龍鳳食堂

營業中

休息中

今日你荃灣諗住去工業區嗰邊去探個朋友，佢唔得閒落嚟食飯，唯有我喺附近買幾個飯上去食。見到呢間龍鳳食堂第一個感覺比我係覺得啲炒粉麵飯應該係會好好食，所以我就揀咗幾個買外賣。第一個係好多人都鍾意食嘅楊州炒飯，楊州炒飯看似好簡單可以炒到，但係炒得又香又好味唔係人人做到，呢個飯食落真係有嗰種好香嘅味而且好多配料，第二個係星洲炒米，呢個星洲炒米，首先佢唔會炒到啲粉一嚿嚿，而且個辣度啱啱好，跟住我見到餐牌吸引到我嘅呢兩個係甜豉油滑蛋蝦仁飯、甜豉油滑蛋叉燒飯，我朋友一打開個飯盒就話好吸引，冇諗過連外賣上嚟都有好想食嘅感覺，呢兩個飯嘅甜豉油調到個味非常非常之正，而且個蛋係剛剛好唔會太熟又唔會好生，當然滑蛋同叉燒都係好味。