龍鳳食堂

營業中

休息中

平時叫外賣都會叫呢間茶餐廳今日經過 就一於試吓堂食門口有好多eye catching嘅poster 入到去有一行卡位 再有一啲對住坐嘅位一坐低 職員就會比低中湯同埋一杯水湯好足料 有豬骨 紅蘿蔔 同埋啲瓜餐牌有午市快餐 每日都有唔同款亦都有得叫小菜 又或者即炒今日堂食 就叫咗一啲平時外賣少叫啲嘅嘢食芝士蝦球燴伊麵 紅豆咖啡芝士醬好足 一定夠撈個麵個伊麵唔會煮到太腍太爛 食落去反而有少少煙靭而芝士蝦球 啲蝦都算大隻同埋彈牙仲有青椒同洋蔥做配料 食落去唔會太熱氣 芝士又唔會好膩好咸紅豆同咖啡都好夾 咖啡唔會太苦太濃飲落會偏甜 可能因為有紅豆嘅關係避風塘豬扒炒公仔麵 凍奶茶表面已經好多避風塘碎碎食落去好有鑊氣 有好多塊嘅豬扒仲有啲炒銀芽 個麵炒得乾身 所以食落去唔會好油 而個味就有少少似平時食炒麵嘅味 但就多咗避風塘嗰陣辣辣地 脆脆地嘅味好滿足凍奶茶係港式茶餐廳風格夠茶味 夠大杯食食吓夠兩點見到佢哋有下午茶平時好多茶餐廳都要2:30先有但呢度兩點就已經有啦忍唔住叫咗好耐冇食嘅西多士係傳統港式下午茶 多士中間有花生醬佢仲成支蜜糖俾我哋加另外試埋佢哋嘅瑞士雞翼配雜果沙律瑞士雞翼好入味 甜甜地咁

行完南豐紗廠，喺附近覓食，見到龍鳳食堂，比餐牌嘅設計吸引住，用咗香港懷舊特色嘅設計 今次叫咗兩款小菜，味道都不錯啫啫雞煲：雞煲嘅材料都算豐富，有洋蔥、冬菇、叉燒（唔知點解有叉燒），當然唔少得嘅係雞肉啦，仲有少許蔥花作點綴，雞的味道濃郁，雞肉食落去亦嫩滑，不過略嫌太多油中式牛柳：份量好多，食極都食唔晒，牛柳整得軟淋淋，多汁，配上啱啱夠熟嘅洋蔥，令牛柳帶上少許洋蔥味，必叫嘅菜式最後豪爽地叫咗兩杯紅豆冰同紅豆咖啡冰，跟餐加$8，結束完美的一天！

最近我同朋友去咗龍鳳食堂呢間港式茶餐廳，喺荃灣工廠區入面，估唔到午巿咁旺場，座無虛席！我哋叫咗個沙嗲肥牛煲，肥牛份量超多，配菜仲有好多青椒同洋蔥。肥牛煮得剛好，肉質滑嫩，加上沙嗲醬嘅香味，食落去真係好過癮🥩🫑🧅 轉套餐只需加$8，就有例湯、大大碗白飯同飲品。例湯係合掌瓜湯，清淡又滋補，夏天飲啱哂。我仲加咗$6轉特飲，揀咗紅豆冰少冰，甜度適中，飲落去清涼消暑，非常合心意🫘🥛另外，我哋仲叫咗魚香茄子煲，味道同樣出色，茄子炒得軟熟入味，魚香醬嘅風味非常濃郁，配埋白飯食真係好味到不得了！轉套餐都係加$6，實在抵玩。我哋仲點咗蒜蓉炒時菜，菜心炒得脆口，佈滿蒜香，真係啱食又健康🥬最後一讚店員嘅服務態度，朋友唔小心倒瀉水，好細心咁用布幫我哋抹乾👍🏻

