龍寶酒家

營業中

休息中

年尾，約好幾位由細玩到大既好朋友出來聚首，吐吐苦水，回顧2009的酸甜苦辣。大家在長沙灣打完波，就在附近吃，揀回一間在區內已有不短日子的龍寶酒樓開飯。龍寶是典型的街坊酒樓，在這裡吃飯，不會奢望吃什麼名貴/ 美味的食物，但這樣的環境氣氛，又幾親切，適合我呢類粗人。可選擇食小菜或任食火鍋，商議後大家決定吃小菜。隨便點幾個餸，再來個糯米飯，即可。部長推介例湯，不過大家都唔認為這裡的例湯會出色得去邊，還是算了。上菜速度幾快，不一會全部菜已上齊。先說橙汁脆蝦仁，鮮蝦絲毫不見爽口，亦沒什麼味道，完全要靠醬汁調味。還好，橙汁醬做得酸酸甜甜，這味菜才不致太差。另一味是西蘭花炒雞肉拼花枝片，這些雞片，皮多過肉，味道亦不甚美味；花枝片既不爽口，也不鮮，幸好是沒有腥味；最好的應該是西蘭花了，稔身，也不失爽脆。菠蘿咕嚕肉是我點的，醬汁偏酸，咬落仍幾脆，尚算鬆化，而且份量不少。伴碟既洋蔥和青椒就不行，如青樣不爽又不甜。也來個糯米飯，問部長三條友食細的夠唔夠，答案係想食多點就要個大既，想食少些就要個細的，大既就大份一點，細既就迷你一點。激死！大家都覺得捱了一年，吃豐富一點總好過唔夠食，就要了大的。上檯，原來份量真

今晚同屋企人, 一行六人去左呢間酒樓食, 聖誕節食西餐要搵位, 食中餐就大把位喇.第一次黎呢間食, 無咩期望, 只係同屋企人食餐飯, 發現個六人餐好抵食, 六人餐 $248 ( 六, 日, 假日) ( 平時仲平 $198咋)是日靚湯芝麻雞一隻京都骨蠔仔煎蛋大班二味賣相同味道都唔差架喎...份量都大碟架!唔通競爭好大? 要做到咁平既...我地另外仲叫左個砵酒焗蠔添...都有7隻蠔架...不過唔夠脆埋單 都係$ 52x除番開每人唔駛 $90 , 有雞有魚有蠔, 酒樓坐得舒舒服服..已算好抵了..屋企人猛咁讚抵呀!

105任食火鍋，相比出面的任食黎講算唔錯了招牌寫98蚊任食二個鐘，但實收105一位都係一般貨色，但肥牛，牛琍，同手打墨丸算是中上質素繕片，生蝦等基本野都算合格間野賣點係有枝裝汽水供應任飲：可樂，雪碧，芬達最受歡迎就係玉泉忌廉……好搶手雜牌罐裝啤酒任飲同埋每位送一隻燒乳鴿，一落單即出，燒乳鴿不錯，正！最抵讚的是65歲長者有優惠，平30蚊，鼓勵同長者一齊去！抵讚！記得多d同老人家一齊去！

平時都會到呢間酒樓飲早茶，不嬲都對呢間街坊酒樓無乜要求，但求就腳。今朝去飲茶，通常會上二樓, 雖然茶錢貴些，但因為不用搭枱，方便搵位，所以上去搵位，點知發現full哂，有d係一個人坐4個位的枱，有d係兩個人坐六個人的枱，既然無位，就去返一樓睇下有無位啦，都係無，到最後亞媽搵到二樓的台。坐低後，叫極人都無人執枱，大約等左三分鐘，終於有個身穿類似大家姐既服務員，當時佢都拿拿臨執枱，之後有另一客人走埋黎問有無位，呢位大家姐就問我介唔介意人地搭枱，我咪即刻話如果搭得枱咁我頭先就唔駛搵咁耐都無位啦....點知呢個大家姐就話"宜家咪問你介唔介意囉" 咁既態度真係令人忿怒，明明呢層樓既係唔俾搭枱, 咁問我做乜呢，仲要話我兩個人坐6人枱，呢d關我咩事呀，係間酒樓規定二樓係唔設搭枱，咁做乜要問，仲態度咁差.....唉.... 跟住有個waitress仲話同果個客講係因為我介意，所以唔可以搭枱喎...咁都得...真係窮區cheap酒樓，態度果然一流!

