鼎泰豐

營業中

休息中

突然想食台灣野, 又吾熟地方, 穩穩陣陣就去鼎泰豐去試下先!咁當然要叫個最出名既小籠包喇~吾知點解, 我食落口又吾覺佢好辣口~正常應該系熱到放吾到落口😟喝住叫左個紅燒牛肉麵, 不過不失, 我覺得有啲小店比佢仲出色叫左個油麥菜, 清清淡淡, 夠哂健康最後竟然吾夠喉, 叫多個燒賣食(已經吾記得叫咩名)但個賣相非常吾吸引~ 食落又有怪味咁總括黎講, 過江龍黎左香港就會變貴同變質, 下次都系食下其他野好過!

約了父母一行三人食飯, 望勻哂張MENU都冇乜心水想食D咩野,最後只叫了四樣 : 醉雞, 考夫, 小籠包, 担担麵統一食評 :     味道普通過普通, 份量少, 價錢貴! 食完都吾知去左邊既狀態!醉雞既肉係 “煤”得緊要 ! 小籠包 “婆婆”都好食過佢 !最後起身賣單, 去第2間再食過晚餐!翻兜指數 :   零 ,   除非佢大改革!  (5粒滿)

星期日經過商場諗住食個下午茶，周圍都幾多人下，就腳見到鼎泰豐，冇得出埠，當回味下台灣旅行食過既味道都好！3點幾估唔到都滿座，好彩等左5分鐘左右有位！店內卡位再加高左間板，感覺私隱度高左！唔使諗當然要點招牌小籠包，外皮簿得黎唔會易穿，包住鮮肉及湯汁，再點d 醋，熱辣辣上枱食最好味！再叫左個蝦仁肉絲炒飯，其實炒得好有蛋香，飯既質地軟得黎有咬口，蝦大大隻，而且有瘦肉一齊炒，成碟都好味，可惜細碟左少少，我地好快清左！牛肉麵如果可以多d 配菜就好！每次食台灣野都會叫紅油抄手都算多流心荔芋甘香

Food: The quality of the Chinese cuisine in this restaurant is high, I liked the soup dumplings and the fried rice. The quality is enough, and it is recommended to order few dishes to share it in one table. Price: cheap for an good Chinese restaurant, expensive for one to feed. Service: full table service, the waiters are nice and polite.Environment, lighting and atmosphere: The table is a bit too small and it fell a little bit uncomfortable as the space between tables is to small 

星期日同媽媽遠征 去Vcity附近行街, 一點午餐時間處處都好多人, 唯有間間拎位等鬥快最後係鼎泰豐最快 雖然都等左差唔多一個鐘!多年前係台灣食過,食用後各方面都好良好,不論係服務定環境!當然都一樣係要等好耐啦!香港分店路經好多次, 入去食就第一次!店面好大, 不過吸音好差 比酒樓更嘈雜! 環境衛生唔差, 服務都普通! 1. 小籠包 $66/6個皮唔算薄 汁唔算多 但整體滑身 皮無穿!2. 香酥蝦餅 $78/個表面似係腐皮, 似素鵝既味道! 3. 菜肉蒸餃 $62/6個4. 炸醬拌面 $58/碗 媽媽話有d失望!  性價比唔高! 2個人埋單$312.4, 不過用消費劵比, 政府請食!

星期六中午，超多人等位，不過餐廳大，人手夠，所以都好快有位，大概15mins 吧！有兩個人嘅卡位，都坐得幾舒服，好似點心紙咁自己劃。大概廚房都幾多人，因為好有效率，幾分鐘就有野食，出菜同上菜係唔同人，感覺衛生專業，呢種服務好少見，喺米芝蓮三星餐廳就有見過。蒜炒波菜苗～74菜心苗就聽過，波菜苗未聽過，賣相好翠綠，不過又真係幾嫩幾好食。清燉山藥菌菇湯麵～84湯同麵係分開上，湯好熱，湯料好足，有草蟲花，雞脾菇，淮山……，湯好清，其實味就唔係太夠，不過健康。雞肉小籠包～68一籠6件，size 偏細，我覺得個湯好似無以前咁好味，不過呢個以前都好多年前了🤣, 上一次食鼎泰豐應該係6年前喺尖沙咀，再上一次可能佢8年前喺台灣🤣🤣。整體單價貴，不過服務好，都坐得舒服。

