龍子中菜

營業中

休息中

今天國慶假期後第一天上班，本著開開心心，慰勞自己，便去飲早茶，這間酒樓已不是第一次去，識途老馬，一直都知道飲早茶，茶客都會在坐一片區域，便利侍應工作，無可厚非，也知道這裡有一位侍應皇后（短髮，無戴眼鏡，身高約153cm，身型細粒偏瘦，本來想再上去問姓氏，但唔願再踏足這酒樓了）。來到後看到只得數張枱可搭，便自行坐在一張吉枱，一邊剔點心紙，一邊等開茶，侍應皇后見我一人便叫我去搭枱，無問題，但她指我去茶水間旁的位置，會很熱，自己知道自己是怕熱的人，便說我不坐這裡，會熱，她說不坐這裏便無位了，還說了多次，真奇怪，她會知道我自行坐的那一張枱，將會無其他茶客再上來搭枱。其實我可自行去另外一些枱去搭枱的，但她的態度令我很不愉快，如打發叫化子一般，我便說那我不飲茶了，放低點心紙便走，我一邊離開她還跟著我後面，叫囂着走呀！直到我落自動電梯還聽到她叫走啊！快些走。我個人的品性是一忍再忍，忍無可忍便無需再忍，都是打工仔，但侍應皇后的態度真的太差了,經過數小時的沉澱，我還是很生氣,覺得冇理由要咁受氣，之後我到另一酒樓，消費不會相差8元，點解我還要再幫襯佢，為了少少錢難為自己，傻的嗎？從此以後，這間酒家便是我唯

平時都去開呢間飲茶覺得唔錯。今日夜晚用200蚊左右食咗個片皮鴨。令人失望。 今日本身 有幾台擺生日酒. 比平日多人，已經打爆咗個廚房，但係其實佢都唔係滿座。可能佢哋真係慣咗唔係好多人 。我哋 由落單到食物上枱 等咗一個鐘。週圍食客都開始鼓譟喺度搭訕話等好耐 。之後嚟碟咁嘅嘢. 我以為佢搞錯咗我要半隻 。搵咗一個戴眼鏡嘅阿叔嚟理論,佢態度一啲都唔好 。話睇住佢片。就係得咁多。 一時又話晾起咗一時話有十幾塊。唉 我去食北京樓好過啦。 今日嘅經驗真係好差。

好耐無嚟龍子飲早茶，上次星期六去飲過下午茶， 舊同事都話好食，而且見貼咗張紙寫住茶錢每位5元咋，只限星期一至五，原來早/午/下午茶平日茶錢都係5蚊位，晚市就要@$15講返點心先， 點心熱辣辣上枱， 好食又抵食布拉腸粉好滑， 略嫌醬料唔夠啫，麻醬太油，甜醬太小，又冇辣醬， 不過都算好食蘿蔔糕，煎得幾靚 ，好夠熱，夾開仲有煙出，而且好足料，好味薑汁糕，一般水準，有四大件， 即蒸，熱辣辣上枱， $13.8真係好抵食兩個人食咗三碟點心，埋單都係60蚊咋， 每件點心嘅份量都好足料影埋最近嘅點心紙比大家參考下環境光猛整潔，可能天氣實在太熱，略嫌冷氣不夠涼

觀塘酒樓眾多，估唔到呢間有質素兼大份星期六晚諗住酒樓食晚飯一定多人啦，所以我都book定枱先，但又估唔到全場少於一半，仲安排我地坐邊邊自成一閣，傾計認真一流由於我地一行六人，試叫半圍餐，每碟餸都好足料， 仲要真係 慢慢逐碟逐碟上 ，食完一碟先再上另一碟， 唔會趕頭趕命，讚連傳菜嘅姐姐都識做 ，會主動提出幫手搬走已清空碟，仲有上菜又出奇大份，一點都唔馬虎，不過最令人回味一定係皇子乳豬，超掂掂呀 到結帳時，又送咗幾張$100coupon下次食， 條件係食夠330可用一張，不過要一個月內使用，只限晚餐，限制多咗少少comment:會再來幫襯，好味1. 手藝皇子乳豬一擺入口，肥瘦適中， 食完嗰下仲齒頰留香，令人回味，想再食多一件，超讚2.翡翠蚌仁玉帶子3.紅燒鮑參鯊肚翅足料裝完六碗都仲有一半餘下，十份大份4. 百花炸釀蟹鉗5. 天白花菇 瑤柱甫6.原隻鮑魚扣波蘭大鵝掌7. 清蒸金花尾龍躉，8. 一品蒜花脆皮雞9. 瑤柱蛋白炒飯10.流沙包，［無哂 壽包，轉做流沙包］即叫即蒸，熱辣辣雖然唔算好流質，但真係十分新鮮

