龍寶酒家

營業中

休息中

3/9/2016 和朋友去食生日飯，對這間酒家本已不抱甚麽期望，點知一試中招，簡直失望。朋友已一個月前訂左3圍，X先生拍晒心口話冇問題，會安排個好的坐位，點知去到等左一個鐘先有位，食物水準差都算，碗筷黏立立，職員服務態度極之差劣，連最基本的換碟也不做，問佢地攞碗仔食飯、麪都唔願做，一碗走天涯，重話你要咪攞比你囉! 即刻O 咗咀😈😈一句講晒，“不可一，不可再”

經常見到呢間嘅广告，好似好低！經驗話一分錢一分貨。今日星期日同家人試吓飲早茶，如果OK就下次食飯。一開始就有嚇人發現，D碗碟唔知有冇洗過？,但係肉眼所見就是一層極肥嘅油填滿表面！ 茶位9元但D茶差過大家乐免費送果D点左5款点心，差過街邊档。埋單竟然加13%小費 。最好嘅就係令我回憶返中學時代做暑期工時的舊式茶樓。個時我真的見同事用腳洗米，用生銹剪刀剪食物俾客食。好親切呀！

和家人去食個午飯，食物認真差，包點明顯不是即叫即蒸，相信是翻蒸，成個包都濕晒，叫個侍應換一個，點知回應話無問題喎，我地咁樣係唔會換，之後問個侍應攞碟酸梅醬，點知個侍應答我，你唔食燒鵝，唔會有酸梅醬，跟著問個部長，又答我話我地有規定的，無得換喎。咁我落去搵個經理問下，個經理又係支唔以對，示意佢地係咁，無問題喎。我以後請都唔會去。

上星期初，家人決定於龍寶吃晚飯預祝父親節，原因是88港元一隻燒鵝十分吸引！訂位的工序是由家人負責，小妹只需要負責吃便行了。本來並不打算在openrice打食評。無奈地，酒家由環境、食物質素到服務態度都非常令人咋舌。我實在不得不打一篇精而簡的食評評價一下首先環境，因為一行17人，餐廳應要求安排了2張細枱給我們。位置尚算寬敞首先是燒鵝打響口炮因為2枱分，所以每枱半隻。不知道是否因為88元的原故，擺盤也是是是但但、求求其其般。挾起時是可以清晰看見什麼為骨頭比肉大咬下去滿嘴都是油，而且鵝皮亦不停翻燒至煙韌無比。油膩感加上咬不斷的皮.. 那種感受真的燒鵝瘦得好像平常煲湯會在街市買的雞殼一樣… 不過比雞殼優勢的是燒鵝殼還帶皮的但是，88元，也真的不可以要求太多。因為，下列的"美食"真的……我們一行16~17人，有一名小孩。最後選擇了2份4人套餐加1隻燒鵝再加三道小菜首先是跟隨套餐的燒味拼盤叉燒和燒鴨我沒有機會嘗試過，不予置評切雞相當之鹹，不過都尚算嫩滑海蜇就一般貨色，沒什麼味道亦沒什麼可取之處燒肉，也如切雞一樣，非常鹹然後是這道，我也不知道怎樣形容擺盤，很明顯地是沒有花過任何心思味道則普普通通，不

因為親戚生日, 去了龍寶酒家開了兩圍來食飯慶生!味道就一般, 服務係好差!!! 好, 我分開兩樣來講:食物質數普遍, 好多大酒樓都會做得好過佢......乳豬: 佢SELL原隻上, 要自己剪, 呢個算合格, 外皮脆口, 肉質肥厚, 油膩感重.白切雞: 好咸, 肉鞋口. 炸蝦球: 即炸, 味道正常, 但蝦肉份量好少, 用上大量粉漿去炸, 有杏片其實都幾好, 脆口!炒麵: 凍既=.= 所謂的海鮮料只係蜆仔、蟹柳、魷魚BB, 材料少又唔新鮮, 唔好食.......魚: 蒸太耐, 魚肉已經UN左咖哩煲: 試一啖已經無人再食，味道可想而知!!!!粉絲扇貝: OK, 合格.醬油蝦: 偏咸, 1/3係死蝦, 所以會痴殼, 份量係多既, 但味道一般般.另外, 最令人不滿意既係服務!!!!!!!!!!!!!!多次明示暗示我地兩張檯阻住佢地做野, 因有親戚遲來, 我地已經一早同侍應交代要遲一點才上菜, 而酒樓本身沒有時限的, 侍應多次非常不友善咁話我們阻住晒! (其實我都唔知阻住佢咩野, 酒樓當時仲有1/2吉檯的!!) 到上菜時又黑口黑面, 因有小朋友在場, 叫她不要在小朋友那邊上菜, 她反而怒啤我們,

