龍鳳呈祥火鍋雞煲

營業中

休息中

有咩爽得過凍凍地既天氣食返餐熱熱辣辣既靚雞煲 聽講尖沙咀有間80年代feel既雞煲火鍋 “龍鳳呈祥” 一直好想試，今次終於嚟試咗🥳一上到嚟環境超有feel，好似重咗時光機回到過去咁，超啱打卡！咁講翻重點 介紹翻啲食物先😙😙首先係個雞煲，呢度既選擇種類繁多連榴蓮雞煲都有😹超誇張，不過我今次都係選返佢地既招牌無骨雞煲。落單之後雞煲好快就準備好，伙計姐姐好耐心咁等你影相之後就會攪拌均勻然後開火，等到滾左就食得啦。招牌雞煲帶啲麻辣味，我地點左小辣，對於食得辣既我黎講，辣度啱啱好。重點材料雞肉整得好好食，雞翼起骨之後包住左啲墨魚滑成件事好夾好爽口。食到咁上下就可以加返雞湯/豬骨湯開始打邊爐啦！我地就選擇加左豬骨湯，湯底好濃郁混合左雞煲好入味。至於打邊爐既材料我地點左細既牛肉拼盤包括牛舌，骰子牛肉粒，雪花肥牛，牛毛肚，手切牛肉等等。每款牛都好新鮮，切得大小均勻，肥瘦比例大概7成瘦，所以口感非常好。尤其牛舌，真係好爽口。之後，我地都點左個沙爹牛肉餃，沙爹牛既味好出，餃皮亦啱啱好唔會太厚，令到餃子唔易爛但係又唔會影響口感，推薦鍾意食沙爹牛既朋友一定要食。我地仲嗌左芫茜墨魚丸，啖啖芫茜味超好食超啱我地呢

天氣keep住凍，同一班朋友聚下舊，一定係要食雞煲火鍋！餐廳就好似時光機咁，帶我地番去70-80年代咁。餐廳佈置好有心思，四周都擺放咗充滿回憶嘅物件: neon燈牌、留聲機、雀籠等等，有好多打卡位呀🥰<招牌無骨鳳翼釀雞煲>辣度係可以自選嘅，我地揀咗中辣，侍應一打開嗰煲就香到不得了，雞翼入面釀咗墨魚滑、蘿蔔絲、西芹等等，非常之惹味(雞翼係無骨嘅，好適合我🤣)！要讚一讚個汁，好濃郁好香口。<海鮮拼盤2人盛>海鮮好新鮮，有扇貝(好爽口)、中蝦、大硯、蟶子！<頂級安格斯牛>推介！牛肉條理分明，充滿油脂香味，而且牛味好濃郁，淥幾下就食得，入口嫩滑！<豬骨濃汁貢丸>一咬就爆汁！推介！!<唐生菜><醬料>

今日去到龍鳳呈祥火鍋雞煲度食晚飯未嚟之前已經上網睇過唔少食評知道有好多名物同埋環境都非常特別 佢嘅室內設計主打懷舊感 除咗環境之外佢用嘅碗、碟、筷子、水樽等等都係用上60 70年代嘅器具 俾人有時光倒流嘅感覺我哋除左叫左招牌無骨鳳翼釀雞煲 先講呢個雞煲 非常值得一讚因為佢用上無骨雞翼 食落去啖啖肉 湯底亦非常惹味另外叫咗幾樣嘢食即炸響鈴即炸響鈴真係邪惡得黎又拒絕唔到 每次都要食兩三件先會停口 珊瑚蚌一個字新鮮同湯底係非常之夾竹蔗茅根竹蔗茅根飲得出係自己煲 甜度適中蜂巢豆腐蜂巢豆腐係其中一樣必叫佢食物因為可以吸哂所有嘅湯汁一啖豆腐一湯汁非常惹味頂級安格斯牛肥瘦適中 肉味特濃 好出色下次再嚟試過其他食物