今日同屋企人去觀塘行街行完阿妹介紹左去啲間酒樓到晚餐而家晚市做緊優惠三選一乳鴿$33一隻！黎到當然要試下🔆乳鴿一隻皮脆肉嫩，好多汁！都唔會太細隻，味道不錯！ 🔆龍蝦伊麪 + 金銀蛋時菜 孖寶餐龍蝦伊麪用個大湯碗上枱，龍蝦份量都還可以但麪就小左啲，但味道不錯！阿仔一人食左三碗😆金銀蛋時菜，啲皮蛋咸蛋都大大粒，送飯一流，白菜仔夠入味！🔆燒鵝半隻皮脆，但肉就唔夠嫩口，但咬落都還可以，隻鵝都唔算太肥，但汁做得不錯！🔆蒜蓉蒸龍躉腩用木耳做底，墊住啲魚再用蒜蓉蒸，好香，啲木耳吸曬啲魚汁，好好味！ 🔆七味椒鹽炸鮑魚鮑魚新鮮夠嫩口，好好食！又抵食！

就嚟生日啦～因為正日約咗朋友，但點都要同媽咪食餐慰勞宴嘅～原本諗住book另一間酒樓，點知突然間執咗！！好彩附近仲有龍子中菜，即刻秒轉軚啦～以前都嚟飲過茶，點心質素有保證！觀塘碼頭附近有另一間：龍玥，龍字頭嘅食肆質素都唔錯。唔想諗叫乜，最好就係叫套餐！🤭佢有一席或半席選擇，我哋六個人，啱啱好半席。🥰🥰👍🏻一致認為半席係最抵食嘅！💞👍🏻因為份量唔只係一席嘅一半，餸菜會比較大份，而且佢個廚房手勢確係唔錯！！燒鵝非常入味💓👍🏻而且好juicy，皮都算脆，眨下眼就冇曬😋芝士龍蝦伊麵底，十分有水準！龍蝦十分嫩滑juicy～伊麵彈牙，沾上醬汁好好食！西芹炒花枝帶子：份量充足，差不多有兩碟例牌…帶子大大粒，又唔會過老，不錯！最正係個餐仲有炸蟹鉗呀！！大大隻…脹卜卜…真係好有去飲嘅feel呀！🤣🤣🤭個翅真係足料，啲翅大大梳，好有咬口～不過如果係翅根就會有少少翅骨，有啲啲腥，而且湯底比較淡口，如果加多兩粒鹽就好啦～🤭🤭花菇炆鵝掌生菜底，啲鵝掌炆得好林好入味，食一隻已經飽到上心口！真係好大隻，足秤大鵝掌！！清蒸沙巴躉，基本嘢，蒸得好滑，成條食曬～連骨都吮埋！仲有脆皮燒雞，真係一讚！隻燒雞燒得好掂！個皮好脆

最驚就係去一啲光線好唔充足嘅酒樓，俾人嘅感覺十分唔舒服。呢一間酒樓就係完全滿足我嘅起好，上面有大量嘅水晶燈而且有落地玻璃可以有陽光照射。因為當日係食下午茶所以大部份都係食點心為主，點心嘅質素係幾不錯的。每一樣食物都係好足料而且好大份！

燒味拼盤不過不失。白灼蝦幾大隻同新鮮。西蘭花爽脆，呢碟幾好。翅足料。鵝掌夠淋但唔爛。魚剛好。同桌人話雞件滑。壽包有蛋黃。炒飯同伊面都乾身好味。紅豆沙正常。無大缺失啊。

