鼎泰豐

營業中

休息中

今日難得黎到屯門Vcity當然想試下食鼎泰豐啦。第一次食，因為在我居住的地區少有。第一眼睇落幾高貴坐得又幾舒服，自己寫紙落單。今次試左食台式紅燒牛肉湯麵(牛，牛筋) $94/碗，雖然個價錢有少少昂貴相比其他同區餐廳，但口味一流，好香濃美味的湯底，麵質好爽口，但可惜份量比較細碗🙈一口男人未夠飽再叫多個小食就是絲瓜蝦仁小籠包，有6隻一個人食哂就夠。絲瓜蝦仁小籠包，味口比較清淡可能比絲瓜影響，唔夠濃味。賣相OK. 服務OK.

去台灣必定食過既鼎泰豐 係香港食過幾次好耐無食了 突然好掛住台灣美食 又去食下先屯門v city 呢間鼎泰豐開張以來 門口一直長期有人等位 所以到人流較少 開張一排先去試下🔸小籠包門口有大透明玻璃睇到師傅人手製作過程 一籠有六個小籠包 即叫即蒸 上菜熱辣辣 皮薄多汁 正👍🏻🔸 菜肉素餃上桌也是熱辣辣的 皮薄餡靚 味道不錯👍🏻🔸台式酸辣湯酸辣湯味道有點失望 只有酸味 味道麻麻🥲🔸排骨蛋炒飯排骨炸得香脆可口 炒飯粒粒分明 味道ok

之前去台灣旅行，想食鼎泰豐，居然門口大打蛇餅，無法食，今天路過鼎泰豐，二話不說便入去食。先嚟一個涼菜，冰涼蘿蔔絲配海蜇皮，蘿蔔絲好鮮甜，海蜇皮好爽。唔錯。當然要食一個小籠包啦。門外另一邊有一個玻璃窗，看見師傅整小籠包。我們柯打咗一籠共六件小籠包。皮薄肉汁juicy，湯底好味。對比我曾經喺上海食過嘅外婆家，略為遜色咗啲。台式香蔥拌麵，拌麵好彈牙，香蔥都ok嘅。蝦肉煎餃，皮鬆脆、蝦和豬肉都多，味道都唔錯。環境光猛，我們買咗好多東西，侍應畀咗個布袋箱我們放東西。整體食物質素和服務都唔錯。

排骨蛋炒飯 炒飯質地唔錯 粒粒分明 蛋同飯炒得乾爽 你可以見到飯同埋蛋但食落去都夠味同有陣蛋香排骨味道可以 不過肉質有少少鞋口 同埋有啲乾 個醬汁都OK豬扒都醃得入味蒜蓉炒菠菜苗菠菜苗都算炒得幾有鑊氣大大碟 份量都唔少 食落去有蒜香 又唔算太油膩

鼎泰豐雖然佢最出名係小籠包，的確係皮薄多汁，而且有豬肉，雞肉得餡料選擇🐷🐣但係我最鍾意食嘅係佢嘅蒜香粉皮肉同埋蘿蔔絲拌海蜇皮🥰～啲蘿蔔好爽好開胃。粉皮肉加咗青瓜口感無咁肥膩👍🏻次次嚟都必嗌啊🤪而佢嘅紅燒牛肉麵，對你講我就覺得比較平平無奇，湯頭比較清，但牛肉同筋份量都唔少。仲有個雪菜肉絲拌麵，雖然面比較彈啊但係真係好鹹味重。感覺主食性價比唔夠佢啲涼菜別緻同吸引💕香菇素餃，口感比較飽滿豐富，味道略濃，又唔係好多地方有，未試過都可以一試。

