點鍋

營業中

休息中

兆萬開左間新火鍋，座位好闊落，裝修好光猛，視覺感受呢到好大。$279/位 邊爐任飲任食。 火鍋湯底叫左喇沙海鮮鍋，因為其他地方好少見到有喇沙鍋，呢個鍋唔洗另外加錢 我覺得呢個鍋真係太抵食。上鍋時候見到好似冇乜料咁，點知撈下撈下，撈左7/8隻鮮蝦，大量蜆，大量青口。我地只有二人都甘足料個湯底同埋呢Ｄ材料任配料好似係冇，味道方面帶微辣唔錯，所以我下次都會ENCORE喇沙鍋。另外每一枱會上一碟牛頸脊同海鮮拼盤，牛肉幾高質好好食，海鮮就普通。呢到食材好多款, 而且每款份量唔多, 好岩2人行去食。連咸蛋炸魚皮同紫菜響寧都係任食。炸魚皮係即叫即炸，仲可以就甘樣食，除左火鍋食材仲有加錢小食叫，款式都算多樣。最後仲有雪米糍食，真係棒住個肚走。整體 8/10

同閨蜜兩個去左兆萬揾食，旺角地標超方便，大家每每一期一會都優先考慮，上次食左間日式放題，今次就接到一間新開任點任食火鍋的宣傳單張，原來新張期內有限定優惠，1900後價錢$279 (正價$288) 呢個價已包醬油配料同加一費了，搞到我地15,16, 最後決定上左去, 見門口乾淨企理就囉位，安排窗口卡位兩個人張枱夠晒大，放食物絕對綽綽有餘，飲品就放自助飲品櫃任飲。店員細心介紹人佢地湯底比我地。兩個大凍櫃櫃內飲品任飲的 超新淨枱距離夠寬 讓人有空間感，舒舒服服嘆火鍋，有120分鐘食。除湯底外，其他都係自己係 tablet 落 order, 唔會走單，份量由2件件，啱晒我地每樣少少，啱食再 encore嘛！ 跟人頭送上海鮮盤盤內有虾，蜆，象拔蚌仔同班腩，新鮮尤其是班腩帶膠質的魚皮，好正呀！ 虾都係爽口彈牙。頂級牛頸脊 (贈送)偏肥啱晒我口味，灼幾秒轉色就可以食，牛味重又滑淋。其他火鍋料過80種之多本人有幾款值得推介， 如黑毛豬肉片，好軟淋香滑喎，一點也不嚡喎。獨家創意之作，芝士紫菜蝦蟹餃，熟後咬落已經有濃芝士同紫菜，再加上蝦蟹肉鮮味無比。墨魚腸用切薄方法處理，竟然帶點甜甜地質感 QQ有墨魚味

踏入秋季，見天氣涼左少少，今日去咗旺角打邊爐，新開嘅店，店好光猛超乾，坐得好舒服。湯底揀咗鴛鴦，蟲草花雞同鹹酸菜胡椒豬肚兩款兩款，都好多配料。蟲草花雞有酒嘅香味，而胡椒豬肚唔算好辣，但都有好多豬肚，口感啱啱好。贈送左海鮮拼盤同頂級牛頸脊，海鮮拼盤有蝦、魚同埋貝；牛肉好香牛味，食落唔會好靱，係靚野黎。呢間食店揀嘅材料精桃細選，都係新鮮嘅材料，黑毛豬腩片好好食、反而滑牛片就一般、牛脷薄片都唔錯。金沙鹹蛋炸魚皮，呢個炸魚皮可以即食，又可以放去烚吓烚吓，好香嘅鹹蛋味，又唔會好油膩，食過返尋味。蔬菜摩天輪，有生菜、白菜、金菇、秀珍菇、雞髀菇，各式各樣，蕃茄、粟米，每樣蔬菜都放喺摩天輪個架上面，好得意，得閒又可以轉下佢，唔會覺得悶。