星期日一家人訂了14位, 7點前已到, 不用等即時入座, 我們選了套餐加6隻乳鴿, 全部都有優惠價, 幾抵食仲幾好味, 有驚喜上菜喇乳鴿唔肥, 唔太咸, 雖然乾咗啲啲, 但好好味, 我都食咗兩舊, 因為星期日晚飯優惠多幾蚊, 咁平仲想點吖燒鵝好多肉, 皮脆肉嫩, 唔咸, 好怕啲燒味太咸, 依度屬於清淡口味嘅, 啱我哋口味, 大家都話正伊麵好creamy, 不過伊麵份量少咗啲啲, 但啲海蝦就好多, 仲幾爽口彈牙, 好味我無試過炸鮮奶, 但屋企人反映好食, 香檳骨我有試過, 好林, 仲有檸汁味, 老媽牙齒無力都食到, 仲話好好食西芹腰果炒象拔蚌, 可能係我唔鍾意食西芹, 腰果象拔蚌正常, 味道ok。蒸魚蒸得啱啱好, 略嫌鼓油味道太淡, 濃啲啲會好味啲。炸子雞我冇食過, 我姨甥仔食咗很多, 相信應該係好好味道㗎花膠翅, 好足料, 除了花膠仲有海參鵝掌非常林, 仲好膠口, 花菇正常, 墊底嘅小棠菜就比較少咗d炒飯夠乾身最後仲有珍寶蛋黃桃包作為甜品上菜如果快啲會比較好, 成餐飯食咗兩個半鐘, 大家可以慢慢食, 慢慢傾計都唔錯嘅。樓面姐姐服務一流, 經常幫我們跟進催促廚房上菜, 態度十分好。呢餐可

龍子在觀塘都開了很久，正正在觀塘道觀塘站 A 出一落地面，步行3-5min即達 我最喜歡這間的裝修：滿天燈見到舒服的環境，心情都好啲侍應的服務都好好，有禮貌，又細心這種用心的服務正提升香港的服務質素睇下食咩先？今日仍是「新春期間」就叫我最喜歡的鯪魚球鯪魚球 HK$23.8這些的鯪魚球認真一流，一點都不油膩。而且，鯪魚肉有豐富的蛋白質，少澱粉，偶爾一次不用擔心糖尿或膽固醇的問題。茶位 HK$12/位加一 HK$3.6埋單 HK$39.0（零頭唔計）

我寫咁多食評，都未試過比1星。當然有食過其他差嘅地方，但我嘅諗法係，大家都係搵食啫，我下次唔去咪算囉。所以我之前寫嘅食評，都係有三🌟以上。今次忍唔住要寫出嚟，就係唔想大家去中伏。幾碟餸出咗嚟，除咗碟潮式滷水鴨之外，其他味道都可以，但都係炒得好肥膩嘅，不過觀塘好多食店都係咁。好又一餐，唔好一餐，將佢歸納入「下次唔嚟」一類算啦⋯埋單發覺佢咁樣收茶飯錢，就太過分啦。星級酒店都會咁樣收，但係你環境、出品食材、用料、賣相同人地都爭好遠喎。呢個酒樓唯一好處，就係位多。星期六晚8:00未到，30幾人 uncle、aunty 行山團上嚟，即刻有位⋯ 可能佢地就會覺得，比多啲茶飯錢都好值。星期六8pm，隔離亞太中心仲要排隊成10分鐘先上到電梯，上去餐館樓層啊⋯ 終於明白，點解落差咁大囉。

父親節晚餐，嚟咗呢度食晚飯。可能位置問題，所以都唔係太多人。菜式方面，今晚叫咗龍蝦伊麵：啲龍蝦殼就好多，但係全部都冇乜肉。而且味道都係好普通。感覺有啲搵笨。雞半隻：正常，都算多肉腐乳炒通菜：👌🏻仲有個甜酸骨：忘記咗咁正式嘅名😂但就係甜甜酸酸咁，啲骨都啖啖肉。最後仲叫咗壽包做甜品。我覺得最好味係啲壽包，有滿滿嘅蓮蓉，仲有鹹蛋黃係入邊。唔會太甜，熱辣辣，個個食得好開心😃呢度味道正常，勝在唔使等位，坐得舒服。部長服務態度亦都唔錯。