話說前排一不小心就中咗COVID🥹喺屋企攤抖咗一星期之後出關第一件事緊係要食餐好！😤決定去呢間氣氛超好嘅雞煲火鍋店🍲野食好食之餘仲有不停播放經典懷舊金曲🤩個vibe超正！🙌◍「半斤二人餐」👯‍♀️ $198假日嚟都食到二人餐😻已經包咗一個足料湯底、兩款配料、一份蔬菜同兩個飲品 仲有碗白飯！🍚真係超抵食😋◍「龍鳳呈祥牛肉拼盤」🐮 $338想食牛又想食多啲款嘅朋友叫個拼盤就啱晒😎份量超多咩款式都有啲 仲要款款都好新鮮呢！🫶◍「牛黃喉」🐂 $88唔係好多地方有得食黃喉 所以一見到一定要試🤩黃喉食落超爽口 口感好特別！🤤◍「山水滑豆腐」🤍 $28豆腐食落都好滑呢 配埋椰子雞湯食剛剛好☺️◍「鮮蝦鳳尾餃」🦐 $78另外餃子方面可以一試呢個鳳尾餃 毎粒餃子都有一大隻鮮蝦 超級足料！💖📍龍鳳呈祥火鍋雞煲 (尖沙咀) #lala_foodie_tsimshatsui 尖沙咀加拿芬道16號金輝大廈2樓

牆身的格仔牆壁、婚禮的怖景、大排檔圓枱、餐具及食物容器，均以懷舊香港作主題🇭🇰甚有風味🔸招牌無骨鳳翼釀雞煲 已去骨的雞翼🐓釀入蔬菜粒及墨魚滑，啖啖肉食落好滿足，秘製醬汁加入花椒八角等香料🌶️十分惹味食完雞煲可以加雞湯或者豬骨湯打邊爐🔸即炸響鈴 每次打邊爐都必點嘅響鈴，淥一淥就食得，新鮮即炸食落香脆🔸日本稻庭烏冬烏冬正常發揮，食落口感彈牙🔸頂級安格斯牛肥牛牛味香濃，油脂分佈平均🐮設成薄片，入口即溶🔸龍鳳呈祥海鮮拼盤兩人盛拼盤有帶子、蝦、聖子、蜆，十分豐富

今日嚟到尖沙咀，是一間新餐廳，主打火鍋雞煲，天氣咁凍，當然係要試試佢。餐廳環境走懷舊風格，非常之有懷舊味道，同餐廳名非常配合，除咗食嘢之外，打卡一流。首先叫咗一款招牌無骨鳳爪，一上菜已經俾個煲吸引住，而且味道非常好食，果然係招牌菜之一，鳳爪夠晒入味，夾埋好多配菜，作為開胃菜一流。打邊爐方面，特別推介安格斯牛同埋珊瑚蚌，兩樣都好好味，打邊爐超一流！仲有即炸響鈴，條條即叫即炸，保證新鮮又夠脆！食打邊爐最驚就係熱氣，好彩佢哋有自家製竹蔗茅根，淨係個樽都夠晒特色，飲落好清新舒服！

-龍鳳呈祥火鍋雞煲🍽-冬天最岩就食雞煲打邊爐！呢間位於尖沙咀新開龍鳳呈祥好特別成間鋪頭都係用懷舊復古主題裝飾連裝食物既器皿都係6/70年代既款式🤣-秘制黃蜆惹味辣雞煲 $248黃蜆勁大隻😍粒粒都勁甜而且冇沙😉加埋雞煲醬勁惹味😋2個人半隻雞都夠食因為仲會叫d配料繼續打邊爐😌雞件都好嫩滑加埋辣既雞煲醬好食到停唔到🤣入面仲有d支竹同菇索哂汁勁入味！-手打海量芫荽墨魚丸 $78如果鐘意食芫荽既人必點！成粒墨魚丸變左綠色🤣每一啖都勁重芫荽味😋-即制回味五香肉丁餃 $78第一次食五香肉丁餃好特別🤣不過個餃子皮就略厚如果薄 d就更加好味😉-香脆厚切午餐肉 $58打邊爐就一定要午餐肉！而炸過既午餐肉係100分🥹-鬼馬油炸鬼 $68呢個真係好食到不得了！油炸鬼入面釀左蝦滑😍放落個雞煲醬湯勁入味但油炸鬼仲脆！-西班牙黑毛豬 $168黑毛豬一卷卷擺到勁靚😍黑毛豬好嫩滑肉質望落好似肥牛咁🤣-萵荀 $38重口味既醬配萵荀真係冇得頂😋爽口既萵荀係更爽甜😌-薯粉 $28薯粉食雞煲真係絕配😋薯粉索哂雞煲既汁煙煙韌韌既口感真係好正！識食一定食薯粉🤣-自家製陳年咸檸七 $38佢個杯勁搞笑真係好懷舊😂咸檸七酸酸甜甜幫助解膩

