龍城冰室

龍城冰室街坊無論返工趕時間定周末歎早茶呢度都坐滿人🔥早餐C：招牌秘制香辣魷魚公仔麵真係癡線咁好食！魷魚勁爽口，吸晒秘制香辣醬汁，鹹香帶辣，辣度夠晒過癮但唔會燒喉公仔麵煮得彈牙唔黐糊，掛住滿滿醬汁，每一口都香辣過癮！配埋3.6牛乳炒蛋+腸仔，蛋滑到好似雲朵，牛乳香超濃，完全唔會老，腸仔油潤多汁，鹹香夠味，呢個組合簡直完美！🔥芝士火腿牛角酥：酥到掉渣！牛角酥烤得金黃酥脆咬落 咔嚓 聲超治愈，外皮層次分明，牛油香十足入面夾住滿滿芝士同火腿，鹹香夠味🔥香滑奶茶：茶記靈魂！龍城嘅奶茶真係做到 茶濃奶滑 ，茶底夠醇厚，奶味順滑，甜度剛好唔會太甜膩亦唔會太澀，入口絲滑順喉，餘韻有茶葉清香，早餐配一杯，即刻醒神，簡直係 快樂源泉 ！🔥早餐H：同樣有芝士火腿牛角酥再加西煎雙蛋+腸仔，雙蛋煎得金黃，蛋黃流心，腸仔依舊多汁，分量剛好，唔會太飽滯🔥午餐必點：馬來咖喱牛仔柳拼漢堡扒！咖喱汁超正，馬來風味濃郁，香辣中帶少少椰香唔會太辣亦唔會太膩，牛仔柳嫩滑多汁，完全唔柴吸晒咖喱汁嘅鮮味；漢堡扒厚實彈牙，肉質鬆軟，肉汁豐富，配埋咖喱汁撈飯簡直食到停唔到口，分量超足…查看更多

10月1號晚8點左右，諗住入去食個晚餐，我1個人，入到去有3，4張枱無人坐，有個阿姐問我幾多個，我話1個可唔可以坐依張枱，佢竟然叫我出返去攞飛，唔可以自己坐，係無人等同有3，4張枱嘅環境都可以咁對人客，真係成個藍田得佢一間有野食嗎？…查看更多

龍城冰室的香辣脆炸雞脾和蝦多士四十七元便吃到這個套餐, 包熱飲, 真是超值。首先, 他們的香辣脆炸雞脾比一般的炸脾有心思, 通常炸脾都是原味, 但加了香辣之後, 比原味更勝一籌。難得的是香辣脆炸雞脾做到外脆內嫩、味道香辣但不過嗆, 是一道名乎其實的美味小食。作為下酒菜定係聚會小食都非常受歡迎, 所以這是我的下午茶精選。難得的是吃起來一點也不油膩, 雞皮又香又脆口, 雞肉juicy又嫩滑, textbook級別。想不到我樓下的街坊茶餐廳的出品都那麼好, 真是相逢恨晚。即炸即食真是人間美味, 可以搭配我喜愛嘅沾醬, 例如沙律醬和辣醬, 更添風味。或者單吃, 原汁原味都相當不錯。再配上另一款炸物: 蝦多士, 吃完都不覺得熱氣, 因為炸得很好, 炸的過程中多餘的油脂都排走, 並不殘留在食物中, 這就是技術。想不到可以吃到那麼好吃的小食。…查看更多

甚少寫食評 不過今次太過份 我以為自己叫左兒童餐下午餐 😅😅 真係少得過份 作為午餐完全食唔跑 各位三思 超後悔 的選擇 還有其他更好 食物味道 中上 長期多人排隊 以為好好食 相信我 你是可以有更好選擇 的…查看更多