13年前第一次係上海食「鼎泰豐」係超級無敵排長龍但真係好正第二次食「鼎泰豐」係5年前同耆英們在澳門食，當時都係有吹之若鶩嘅感覺而且水準保持住良好今次係香港食「鼎泰豐」就覺得點解會變成普通版果種感覺咁嘅味覺感受我都解釋唔到莫非係旅遊區和住宅區分店係有分別嘅莫非真係時間可以改變一切Anyway 個人覺得食物唔難食嘅，不過已經沒有果種特別高層次高檔嘅感覺啫下次我再諗起小籠包應該第一時間會考慮返上海式嘅「翡翠拉麵xxx」店了😅

諗住喺台灣好好味，喺屯門開左一陣就去試一下，叫咗最出名嘅幾樣菜，紅燒牛肉麵個賣相ok， 但係一食就發覺唔夠熱，味道麻麻地， 同印像中好香濃嘅感覺有差別，啲肉韌韌哋，其實唔夠熱已經差。叫咗個香干馬蘭頭味道清新又ok，但就直情好似喺雪櫃攞出嚟咁，凍到一個點。咁寄望喺最出名嘅小籠包上面， 食嘅時候仲驚會熱得滯“辣”嘴， 點知都係熱熱地唔夠熱， 好次蒸完擺咗一陣咁， 味道又唔係特別好味，食完餐飯嘅感覺係好差， 呢個價錢有呢個食物水準唔合理，以後都唔會再黎， 包括全港佢嘅所有分店， 都唔明點解仲有咁多人去食。

V City開左都有一段時間嘅鼎泰豐，今次就同屋企人嚟試一試啦我同媽咪叫左一人一碗 擔擔麵，花生味都好出，麵質都夠彈牙之後叫左一籠小籠包，小籠包個皮夠簿，裡面超多汁👍🏻👍🏻仲叫左一籠紅豆包，超多餡，紅豆唔會好甜再嚟就係酸辣湯，成碗湯好淡味，同埋得個酸，試過一次就算，下次再嚟都唔會叫🙁 因為食完以上食物，好似都唔係太飽，再叫多個醬汁黃花魚，賣相就一般，我同媽咪都以為會係熱食，點知係凍食嘅😂 唔知係米醬汁太過入味，覺得有啲咸🥲齊體嚟講，除左個小籠包、擔擔麵同個包係好食之外，其他都係一普通😅

去鼎泰豐食晚飯，叫左幾個菜。有一碟炒雜菜，叫做OK啦，但係以炒菜黎講的確油左DD。另一個小菜就選擇了回鍋肉，呢個餸好食呀，肉既份量都多，而且有少少辣，令到個人食野開胃左，加埋D豆乾索哂回鍋肉既精華，好食。黎到鼎泰豐，不得不提佢地既小籠包，係非常好，首先個包既皮唔會好似其他店咁一夾就穿，如果個皮唔穿，咁先可以包住D肉汁咁食個小籠包，而個包入面D肉汁係非常之多，一啖咬落去D肉汁係個口入面咇哂出黎，不過要小心熱呀。總之..好好食啦。

知道口脾好好，但平時經過成日見排長龍，今次早到所以無人排隊，就入去試下小籠包 $66（6個）新鮮熱辣辣，外皮厚薄適中，同時能承託湯汁，而且尖端位置又不會過厚，內餡有鮮肉味，沾醋食一流台式酸辣湯 $58材料豐富 ，可自行加醋調節酸辣度，酸辣開胃，份量尚可台式擔擔撈麵 $56濃香花生醬，曬上大量花生碎，擔擔麵夠爽彈，由於係撈麵唔係湯麵所以醬汁較杰身黃金流沙包 $40（3個）(忘記影相)店員多次提醒流沙包為即時蒸熱，可以上枱才蒸熟，夠貼心所以上枱時夠熱，內裏夠流心，咸蛋王汁夠香濃

