龍城冰室

營業中

休息中

係銅鑼灣崇光兼職一星期，每天都是滿滿的人在排隊食飯，當只有一個鍾食飯時間，跟幾個同事去到謝斐道(龍城冰室)餐廳，叫咗個午餐很快便上餐， 咁就可以配合到上班一族的時間。食飯時間真的好多人，要等好耐，但好在上餐特別快，又不影響質素。乾炒牛河$46牛肉好淋，河粉炒到好乾身，夠哂入味。日式鰻魚炒飯$53 飯炒得粒粒金黃及金香帶著鰻魚味道。櫻花豬柳公仔米粉$46，豬柳就硬咗少少， 好在有個碎蛋脆豬包都可抵消。紅豆冰跟餐加$8，紅豆夠軟淋 ，好好味。想快食快走就要叫呢個是日午餐平靚正。餐牌上仲有其他特色小炒及扒餐的美食，非常多選擇。

【#supermama開心Share】鬧市中的龍城冰室 成日都聽人講，銅鑼灣有間好食的冰室 未去過，今次約左朋友拎手信，就去試試 龍城冰室位於謝斐道500號維安商業大廈 未夠7點，搵位容易 一到7點，記住要快手拎籌 人龍多多，皆因味道唔錯 有晚市套餐，包餐湯、餐飲 只係69蚊，在銅鑼灣算幾抵食 今晚一人食，想食得健康D T骨扒餐走了所有澱粉質 要了香蒜味的T骨牛扒 肉質不錯，香得來有少少黑椒提味 好好食，最重要沒有肥膏同鞋口感覺 喝了周打魚湯 內含煙肉洋蔥，味道有以前細個食的冰室感覺 非常懷念 為了平衡食物 加點了一碟拍薑菜心 條條青綠，多汁嫩口 沒有渣的口感，令人很快掃光 為了確認港式茶記水準 特別跟手點了一標茶走 煉奶與茶味非常平衡 入口香濃，味道出色 傳說中的龍城冰室 水準原來真的不錯！

龍城冰室今次放工之後近近地，但又想食得抵啲。所以最後就誤打誤撞揀左食呢間。本身以為應該得啲常餐 碟頭飯個啲，但點知睇睇個餐牌就發現都幾多唔同品種既野食，所以我就乜都叫左小小試下。首先，先叫左個洋蔥圈開下胃先。呢個都幾出意料之外，因為係即炸，一上到黎仲有小小煙。 佢上面有啲調味粉，幾惹味下。湯我就叫左個白湯，無咩特別，一般般。主食我就叫左個牛柳，三成熟既。本身預佢可能上到黎都五成，但點知唔係wow 又真係三成wow。可能塊扒都夠厚，所以都易煎到三成。 個扒真係意外中好食！三成熟，夠嫩，而且都仲juicy，配左個薯菜。 之黎夠一百幾都加左個雞煲，但呢個就無乜特別，勝在抵食。 最後再加左個咖哩牛舌。個咖哩我就覺得好濃，幾香下。我朋友好鍾意，但我本身就唔太鍾意太濃既咖哩。，所以我無乜點食。野飲我就叫左杯紅豆冰，不錯。整體黎講，抵食之餘仲有意外既驚喜，當想平平地食真係幾唔錯。