工作關係成日會經過荃灣工廠區，今日經過一間餐廳比門口芝士控同避風塘炒粉麵飯吸引到。入到去係傳統工廠食堂格局，裝修簡單，見到好多舊式可樂擺設，令人感覺好親切。呢度嘅客人多數係附近工廠嘅工友，午膳時間好熱鬧。🥰中式芝士燴雞扒飯 🍚🧀中式芝士即係酒樓芝士焗龍蝦嘅芝士，估唔到呢度都食到!雞扒煎得外脆內嫩少少燶，每一啖都充滿邪惡芝士嘅濃香。叫完飯先知可以轉伊麵，下次唔使去酒樓啦。🤤京都豬扒 🍖京都豬扒香脆，外層焦香，內裡嫩滑。豬扒嘅醬汁甜中帶鹹，味道層次分明。仲要大大碟上，食完真係好滿足。🤯紅豆冰 🍧天氣開始熱，叫紅豆冰真係爽到爆！紅豆得好淋，但唔係好甜，配上碎冰，食落清涼解渴。童年回憶返晒嚟。💸紅豆鴛鴦 ☕️紅豆鴛鴦融合咗紅豆嘅香甜同奶茶順滑同咖啡香濃，口感滑順，甜中帶微苦，層次分明。諗諗下我好似一次過飲咗3杯飲品。🤤餐廳絕對足料但唔貴，兩個人食完飽到上心口夜晚都唔使食。好想返嚟再試試避風塘炒麵。

早餐有幾款供應到11:30，但11點左右已經見到店員開始準備大量外賣午餐，睇嚟附近打工仔都好支持龍鳳食堂！豐盛早餐昜粉麵套餐、歐陸海陸空早餐、超値單拼套餐、輕食早餐歐陸早餐有配埋炒蛋，茄汁豆同多士，可以加錢轉菠蘿包；單拼湯麵高質抵食，香煎豬扒分開上唔會浸到冧晒輕食套餐有包、多士、蘿蔔糕等等，朋友叫咗沙嗲牛多士同鹹牛肉炒蛋多士都非常足了！最特別係餐飲可以轉配紅豆奶茶同紅豆咖啡（圖為紅豆齋啡），落咗好多紅豆但唔會太甜，為早餐畫上完美句號另外朋友叫嘅檸水都有三大塊新鮮靚檸檬好足料

食堂味道，堂食可能更美味 📍地點：荃灣🍽️菜式：港式💰人均消費：午餐 HK$~🔖服務費/ 茶芥：✅ / ❎（💰HK$_位）🧻餐巾/ 濕紙巾：✅ / ❎🪑座位類型：方枱/ 長枱 / 卡位 / 吧枱 / 圓枱 / 外賣📝落單方式：侍應生落單 / QR code落單 / 平板落單 / 點餐紙落單免費🅿️：❎ 【乾炒豬扒公仔麵、紅豆奶茶】💰HK$54+8炒麵味道夠而且乾身，豬扒有先走油而且份量多。紅豆奶茶，紅豆煮到爛，必點！ 【福建炒飯】💰HK$56香港特產，福建炒飯。材料多樣，蛋炒飯底。 【肉醬意粉】💰HK$48蕃茄醬調得好有層次，應該有不同香料加進去。意粉絕對是茶餐廳風味，又挺有味道。 【生炒雞絲飯】💰HK$51材料充足有蛋香，炒得有鑊氣。 #foodcourt #foodxcourtx #foodxcourtxTW#荃灣搵食地圖 #荃灣美食 #荃灣 #港式 .@龍鳳食堂🏷️沙咀道26-38號匯力工業中心地下3號舖