₍ᐢ •͈ ༝ •͈ ᐢ₎┈┈┈┈┈┈┈┈┈┈┈┈┈┈二訪鼎泰豐，今次同屋企人去左屋企附近食午餐，整體不過不失。由於假期關係，人流都幾多，幾乎滿座🙈┈┈┈┈┈┈┈┈┈┈┈┈┈┈𐂐 ⠜蒜香粉皮肉 $65 (3/5)正常發揮，係我次次都會點既一款小食😹┈┈┈┈┈┈┈┈┈┈┈┈┈┈𐂐 ⠜油豆腐粉絲湯 $58 (3/5)不過不失，湯底清淡！油豆腐入面夾左肉✨個人幾中意食粉絲😋都幾飽肚！┈┈┈┈┈┈┈┈┈┈┈┈┈┈𐂐 ⠜酸甜川子雞 $108 (4/5)有驚喜🤩雞肉賣相炸得金黃，入口香脆可口肉質嫩滑~配番清淡既湯麵食一流呢醬汁方面，屋企人覺得咸左少少，但我就接受到🤪覺得很開胃，幾岩重口味既我！┈┈┈┈┈┈┈┈┈┈┈┈┈┈𐂐 ⠜台式擔擔撈麵 $56 (3/5)份量不多而且花生醬不算濃郁，少失望啊不過欣賞既係撈麵底係凍的！┈┈┈┈┈┈┈┈┈┈┈┈┈┈𐂐 ⠜黃金流沙包 $40/3 (3/5)奶黃餡非常流心，而且食到沙沙既口感！加分🫶🏻┈┈┈┈┈┈┈┈┈┈┈┈┈┈

午飯，四人，點了八個菜，醉雞、烤麩、四季豆、擔擔麵、炒飯、素餃、小籠包。以為份量是不太多，也不算少。醉雞、烤麩、四季豆的輕盈情度是似打風被吹走了正常份量的三分二，每一碟都可憐的得小小躺平在小碟上，我們唯有克制淺賞。麵是一人四口可吃完的份量，炒飯每人也大概可分到三口。素餃，小籠包，每籠六件，蒸籠小，越發顯得籠中物好渺小好孤單。埋單每位$160，平均$80 一個菜，記不起有什麼特別好味，最難忘是用$160，肚子祇是依稀吃過一點東西。很很伏。

環境寛敞，但性價比低鼎泰豐不嬲出名食小籠包，以前好多人食，而家想拎位都幾容易。地方係幾大，而且坐得都舒服。不過性價比嚟講，就真係好低。叫咗三樣嘢，埋單都要二百幾蚊。😳😳😳😳好冇食、抵唔抵食就真係見人見智。🧐🧐🧐🧐小籠包皮係幾薄，肉嘅份量係岩岩好，但唔算話好出色同好特別🧐膽膽面花生味都偏重，但麵嘅份量真係好少，而且面質好淋，好一般🧐🧐🧐香酥蝦餅脆係幾脆，不過就油左少少🥲性價比低

心血來潮想食小籠包，近近哋嚟咗vcity鼎泰豐食～小籠包皮唔厚，有肉汁，幾好！原來依家出咗雞肉小籠包，我覺得仲好食過傳統豬肉嗰隻，因為雞肉比較多汁啲～另外嗌咗醉雞，雞肉有啲乾，賣相麻麻清燉牛肉麵都幾好牛肉，味道不過不失擔擔麵就普通，唔夠香唔夠麻

機緣巧合之下去咗元朗，因為懶得搵其他嘢食，見到鼎泰豐啱就入去啦雖然對上一次食記得好貴唔係幾食，但係今次是但啦突然間又想食大致上都係食嗰啲嘢！不過元朗呢間分店個環境同埋服務質素特別高！超級讚！事實上個商場都非常user friendly 真係撇除地理因素佢係完美嘅鼎泰豐嘅質素非常穩定，呢個係佢嘅特色節日，亦都係佢價錢包埋嘅一樣嘢份量依然係細，而且小食平均一碟都起碼$60，其實係幾貴蔬菜幾大碟嘅不如計$80但係多少少就唔係幾值， 而且食落普普通通今次食紅燒牛肉湯比沙田嗰間滿足，分量好似多少少