這天下着滂沱大雨，肚子很餓全日沒吃過東西，差點暈低。路過看見這間龍城冰室好像很大間，座位應該很舒服，便衝進去，要快點吃點東西。剛進門侍應便遞上一個傘袋給我，非常熱情有禮，然後他便很快替我找到一個舒適的卡位坐下來。我便慢慢看餐牌，有很多選擇，有中式有西式，看見她的晚餐有＄18花膠，下次真的很想試試。因我去到的時間是中午飯，所以我便選擇其他食物。因為很想吃意粉的關係，便叫了一個蒜香菠菜大蝦意粉，另外叫了一個冰鮮水果茶。因為天氣又熱又濕，很想喝一些冰凍的果茶，舒暢一下。先來了那杯水果茶，非常冰凍，甜甜酸酸的，入面有很多不同的水果，有蘋果有菠蘿芒果等等，還真不錯，而且杯的size比較大。之後意粉來到了，香噴噴熱辣辣的非常吸引。兩隻大蝦也很大隻，外觀很新鮮。意粉入面有很多菠菜，適合我這些想健康點的人士。 意粉有淡淡的蒜香味，還有忌廉汁，很適合我的口味。蝦也不錯，很鮮甜彈牙，意粉的份量很多，所以有點吃不完。總結是抵吃的茶餐廳冰室之選，下次經過的話，必定會再試試。題外話，當日看到搭枱的人士吃了一個焗咖哩飯，非常香，下次我也要試試。

今天Lunch 吃了咖喱豬扒意粉, 配菠菜忌廉湯, 味道好好, 咖喱是馬來西亞咖喱, 正宗~奶茶有茶香~全餐共56元還看見餐牌, 外賣自取34 元, 包湯+湯飲--> 抵

今日係平日下午，又係自己一個人係銅鑼灣搵野食，平時食黎食去都係啲大型連鎖餐廳，今日想轉下口味，搵間茶餐廳食個Tea慢慢坐下咁。😌😌入到呢間龍城冰室，下午時間唔算話好多人，起碼唔洗等位。坐低發現原來未到2:30pm，所以未有下午茶，係好肚餓的情況下見到餐牌有呢道 招牌海龍皇鐵板炒麵，平時應該都唔會叫架喇，今次一於試試佢。叫得招牌菜，果然有番咁上下水準。足料就一定架喇，睇佢有花膠、冬菇、鮮帶子、青口、班腩、海蝦、鮮魷🦑🦑😍😍😍 全部都好新鮮，唔腥就咁食都食得出係海蝦同埋新鮮的帶子，好彈牙，啖啖肉的感覺。🦐🦐 如果有埋蟹或者龍蝦咁就正喇🦀🦀因為係鐵板上嘅關係，啲海鮮唔會好快凍晒。至於麵方面，話就話炒麵，但有出去酒樓食過肉絲炒麵嘅都知道，呢道做法都係一樣，做法唔係炒，而係麵底係炸過再加上海鮮芡汁。味道方面，食得出好濃郁的海鮮味，我最鍾意夾埋有啲冇點到芡汁的麵一齊食，脆脆地口感更豐富😜😜

要快手食完，價錢唔貴，依度係好選擇。餐廳環境唔錯，坐得幾舒服，又可以傾到計🤓落單快，等位快，食物黎得快。食物選擇好多，基本上都有各種唔同既粉麵飯。🤗忌廉湯味道正常，比較一般，如果碗碟靚啲就加分。叫左焗豬，食物份量多，夠哂熱，出哂煙。味道正常，唔係話特別好食，但係質素有保證。豬排大大舊，配多芝士，正。波菜汁焗海鮮飯都一樣係熱辣辣，大大碟。海鮮方面有青囗，魚柳，大蝦，絕對唔hea。凍holic，唔係稀同淡就可以了😂份量都多。整體每人食左$65左右，價錢合理🤓傾下計就走人luu

行行下sogo有d肚餓，又唔想食太貴，就泥左e間冰室la( *｀ω´)其實我食過幾次，所以都知道佢有水準，e到環境唔錯嫁，又寬敞舒適又夠光，而且唔嘈！我嗌左個雜扒餐，大大件肉，份量十足(///▽///)，有牛扒，豬扒，腸仔，煙肉，仲有4-5棵菜我幾欣賞佢既牛扒，好大塊而且冇筋唔肥٩(˃̶͈̀௰˂̶͈́)و，加埋d汁餸飯一流！！豬扒幾厚身^ ^但唔係乾身，不錯不錯！！煙肉要講一講la，平時岀面食到既煙肉係好乾身好硬，不過今次e個啱啱好，而且脂肪比例好少，食既時候都冇咩罪惡感⁄(⁄ ⁄ ⁄ω⁄ ⁄ ⁄)⁄！其實佢既份量真係好夠╮(￣▽￣"")╭，食完都好餓，但價錢係好抵食(｡ì _ í｡)$60咁大碟，不錯呢！！圖中顯示既係我第二日去食既牛脷飯，一樣唔錯