海蜇燻蹄: 份量足的冷盤前菜;咸菜胡椒豬肚腸湯: 如再多點胡椒味會更好呢;豉椒炒花甲蜆: 很入味! 超讚脆皮燒雞: 皮脆肉略乾;鮮鮑魚: 煙韌有咬口, 不錯; 芝士海鮮焗伊麵: 份量超足, 配上墨魚, 蝦, 魚柳, 桂花蚌, 芝士味濃, 讚碧綠扣鮑螺片: 爽脆的油麥菜;祝壽桃包: 蓮蓉咸旦內餡, 香甜又軟熟! 讚附送糖水: 紅豆沙~

見呢度飲茶有唔少劣評，但係佢既火都唔錯喎！任飲任食，每位$121，每位都送一隻乳鴿@@火鍋料都好新鮮，d丸都係手打既，幾彈牙。有玻璃枝裝汽水，啤酒，雀檸，竹蔗水都有得任飲.....仲有各種調味配料任用~推介：豬頸肉,竹笙

之前都會來這裡飲茶, 因為阿媽貪早茶有特價飯食, 後來轉了新地方, 星期日看到樓下大大隻字有什麼特價雙拼點心, 又看看有沒有新點心食~侍應要叫很多次才會應, 態度散慢得很。點心紙換上全新的, 加上大量圖片, 但點心欄少了很多很多, 連以前最基本的蒸饅頭, 炸雲呑也不見了.......白汁焗海鮮盒 : 只是微暖, 沒有一點酥脆, 上面層皮仲好似有少少隔夜的怪味, 入面有蝦仔, 魷魚粒, 少少雜菜, 因為個酥皮令好難食！咸水角拼春卷: 咸水角非常迷你, 春卷炸得唔夠脆, 裡面還有可怕的肥豬肉鮮蝦菜苗餃拼素菜餃: 以前都好中意這裡的鮮蝦豆苗餃, 豆苗新鮮, 蝦夠大隻。但現在的鮮蝦菜苗餃......蝦只有細半隻, 菜不新鮮, 還吃到很多薑絲, 好唔中意！素菜餃又有唔中意的韮菜, 可能因為要兩拼, size都細了很多.....新的點心換來再一次失望, 相片看似精美, 但吃過這餐後, 我想圖片都是只供參考而已~

上星期四去龍寶酒家飲下午茶.諗住拿拿淋落單叫嘢食,點知等咗好耐,嗰侍應都當我冇到.最後我忍無可忍,截住嗰女侍應,同佢講已經叫咗佢好多次,佢都唔不睬我咃.點知嗰姓羅嘅女侍應即時發難渣話:"你以為我好得閒咩".我聽完立即火都嚟埋,問佢算咩態度.佢不單止冇收歛,重話:"你咪投訴我囉".我見佢態度咁差,咪抄低佢嗰名.當時有嗰部長在場.佢不單冇制止嗰女侍應嘅惡劣行為,佢重同嗰侍應玩玩吓咁.當時我已經知道,投訴根本冇用.因為所有龍寶嘅員工,包括經理,部長,樓面,收銀,洗碗,廚房,清潔,都可能喺咁.唉,唯有怪自己去錯地方喇!貼錢買難受,下次冇交易!