平時同朋友最鍾意發掘新餐廳，特別喜歡特色嘢，呢間餐廳新新地，朋友話個環境好懷舊，係香港舊式酒樓，食好嘢之餘仲可以打卡，一於做潮人搶先幫襯一入去去，見到成個佈置都係70年代舊香港嘅酒樓(我都係睇電影先知係咁架咋🙈)有留聲機，舊式圓枱摺櫈，古舊嘅牆磚，仲有以前細個成日見到嘅xx聯婚，有龍鳳佈景，真係處處都係精心佈置嘅打卡位😀呢度主打雞煲同打邊爐，緊係試招牌無骨鳳翼釀雞煲(細)，特別之處係成煲用哂無骨雞翼，入面釀咗墨魚滑，有少少紅蘿蔔絲，啖啖肉，雞肉多汁，墨魚夠濃味彈牙，加埋雞煲醬集甜辣於一身，勁惹味同食得好爽食完雞煲就加豬骨湯打邊爐，叫咗龍鳳呈祥海鮮拼盤兩人盛，有4款海鮮，蝦、扇貝、蜆、蟶子，雖然份量唔算多，但勝在新鮮，打邊爐最緊要食材新鮮嘛豬骨濃汁貢丸都值得一試，好彈牙一咬就咇汁，所以要小心唔好彈到隔離位，仲點咗即炸響鈴同安格斯牛肉，都冇令我哋失望，響鈴就咁食好香脆，放入湯兩秒即拎起，索咗湯汁又另一感覺。安格斯牛肉切得好薄，淥一淥就食得，牛味濃，好食自家制竹蔗茅根，食熱氣嘢都係飲啲下火飲品好啲🙈叫咗呢個竹蔗茅根，唔太甜又夠味，好飲餐廳除咗環境懷舊，仲會播返以前80年代啲舊歌，鍾意特色嘢嘅

26/12晚幫襯, 即日都book到枱真係中伏了, 除了雞煲本身味道ok, 其他叫所有嘢都好差！質素有如平價任食邊爐, 性價比是十分低！我哋一人食咗五百蚊, 呢個價錢係尖沙咀有好多好好既選擇......

天寒地凍,朋友gathering最啱就打邊爐。呢間餐廳新新地，地點方便，尖沙咀mtr B2出口行3分鐘就到。裝修又有特色！影相背景都靚！一入去呢間餐廳,就見到好似以前七八十年代，中式酒樓嘅一龍一鳳紅背景， 仲可以換上面既姓氐，整個XX聯婚嚟打卡，玩味十足！店員好好，見我搵緊d姓氏牌，會好殷勤咁過嚟幫我搵。服務抵讚👍餐廳四周圍都充滿7、80年代懷舊香港風味，處處都係好好嘅打卡地方！裝修真係好有心機！連天花板都上面吊著一個個鳥籠，連鳥籠入面啲杯都齊曬！好有心思！🤣講返食物，呢度主打雞煲火鍋，日本廣島蠔雞煲 （一隻雞） $298服務超好,上台嗰陣會幫我撈一撈,會計好時間，一分鐘後食得，夠鐘又會專人過黎開蓋，幫我撈一撈。湯底係沙嗲基底風味，香辣微甜，味道真係好惹味，我地叫左中辣，但都嫌唔夠辣，所以如果食得辣嘅話，可以嗌大辣！叫左1隻雞，份量真係好多！配料仲有支竹、洋蔥、菇、荀，2個人食到反艇！🤣建議2人叫半隻雞好了。食完雞可以加湯打邊爐。加湯可以選擇加雞湯或者豬骨湯。揀左豬骨湯。唔使諗太多，簡單地就叫左龍鳳呈祥牛肉拼盤（細）$338牛肉拼盤個賣相好靚，用料都豐富，有齊：牛柳粒、牛胸爽、牛柏葉、

