😝～～～驢打滾～～～冇乜特別，紅豆餡表面佔有花生🥜粉😀😀～～～哎窩窩～～～呢個麻麻哋，表面應該係糯米但偏硬😗😗～～～桂花糕～～～桂花香味唔錯，但普通咗啲🙂🙂～～～花茶～～～當日係有少少酸味嘅玫瑰花🌹茶🫖！🤭🤭～～～鳳爪排骨飯～～～從之前一樣，豉油味甜甜好開胃😚😚，鳳爪大小正常沒有太多骨😋😋～～～脆脆富貴紅米腸粉～～～第一次見紅色嘅粉皮，六條中size嘅腸粉，每條有滿滿嘅蝦肉😁😁～～～青森縣黑蒜帶子燒賣～～～黑蒜味唔會太搶反而提升帶子嘅鮮甜味，我同🤴🏻食完都會心一笑🥰🥰

話說最近食過龍點心觀塘店，念念不忘「脆脆富貴紅米腸粉」！於是趁咁啱約咗朋友去灣仔，又咁啱灣仔有間龍點心，於是⋯⋯^_^今次點咁好多唔同款式嘅點心：🐉龍餃子筍尖蝦餃皇 - 蝦彈牙，皮唔痴牙，最欣賞加咗筍尖，增加口感🤓松露野菌晶瑩餃 - 顏色非常吸睛，好啱打卡，松露味好香，餃皮幾煙韌！😈蟹粉菠菜香蝦餃 - 俾朋友食咗酸菜魚鳳眼餃 - 俾朋友食咗🐉龍燒賣麻辣牛肉燒賣 - 麻辣啱啱好，唔會死辣；牛肉好彈牙，而且有甘香果皮！😍滷水鵪鶉蛋燒賣 - 入面有好大粒豬肉，非常彈牙；滷水鵪鶉蛋好入味。有驚喜！🤩懷舊燒賣 - 俾朋友食咗龍蝦汁墨魚燒賣 - 俾朋友食咗🐉拉絲菠蘿包菠蘿皮香脆，個包質感都幾軟棉，芝士煙韌，口感好豐富！😌🐉淮杞螺片燉竹絲雞非常足料，落咗杞子、淮山、瘦肉、薑、竹絲雞、龍眼，雞腳煲到就快溶，可見煲咗唔少時間，好濃味，滋補得泥又驅寒！🐉脆脆富貴紅米腸粉蝦依然非常彈牙，幾出色。不過，對比觀塘店，外皮偏腍身、炸皮偏硬同厚咗少少🤏🏼