原本去打邊爐，坐低開完茶居然收哂d茶杯，話唔係用茶杯。叫佢地俾水杯，就話水杯唔係用黎飲茶，咁都得? 局住同啤酒妹開兩支啤酒。之後等足45分鐘，一樣野都無黎，酒都就黎飲哂。又唔洗煮，執幾樣野要幾耐? 去問部長，佢居然質疑我地未坐夠45分鐘，叫我地等多陣，完全無解釋，亦無話幫我地追。我地話"幾分鐘即係幾多呀? 唔黎就走喇"，點知佢仲話"幾分鐘咪幾分鐘囉，想走? 好呀，埋左啤酒蔗水張單先好走。" ok，我地斯文人，俾多2分鐘佢，連啤酒妹都埋黎話點解咁耐，費事啤酒妹難做，放低幾十就走人。

食物和滾水在細小的巷子行走,常要人讓路,令人坐得很不舒適。最令人生氣的是部長的語氣和要求客人把桌子搬過點,好讓傳菜的通過,還話人不搬過的話會阻到人家!!天呀,根本就是他桌椅的排放有問題la!!難道要人坐在桌上飲茶來遷就他嗎??他還得寸進尺地說:酒樓梗係做生意ga la!!好像完全不稀罕你光顧咁..好了...唯有要求換桌,但看來會坐得更迫,所以都係算la..點知佢好寸咁話:你依家唔搬,咁你係唔係保證唔會再要求我轉位先??真的被佢激死我,直程覺得自己貼錢買難受!!以後一定唔會再幫襯!!><''

今早趁着紅假與家人一起飲茶，怎知飲到一肚氣！首先，老媽子開了四位茶後，發現是風口位，便想轉枱，嗰伙記就話唔轉得，好煩！咁老媽子唔吹得風，所以自己再找枱來轉啦！然後，就開始叫點心。點之，我哋舉咗點菜紙好耐，嗰副部長見到都冇回應，係，事實上佢幫緊另一張枱落單，但附近又冇其他伙記，咁佢仲要係副部長，照道理應該知要向我哋示意，等我哋知要等吓啦，佢不但冇咁做，仲要避開我哋d眼神。咁我哋都算啦，親自把點菜紙拿到佢面前，點知拎到去，佢又叫我舅父︰「你坐返埋去！」咁我舅父俾佢咁講，當堂臉目無光。轉頭嗰部長走過來，看看張紙就同我哋講︰「張紙(o麥)都冇填，點收呀！」其實只係冇寫枱號，咁我就話這些是佢填，叫佢講野態度唔好咁，咁佢話我點呀，我淨係話(o麥)都冇填ja。係又一單無禮貌的事件。再來，到點心來到了，來了一樣我無叫的點心，我就話我哋無叫喎。點知嗰個副部長拿住我哋叫嗰張點心紙走過來，指住咁話，拿，你哋畫咗架，二話不說就放下點心，連續講咗三次，係連續講，你哋畫咗架，好似來到證據捉犯咁。咁我就話你好高興喎。服務態度好的話，應該係問吓我哋叫錯咗，咁啱唔啱食，咁問先啱。佢不但無咁做，仲好大聲係我附近講是非，同

食任食火, 星期六日比平時貴10元, 即是58元, 另加湯底及茶芥等, 只係火每人約90元, 但我們加了兩隻扇貝做火, 算係ok啦, 另加一碟燒鵝例牌28蚊, 果然係28蚊貨式, 件件都好瘦, 但皮卻太多脂肪, 幾乎成碟都無食, 食物平平穩穩, 牛肉就幾好, 有好重既牛肉味, 可以一試. 包心頁丸也勉強合格.說件趣事, 我們入酒樓為晚上十時, 他們說可以食到十二時正, 但到十一時四十五分, 部長們談話內容, 似間接卻直接地趕客。甲說︰「關冷氣啦。」乙說︰「都未夠十二點, 唔通趕人走咩。」兩人大大聲地說, 擺明講比全場既人知, 識趣便快些走。還有一樣, 看清楚碗碟, 未必全部乾淨.