經過兆萬樓下，有人話3樓新開左一間任食火鍋店，我呢d打邊爐迷當然忍唔住上去試下佢～一坐低就有張湯底紙俾你揀左先，揀左個清清地既芫茜皮蛋咁先可以試到d料正唔正！芫茜皮蛋湯超多芫茜，一上枱已經勁香，食到最尾都仲有芫茜味，正！頂級牛頸脊呢個係送既，再叫就要另收消。一睇就知靚野，油脂均勻，應肥既肥，應瘦既瘦，仲好有牛味，必食！海鮮拼盤呢個都係贈送項目，有魚片，蝦🦐同象拔蚌。魚片夠薄好滑，一淥就食得！蝦就非常彈牙！象拔蚌好鮮甜，真係想encore！蜆淥完無大縮水重好大隻！飲品有兩個大雪櫃，基本上大牌子既汽水都有，最好係有解茶飲，啱哂又驚肥又要打邊爐既我。除左雪櫃之外，仲有兩部機，分別有水果茶同檸檬薏米，好健康！黑毛豬腩片食落好爽，又唔會過肥，食到好濟咁～魷魚爽口彈牙，同埋全部都係鬚，好多時任食都唔俾鬚你，呢間就唔會～菠菜回本之選，菠菜係相對貴既菜而且營養豐富，好似有得揀，呢個真係要點！魚皮餃，黑松露蝦蟹餃，炸蝦條呢間店有個特點，係可以揀要幾多粒，可以方便你試左，啱食先大手掃入。魚皮餃，正常水平。黑松露蝦蟹餃，好重黑松露味，鐘意黑松露既人一定要試炸蝦條，咬落口粒粒蝦肉，幾好味！什菇盤有好多種唔同菇

🍲 2hrs邊爐任食 HK$249/位.💧 湯底揀咗兩個。蟲草雞湯， 聞起黎好藥材味，感覺好補身咁，而且越煮越濃。另外，四川麻辣，好香，不過唔算特別辣。.⭐ 每一枱都會按人頭，送頂級牛頸脊，海鮮拼盤。.🔥 餐廳自家製油炸， 打邊爐有炸魚皮唔出奇，不過即叫即炸真係第一次食，蒜蓉味浸湯好好食，鹹蛋黃就咁食都好有味道。另外，仲有自家炸響鈴同油炸鬼。.🐂 肉類，牛、羊、雞、豬、海鮮都有。雖然牛類冇肥牛，不過有鮮滑牛。個人特別鐘意羊肉，味道唔會太騷。海鮮選擇唔多，不過個魚幾滑唔腥。.🥟 自家製餃類，有黑松露蟹餃、 芝士紫菜蝦蟹餃、鮮蝦餃等。啲皮唔會好厚，不過自家製感覺比較容易熟到爛咁，不過感覺真係新鮮啲。.🥢 其他配料， 丸類、菜類、菇類、豆品類、粉麵類等等。叫左麻辣湯， 梗係要嗌返個鴨血先match 💕。 龍蝦沙律丸都好好食，因為中間真係有沙律醬。 另外， 蝦滑、墨魚滑都幾特別， 好少見任食有得揀呢一個。🎡 菜類比較特別有摩天輪拼盤，好搞笑。三色麵，顏色特別，味道都好有街市買，麵檔嘅感覺。.🍨 甜品類， 可能新開，所以甜品無咩選擇，得雪米糍，不過唔係cheapcheap維記。 有紅豆抹茶、朱古

蟲草花雞鍋本身想要嗽沙海鮮湯底，但怕愈食愈辣生瘡就無選。藥材味重，入冬在即先補身。蟲草花起舞，黨參補氣。仲有杞子紅棗淮山等等，幾用料用心。雞件大件有肉地，食住等火鍋料。見有朋友推介多款魚皮！去完singapore好掛住d魚皮。今晚有蒜蓉、又有避風塘、又有鹹蛋，正！金沙鹹蛋炸魚皮超級熱辣辣上菜，鹹蛋細碎。每件都有一些，唔會太咸。個底仲有鹹蛋汁，野味非常。響鈴都有分紫菜or not喔。有紫菜就無咁順口，中間紫菜難咬d，但就香d。純響鈴就好直接豆香，一咬就開。每枱都有送頂級牛頸脊好軟，係肥左d，但無損牛肉味。每枱都有送海鮮拼盤海鮮仙氣，我改既！哈哈！勁仙氣上枱，蜆肉爽爽，兩隻蝦未夠喉呀！魚換蝦得唔得先。有一夠魚好多骨膠原，軟林。芝士紫菜蝦蟹餃可以有兩粒起叫，幾好！多豐富口感，本身芝士都好重，仲有海鮮仙。紅色外皮，認住佢！魚皮餃就平時常見。反而黑松露蝦蟹餃又係特別，灰黑色。黑松露一食就有，入料彈口帶實。因為都係有兩粒起叫，所以可以食多d款。芝士墨魚丸彈牙有微芝士。鯪魚丸就軟身d。台灣香菇丸茹味重，少少爆汁。爆濃蟹子丸就見仁見智，我覺得太流，但朋友話唔錯好多醬。除咗牛肉之外，仲有雞髀肉滑，但雞件