街坊價錢，超抵食$68足料翅真係好夠份量!好大梳翅，火喉十足，有响螺和金华火腿，翅爽口彈牙，湯味香濃，只可惜餐具頗殘虾餃超抵，$6.8星期六日加$3，都抵吖，雖然細細粒，但虾都吾少，仲好爽口有虾味添整體点心的味道都吾錯，唯一吾明点解收13%service charge ，雖然一百蚊都只贵三蚊，但感覺吾多好不過点心咁平，係要揾啲嘢幫補下嘅

親戚生日，揀左龍寶，因為俾個超平套餐吸引左 $1488一圍全包，重點係勁多海鮮首先黎原隻乳豬，俾把較剪你自己慢慢剪，幾得意，乳豬皮好脆，但係比較多肥膏然後係蝦，用鼓油煎，蝦係新鮮蝦，爽口！鼓油煎過夠甘香！炸蟹鉗，唔用麵包糠改用杏仁片，可惜炸唔夠，唔太脆蒜泥粉絲蒸扇貝，我最愛，好大隻！雖然係急凍野，但真係唔差，識食一定係蒜泥同粉絲，索哂啲汁，勁惹味！龍等一條，蒸到岩岩熟，肉夠彈，讚！食到一半電話無電，之後仲有好多野食呀，大家都覺得好抵好抵好抵！最後仲有壽桃包同生果盤，果盤係一人一個原隻蘋果(連皮！)，有趣！！大家都太飽食唔落，打包反屋企！

一聽龍寶就諗起龍蝦，細個屋企人都會帶我去食，今次同屋企人放假睇樓，食飯時間經過就去左龍寶食晏晝。其實一入去既感覺已經麻麻了，個知客態度唔好，自己跟號碼搵枱坐，D服務員態度又唔好，唔願做咁，連茶都唔想開，原來D價錢幾低。拾全拾美下午茶孖寶，星期六日及假期竟然由1:00-4:30供應，A款加B款都係$18.8，選擇都唔小，加埋都有15款。咸蛋燒肉飯: 有四片新鮮豬肉，爸爸話片片都係脆卜卜，肉有幾層的，多重口感，咸蛋有半隻，咸蛋會有少少油，幾香口。白灼時蔬，我地選左菜芯，有五大條，十分新鮮，鮮到脆，無油無蠔油，十分健康。蛋散係似馬仔的質地，超鬆，雞蛋味重，另外油味都同樣重，有少許芝麻增加香味，但過多糖漿，太甜了，仲要加沙糖，發生乜事?腸粉蝦加菜的腸粉，蝦都夠大隻，但不足以只放一隻蝦落腸粉內，唔通因為咁放了菜落去點綴?，腸粉片都幾厚下，呢個唔太好味。呢度月底糧尾咁來啊!因為真係好抵!

