鼎記糖水專門店

營業中

休息中

街坊價錢既好食中西式糖水店，老板好好人，我一時大意留低左電話，擔心死我，晚上11點老板重等埋我返去拿返，比返小小錢老板都唔收，咁有香港人情味既店舖，真係要幫襯多d

食完晚飯總會想食啲甜嘢，幫助消化。行吓行吓居然行到去呢間糖水舖，所以就入去試吓。估唔到價錢都幾便宜。今次叫咗椰汁紫米露，一碗配小丸子，另一碗配芋圓。落單同上糖水都算快手。味道都唔錯，同埋幾足料。糖水食到尾都仲有小丸子。性價比來講算唔錯。

每次來到都受到個眼鏡女侍應的超冇禮貌對待，食糖水食到受氣，大家自己決定！一次二次三次都係咁😤😤😤落單時，她只企喺櫃面叫你大聲讀比佢聽要咩🤬🤬🤬一D基本服務態度都冇。問佢我哋orderD食物價錢在那裏標示，她一手推開我面前的食物，極度冇禮貌咁指一指就走開😡😡😡今時今日咁嘅服務態度真係好好好好好好差👎🏻👎🏻👎🏻唔想做覺得辛苦就唔好做啦⋯⋯食物一般，只不過附近冇其他選擇，有的話我一定唔會再幫襯。

見呢間糖水舖都開左一段時間，今晚終於來試下～佢大部分糖水都係中式，感覺比較養生～ 望到啲店員亦似係家庭式營業～無花果龍眼燉雪梨 （熱）$28✨呢個無花果龍眼燉雪梨都幾足料，入面有無花果（一粒）、雪梨粒和龍眼～ ✨味道偏酸甜，酸味主要來自雪梨，甜味都幾重，似係蜜糖嗰種甜度～ ✨整體清清地咁，食落好舒喉潤肺～

按區議會裡面的選區劃分，「彩虹」 按道理應該屬於「觀塘區」，而不是在「黃大仙區」裡面。由於徒步前往旁邊的「九龍灣」、「新蒲崗」或者「鑽石山」都需要時間，所以令到現在「彩虹」也有不少食店。加上在老牌公共屋邨「坪石邨」的旁邊，興建了新私人屋苑「匯八坊」，間接令「彩虹邨」附近居民獲得一個全新，但是規模不算很巨大的購物商場。商場裡面商舖不多，但是還有新食店可以一試。例如位於「匯八坊」商場的「M樓」位置，裡面最近就新開了一間，售賣傳統中式糖水甜品的本地甜品店，甜品店的名稱叫做「鼎記糖水」。「鼎記糖水」舖位的實際面積雖然不算很大，舖位由店門招牌到內部的裝修，也只是造到很平民化，很市井的級數，但是卻已吸收附近居民光顧，還有我這個區外的食客。「鼎記糖水」裡面主打售賣的甜品，主要以中式糖水為主，唯一疑似加入了新穎食法的「鼎記糖水」甜品，應該就是疑似加入了芒果的「椰香芒果豆腐花」。不過，由於我之前未幫襯過「鼎記糖水」，所以未能完全了解「椰香芒果豆腐花」實際製成品裡面的構造，所以我最後還是不敢貿貿然亂試「椰香芒果豆腐花」。我反而比較想試食「鼎記糖水」裡面的傳統中式糖水多一點，因為「鼎記糖水」餐牌裡面售賣的中

夜媽媽彩虹地鐵站剛剛搭完地鐵返屋企，朋友話不如食糖水，心唸邊度有糖水鋪啊，唔想行出大街搵野食。果下先發覺原來地鐵上面有二樓有一間開到凌晨12點的糖水鋪，果陣11點多，佢地仲開緊，真好。我點了個涼粉綠豆沙$16，朋友係椰汁芒果西米露$24，好快就有得食，而且味道亦都不錯，沒有伏，平民價又食到好味的糖水，係抵食的，呢間糖水鋪唔錯，以後順路可以買外賣了。

之前見到有間糖水岩岩新開，都有幾多人食同買外賣～因爲彩虹依邊真係無咩糖水食依排天氣咁焗熱，最岩去試下凍既糖水消消暑，所以完飯就入去試下係中式糖水店，望落價錢都幾平～叫左三款糖水試下，凍紫米露小丸子、凍芒果小丸子、凍綠豆沙⋯Size 就正常唔係大大碗，但味道又真係幾好味凍紫米味道幾香，唔太甜～芒果果款都唔錯，小丸子好食唔會硬，軟軟地⋯綠豆沙就係比較稀身既，本身家姐中意依個質地，所以都幾岩口味～會再番泥食