第一次在open rice寫食評，估不到是😠而寫，本人在藍田龍城冰室用膳，當天落單後十分鐘，發現枱上的帳單有錯誤，立即通知男侍應，發現原先叫的龍城炒米，帳單上為乾炒牛河，男侍應表示代為跟進，兩分鐘後，女侍應遞上乾炒牛河，本人表示餐廳職員替本人落錯了單，女侍應態度惡劣地回應，可以幫我改回龍城炒米，不過要等二十分鐘，而這碟乾炒牛河則會整碟棄掉，因著趕時間及不想浪費食物，唯有接受這碟乾炒牛河，這位姐姐的情緒勒索及態度就真的難以接受。…查看更多

上班高峰落左單係度等左10分鐘，無單無嘢食，叫職員跟一跟，同我講，未落單。。我好肯定我落單叫得好清楚，個女職員仲復述左一次。。然後同我講我未落單，成班伙計未訓醒咁樣，執得，笑…查看更多

我透過外送app下單（自取）於龍城冰室（藍田）叫了外賣，其中招牌酸菜魚一夾上來就見到一隻昆蟲，非常嘔心，我成個餐都無得食。隨即在外送app 反映並要求賠償，結果客服叫我自己向餐廳申請退款③ 我唯有自己透過app向龍城冰室（藍田）申請，結束餐廳拒絕退款，原因竟然是「已經出餐」。已經出餐但有隻昆蟲難道我要吃下去？餐廳拒絕退款的做法十分無理！食物質素有問題，而且是一隻完整的昆蟲，完全沒有任何跟進或道歉，大家去之前請三思。…查看更多

其實我真係好少幫襯所以唔熟個Menu。你擺個Menu出嚟寫$39，落單問我要唔要餐具同飲咩。我話唔要餐具，唔知情嘅情況底下我問「有嘢飲㗎咩？」個收銀話有，但冇講係餐亦冇確認價錢，落完單收我$60。我再次確認個麵唔係$39？佢話「常餐嚟㗎喎，你單點下次講吖嘛！」即係你常餐個Menu又冇貼出嚟，落單問你有跟嘢飲㗎咩你又唔澄清，其實真係好誤導囉咁樣。重新落過收我$41，又唔出新單又唔寫外賣盒餐具收幾錢。我知個市差，掠水唔緊要，打開門做生意大家都要搵兩餐，但食相真係可以唔洗咁肉酸嘅。祝你生意興隆啦。…查看更多

阿媽一唔煮飯，我哋就會去龍城茶餐廳，因為細佬鍾意食飯，而我又鍾意食包。今日細佬叫咗個炒飯，首先佢嘅份量好大，飯炒出嚟係粒粒分明 ，食得出佢嘅鑊氣， 奇怪係我食完個包再食佢個飯，凍咗都覺得好味， 講真佢好食過好多酒樓，真係又平又好食。而我就食菠蘿油，我認為判斷一個菠蘿包好唔好食，就係睇下佢凍咗都會好食。如果餐廳可以焗熱佢， 就非常一流， 可惜我係諗多咗。 雖然個包唔熱，但係我配埋杯熱奶茶，真係好夾。有時我都會買定一個菠蘿包，畀聽朝做早餐，喺屋企焗熱加牛油，真係超正👍…查看更多

住喺度嘅街坊，平時都唔少人會幫襯。我哋都幫襯好多次，但今次真係令到我好嬲。話說今次晚飯帶埋個女一齊食。咁小朋友坐唔定大家都明。佢落咗地下一陣，就俾個侍應撞到。當然我哋都有責任，但個侍應一句道歉都冇，另一個侍應仲大大聲叫我哋好好睇住小朋友。佢嘅溫馨提示一啲都唔友善，令我呢餐飯真係唔係好食得落。所以我決定以後都唔會再幫襯呢間咁樣嘅餐廳。我希望呢個食評可以提到大家盡量都唔好帶太細嘅小朋友去呢間餐廳，因為今次經驗真係令我好難忘。…查看更多