舅父生日請食飯，因為部份家人住深水埗，所以揀左食龍寶，年近歲晚要食貴套餐都預左，但食物同價錢唔係重點，員工服務質素同態度真係令人髮指，7:30pm我地一坐低已經叫個阿姐幫我地留起一隻特價$88/隻既燒鵝，個阿姐：『唔洗留啦，仲有大把！』，之後我地叫左個$1988既套餐，咁阿姐就走去落單啦，隔左大約5分鐘，有個應該係部長既女人行埋黎話：『燒鵝無晒喎！』，一句"唔好意思/對唔住"都無，我地梗係鬧鬼佢啦，話佢果下屬唔應該睇都唔睇下就話仲有大把，唔洗留！個女部長仲要死撐話：『咁而家無就無架啦，我可以點啊?』，嘩，而家我地比錢你，出現問題就梗係你地自己諗啦，仲好意思講『我可以點啊?』態度差到極點，我地叫佢叫番幫我地落單果個阿姐過黎對質，女部長：『佢新黎架，唔可以落單架』，一句說話就想推卸責任，隔離仲有多個員工幫晒口話：『佢今日第一日返工，你地唔好令人難做！』，你地唔難做就要我地難受????我地已經嬲到面紅耳赤，我阿姨就叫個女部長搵經理出黎，佢扮聽唔到咁行開左，隔左15分鐘都未見經理行埋黎，咁我地就再叫啲阿姐，點都要搵經理出黎同我地解釋，果個阿姐用臭寸既語氣話：『我見唔到經理喎！』，我阿姨：『見唔

香港政府將每年十一月第三個星期日定為長者日，趁這天免費乘車，與老伴往深水埗(長沙灣站出)龍寶酒家晚飯。酒家提供四款特價菜式，可任選一款，上次我們點了一條老虎斑，袛需$48，可算抵食，今次就選燒鵝吧！龍寶燒鵝皇 $22龍寶以燒鵝為招牌菜式，果然不俗。燒鵝每隻毛重約8斤，2至4位可叫1/4隻$22、5至8位可叫半隻$44、9位或以上可叫壹隻$88。倆口子就叫1/4隻，燒鵝皮相當脆，味香濃，肉質瘦而帶輕微肥油，大大碟，非常好食，其他菜餚還未到，已將整碟燒鵝消滅掉。紅燒茄子牛孖根煲 $58牛孖根炆得夠火喉，十分腍甜且入味，加上茄子，配合白飯，真是相得益彰，可惜廚師下油較多，越向煲下食越肥膩，結果三分之一煲不敢下嚥，應予嚴重扣分。絲苗白飯 $12/碗白飯質素普通，大大碗，我一人吃不完一碗呢！客家梅菜扣肉煲 $60上次來叫上這道菜，扣肉多瘦少肥，配上甜梅菜，非常好味，老伴十分欣賞。今晚再叫，味道尚算可以，但煲下面的扣肉竟件件全肥肉，還是少吃為妙，棄之可也，老伴說下次再叫可有戒心。飯後，店方送上每人一個蘋果，蘋果雖小，但頗清甜，很好！這兒的服務費與一般酒家有點不同，一般是10%，龍寶是13%，雖不算

 近期姨仔生日加上中秋又逢國慶，訂了這酒樓食飯，一行十三人，就簡簡單單地叫了一圍『海鮮九大簋』套餐再加上一隻特價燒鵝。基本上在這類集團式街坊酒樓的水準都有個共通點，就是食品質素不會太高，入得口但又不會太美味，而份量就一定足，正是大件夾底食，這裏也正正符合了這種元素，只要懷着以上的心態，無太大的要求，有時還會有出乎意料的驚喜，就好像這晚套餐內的鮑魚和蒜香燒雞就是一個好例子，鮑魚用果皮蒸得香氣撲鼻，入口香甜彈牙，鮮甜味美.；另外蒜香燒雞也燒得皮脆肉嫩，入口肉汁豐富，口感嫩滑，令人食後感到他們有超水準的表現。

跟同事飯局慶祝升職, 極力推介這裡的晚飯, 因為好味又抵食一行6人約7點到逹, 等左一陣便可入座, 部長和待應都很有禮貌酒家內部環境算是寛敞, 枱與枱之間有一定的空位1. 拼盤大碟多野食, 燒肉脆卜卜, 正!2. 蒸蝦好新鮮, 只是較為細隻3. 菠蘿生炒骨, 很易與肉分開, 味道酸甜, 很開胃4. 生蠔煲, 有大蔥和腐竹配上濃濃的醬汁, 生蠔非常入味, 惹味5. 中式牛柳條, 份量多, 抵食6. 金銀蛋莧菜, 清湯上, 中和其他茶的油膩感7. 即燒乳鴿, 皮脆肉so, 好吃8. 清蒸海上鮮, 火候剛好, 魚肉嫩滑最後有生果盆和糖水做飯後甜品價錢合宜, 值得大家再番轉頭呀

