龍鳳食堂

營業中

休息中

作為芝士控，我成日都搜羅唔同嘅芝士美食架，上星期食左間工廈冰室嘅芝士撈公仔麵，覺得非常唔錯！首先想講下冰室位置幾就腳，佢好近南豐紗廠，平日午餐時間都座無虛席。上星期我都係揀最熱鬧嘅午市黎，好多人🙈好彩啲位都寬，同隔離位都唔會坐得太埋👍肥牛芝士撈公仔麵，本身芝士撈公仔麵已經係人間美食黎，搭配埋多汁惹味嘅肥牛覺得更加升昇左！麵條掛汁，入口啖啖芝香🧀🧀🧀肥牛好多塊，足料菠蘿包熱奶茶我對冰室出品嘅菠蘿包&熱奶茶都好高評價，菠蘿皮香脆牛油味香，奶茶好香滑同香噴噴

荃灣區嘅茶記有好多，但講到我嘅top 1我覺得都係非龍鳳食堂莫屬架喇。早兩日星期六又一丁友落黎食個豐富靚早餐，每個星期黎食早餐routine都keep左兩個月😚沙嗲牛肉公仔麵，豬扒炒蛋配方包。呢個餐我間唔時都嗌下，沙嗲牛每次黎都keep到水準，多汁入味炆得腍同少筋位，而個公仔麵好食在於麵條煮得軟硬適中。豬扒大大份厚肉，宜家諗起都流哂口水咁滯。炒蛋次次都炒得好滑嫩，真係好抵讚～我都幾鍾意夾晒啲蛋同豬扒舖上方包一次過食，當三文治咁食，鍾意果種口感豐富👍雖然今餐都係一般茶記都有嘅野食，但就係最簡單嘅配搭更易分到高下！我自己對於龍鳳食堂係好高評價㗎。期待下星期六黎繼續試下唔同野食😆😆😆

我哋不嬲都鍾意捐窿捐罅揾好野食，今日去左荃灣南豐紗廠行街，就去咗附近呢一間位於工業大廈地舖嘅冰室食飯！🤭 入到去係另一片小天地，地方幾大，座位都幾多，環境企理👍🏻 我地叫咗兩個炒粉麵飯，份量好足架！大大碟岩哂同朋友share一齊食🤩🐮 芝士燴牛肉飯 $56上菜有驚喜！😻 燴飯嘅醬汁好濃芝士味，非常多汁好好送飯！😚而且牛肉份量多，口感好腍好滑，好好味！😋🐷 豉椒排骨炒麵 $53我去到茶餐廳最鍾意叫炒麵食，面底脆卜卜，豉椒排骨非常惹味，好入味，重口味寶寶必選！😜

上次同朋友行完南豐紗廠，佢知道我都好肚餓，近近地特登帶咗我呢個為食妹去一間懷舊冰室，門口位置貼滿晒餐牌、相片，有咩想食都一覽無遺。裡面環境好大，入面有卡位，都幾寬敞。椒鹽豬扒炒公仔麵一上枱「嘩」咗一聲，我以為點咗淨椒鹽豬扒呢。細睇之下，原來公仔麵麵底被豬扒遮住咗。可想而知，豬扒大塊，份量都幾多，不過有幾塊連骨。窩蛋免治牛肉飯色香味俱全嘅碟頭免治牛肉飯，肉醬好多，篤穿中間隻蛋，蛋汁流晒出嚟，特別送飯。紅豆冰最鐘意飲爆晒沙嘅紅豆冰，正！

同男朋友行完南豐紗廠行過黎食晏，數分鐘嘅路程，好近好方便，而且係地舖黎所以好搵易。價錢十分相宜，但質素出奇地高～～～食物種類都幾多，中西式野都有提供。本身想慫男朋友叫個芝士撈丁，不過佢最後揀左乾炒豬扒公仔麵（$54)， 我就揀西式野～肉醬意粉（$48)佢碟公仔麵炒得好有鑊氣，有大排檔風味，豬扒好入味，咬落軟淋但唔會過於鬆散～～唔覺意就食左佢一大塊嚕😆肉醬意粉🍝原來咁多醬，份量咁足嘅～～～酸味調得剛好，賣相討好兼且食到有真蕃茄蓉，真材實料的確要比高分佢！意粉量都好多，個價錢圍返真係極抵食～～～

系工廠區附近 如果系附近番工不仿一試👍🏻價錢正常👍🏻 適宜選擇都唔少 有小菜/ 午餐 / 早餐都有得簡避風塘咸魚雞粒炒飯炒飯為基礎，加入咸魚&雞粒咸魚的味道唔系好出 但系加埋避風塘惹味嘅香料，更加吸引，越食越停唔到口！雞粒既份量都多。避風塘口味都係推介👍🏻平時嗰啲都冇咩呢個口味 啫啫雞煲有豐富的湯汁&嫩滑既雞肉，可以滿足喜愛濃郁口味既人😋雞既份量都唔少 有6-7大舊 👍🏻建議堂食既 仲有幾塊雞肉片金銀蛋浸時菜清清地 都多皮蛋 唔會浸到d菜淋哂唔會太鹹 紅豆奶茶 少甜少冰 紅豆份量滿足紅豆本身都甜 所以建議奶茶都嗌少甜 下次都會叫堂食！小菜始終熱辣辣有鑊氣 但整體黎講 呢個既味道 價錢 都合宜 簡簡單單 都可以滿足搞掂一餐👍🏻