Who doesn't love new restaurants, this conveniently located restaurant is in the heart of Mong Kok. Perfect place for any party size. The store is dominated by white, and it feels simple and neat, with minimalist decor. Sauce seasoning is set aside, there are soy sauce, vinegar, raw garlic, cooked garlic, chopped green onion and red pepper. Choose your seasoning and begind the feast! Also, there is a large variety of chilled and hot herbal drinks available too!The soup smells super good when ser

不錯的新開火鍋店😆十次有八次半嘅聚會一定係火鍋方便嘛 大家烚下烚下 傾下計 好開心喔🥳今次去左一間新嘅任食火鍋店試下裝修好新淨 有四人卡位坐 枱都幾大 放到好多野食🙈開張大酬賓 送時令海鮮拼盤 同頂級牛頸肩肉✨ 時令海鮮拼盤 有大蝦 貴妃蚌 大蜆 魚 新鮮呀👍🏻✨ 贈送嘅頂級牛頸肩肉 顏色鮮艷 肉質滑而且好重牛味只送一碟有點不夠喉 食肉獸嘅我地加錢任嗌🙈✨ 酸菜白肉鍋 平時任食火鍋好少見到有呢一款湯底窩裏便有好多配料啊 大量嘅酸菜同埋白肉味道好夠 打邊爐之前我哋都先食配料開胃👍🏻✨ 黃金炸魚皮魚皮係即叫即炸 非常吸引又脆卜卜😍佢有唔同嘅口味 例如蒜蓉、避風塘、咸蛋當中最喜歡嘅當然係黃金炸魚皮啦鹹蛋黃完美包住炸魚皮 非常惹味喔✨ 牛舌牛舌是薄片的 淥一淥就好快熟嚕 勁爽口✨ 自家製餃子黑松露蝦蟹餃 芝士紫菜蝦蟹餃呢兩款嘅餃皮係黑色同粉紅色 好特別黑松露同芝士味都好出 細細粒一啖一粒略嫌餃子皮太多 少啲會好啲喔🙈✨ 芝士墨魚丸墨魚丸好彈牙 墨魚味也很岀芝士一啖 成口都係 不錯喔🥰✨ 即炸午餐肉唔知幾時開始午餐肉竟然成為左打邊爐玩配料之一🙈呢度嘅午餐肉切得非常厚而且炸過放落對打邊爐更加好食✨

放咗工去旺角探老友，吹吓水，肚餓要揾野食，佢就介紹我去佢最新至愛飯堂，點鍋!!點鍋???!!咩料呀!!!去到佢飯堂，環境乾淨，冇貴麗倘皇既裝修但係就好有家既感覺，坐位闊落，冷氣夠，唔會一路烚一路滴汗，二個字舒服!!點鍋有好多好特别既湯底，對於有選擇困難既我有D kick手哈哈，都係比朋友揀，揀咗個胡椒豬肚同下火既芫茜皮蛋湯底。哇不得了，個胡椒朱肚湯底正到好味到淨係飲D湯都夠，朱肚又勁多，胡椒味又濃超好味。芫茜皮蛋夠清又多皮蛋，先來一個海鮮併盤，有蝦有蚌有花甲仲有仲有係石班魚呀! D海鮮好新鮮，蝦爽夾甜，蚌同花甲一D沙都冇，海鲜配朱肚湯都可以好夾，真心正!! 跟住肥牛只要烚三秒就已經食得，牛肉味出哂黎，肉嫩同焾，餃子特色野因為出面似乎末有係黑松露同芝士蝦蟹餃好名貴呀，心机嘢好弹好好味，最重要梗係有我飛佛脆肉鯇，堅大塊，烚一烚拖一拖，就已經食得，脆到呢!再黎就係咸蛋黃魚皮，蛋黃野出名貴，任飲飲食黎講真係好鬼底食，又有厚切午餐肉，仲要記住試吓個黑豚肉，大大塊好有肉味，個蔬菜摩天輪好浪漫哈哈，打边爐都可以咁浪漫唯有點鍋先做得到!