夜媽媽睇完戲，仲未食野，十一點幾好多鋪頭都關左門。好彩一出戲院就有間♥龍城冰室♥啦！入到去都差不多坐滿左人。。。。睇一睇個餐牌選擇都有好多，仲有屬於宵夜既餐牌。因為驚等太耐無車走，所以就叫左啲快靚正既食。揚州炒飯等左五分鐘好快上台，個飯熱辣辣，成個飯都有好多料，有蝦、叉燒粒、蛋、辣椒粒。成個飯都好香好惹味！仲食得出佢既獲氣。乾炒牛河講到獲氣，呢個乾炒牛河都好好食！牛肉片都好多仲好大塊，有好多蔥同芽菜作配料，不過蔥係生生地，個人唔太喜歡食生既蔥，不過都無損呢個炒河既味道！熱華田每個主食都奉送熱飲，呢杯熱華田係我飲過咁多最好味既一杯。唔洗我落糖，都已經飲到好出色既味道，唔甜也不淡，岩岩好！隔離台食扒餐都聞到好鬼香，下次再試下先！

黎銅鑼灣搵食不是難題，難就難在要搵到好食又平的餐廳。行完sogo，附近就有一間這樣的冰室，價錢幾親民，就同朋友一行三人入去試試。雖說冰室，但環境都幾光猛，枱和枱之間不會太狹窄。坐下來就看看餐牌，最吸引我眼球的就是他的鐵板餐。有大大塊牛扒連餐湯同飲品都是＄100內有找，抵食呀，咁啱大家都想食扒，就來一份鐵板牛柳餐。點牛扒餐最怕煮老了，所以點了三成熟，但二想不到的是，這間餐廳真的做得不錯，牛扒切開來還真的是三成熟。肉質一點也不鞋，非常嫩，配上絕配的黑椒汁，超正而且還有驚喜位，個薯仔是原個上的，感受到了餐廳的誠意！我們還點了一個焗咖喱薯仔牛脷飯，呢個又係超正，牛脷有四大片，仲要又是好嫩又入味，炒飯底配上咖哩汁簡直一流，推薦！仲叫左兩個小食，一個是金菇包，另一個是炸洋蔥圈。金菇包就比較油，如果可以少有一點就好了。炸洋蔥圈就非常出色，他的洋蔥真是很大條而且很甜，炸得剛剛好和非常之脆，還灑上一些辣粉之類的物體，配合得很好同場食滿110元就可以加18元換一個迷你花膠雞煲，當然換來試試，雖然不是很大的，但味道也不錯。仲有一杯紅豆冰，冰室必飲啦，多給紅豆那是必須的埋單都只是258元，如果你去韓式炸雞店，

經過見到銅鑼灣開左依間餐廳，望落去裝修幾新淨又多人食，見門前有一疊厚厚既menu, 相信依間龍城冰室其中一個優勝之處就系超多選擇，可以話中西餐咩都有，夜晚想食簡單d 可以點早餐,e.g. 豬仔包+公仔麵掀開鐵板個版，發現勁抵，$86已經有得食，於是點左個鐵板雜扒配薯菜，本身寫系燒汁但可以轉黑椒汁，揀左紅湯同熱杏霜。先黎野飲，杏霜夠曬濃陏，好好飲，想飲健康d 可以點依個然後黎個紅湯，中規中矩，好在有菜呀蘿卜個d，唔會剩系得湯。重頭戲鐵黎啦，好大份! 有雞扒牛扒豬扒煙肉同腸仔，仲有d 菜同埋焗薯，夠曬份量，啱曬大食既我!! 個人覺得焗薯好好味，唔會太多調味，清清地剛剛好。食既時候都留意到唔少人叫鐵板，確實系抵食之選