冬天最好的節目，便是吃火鍋，今晚路過尖沙咀，便到這裏一試。秘製微辣雞煲半隻198，雞煲上枱的時候未全熟，侍應吩咐要3分鐘之後才可進食，果然3分鐘之後侍應便回來為我們將雞煲攪勻，香氣滿溢。雞煲的配料十足，雞件帶著濃郁的醬料味道，雞肉鮮嫩美味，帶點微辣。手切本地牛肉$228，牛肉的紋理好像大理石一樣，脂肪和肉質分布均勻，鮮嫩美味，是近期吃過最美味的牛肉。👍👍👍👍👍龍鳳呈祥蝦餃$108，用水餃皮包裹着豬肉和原隻海蝦，爽口中帶點豬肉的香氣，是自家製的代表作。自製陳年鹹檸七$38，鹹檸七的鹹酸味，混合了七喜的甜味，非常美味，是火鍋必點的其中一道飲料。豆苗$68，味道鮮甜可口，沒有渣滓，雖然份量不多，只是貴精不貴多。萵筍$38，放在火鍋來短時間，吃到爽甜的萵筍，如果放在湯內久一點，便可吃到軟冧美味的萵筍。醬料每位$24

獨家75折/懷舊風打邊爐入冬時分 有乜嘢好得過打邊爐🍲 推介呢間開張幾個月 充滿七八十年代港式懷舊feel嘅雞煲火鍋店 裏面勁多復古打卡位📸 憑呢個帖文 喺12月到店舖頭幫襯 晚市有75折😘😘-🥘無骨鳳翼釀雞煲 $278🥣素翅 $48雞煲款式多 有期間限定榴槤辣雞煲☺️ 而呢個招牌雞煲嘅鳳翼 件件飽滿 裏面釀咗蝦滑紅蘿蔔🥕 食到咁上下 加素翅再撈埋醬汁煮一陣 更有風味-🐂牛肉拼盤 $338/細🥠牛胸尖 $98Part one食雞煲 跟住打邊爐 同埋要有牛肉😈🥓雪花肥牛唔多肥膏 紅白條理分明 入口有油脂甘香 牛肉味濃 蘸辣椒豉油食更加正🥓骰仔牛柳粒 滾耐啲都冇所謂 肉質唔嚡 充滿嚼勁🥓薄切牛舌片喺熱湯中 來回掃幾下就食得🥓牛胸尖柔韌而有口感-🥟沙嗲牛肉餃 $78肉餡唔係剁碎免治牛 係真材實料沙嗲牛肉片😘 一啖咬落去 爆汁惹味 推薦‼️-🥗雜菜拼盤 $128賣相靚到不得了 唔打卡就嘥晒-🍋鹹檸七 $38陳年鹹檸檬係自家浸製 貫徹懷舊老派色彩

呢間火鍋店係行懷舊港式主題,佢嘅裝修就已經好有心思,就連餐具器皿等等都係行懷舊風,可見店家都好注重細節~除咗有多個打卡位之外,我覺得呢間火鍋店嘅食物質素都係幾好👍日本廣島蠔雞煲（半）小辣（可以自由選辣度） $248佢呢度係有出特色雞煲,例如係榴槤雞煲🥘不過我唔食榴槤就冇叫😜於是就試下佢哋嘅廣島蠔雞煲,煲入面有四隻蠔,隻隻都好肥美🦪而雞煲就好惹味,入面係加咗八角、洋蔥等配料,小辣嘅辣度係連女仔都可以接受,越食越辣越過癮牛肉拼盤（細）$338唔好睇佢話係細嘅牛肉拼盤就以為好少肉,肉嘅份量係相當充足嘅~牛肉嘅質素不俗,有香濃嘅肉味,大啖大啖咁食沾滿雞煲汁嘅牛肉真係好正🐂如果鍾意油脂香嘅,就一定唔可以錯過拼盤入面嘅牛腹尖😋經典沙嗲牛肉餃（6粒）$78鮮蝦鳳尾餃（4粒）$78我哋分別叫咗兩款手工餃,都係相當有誠意嘅,其他地方一定食唔到。一咬落去沙嗲牛肉餃,沙嗲汁就必哂出嚟,入面嘅牛肉都好香。而鮮蝦餃嘅鮮蝦就爽嫩彈牙,不過個人都係覺得牛肉餃正啲😝「豐盛」雜菜拼盤 $128平時出面食嘅雜菜拼盤都比較普通,但係呢度嘅拼盤竟然係有心心白蘿蔔,賣相吸引,所有菜都非常新鮮總括嚟講,龍鳳呈祥嘅收費相宜,食材新