帶屋企人走訪荃灣區，行入工業區見到有人走入地舖餐廳，我地望落餐牌價錢好似好抵bor, 就順便簡單醫下肚。坐低左再認真點望下餐牌，發現係真係抵bor, 款式好多，有啲選擇困難😆😆😆交比屋企人話事食咩：吉列魚柳，火腿通粉，菠蘿包配紅豆冰。野食看似簡單，不過覺得好滋味，覺得往後可以再搭車黎食下其他款。簡單講下個吉列魚柳，滋味在於魚肉質地本身嫩滑，靚魚黎！皮薄脆口，食過番層味。腿通湯底唔會好油而且比正常份量要多，火腿切條上。菠蘿包睇落係脹卜卜，查實咬落超軟熟而家好夠熱，菠蘿面皮薄脆香酥，我再另外買多個外賣第二日朝食😆紅豆冰都幾大杯，一半白一半紅，甜度恰好，係必配地道餐飲。

雖然近排做番gym,但我都會安排一個月一日cheat day對自己好啲等自己開心吓💪經朋友介紹一間地道港式餐廳，環境寬敞舒適，美食性價比高。鄰近南豐紗廠，位置相當便利。今日快食午餐，剛剛好有人埋單我可以直入。我嗌左一份肥牛芝士撈公仔麵，只係$42咋喎。個樣都幾唔錯，每條公仔麵條中都充滿濃郁滑漏芝香味，唔食由自可，一食就上晒癮！🤟薄砌肥牛唔太多肥膏位，塊數足，同埋未至於被芝味蓋過牛味，用心製作，太好喇👍之後再嗌多份炸雞髀補充埋啲蛋白質💪炸髀係必嗌，香脆嘅外皮但肉汁依然鎖緊，啖啖肉好yummy, 我損得好乾淨損晒啲骨㗎✌️下個月cheat day再幫襯👍

weekend無神神遠征去荃灣行下街，不過surprise地尋找到間工業區好西😆Around 3點左右坐低，其實晏晝果餐未落格，所以兩個人只係order少量野食share咁。有瑞士汁雞翼啦，芝士撈公仔麵啦，吉列魚柳啦，同紅豆冰。價廉物美呢四個字絕對可以形容呢間港式餐廳🤗一碟雞翼有3隻，淋滿瑞士汁，好好食。魚柳估唔到比左咁大塊，兩個人分都唔覺少。炸得脆香都係好好食。公仔麵覺得更加係主角黎，surprise地芝士汁係淋滿，十分芝香非常好食可口。紅豆冰認真啲紅豆唔少，煮得軟所以味道甜，奶味都濃，所以係好好飲。好彩有黎荃灣同有食左呢間🤗覺得自己搵好西嘅radar好精準☺️

今日比較早開完會放工（4點😂），正正係下午茶時間，同同事過左黎公司附近嘅工廈食肆食啲野發洩下啲怨氣😛😛因為位於工廠區，所以餐廳唔做晚市，我就通常黎食早餐同下午茶多。Order左份邪惡但超超超好味嘅火腿芝士撈公仔麵，加配熱奶茶。我同事就order港式菠蘿包加配紅豆冰🙆🏻‍♀️🙆🏻‍♀️芝士撈公呢個配搭真係人間美食黎，襯熱食啲芝士好溶好香好好食呀！熱奶茶同樣係我嘅至愛，我通常嗌少奶嘅，飲到茶底好濃香☕️菠蘿包我自己都食過幾次，都係非常建議要襯熱食，菠蘿皮好酥化，麵包非常軟熟🍍🥯凍野我比軟少飲，但同事話杯紅豆冰嘅紅豆好足料同比預期中低糖，比左啖我試又真係幾好味喎！

今日去左南豐紗廠睇下野，3點幾行到攰近近地去左龍鳳食堂食個tea充個電~望落餐牌啲價錢全部都好貼地，岩晒我呢啲窮窮地嘅職場新丁🤓兩個人嗌左以下嘅野食share食，有炸雞髀，司華力腸，瑞士汁雞翼，肥牛芝士撈公仔麵，同好耐無飲嘅紅豆冰！🤩炸雞脾好大隻呀，識食一定係用手揸住黎食，炸得好香表面夠脆，肉質又幾嫩滑，非常推介！另外司華力腸又係肥美大大條～瑞士汁雞翼亦同樣出色，成隻雞翼由外到內都好入味，食得我地勁滋味，唔洗廿分鐘就清晒成碟野😂最後紅豆冰同我預期一樣好多紅豆粒，飲落又唔會太甜，係必嗌呀！