香港鼎泰豐比起台灣來說，價錢貴很多，但每次來必點就只有兩樣東西，小籠包和赤豆鬆糕。小籠包一籠有六隻，小籠包的皮很薄，但薄得來不會用筷子一夾就破，而且皮有既定的摺數，能緊緊鎖住肉汁，不會流出。他們家的小籠包最大特點是送上檯時，溫度恰好，不會過熱不會過冷，一啖放入口，肉汁與豬肉一併在口腔內，相當好吃。另一樣是熱食甜品赤豆鬆糕。當中有一些紅豆粒和紅豆蓉，咬下去略有一點煙韌的口感，而且味道微甜，但不會太膩，在別的餐廳很難吃到，推薦👍🏻最後當天也吃了蒜蓉上湯炒油麥菜，油麥菜炒得有蒜香，但若然再有鑊氣，會更好，不過也算不錯了。

✨小籠包出色 其他還可以✨之前淨係食過兩次鼎泰豐，仲要都係台灣食，個陣係台灣食覺得唔錯，特別係小籠包好出色😋不過鼎泰豐分店一向係香港唔算多，所以未有機會再食到～但最近有次同男朋友經過屯門嘅vcity，佢見到都話想試下，就令我係香港第一次食到喇 .ᐟ .ᐟ.當日我哋5點幾就入坐，所以幾好彩唔洗排隊，因為大概六點嘅時候己經要排，估唔到人氣咁旺盛！另外值得一讚嘅係，即使人好多，但侍應都好快會幫手，因為我發現好多餐廳一人多，啲侍應就唔見晒咁🥲.🔻小籠包 $66（8/10）除咗皮夠薄，餡好食，湯亦好飲😻唔知大家會唔會同我一樣，食小籠包一定用埋個匙羹兜住黎食，咁就可以飲晒啲湯😋 食得好滿足啊.🔻排骨蛋炒飯 $92（6.5/10）個排骨乾咗少少🥲我食咗一舊比晒男朋友食～但個炒飯相對唔錯嘅，味道幾好唯獨飯粒唔夠乾身.🔻香葱拌麵 $56（6/10）冇咩記憶點，就係味道有啲淡，唔會特別想食佢( ⌯'-'⌯).雖然味道除小籠包外，味道都一般般，但係我哋坐到卡位都坐得幾舒服啊，同埋啲茶幾好飲～.

今日有事要來到屯門，咁就見好耐冇食過，就嚟食一下！我唔係第一次食屯門分店。表現真係普普通通。食咗個四起烤麩，味道普通，個賣相都唔係太好，而且啲配菜都比以前少左！林就夠林嘅！味道就比較多汁！小籠包就係人手包，裏面啲料似乎就少咗，冇以前咁大件，啲肉都係不是太過新鮮，但仍然可以接受，繼續努力！至於紅油炒手，首先，就唔係好夠辣，第二，呢啲菜肉真係好似唔係太過新鮮，第三就真係細隻咗！令人有少許失望，又有待改善！最後叫咗個擔擔麵！醬汁尚可接受，至少都有啲辣味，都夠濃，麵條嘅質地適中！可以俾佢合格！至於服務方面都有進步嘅空間！要再做好啲

記得係台灣食過一次，覺得麵同小籠包好好味於是香港encore。近期分別係尖沙咀同屯門食過（食物圖片係屯門分店）食物質素一般，價格偏貴小籠包唔推介食過正常6只版，同特價8只加蛋湯版，味道一般，8只版本真係好細只。蔥油拌麵推介味道幾好，蔥油夠味，麵有嚼口。菠菜苗夠嫩足份量，就係油左D。水晶肉唔係咁啱我口味。花雕醉雞推介雞唔肥，夠肉地，浸得入味。蘿蔔絲拌海蜇皮好新穎既搭配，清爽開胃，份量有D少。赤豆鬆糕唔推介豆沙非常甜，糕體鬆軟糯肉燒賣有肉字以為有肉啦，原來成舊都係糯米。鍾意食啖啖糯米既啱曬。雞絲蝦仁春捲同港式春捲Size好唔同，長而幼身，配既醬汁亦唔襯味道一般迷你芝麻包好細一個，味道ok菜肉餛飩湯菜肉餡一般般價錢唔平，我都係會選擇食翻本地酒樓點心

行過鼎泰豐就好想食小籠包🤤於是就外賣自取叫左小籠包同台式擔擔撈麵🍽小籠包 $66小籠包同係台灣食既質素係一樣既, 細細件,一啖一個, 皮薄多汁,但因為等埋其他餐廳既外賣,返到屋企食已經凍曬☹️ 凍左食個皮既質感真係差好多,所以下次食小籠包都係要堂食🍽台式擔擔撈麵 $56麵同醬係分開包既,同樣係因為凍左,d麵有d黏埋一舊,倒左個醬之後要好似炒麵甘炒返開好彩係撈麵,凍左食都仲ok但個醬我就覺得一般,個醬係純醬唔餡料個種,麻香味唔夠出,仲有少少苦呢個價錢外賣覺得唔太抵,堂食既勉強接受