由佢收 + 13% 開始，已經覺得有 d 心心不憤。上星期同屋企人去飲茶，想食雞紮，但想食正價靚雞紮，就劃單啦，點知佢俾咗個平價紹菜雞紮我，我問 d 阿姐，佢話兩款一樣，但我劃咗貴款就收我貴價，我問佢 lee d 係咩道理，明明出嚟兩款一樣，但劃單張紙有兩個唔同名，唔同價錢 ...我叫佢揾個經理過嚟，個個笠晒水，冇膽走過嚟，直到我再叫個阿姐嚟，佢仲要再講多次，話我劃咗咩價錢就係收果個價，even 食既都係一樣，cheap 雞紮，果下真係俾佢劃著咗！！！最後唔同佢嘈，叫佢 cancel, 佢都擾攘咗好耐先幫我取消，總之成餐茶就係咁冇晒 mood, 餓住走，討厭 !!!

之前husband 到深水埗區的「龍寶酒家」跟同事飯局, 食後極力推介這裡的海鮮好味抵食, 說一定要帶我去試試, 今日約6點到逹, 不需要等便可入座。 部長和待應都很有禮貎。酒家內部環境算是寛敞, 枱與枱之間有一定的空位, 當拍酒樓裝修的照片時, 鏡頭下看到一面鏡面有些提字, 細看內容是, 「我愛您天天做得到, 熱愛生命, 珍惜食物, 熱愛地球, 請勿浪費」, 自己是一個非常珍惜食物的人, 看了很有同感, 一個温馨感動的提示, 大大隻字, 手法既有趣又特別。 再看周圍環境, 貼滿很多抵食的宣傳海報, 「元貝螺頭燉大鮑翅$68/盅」, 很吸引呢! 於是一人一盅。我們點菜選了「元貝螺頭燉鮑翅」、「上湯龍蝦」、「炸鳳尾蝦」。  元貝螺頭燉鮑翅 ~ 上菜時, 翅湯的香味飄溢, 而且熱騰騰 (湯羮類要熱才好味), 正! 份量和材料很足, 翅頗多, 雖然魚翅是小翅而不是宣傳海報描述的大翅, 沒影響整體的味道, 螺肉燉到很冧, 肉粒似是豬軟骨, 很冧滑, 湯的味道很鮮甜, 所有湯材全都吃到, 以這價錢有咁既質量, 真的很抵噢! 上湯龍蝦 (附伊麵底) ~ 是加拿大龍蝦, $88/隻 (限兩位一隻),

中秋正日要返工，無得放早，兩口子提前一晚，吃餐好些，當做節慶祝是晚餐牌：服務費高達13%，茶芥每位$10到奉小食，花生一碟，又$12又真係幾大隻，多肉，白灼才可吃出瀨尿蝦原有的鮮味，果然十分鮮甜！有辣椒豉油提供，鍾意點就點！另一種煮法，這款較為香口，入味，帶點微辣。蒜茸混入粉絲一併吃，很入味，粉絲幼細，質感柔軟，元貝味道鮮甜十足，只是進食方法比較困難，要用較剪從殼上慢慢剪出來，方能整粒吃掉！麵條很入味，但煮得過腍，份量亦不多。龍蝦肉厚，質感肥美，好味！好大隻龍蝦鉗肉質最鮮嫩的部位再叫些甜品更滿足：分別點了什果凍啫喱及椰汁馬豆糕：兩種不同的口感，水準同樣合格；什果凍啫喱～甜中帶酸，口感嚥靭；椰汁馬豆糕～椰汁味香，口感滑溜。埋單後，再奉上飯後水果，鮮橙兩個，打包帶回家吃！