今日行完南豐紗廠，去左附近覓食，見到呢間好抵食既食堂。餐牌包括避風塘炒粉麵飯、中式芝士燴飯、甜豉油滑蛋系列、香濃咖喱、各式小炒、煲仔系列、港式扒飯餐、蔥油系列，仲有素食粉麵。一坐低，員工就送左兩碗中式例湯比我哋，係黃瓜煲排骨湯，感覺清甜，無加味精。避風塘豬扒炒公仔麵：用芽菜、香蔥、洋蔥、豬扒和公仔麵一齊炒，夠晒鑊氣，再以大量炸蒜鋪面，賣相吸引，香口惹味。粟米龍脷腩：龍脷腩啖啖肉，炸到金黃色，再將粟米蓉平均蓋上面，撈飯一流。韭黃叉燒炒蛋：韭菜香噴噴，叉燒香甜，加上滑溜既炒蛋，簡單又美味。紅豆咖啡：原來咖啡和紅豆混埋一齊既味道，效果相當夾，令我愛不釋手。總結，食物味道好，份量大，出餐快，員工服務態度好，必定再回訪。

位於荃灣工廠區附近（南豐紗廠及有線大廈內街）高質素平民福音：龍鳳食堂🎉其實一啲都唔難搵，喺正大街旁邊（入麗城小巴都可途經）門外已報滿各式各樣餐牌😋中西式飯餐，新式芝士特餐，避風塘辣餐應有盡有👍🏻入餐廳見人地碟蒸魚新鮮熱辣大大舊腩😂搞到我都即刻叫返個蒸魚飯試試佢🤭另外如果想叫小炒嘅，中午都有得叫仲好新鮮即叫即整👍🏻餐牌亦非常豐富：列哂星期一至六有咩好食👍🏻埋位坐低，職員已經自動拎上例湯，內裡仲要有舊豬骨俾我食，認真一流👍🏻 個例湯感覺冇乜味精，飲完唔口渴，真材實料😁蒸魚飯方面，份量相當唔錯，魚肉白滑，非常新鮮，冇腥味，蒸魚時間控制恰當，配上冬菜香蔥薑絲，唔錯👍🏻👍🏻另外見到餐牌有得+$6就有紅豆冰其實都幾抵，點知一飲真係好重奶香味冇溝水，紅豆亦夠淋亦夠甜，整杯紅豆冰非常高質👍🏻👍🏻👍🏻熱華田亦用大牌子華田粉沖味道夠濃夠正宗，絕非奶水👍🏻👍🏻👍🏻（淨係飲品都已經見到非常有誠意👍🏻👍🏻👍🏻🤭🤭🤭）另外我地亦都叫咗兩個小炒😋韭黃叉燒炒蛋：份量非常大，一啲都唔吝嗇，蛋香香氣撲鼻，調味亦恰到好處，唔會太咸，叉燒份量一啲都唔少，食落仲非常之夠火喉夠鑊氣，十分好食👍🏻我專登擺高一邊碟，睇吓會唔會好多油

荃灣工廠區首選茶記～新接手裝修後靚左光猛左👍🏻👍🏻餐牌選擇多左好多👍🏻早餐同下午茶餐都多左好多野揀🤤附近好幾間下午茶都冇炒野～個豬扒炒公仔麵好入味好有鑊氣👍🏻👍🏻必須要讚下個餐蛋麵隻蛋😌😌😌隻蛋煎得超靚🥰🥰冇煎穿又冇煎過熟～又唔會好易就爆蛋🤣最體貼仲要將隻煎蛋刻意放響餐肉上面～咁樣就唔會令到d湯碌熟左個蛋黃🥹🥹講真真係唔係好多間茶記會咁做👍🏻👍🏻👍🏻

今日要同同事開會所以我哋就早d去附近餐廳買外賣返去office。同事介紹呢間餐廳，估唔到咁早都咁多人嚟食午飯，見佢午餐嘅選擇都好多種類，有蒸魚，炒粉麵，蒸飯等餐廳除午餐亦都有好多選擇，芝士系列好吸引，我哋分別點咗以下幾款食物，份量超多。馬來炒貴刁好夠火喉，炒得乾身但又唔會係食落覺得好乾好鞋咁，味道惹味又唔會太濃同咸，唔同有d茶餐廳／冰室咁濃，讚呀！而且配料都好足，咸魚蒸肉餅肉餅好高質素，蒸嘅時間岩岩好，食落夠嫩，肉餅咬落有口感同juicy ，咸魚味濃又香，好好送飯。洋蔥汁牛扒煙肉飯呢個價錢真係超值，牛扒大大塊，唔會醃到太淋，啖啖肉，加埋煎香嘅煙肉，配埋洋蔥汁真係好邪惡但好開胃。滑蛋蝦仁飯超嫩嘅滑蛋，食落滑溜溜，蝦仁又多，少少蔥段，夾埋熱辣辣嘅飯好好食！