龍鳳食堂

營業中

休息中

今日遠赴荃灣同朋友做gym，gym之前當然要食返一個豐富既早餐，朋友係荃灣居住同返工，所以帶咗我去佢平時返工幫襯嘅工廠區茶餐廳。雖然餐廳位於工廠區，但環境算好乾淨，面積幾大👍🏻早餐選擇非常多，甚至茶樓點心例如糯米雞同蘿蔔糕都有，價錢都好實惠。- 雞扒配炒蛋+茄汁豆雞扒幾大塊，比得上平時午餐雞扒飯既size，外皮香脆。炒滑蛋方面正常水平，加埋真係茄汁豆好滿足。- 牛扒配炒蛋+茄汁豆牛扒套餐比起雞扒餐貴$2，但係物超所值，size仲大塊過雞扒，牛味香濃之外肉質唔會太老，啖啖肉又好容易咬開。麵包烘底都十分香脆，加埋牛油真係好吸引🤩- 香煎豬扒出前一丁豬扒好大塊，肉質軟稔唔會好難咬開。出前一丁煮得啱啱好，口感彈牙。跟餐有火腿奄列或蘿蔔糕，我揀左前者，入面有勁多火腿，另外仲有牛油方包，烘底之後更好味。飲品方面，我叫左紅豆鴛鴦，佢同紅豆奶茶同紅豆咖啡一樣都要加$8，鴛鴦係茶餐廳獨有飲品，加左紅豆增加少少甜度。朋友就叫咗凍齋啡，食完真係充滿力量去做gym。

今日食飯時間朋友帶咗我嚟荃灣呢間 龍鳳食堂 話想試下呢間新開嘅茶餐廳～ 話佢嘅避風塘系列好吸引🤩 即刻想試下～ 入到嚟坐低 港式茶餐廳 小炒 煲仔 避風塘 芝士撈丁 好多選擇😋 先黎是日例湯 係蓮藕湯呀😋 好足料既老火湯！ 跟餐叫左兩杯野飲～紅豆咖啡 咖啡味香濃 紅豆軟身甜甜的好入味紅豆奶茶奶茶香滑 配埋紅豆好好味😋 避風塘豬扒炒公仔麵 $62呢個大推👍🏻 上枱超香 好夠穫氣 公仔麵炒得乾身爽口 豬扒大大件好厚肉 味道調得岩岩好 加埋上面既炸蒜 好香好好味😋 必點！ 生炸雞髀配芝士撈丁 $48好邪惡既芝士呀😍 撈完之後啖啖出前一丁都係有芝士架好正🫢 炸髀即叫即炸熱辣辣 切開仲有煙 邊邊炸得香脆 切開啖啖肉又入味 讚👍🏻 菠蘿生炒骨 $74呢度既小菜真係好夠穫氣 好多舊肉 酸酸甜甜好開胃 用黎送飯真係冇得頂～ 整體來講 呢間 龍鳳食堂 食物港式 款式又多 店員服務態度好 避風塘系列真係好出色 大推😬

今日同同事係誤打誤撞情況底下，入咗呢一間位於工廠大廈地舖嘅冰室食午飯😙 估唔到味道唔錯，又大碟！又抵食！又好食！而且最緊要地方幾大，午市有位唔使煩，環境舒適，可以做新食堂😍 📌 芝士燴牛肉飯 店員推介，果然冇介紹錯，芝士醬汁濃厚，牛肉嫩滑，輕鬆清晒成碟飯😎📌豉椒排骨炒麵 重口味邪惡之選，炒麵唔會俾啲汁搞到淋晒，仲超級脆🤭 豉椒排骨，夠晒入味！🙌🏻📌豉椒排骨飯好似我同事咁，唔鍾意食炒麵，可以選擇食飯，豉椒排骨嘅汁送飯真係無得輸架😋

今日lunch同老豆兩個撐枱腳，佢比較鍾意食中式/港式野，於是帶左佢黎呢間屋企附近就腳嘅龍鳳食堂食飯。呢日11點左右就黎到，未到peak hour所以一入就有位lu~店員安排左我地坐卡座，勁寬落好好呀！我嗌左個芝士燴牛肉飯，好開心食到拉絲嘅芝士😚啲牛肉肉質好腍我好鍾意，本身啲牛又醃得入味。呢碟飯份量都幾多下，仲夠我食多半餐架，所以真係好抵食！老豆就嗌左碟椒鹽豬扒炒公仔麵，想話店員都未拎到碟野上枱我已經聞到好香好吸引🥹夾左少少黎食覺得係好夠鑊氣果種！啲椒鹽豬扒都有成3-4舊，椒鹽香味濃，好吃到不得了🥹🥹