趁着踏入12月天氣再轉涼得十幾度💨，冬天來嘅時候去烚下烚下🥢。「龍鳳呈祥🐲」係位於尖沙咀70-80年代港式樓上懷舊主題雞煲火鍋店。店內門口設有大量巨形霓虹燈牌、復古茶具、畫作、等打卡位📸🤩 餐廳提供多款雞煲火鍋，包括：期間限定 榴槤惹味辣雞煲、招牌無骨鳳翼釀雞煲、秘製鹹蛋黃醬雞煲 及 惹味雞煲翅(素翅）等。.《🔥秘製榴槤雞煲》🐔🥘 $248⭐️期間限定 ⭐️你冇睇錯，係榴槤！非常特別！第一次見到有榴槤雞煲呢樣嘢😍 鍾意食榴槤嘅我一嚟就唔使多諗揀咗呢款！有成三大嚿榴槤🤤 一開頭職員幫我哋整熱啲雞同榴槤，撈埋一齊勁香濃！榴槤勁甜，雞煲可以揀唔同辣度，我哋叫咗bb 辣配埋榴槤嘅香非常夾！未開蓋都聞到榴槤嘅香😆 入邊仲有紫洋蔥、薑、蔥花，雞件好滑，仲有幾舊雞翼🤫 食完之後可以揀雞湯/ 豬骨湯，再打邊爐🍲《牛肉拼盤》$338 🥩有選擇困難症嘅你必叫！牛擺盤好靚，有摺成玫瑰花🌹樣嘅牛，有高至低適合打卡😎 又可以食到牛唔同嘅部位🫃🏼 包括有牛舌、牛頸脊、牛柏葉、一口牛、雪花肥牛、牛胸油。雪花肥牛花紋分布均勻，有豐富嘅油花，牛味濃厚同鮮嫩。牛柏葉爽口，好新鮮。牛舌薄切，口感豐富。《經典沙嗲牛肉餃（6粒）》

餐廳環境玩味十足，以70-80年代港式懷舊做主題，店內有大量霓虹燈，打卡影相一流。主打雞煲火鍋，例如有榴蓮雞煲🤣😍但今次我哋揀咗試試火鍋先！✦ 清熱椰子雞鍋火鍋湯底選擇極多，椰子份量極多，椰味香濃。雞就揀咗半隻，雞肉好嫩滑，吸收湯底精華，好惹味😋✦ 牛胸尖第一次見「牛胸尖」呢款菜式，又名牛胸油或牛白肉，係牛胸前肋骨上的一塊筋膜肌肉。一隻牛只有一塊牛胸油，非常珍貴，質感爽口，又富油，推介必試👍🏻✦ 酒香陳年花雕浸牛肉見到菜名已經好想試，平時成日食醉雞翼、醉豬手，反而加花雕牛肉第一次食😍一上枱已經聞到好香濃嘅陳年花雕，每一片牛肉沾滿了花雕味道，同時又沒有蓋過牛肉的鮮味，推介必試🤩✦ 龍鳳呈祥手打鮮蝦丸手打蝦丸爽滑彈牙，蝦肉好鮮甜✦ 手打海量芫荽墨魚丸芫荽控必食推介，芫荽份量極多，每一啖都可以品嘗到芫荽，墨魚丸同樣好彈牙👍🏻✦ 龍鳳呈祥豐盛雜菜拼盤 別具心思雜菜拼盤，將白蘿蔔切做心形，又用竹籤將部分蔬菜叉住，好似一串串燒擺盤，好得意。