龍邦燒味小廚茶餐廳

營業中

休息中

上環返工個同事極力推薦！每到lunch或者夜晚收工之後都可以見到門口一定有人等緊！可見佢味道品質係保持到乳豬三寶飯$67乳豬皮脆肉嫩，要落去咔咔聲！最推薦叉燒肥美軟淋，我最愛燶邊叉勁邪惡勁好食，叉燒整體偏甜好多蜜汁，好送飯，即使外賣返屋企，味道都一樣咁好叉燒65/斤仲可以買40蚊咁，收銀姐姐都好好人，話俾佢知你幾多人是，佢會推薦適合嘅份量你，唔洗勁驚買多買少❤️米飯可以轉粉麵河粉勁大碗，食完好滿足，仲有例湯或者熱飲可以揀

呢間食過好多次，可以話食十次，有七次都係嗌乳豬三寶飯！因為抵食！先講乳豬，皮脆微暖肉嫩，有時候咁岩嚟到師傅岩岩開豬既話，真係特別好食。叉燒，似係用梅頭肉整，非常之淋，味道亦好正常，正常味道。但就唔好預賣相好好，因為佢太淋既關係，斬出嚟加埋師傅有少少襟上去飯面，好多時都散收收既（d叉燒邊位）。油雞就正正常常，味道ok唔會浸到d肉好實。$67個乳豬三寶飯，我覺得好好食，雖然係內街入少少，如果你好鐘意食燒味，經開可以去試下！d茶啡就好普通。薑蓉梅醬乳豬醬，又會分開比你，我覺得幾好！如果去食下午茶，燒鴨瀨粉果類，就建議嗌正價喇，燒味份量同粉既份量亦較多！！試過廚房炒粉麵亦不錯，有樣野要留意，佢餐廳入面地下……好跣，記得慢慢行。

成日會掛住呢度嘅燒味飯最最推薦叉燒同乳豬叉燒肉質軟腍少少燶邊就算偏瘦嘅叉燒都一樣腍身印象中冇食到過又乾又硬果啲叉燒呢度嘅乳豬令我諗起西班牙菜嘅suckling pig係厚身dd嘅乳豬中間有一層肥膏我通常唔食每件乳豬皮都真係超級脆茶餐廳環境茶餐廳服務燒味真係做得幾好價錢合理朋友第一次食都覺得好食外賣飯盒大約平～$10所以外面成日有人等緊外賣🔘乳豬三寶飯 (乳豬/叉燒/豉油雞)🔘燒味雙拼飯 (叉燒/燒鴨) (lucky俾咗鴨髀我哋😋😋)

夜晚冇嘢做 聽人推介 叫咗個四寶飯 包括油鴨髀、鹹蛋、叉燒同燻蹄 。隻鴨俾佢唔會好肥但肉唔夠多 個皮好味好香 。叉燒正 燒得靚。燻蹄就其實我唔係好啱，食咗OK啦 人生都冇食過令我覺驚艷既燻蹄 ，定係我本身對呢樣嘢都麻麻哋呢唔知 。 最後隻鹹蛋真係好鹹 啲飯食到得返少少最尾消息鹹蛋喊到PK 不過我都係講廢話 鹹蛋唔喊乜狗鹹蛋要到杯凍啡走甜冇乜特別。買單晚市$70 。價錢正常囉上環區食晚飯想要幾錢姐不過佢啲燒味水準都算係咁㗎喇。得閒想食個快頹飯都可以去

我地嗌左乳豬飯 佢比左啲邊邊位肉我地我地同佢講 佢再後補兩舊正常既乳豬肉比我地唔係出名好食就咁巴閉下麻？前事等左半個鐘 佢話回爐燒緊有相為證出面既餐廳 既乳豬絕對唔會係咁樣！