係荃灣做完嘢，無意間比我搵到間可以encore嘅港式茶餐廳喎～下次有興趣要試下佢哋啲蔥油飯同咖喱飯，好似幾正咁。企係門口見到間茶餐廳，餐牌選擇好多，除咗有基本茶餐廳供應嘅常餐、碟頭飯、咖喱飯、港式扒飯餐、蔥油飯麵餐等等，仲有小炒、煲仔、蒸類嘅菜式。－椒鹽豬扒炒公仔麵－芝士燴牛肉飯 －熱奶茶 我見隔離枱嗌左碟椒鹽炸豬扒，椒鹽味我哋一開始都聞到，好吸引，一於就點個椒鹽豬扒炒公仔麵啦！豬扒啱啱炸起，熱辣辣，仲出緊煙，豬扒份量好多，醃得幾香口入味呢。公仔麵麵質啱啱好，唔會太淋身。我同事就點咗個芝士燴牛肉飯，海量嘅芝士，牛肉好軟嫰，不過食咗咁多芝士，食到咁上下都開始滯，都係建議開心share好啲，一個女仔未必食得晒。

難得遠征入荃灣，當然要搵啲未食過嘅野食盡佢！喺openrice發現到有間工廈食堂，個個都話又平又正，我都即刻入黎坐低慢慢揀野食！網民果然無講錯，真係好平喎，乾炒豬扒公仔麵同肥牛芝士撈公仔麵兩碟野加埋都只係100蚊鬆啲咋～兩款公仔麵各有特色，首先第一款豬扒煎得香脆，啖啖唔多肥膏位又唔多骨位～每塊都大過我手掌嘅size~公仔麵炒至乾身入味，麵條硬度適中唔會痴埋一pat pat咁👍肥牛芝士撈就非常香芝士味，入口非常creamy, 岩晒鍾意芝士嘅我！芝士配肥牛嘅配搭我就第一次食，都幾過癮架😆下次再黎絕對想再嗌埋其他芝士汁嘅野食！

今日我和朋友去南豐紗廠行，然後經過附近見到這間平民飯堂，便決定進去吃午餐。生炸雞脾🍗配雜果沙律🥗（$43）：炸得非常香脆，脆卜卜，好正，雞脾肉肉質都好嫩滑，幾好食。另外雜果沙律🥗有好多生果同，又好fresh 好新鮮，不錯.跟餐叫了紅豆冰：甜甜地又幾好飲，不錯。芝士撈出前一丁配生炸雞脾🍗+腸仔（$58）：芝士味又幾香濃，非常邪惡，然後雞脾炸得好脆口，脆卜卜好正，腸仔都煎得好香口，不錯。魚香茄子🍆飯（$53）：魚香茄子個汁又真的好香濃，好好味，聞到個味都非常香，又幾好食，肉碎同茄子份量都算多，夠大份，夠飽肚，又好食。埋單最後$160，價錢非常經濟實惠，真的不錯，抵食，真的是平民飯堂，值得一來。

荃灣區真係好多好嘢食啊！雖然南豐紗廠位於工廠區，但係附近一樣有好多工廠美食😍 今日去完南豐紗廠，就去咗附近工廠大廈冰室食lunch！😚 選擇多多，而且份量十足夠抵食👍🏻👉🏻豉椒排骨炒麵 $53茶餐廳必點之選！喺屋企永遠都整唔到咁香脆嘅炒麵底😽 炒麵配上惹味嘅豉椒汁本身已經一流，豉椒排骨好腍好入味，果然冇得輸！🤩👉🏻窩蛋免治牛肉飯 $51最鍾意咁多醬汁嘅配搭，送飯一流🤣 肉醬酸酸甜甜，味道一百分，加埋蛋汁，食多一碗飯都得😆打緊食評都好想食，附近返工嘅朋友真係幸福😆

大家好今日去左工廠區一間隱世食堂食野呢間叫做龍鳳食堂都幾多野食有午餐之外仲有小菜同港式食物好似一間茶餐廳小廚環境食堂來計環境都好寛敝好舒服今次我就食佢既午餐都係50幾蚊坐低先送兩碗足料例湯未計餐牌食物 這裏午餐每日都有9款午餐甘多選擇每日都有蒸魚飯今日就是豆醬蒸鯇魚個魚本身都好鮮味配埋個豆醬蒸都真係幾惹味個蒸魚豉油都調校得幾好味送飯唔錯仲有就係呢個紅酒汁牛腩飯紅酒汁見到都用左有好多蔬菜去煮好似有洋葱 紅蘿蔔 西芹仲有D香草所以都幾香個牛腩係帶少少皮既炆得都算夠腍都係好好送飯既菜式跟餐飲品凍飲叫左凍檸茶和凍奶茶要加2蚊凍檸茶有四片檸檬凍奶茶都有茶味跟住我仲叫多左個西多式西多式炸得好香脆落足左蛋漿仲有花生醬做餡配埋糖漿一齊食整體呢間龍鳳食堂食物質數都唔錯繁忙時間都好多工友光顧