難得夾到時間捉緊大閘蟹嘅尾巴，可惜大家事前都冇時間做功課… 呢次中伏都唔怪得其人😅我哋比原定嘅時間早到，當時餐廳門口一個人都冇，等咗一陣，最終有位女侍應出嚟，我朋友禮貌地同佢講「我哋今晚book咗位」，如是者重複咗幾次，個女侍應都話聽唔到… 都怪我哋太斯文🤪 經過一輪重複嘅對話，我哋終於被安排坐喺近門口嘅位置。時間關係，我哋一坐抵就馬上落單。大家都係香港人，好明白準時收工嘅重要性，但係都唔使一次過上晒啲餸同 #大閘蟹 俾我哋，搞到我哋食得啲蟹嚟，啲小菜又凍哂🤦🏻‍♀️ 成個大閘蟹餐，除咗有兩隻蟹之外，其餘嘅菜式同大閘蟹似乎一啲關係都冇👉🏻👈🏻 啲蟹唔算多羔，蟹腳啲肉有啲霉😅 前菜每人有碟 #滷三弄「青瓜、鵝片、燒肉」，賣相係怪咗啲，但味道尚算可以🤤 其餘兩碟小菜「麒麟蒸海斑片、京湯竹笙津白」，因為一早整起，我哋擺入口嘅時候已經凍哂，冇美味可言😅 最奇怪係個 #花膠燉湯，除咗雞腳同埋少許瘦肉，我好似一啲花膠都見唔到😅 不過要讚一讚佢哋個 #糯米飯，師傅炒得好香口又乾身，成餐飯最欣賞就係佢🤪 最後有 #薑茶湯圓 做 #甜品，雖然薑茶冇甜味又唔夠薑味，兩粒湯丸又奇型怪狀，好在總算食得

屋企人已光顧過龍子幾次覺得佢餐牌上嘅優惠幾抵幾吸引以上優惠三選一，數量有限，售完即止。今晚嚟一坐低仲有屋企人未到齊都已經即刻落單留乳鴿先成功落左單嘅點知過左廿分鐘左右 屋企人都到齊時有個紮高辮嘅女部長行過嚟話一早賣哂仲話其實每日得20隻架咋係每日得20隻 20隻 20隻咋 (重要的事情要講三次)有兩枱客一早係電話訂咗 訂哂20隻了即係簡單嚟講 任何顧客其實坐低之時都已經唔會有呢個優惠 但落單時唔出聲 到上菜前先話你知 然後想轉嗌另一個優惠 但睇嚟我地太天真 因為 另一個優惠鮑魚都賣哂了 七點半都未到 乜優惠都冇哂你可能會問 咁仲有個燉翅喎 又冇哂咩事實上仲有燉翅 但可惜嘅係 一早俾個侍應推介左我地叫冬瓜盅咁已經有冬瓜盅咁多湯又冇咩理由叫燉翅所以結果係三選一優惠乜都嗌唔到😄想幫襯又享用到優惠嘅顧客記住早幾日係電話預訂因為無論幾早都好 有一兩枱客早訂左個20隻就好快無哂架啦說時遲那時快冬瓜盅到咗咁冇計啦 唯有嗌其他餸紮高辮女部長成個過程都真係幾無禮貌處理得好差 明知係客人坐低前酒樓做嘅優惠已經冇哂 完全唔通知其他樓面侍應等侍應幫客落哂單 仲過左廿分鐘先出聲management 做得差之餘

新開嘅中菜酒家，今日六點半上到去有位，早去應該就唔使訂位，除非特別節日，雖然呢間係新開，但其實都好多人知道，我坐喺度，一路一路都有人客，生意算過得去優惠三揀一，我要咗一盅$18嘅燉翅，假日加午，即係$23，上枱熱辣辣，但面頭很多油，唯有自己撇走佢，味道可以的。燒味雙拼$118叉燒好食燒肉唔好食龍躉兩味$198不過不失咕嚕肉$98 ，呢碟菜式較多人叫，我覺得好味，夠大碟，咕嚕肉脆口 XO醬蝦仁🍤西芹$108不過不失飯後仲有糖水送，而家酒樓已經好少會咁，呢間都幾傳統，糖水味道唔錯，唔太甜，好味埋單$750左右，價錢合理，大眾化