以前通常去開台灣旅行先會食吓鼎泰豐既然暫時冇得飛唯有喺香港食過住口癮先啦最後選擇咗週末晚市到V City店8PM拎飛等咗大約半個鐘入座用餐時間限時75分鐘餐牌都係預期中嘅菜式兩個人點咗4款小菜冷盤揀咗醉雞食落有淡淡嘅酒香味 雞件肉質嫩滑值得一試👍🏻小籠包 $66/6件份量偏細粒外皮搓得唔夠薄內裡餡料嘅豬肉肉質好粗嚡而且一上枱即刻食只係微暖唔夠熱令人失望紅油菜肉抄手係呢餐比較值得推介嘅菜式餡料嘅菜肉切到好幼細軟綿搭配帶微微酸辣嘅紅油醬汁非常夾唔食得辣都會OK葱油拌麵都係預期中嘅味道麵條唔算幼滑食落葱油唔夠香同偏淡口另加豉油調味就差唔多用餐時間有限時但上菜速度都尚算快但如果朋友相聚想慢慢嘆下或傾吓計就太趕喇由於食物份量全部都細細碟兩個人食四碟嘢 其實唔太食得飽連埋茶水加一 埋單300鬆啲整體性價比一般

這間鼎泰豐開了已有一段時間，每次行過都見到大排長龍真心不是沒有食過小籠包，要我這樣排隊等位的話，寧願放棄食其他野吧！今晚同屋企人食飯，但又怕夜左多人等位，所以就食早飯6點就過嚟。由於限聚令嘅關係一行五人仍然要分開兩張台坐，真心講真係好唔鍾意咁樣食飯。今日都叫左好多嘢食醬汁黃花魚紹興酒醉雞小籠包雞肉小籠包荔芋小籠包糯米燒賣台式酸辣湯香蔥拌麵油炸排骨拌麵台式擔擔撈麵四喜烤夫蒜香粉皮肉蝦肉煎餃肉絲蛋炒飯………😱醬汁黃花魚味道有啲似上海菜嘅熏魚，甜甜地紹興酒醉雞濃濃嘅酒香，雞很滑小籠包和雞肉小籠包相比之下，小籠包嘅豬肉味比雞肉濃味好多，但小籠包比較細粒，一啖一個完全無問題，但我覺得包皮有點厚，特別係尖頂位置，湯又唔算多，心目中有兩間小籠包比鼎泰豐更出色荔芋小籠包餡料唔會太甜但皮一樣厚，凍了少少食，皮開始變硬口感更差糯米燒賣只是用糯米包出燒賣形狀普通好普通蝦肉煎餃每隻入面都有隻完整嘅蝦，但餡料唔算多$90得6隻，唔值排骨拌麵豬扒炸得過了火肉絲蛋炒飯更加普通到不得了，根本可以不吃其他食物其實都好一般價錢又唔算平，我哋今晚都食左$1千蚊，一啲都唔值，為什麼會有這麼多人願意等咁耐為左食佢呢！

去台灣都無食過既我 一直都好想試下 開張既時候每人都好多人 難得經過唔洗等位 就試下😜〰️整體來講 非常驚喜 比我預期好食好多！！💓🥢小籠包 $66/6個小籠包皮薄餡靚 肉質好鮮😳仲要入面都係滿滿既湯 必點❗️🔅糯肉燒賣 $56/6個見個名幾得意就試下 就係類似燒賣皮包住糯米飯 咬落口感好得意 軟棉棉咁 好治療☺️糯米飯入面有啲肉碎 食落都幾香〰️🦐乾拌蝦肉餛飩 $68/碗 (6個)餛飩皮好滑 加上秘製醬汁 蝦肉都好大舊而且鮮甜〰️🍳排骨蛋炒飯 $92/碟豬扒好厚切😏〰️有少少黑椒味 微辣🌶炒飯粒粒分明 唔會太濕太乾 而且好香蛋味 可能話係我出面食過最好食既蛋炒飯 真係會想再食🥰👍🏻

每次去台灣旅行都必定會食既台灣飲店😆疫情期間冇得去旅行，唯有係香港尋找台灣的味道不過提提大家香港食嘅價錢會比台灣貴好多😅咁嚟得鼎泰豐呢就一定必食佢哋嘅小籠包啦👍仲有醉香雞都係keep住有台灣嘅水準👍值得一睇就係香港嘅職員服務質素同態度都係同台灣一樣都係咁有效率同咁好禮貌笑容嘅👍但香港嘅鼎泰豐同台灣一樣都係排隊排到傻咗😅其實人就好得意嘅點解有啲舖頭就永遠排隊咁多人而有啲舖頭就永遠唔使排隊呢，就係好味嘅舖頭啲人寧願排隊都要去食，而服務態度唔好嗰啲就真係拍烏蠅你請我我都唔會入去👍