荃灣龍鳳食堂，午市快餐有好多選擇，送例湯及熱飲，另外仲有各式炒粉麵飯、咖喱、中式芝士燴飯、素食粉麵、龍鳳獨家避風塘、港式扒飯餐、蔥油飯/麵、小炒、蒸類、煲仔，全部即叫即做。豉椒豆卜滑雞飯：滑雞炆得入味，豆卜吸收晒豉椒既味道，一Ｄ都唔咸，而且調配得恰到好處，超級惹味，真係可以撈多碗飯。黑椒汁雙漢堡扒餐肉腸仔飯：漢堡扒煎得焦香，我最鍾情黑椒汁既辛香但不嗆喉既口感，百吃不厭。咖哩生炒牛肉飯：米粒加左咖哩汁炒，每一粒都香到不得了，牛肉雖然都係用咖喱炒過，但入口仍然好嫩好多汁，咖喱令整個炒飯特別有風味。生炸雞脾太陽蛋蔥油飯：大大隻既炸雞脾，咬落去脆卜卜，雞皮酥脆，裡面既雞肉非常嫩滑，配上太陽蛋、蔥油和濃稠既黑豉油，滋味無比。西多士：炸至金黃香脆，蛋香味濃，在進食前塗上厚厚既牛油及香甜既糖漿，既邪惡又美味。總結，以茶餐廳價錢，食到有水準既食物，而且份量十足，值得推介。

睇openrice無意中發現呢間位於工業區嘅餐廳，評分幾高😯，所以某個星期六特登行嚟食下午茶，價錢唔算好貴，選擇亦好多，中意煎炸野嘅我揀左炸魚薯角，再加一個西多士餐。西多士下午茶餐$32正正常常，花生醬搽得算多，依然食到花生香，不過欠缺蛋香。炸魚薯角下午茶餐$33炸魚即炸出嚟，個心非常辣口。炸魚唔厚，肉質幾滑，不過調味過重、好鹹，而且有少許腥味😥。評價係炸魚質地好，但味道唔OK。薯角份量可接受，亦有薯香。整體份量唔算好多，食完唔會好飽，之後仲可以喺荃灣掃其他小食😏。

屋企附近原來一直有一間工廠區嘅茶餐廳，啲嘢食價錢好親民，同埋都好多人食，次次中午叫親嘢食落去拎，都見到有好多外賣，我之前都已經早餐叫過好幾次外賣，對比起附近幾間茶餐廳真係平靚正。佢哋個餐牌真係太多選擇，有選擇困難症嘅人真係應該幾難揀到食咩，我今次試吓XO醬豬頸肉炒烏冬，XO醬味好濃郁，豬頸肉好淋，啲公仔麵好彈牙，整個份量都好多。杯凍紅豆奶茶唔太甜，紅豆杯粒粒勁多，飲完唔會好口渴。另外叫左個中式芝士燴雞扒飯都算係比較特別嘅餐牌佢知士餐牌入邊有好多唔同嘅款式，有魚雞豬仲有蝦，啱晒唔同口味既人。呢個雞扒份量都一樣大份，可能始終都係俾工廠既人士食，真係要食飽啲🤣同埋好多人會嚟食下午茶。最後埋單都係$119 ，真係抵食夾大件。

放膽入去冇輸喺荃灣水尾呢邊，再過就冇得食。有實力嘅生意人就會揀龍頭龍尾。呢間可以配得上係「龍鳳大酒家平民極速食堂」。應有盡有實有一款啱你。今天趕時間，進去吃嘅快感 「咖哩雞髀煎蛋飯」。一定冇鑊，實食冇黐牙。以食堂嚟講。呢度算係乾淨企理，靜靜地大家做自己嘢，可以專心食嘢、碌吓機、沉澱一下。喺工廠區真係一個清泉。一入到嚟坐低，老闆娘就即刻送2碗老火例湯比我飲， 青紅蘿蔔蓮藕豬骨湯，好大碗，又足料。飲落好舒服，好溫馨。好似人間有愛咁。個咖哩係港式，自己打，剛好掛羹、有淡淡的椰香。一睇就知。雞髀炸到外脆內軟，保留到肉汁。