31號早上食早餐，嗌咗榨菜肉絲米結果上錯餐變咗雪菜，就要求佢哋換返榨菜，同行嘅都已經就嚟食完，嗰碗都仲未嚟。之後去問一個戴粗黑框眼鏡嘅女侍應阿姐，叫佢希望跟一跟，結果對方以極之晦氣而惡劣嘅態度，啤住大聲呼喝，同你跟緊，隔離另一個女侍應相互呼氣為阿姐護航，一啲都唔覺得呢個阿姐態度有問題，仲話唔應該嗌英文字母落餐，真係想知道乜唔可以用英文字母落單？如果唔可以用英文字母落單話，你哋餐牌就唔好英文字母咁寫，或者係早講，好明顯啲侍應推卸責任，將落錯餐的責任推落顧客身上，跟住又有一個之前跟我落單嘅金髮男侍應走來質疑的態度問我哋落係唔係雪菜肉絲米，又一次將落錯單推喺顧客身上，事後我表示要搵經理，結果冇人理會，呢種連串惡劣服務態度恆常化，真係極品，此後不會再幫襯呢間餐廳。建議唔推介呢間餐廳。…查看更多

上星期去咗「龍城冰室」嘅餐廳，環境好唔錯。店舖外觀有大大個招牌，入面裝修以木系為主，燈光柔和，坐得好舒服。我叫咗個下午茶餐，有熱狗、薯條、越南春卷同凍奶茶。熱狗好正，腸超大，差唔多有我手掌咁大，咬落去好juicy。搭配嘅番茄醬同芥末醬味道好夾。只係薯條份量略嫌少咗啲，食唔夠喉。越南春卷就真係好出色，熱辣辣，外皮超脆，入面餡料豐富，口感層次好豐富。凍奶茶茶味香濃，奶味亦唔錯，甜度啱啱好。呢個下午茶餐價錢好抵，最平嘅$47就有交易，仲包埋飲品。整體嚟講，龍城冰室性價比好高，食物味道唔錯，環境又舒適，好啱同朋友一齊嚟食下嘢傾下計，下次一定會再嚟試吓其他食物！…查看更多

今日阿媽罷工唔煮飯😅，唯有同細佬落街搵嘢食。細佬最鍾意食炒飯🍚，因為佢哋嘅炒飯真係好好味，粒粒分明、炒得好香🧄。我就叫咗個晚餐：雞扒腸仔意粉🍝。呢度嘅雞扒真係出乎意料咁好味😋，外脆內軟，咬落去仲有肉汁，完全保留到雞扒嘅原汁原味👍。 我哋兩個都係叫咗凍檸茶，到咗晚餐時段，啲茶都keep得好好，唔會苦澀。老闆真係用心管理，呢間餐廳怪唔得開到成行城市 🍽️。如果大家有時間，不妨嚟試吓呢間餐廳，保證唔會失望😄！…查看更多

今晚又喺藍田，由於朋友唔想行到上去啟田食嘢，所以就喺匯景搵嘢食，三四樓都有好幾間餐廳，最後選擇呢間龍城我哋入座都已經晚上八點半，人唔算多可以直入晚餐有4個，套餐都有包餐湯同熱飲，凍飲+$3湯有中湯同羅宋湯，我哋都㨂左羅宋湯，味道都唔錯，但就冇乜料朋友叫左芝士牛柳意粉牛肉份量都幾多😮，最後食唔哂要打包我叫左個胡椒豬肚雞煲，連客飯個煲份量俾我想像中多😮啲雞都幾滑，豬肚都淋，有好多舊，煲底有大量的菜煲入面的湯都好飲，我將啲湯撈飯當湯飯食，不過碗飯都食唔哂…熱檸茶有4塊檸檬，味道正常…查看更多

入座員態度惡劣甚少過來食嘢，最後今天來試試，嘩！今日是平日都要排6至7張枱才能入座，我們二人先到，因為爸爸會遲少少才能來到，等入座良久，最後一定要齊晒三位先俾入座。我立刻改二人，因為二人都可以安排卡位，眼見卡位多是二人的。入座員無視我的改動，俾了隨後的二人先入座卡位。我們也是二人也先過他們來。入座員跟著話要搭台二人位。我覺得極不合理。入座員也愛理不理。其實有欠公允。幾好食都無用。因為唔止得你一間。再見！…查看更多