每次做完facial，喺上環搵嘢食都真係幾辛苦(冇咩嘢啱我食)。 自從上次同做facial嗰個姐姐講開下面間燒味店，佢教路話原來好多人幫襯之後。終於，我又再嚟食多次。 上次我個friend食咗佢哋嘅乳豬飯，佢話超級好食，而且份量大件兼抵食。由於我唔係燒味熱愛者，我唯有選擇佢哋嘅常餐同埋炒粉麵飯。 今次我個friend encore咗乳豬油雞飯，我就叫咗肉絲炒麵。 但係由於太多人嘅關係(好多人都係幫襯佢哋嘅乳豬飯)，我個炒麵到咗，我個朋友嘅雙拼飯都未到，嬲到佢咕咕聲。 不過其實我覺得係miss咗佢張單(因為遲嚟客人都已經有得食🤷🏻‍♀️)，結果我哋摧一摧之後，個侍應好快就拎咗一碟雙併飯嚟。 我個friend話啲乳豬感覺唔新鮮(啲皮淋嘅)，同上一次食爭好遠，加上啲雞又少，佢就好後悔😂兼且佢食咗我個肉絲炒麵之後，覺得我個炒麵更為出色(好有鑊氣，同上次差唔多)。價錢合理，但燒味質素參差。或者，應該要再比多一次機會佢。

🍪【#上環】【糧尾精選】龍邦燒味小廚茶餐廳 Dragon State Kitchen Restaurant💥陳凱琳最愛龍邦叉燒💥.🍪睇完雪姨實測全港5間最好味叉燒，就去咗試陳凱琳最鍾意嘅龍邦叉燒！😎等我同再興叉燒比較下啦😋龍邦叉燒的確好出色，更加濕潤有光澤✨肉質都好嫩滑，調味更加甜~ 想食邊間就要睇個人口味，我都係鍾意再興多啲，個邊更脆！🥰.✧Together with Snow E the youtuber, 👸🏻Miss Hong Kong Grace Chan declares Dragon State Kitchen Restaurant is her favourite Char Siu place in town, aftering trying out 5 reputable restaurants. The Char Siu is undoubtedly drool-worthy, moist and tender😋. The seasoning is more honeyed than that of Joy Hing’s Roasted Meat. However

之前喺YouTube睇到陳凱琳推介呢間燒味店嘅叉燒， 已經好想試。咁岩喺上環又有啲肚餓，就去咗呢間燒味店食晚餐。佢嘅燒味飯餐有好多唔同嘅拼法， 諗咗陣之後決定試佢嘅乳豬三寶飯。乳豬飯唔係間間燒味店都有， 就算有價錢都唔平。而佢呢間乳豬三寶飯只係$67， 仲有跟餐湯或者飲品，真係好抵食。 本身就想食佢嘅叉燒先至嚟，所以呢個三寶飯我就揀咗乳豬拼叉燒燒肉飯，做咗超級食肉獸。 落咗單之後好快上餐湯， 超級鹹飲咗兩啖就頂唔順講返個三寶飯，份量超級足， 燒味大大嚿同埋飯嘅量都好多，已經叫定少飯，都仲係好多。 最出色嘅都係叉燒， 一嚟到已經聞到好香， 邊位燶燶哋香脆，叉燒汁好夠甜，鍾意食偏甜嘅叉燒一定唔可以錯過。 至於乳豬同埋燒肉呢， 都係偏瘦， 味道不過不失，同其他燒味店冇咩大分別。下次嚟嘅話我可能揀單拼叉燒飯或者就咁叉燒。

今日lunch揀左龍邦既乳豬拼叉雞飯份量多，一定夠晒飽乳豬仲好脆，唔會太肥叉燒有少少焦香味切雞多肉同好滑雖然外賣都成$65，少貴，但係水準非常高店舖都好好生意，買外賣可以打電話落定單