This is a nice local restaurant that serves quaint traditional dishes as well as western styled steak, chicken breast and pork chops with baked potatoes on the side. While the western dishes were generic, with well-cooked meat and potatoes. As this restaurant isn't a dedicated rotisserie, this was unsurprising. The special dish was, for lack of an accurate translation, 時菜炒班腩. This dish authentic, well seasoned and well cooked.If this restaurant only served this dish, I would very likely still g

其實已經在這裏吃過很多次的早餐。每當有新冰室開張的時候， 我都會支持。今日和朋友經過附近， 突然覺得很肚餓。 我就把朋友拉進去。朋友說要有厚多士的冰室才肯去。 我告訴他這裏選擇其實很多很多很多。朋友點了 花生醬西多士。好味。西多士很新鮮。 多士入面夾有的花生醬分量亦很多。我就點了焗咖喱牛肉飯。其實上次到來已經食了很美味的黑椒牛扒飯。看到旁邊有人點了這個焗咖喱牛肉飯，我就決定下一次來一定要試。咖喱汁很香很多。牛肉很鮮甜。分量亦不會因為是下午茶時段已變得很小。大家都對這一餐下午茶很滿意。值得過來試試。下次我會想試食他們的豉油雞髀餐。

龍城冰室環境唔錯, 裝修精緻, 坐位亦夠寬敞, 就算搭枱都唔會同陌生人坐得好貼.餐牌上食物林林種種, 常餐, 麵包, 焗飯, 咖哩, 西式燴飯意粉, 鐵板餐, 港式炒粉麵, 中式小菜等等.一次過滿足大家選擇, 價錢大約$20-100左右, 食物份量多, 晚餐來講性價比高!常餐 - 瑞士雞翼撈公仔麵 配3.6牛乳炒蛋, 鮮奶油豬仔包 $48落單後一陣已經上菜, 有效率!鮮奶油豬仔包暖暖的, 勁多煉奶鋪面, 仲有薄薄既牛油! 豬仔包都烘到好脆, 食到成枱都係面包碎 好邪惡, 好好味! 必食呀!3.6牛乳炒蛋勁嫩滑! 奶香同蛋香十足! 而且仲係半熟, 有D流心既狀態! 瑞士汁雞翼嫩滑多汁, 瑞士汁甜味適中, 非常惹味! 超讚! 焗咖喱薯仔牛肉飯 $57焗飯真係好好食, 咖哩味香噴噴, 咖哩汁味道香濃! 牛肉亦夠入味軟淋!而且餐廳用炒飯底做焗飯, 飯沾滿香濃既咖哩汁都唔會淋, 口感一流, 做得出色!紅豆冰 $8 (跟餐價)紅豆軟淋, 而且份量有好多! 好味!藍妹啤酒 $16 (跟餐價)

返工返左成個星期終於又到禮拜五，咁岩放工出左去灣仔見工，而朋友又係灣仔返工，就約左佢食飯敘下舊，食得日本野多，今日就食下冰室，去左附近既銅鑼灣，見呢間好似新開冇耐就入去，唔駛等位，不過裏面都坐滿人朋友話唔肚餓、所以唔叫太多，叫左個原隻龍蝦拼牛柳配忌廉湯我最愛既龍蝦，幾大隻，不過肉不多，幾有韌度，牛柳質感剛好，不太熟又不太生，不過味道有少許咸，仲有原隻薯仔仲叫左小食避風塘豆腐，見好多人食，外脆內軟，好味食唔停口，熱氣都唔理健康d緊係叫多個菜-有瑤柱金菇西蘭花，幾入味野飲menu天氣咁熱就叫左杯綜合水果茶，減十蚊，好似橙汁咁，裏面有好多生果，飲完即刻透心涼，消暑之選最後兩人買單$252，食到好飽，呢個價錢食到龍蝦都唔算費