長輩生日，來這裏慶祝一番。晚市特價菜式有頗多選擇，加些海鮮和幾味小菜已經豐富得很。(1)川貝椰皇燉鱷魚肉湯($88)：分到9碗，味清甜，並非味精水。(2)片皮鴨(1食，$18)：當然不是在你面前片皮，不過賣相似模似樣，食落亦不錯，數過有16片，沒有將貨就價。(3)清蒸石斑($48)：我們7個人，可以給一條起碼兩斤的，甚具睇頭。(4)薑蔥焗澳洲肉蟹($6/兩)：蟹重斤二，計起來不過$100多一些。蟹肉保留鮮味，不為薑蔥味所遮蓋，是全晚我最滿意的一味。(5)菠蘿咕嚕雞($52)：雞炸得香脆，酸甜汁味道恰可，又是不錯的小菜。(6)豆豉蒜汁炒花甲蜆($33)：蜆不少，不過部分未開，而且汁太濃。(7)雲腿鮮冬菇娃菜煲($48)：是為了有菜入口而叫，普普通通。(8)蛋白紅米荷葉飯($50)：早知其他菜式分量不小，這個飯是可以不叫的，不過飯夠乾身，而且散發荷葉清香，所以一樣給掃清了。(9)祝壽蟠桃($30六隻)：部長醒目，主動給多一隻。白蓮蓉蛋黃壽包是軟熟美味，老婆最為欣賞。本來只送糖水或生果盤，又是那位識做的部長，兩樣都給我們。加兩支大喜力(@$14.8)，埋單$654，平均$100也不用，滿意極

這間龍寶洒家，完全係飲食業的害虫！食物一般！價錢不合理！特別係服務態度差勁到極點，開始點菜時這個部長都開始態度有點差，到上好菜時我食完個芝土焗龍蝦後，我問個部長條濕毛巾擦手，等了很久都未拿來，我又再次叫另一女部長拿，佢\答我冇毛巾，但我看到另一有毛巾，我質問女部長，為何另一有毛巾，妳說冇呢? 跟住女部長不耐煩的樣子！奇怪地收了個一濕毛巾，入茶水間，然後都不到8秒，就拿了出來給我，嘩! 我很害怕~是另一用過的，所以我沒有用到，太利普的事件開始了，我們食完，有一個男部長問菜到齊未，我說齊，跟住部長就收拾野~仲話送上生果盆潻!! 但等了很久都未到，就揮手叫其他員工啦~~ 點知Ｄ員工好似當我透明一樣完全不理會，但我就見到另外都送上生果盆，Ｄ部長仲同有生果的這有說有笑!咁就應該係熟客，好啦我終於問到一個黑色衫的部長，問佢\生果盆仲未上喎!點知佢\答我今日冇生果盆及糖水，仲話好忙乜都冇，咁我就質問佢\，為何另一有，我會冇我早過個問你架喎~跟住部長答我冇呀冇呀~全部送晒啦!!我就太激氣就罵他有冇病呀你，個部長仲答我係呀有病架我~咁就走去！好啦我們為有結帳走啦~~叫人結帳都好久未到，在這等的過程中，有

以前住個頭，之前佢係漢寶龍蝦，之後轉佢做。點心好多新鮮未見過的，而且都好好食，暫時未食過唔好食的食品。個炒米粉，好輕微辣，好醒胃！正！個炸菜肉片煲仔飯，飽都食光，少有咁好食～～佢仲有一味好好食的首本名菜叫芝麻脆皮雞，好食到痴線～～晚飯必食之選～～但係有一次較失望，果次隻雞有乜鮮味，好可能係雪藏貨，係果次有少少失望。但係我都比佢屬於好食～～因為佢呢間店真係好好食～～而且不貴，物超所值～