今日去到上環呢間非常出名既龍邦燒味，幾乎每日午餐時間都係排哂長龍，等外賣同埋堂食既人絡繹不絕，今日就來一試究竟。故意點左個切雞燒肉飯，份量非常多，蔥油、飯、燒味都極多，到最後食剩半個飯！$50幾蚊，切雞爽滑，但略嫌太多骨；燒肉就比較韌啲，啲燒肉皮都比較硬，冇咁好食。我覺得呢間最主要咁受歡迎都係因為平民餐廳，夠平、份量夠多、味道就一般般未係非常好。不過呢間野非常忙，忙既餐廳有個唔好既共通點就係：食物質素、顧客體驗比較差啲，收銀忙個不可交加，我地落單都要排隊等幾個字，落完單再等拎都要等起馬10分鐘；就算係打電話去，佢都係好耐都冇人接聽，就算有人接聽，都係接聽左後，要你再等5分鐘！所以建議11點半打去落單就最好。

🔹肥叉燒 $60 非常普通的一份叉燒 不算得上是好吃只有幾塊肥叉 其他全是瘦肉肥的那幾塊也不香 沒肉香和脂肪香蜜汁太甜了 掩蓋所有味道而且叉燒也太鹹整體的味道不搭配

這個月在上環工作，咁啱去到這間茶餐廳，門口望落去，是一間普通燒味茶餐廳，起初入去食早餐，都已經覺得幾好，中午去食飯，發覺這間茶餐廳，中午飯的味道都幾好，款式又多，然後有一天，收工專登去食晚飯，這間餐廳的燒味，非常突出，叉燒夠林，脆皮燒鵝，非常入味的豉油雞，所以這個星期，我早午晚三餐都係嗰度食，出奇地這間餐廳收10點，8:00居然有出爐叉燒，原來這間餐廳的燒味，好多人排隊買外賣，外賣的人居然多過堂食的人，這是好難得，特別推介，乳豬四寶飯，豉油雞髀四寶飯，價錢平足料仲要好好味，可惜我仲有三日，就去第二個地方工作，不過我有時間一定會過來食，這間餐廳的燒味水準，好過柴灣新桂香。

上環地鐵站附近有間叫龍邦燒味，網上盛傳係全港最好食叉燒頭五位，今日一於試試。早上11:45堂食外賣都唔算多人，咁就決定外賣，叫咗個半肥义油雞飯走胸，飲例湯，合共$45蚊。沒有因為佢網上嘅盛傳而收天價，以中上還來講算合理價。五分鐘路程返到公司，打開盒飯有啲失望，因為盒飯已經唔算熱啦，只可以話係微暖，連例湯都係一樣。如果食燒味飯其實希望啲飯熱焫焫咁就會開心啲。講返個燒味，雖然叫咗半肥瘦，但點睇都唔係半肥瘦啦，咁又唔係好韌，都有少少肥膏，好處係夠諗，味道還可以接受。油雞顏色深，有玫瑰露嘅香味，但淋響上面嘅薑溶只有蔥，完全冇薑，這點要扣分。其實好多時網上話全港點樣點樣好食嘅燒味，又唔係話講得過分，不過根本就係要睇師傅切嘅部份。整體來講叉燒好過油雞，未至於一食就驚為天人，但係好處就係夠諗，都收貨啦。

The Michelin Guide. Sometimes I'll try to visit a place listed in the guide. One such place is 新園興記燒臘飯店 (English name: Sun Yuen Restaurant). Listed as a Bib Gourmand, the place has been around since the 70s. A regular Hong Kong style roast meat place, it's often very busy. And we were curious. Why the Michelin recommendation?The place is definitely not fancy. Just a regular old style roast meat restaurant. The menu is English and Chinese. There is no 10% service charge. Along with roast meat ite

午餐時間一定大排長龍，等外賣都要20分鐘，就知幾咁受歡迎。除咗燒味之外，其實佢啲午餐都好好味。唔明嘅係點解佢哋淨係收現金唔收八達通。唯一嘅解釋就係根本生意做都做唔切。