本人經電話whatsapp落單 (約下午11:40), 店家講半小時可以送, 咁我地照落左2個餐, 最後要等超過個半鐘先送到 (約下午13:20)!!!如圖所示: 湯, 野飲, 飯全部都凍晒, 最後全部掉左, 驚食壞肚!!中間有wtsapp同打電話去, 第一次cut線, 再打先聽, 都係死死氣講: 出左去5分鐘啦~ 結果最後都係等到好耐好耐先送到上門~!! 態度差, 服務更差!!大家千奇唔好去食~ 伏到爆

今日要介紹嘅係一間同同事食開嘅飯堂！🫶🏻 作為一間位於工廠大廈入面嘅冰室，呢度係我見過最乾淨整潔，店員最有禮貌嘅一間！👍🏻 而且午餐大大碟，價錢抵食，性價比真係幾高😀🐽乾炒豬扒公仔麵$54真心推介！👅 平時食乾炒豬扒公仔麵，最怕啲豬扒朝爭爭好似柴咁！🥲呢到豬扒仲好嫩好好味！😋公仔麵炒到好乾身，非常惹味！🫶🏻🍝肉醬意粉$48鍾意食肉醬嘅人一定唔可以錯過，勁多肉醬好入味，每條意粉都掛滿肉醬汁🤩 真係10分邪惡！ 如果過開嚟荃灣嘅朋友仔，真係不妨試一試！👍🏻

今日去探一個住喺荃灣嘅朋友，佢話要帶我哋食一間隱世冰室😆 仲話豬扒好正🤭 原來冰室係工廈地舖，唔係有人帶路，真係未必識入去試！🤭 但係入到去感覺好好，好整潔👍🏻我哋一行三人，叫咗三個餐！分別有椒鹽豬扒飯，乾炒豬扒公仔麵同埋窩蛋免治牛肉飯👅 朋友果然冇介紹錯，椒鹽豬扒肉質果然不錯，唔會好乾，有少少肥超正🤩 而且好惹味👍🏻 另外炒公仔麵嘅豬扒一樣好食，公仔麵面底夠乾身！都值得試吓☺️ 窩蛋免治牛肉飯醬汁超級多，加埋蛋汁好好送飯🫶🏻 另外我仲叫咗一杯熱奶茶，茶味好出，高質素😋

份量夠大嘅食堂, 行過想食茶記一試無防🤟🏻『椒鹽豬扒』HK$75豬扒夠香口, 有鑊氣嘅豬扒, 配上大量脆卜卜炸蒜, 食落好惹味🔥『鮮茄肉片炒蛋』HK$67充滿屋企餸味道😲好多鮮蕃茄🍅唔係炒到爛個種, 肉片夠多🫴🏻一啲都唔鞋🫦蛋係滑蛋💋蕃茄汁夠多, 撈左唔少飯!!小菜加HK$8有飯嘢飲『日式海鮮炒烏東』HK$54海鮮係蝦仔魷魚仔個啲啦, 豉油汁炒!跟餐加左HK$10 奶茶紅豆冰, 同想像一樣, 勁好飲!!!! 紅豆夠爛, 啲味出哂嚟✨°°°°°°°°°°°°°°°°°°°°°°°°°°°°°°龍鳳食堂📍 荃灣沙咀道26-38號匯力工業中心地下3號舖#MrsLong #hk #Longs #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers

住喺荃灣嘅我近排先發掘到龍鳳食堂，覺得自己好outdated呀😂原來openrice勁多人讚佢款式多又抵食又好味，所以我都係唔執輸過黎食埋一份啦!!!好在喺non-peak hour成功過到黎，如果唔係就要等位喇。staff落單同上菜速度好高，覺得好強🤩💁🏼‍♀️肉醬意粉($48) - 肉醬好好好多，上碟果時直頭蓋過個意粉！捲起一柱幫佢影下相m可見份量有幾大份！蕃茄味調得剛好，唔過酸唔過甜，同埋唔只得醬，我食到有真蕃茄碎同頗多碎肉粒，呢碟意粉令我頓時胃口大增🥹😋💁🏼‍♀️乾炒豬扒公仔麵($54) - 數塊豬扒都煎至金黃，外表鬆化，內裏保持juicy!同樣地，公仔麵連埋乾蔥一齊炒至金黃，味道濃而不油膩。

南豐紗廠有個展好想去，行完之後搵下野食醫下肚，經過見到有間茶記價錢親民又有我想食嘅野，就走入黎try try佢😀兩個人share以下飯麵：椒鹽豬扒炒公仔麵窩蛋免治牛肉飯紅豆冰 唔知點解見到炒公仔麵我就雙眼發光好想試喇，果然我嗌得好岩，碟公仔麵超級無敵好食，係惹味呀！椒鹽好香，豬扒好香脆，厚得黎又咬落夠腍又有肉汁🥰窩蛋免治牛肉飯好多料，啲牛肉舖滿成兜飯，份量夠晒我地撈飯食。係非常開胃嘅選擇。一人一杯紅豆冰，要特意一提紅豆粒數量好多，真係每一啖都吸到紅豆，飲完好開心呀🥰