龍鳳冰室 （荃灣）今日要同同事去附近拎貨，所以就早d去附近餐廳買外賣返去office。同事介紹呢間餐廳，估唔咁多人嚟食下午茶，見佢下午茶嘅選擇都好多種類，有炒粉麵，咖哩等餐廳除下午茶餐外亦都有好多選擇，芝士系列、咖哩系列好吸引，我哋分別點咗以下幾款食物，份量超多。迷你鹹魚雞粒炒飯炒飯好有鑊氣，粒粒分明，配料十足，鹹魚、大大粒雞粒同生菜絲等等，食落味道豐富，而且份量好多，好味道迷你咖哩豬扒飯夠晒邪惡但又非常惹味，豬扒有成4，5件大大塊，食落唔鞋口，外皮略有炸過夠晒香，加上咖哩非常夠香香料味十足，非常好餸飯迷你乾炒牛河炒牛河好有鑊氣，河粉分明，配料十足，大大塊牛肉等等，食落好夠味道，份量畀一般餐廳下午餐大，好味道總算食返餐滿足嘅下午茶再開工。奶茶茶香好飲，奶茶都唔係間間餐廳好飲，必飲！

好耐冇嚟南豐紗廠做嘢啦，最近有好多展覽同埋市集喺呢度，過嚟幫手之餘都要喺度搵吓啲地道正野！ 呢間印象中之前都幫襯過，記得好抵食，份量好大份，今次一於介紹埋俾同事再幫襯😆兩個人叫咗個下午茶，個魚柳真係好大塊，足足有兩個手掌咁大塊，我覺得兩個人share 都好飽！ 另外再叫咗呢個肥牛芝士撈公仔麵，個芝士汁真係好邪惡，好好味，肥牛鋪晒喺面，攞埋公仔麵真係一流！ 再配埋香港正宗。熱奶茶，元氣滿滿😍😍😍咁好食又抵食，下次再嚟幫襯過😆

今日要同同事去附近拎貨，所以就早d去附近餐廳買外賣返去office。同事介紹呢間餐廳，估唔咁多人嚟食下午茶，見佢下午茶嘅選擇都好多種類，有炒粉麵，咖哩等餐廳除下午茶餐外亦都有好多選擇，芝士系列、咖哩系列好吸引，我哋分別點咗以下幾款食物，份量超多。迷你鹹魚雞粒炒飯炒飯好有鑊氣，粒粒分明，配料十足，鹹魚、大大粒雞粒同生菜絲等等，食落味道豐富，而且份量好多，好味道迷你咖哩豬扒飯夠晒邪惡但又非常惹味，豬扒有成4，5件大大塊，食落唔鞋口，外皮略有炸過夠晒香，加上咖哩非常夠香香料味十足，非常好餸飯迷你乾炒牛河炒牛河好有鑊氣，河粉分明，配料十足，大大塊牛肉等等，食落好夠味道，份量畀一般餐廳下午餐大，好味道總算食返餐滿足嘅下午茶再開工。奶茶茶香好飲，奶茶都唔係間間餐廳好飲，必飲！

早兩天，我要加班諗住買定外賣，我17:30左右打電話叫外賣剛我主任叫我，食堂接咗電話大約一兩秒已經駕我（X街打嚟唔出聲），你可以唔接電話唔做生意，但唔需要駡人，條街得你一間可以叫外賣！

今天把車送去車房維修，每次來沙咀道都會去附近間茶餐廳食飯，位於工廠大厦地下雖然不太起眼，但餐廳裡面地方大坐位多，而且乾淨。我們一坐低，店員已奉上例湯，青紅蘿蔔豬骨湯，老火湯湯底濃郁，紅蘿蔔的甜味和豬骨融在一起，不錯。來茶餐廳點少得乾炒牛河，上桌時香氣四溢，牛肉鮮嫩，河粉炒得恰到好處，整體口感滑順，很有鑊氣。嫩滑牛肉大大塊芝士燴龍脷腩飯，龍脷腩炸得外脆、肉質鮮嫩，芝士醬濃郁而不膩，配飯吃每一口都濃厚的芝士味。這間飯堂, 芝士真是必食. 乾炒牛河飲檸檬茶可以中和油膩，絕配。紅豆冰，紅豆很腍到茶餐廳必飲。總的來說，這次用餐的經驗超出我的預期。這間工廠食堂的食物雖簡單卻美味，下次有機會會再來試試其他菜式！