你地夏天一星期平均會打幾多次邊爐🤭 我愛邊爐既程度係… 夏天一星期點都有一次🤣 聽講兆萬3樓新開左間火鍋店，邊爐控既我就梗係要去試下啦😋 店內環境燈火通明，2人坐卡位夠哂寛落👍·湯底叫左鴛鴦鍋，俾貪心既朋友仔多個選擇，一次滿足到2個願望🤣 鮮茄牛濃湯🍅🐮 mix 芫茜皮蛋湯，鮮茄牛湯底濃郁，入面既牛腩愈煲愈軟腍😋 至於芫茜皮蛋可以俾我下吓火，食完無咁熱氣(自我安慰mode😂)·一嚟就送左個海鮮拼盤🦐🐚 乾冰製成既效果果然寧捨特別，仙氣十足🤩 裡面既蝦同帶子都好新鮮，夠哂大隻，睇見已經好想食🤤·配料方面亦有很多選擇，當中既手工餃同丸類尤為特別👍 黑松露蝦蟹餃及芝士紫菜蝦蟹餃好有特色，其他地方係食唔到嘅，的確要一試😋 仲有試左外面較少有既金沙咸蛋炸魚皮、即炸手工紫菜響鈴卷及炸午餐肉，很喜歡紫菜響鈴卷，食到兩層不同滋味，記得哩個一定要食呀🤗😍·除左high tea有靚靚摩天輪外，哩度都有個靚靚蔬菜摩天輪，夠哂過隱細緻🤩 店員果然有心思👍 知道美女們都要相機食先😄😆·至於飲品方面，除左多款汽水飲品外，還有自家製竹庶水及洛神花茶，啱哂要健康養生既我☺😚·另外，店內係用提供既IPad落單，夠哂方面

旺角兆萬一向都是火鍋/放題競技區。剛好見到新開的點鍋火鍋放題價錢不貴，決定一試。星期五晚上，未算好多客人。店舖裝潢簡潔明亮，座位非常闊落。火鍋醬配料有十幾款，讚！兩雪櫃飲品都是任飲，款式選擇都幾多。最開心係不好甜的味我，剩選樽裝茶都有3款。雀檸冰極或不是都有，比較少見雪碧、七喜並存。醬料果邊亦有自家製竹蔗茅根及水果茶提供。點鍋採用三星平板點餐，細心位大部分火鍋配料都有半份選擇，手工餃類、紫菜嚮鈴仲可以注明2條、4條等。避免食唔晒浪費食物。店員表示特色湯底不時會變換推出, 除基本芫茜皮蛋、沙嗲外。現時有超過10款特色湯底。而我就選了蟲草雞 同 黑松露雜菌 鴛鴦鍋！ 來到滾下滾下時，香氣不停飄入。整餐飯忍唔到係甘盛湯黎飲。蟲草雞：足料滋補，雞肉煲左一段時間都唔會覺得鞋。黑松露野菌：黑松露香氣唔算出，但菌類足料creamy， 浸魚皮、嚮鈴、蜂巢豆腐吸味配料一流。贈送頂級牛頸脊色澤通紅，嫩滑有牛味。任食豚肉比牛舌更吸引。牛舌都幾爽口，但豚肉油花望落好吸引。豚肉大大塊，仲大塊過我塊面。贈送海鮮拼盤 有蚌、海蝦、蜆、龍躉，整體質素新鮮。蔬菜用摩天輪做盛皿，望落更有食慾。滑牛肉嫩滑。星斑片有驚喜，用

兆萬不嬲都好多嘢食，不過質素就比較兩極化。今日經過見到有間新開嘅火鍋任食，咁就同朋友去試吓啦。呢度嘅座位非常寬敞，坐得好舒服。一坐低我哋就落咗個湯底先，之後慢慢揀嘢食。佢嘅落單方法非常方便，係自己用iPad落單，咁就唔使次次都要叫侍應咁麻煩啦。而且佢有個優點，就係可以落半份同埋丸類可以兩粒兩粒咁落，咁就唔驚食唔晒啦。我哋分別叫咗麻辣湯底同埋胡椒豬肚湯底，兩個都好香，食落好開胃呀。呢碟牛肉同豚肉睇落質素好高，食落都係好新鮮同好夠肉味，估唔到任食嘅火鍋都可以有呢種質素嘅肉類喎。呢個海鮮拼盤，唔單止賣相靚，而且食落仲好新鮮。我最推介嘅就係佢嘅蜆，夠大隻之餘食落仲好清甜。呢個蔬菜摩天輪好特別，係用一個摩天輪裝住唔同嘅蔬菜，咁就梗係要相機食先啦。第一次見到火鍋任食都會有咁有心思既設計，啱晒女仔嚟食呀。估唔到呢間火鍋任食價錢又平，質素又高，而且仲好有特色添。我認為啱晒一大班朋友聚會，或者拍拖黎食啊。

在上月中(週六晚)與一大班好友去了旺角萬兆中心新開張嘅優質火鍋任食放題(試食)！當日選了鴛鴦鍋 (鹹酸菜胡椒豬肚/黑松露雜菌)火鍋湯底, 即時選了火鍋食材: 黑松露蝦蟹餃, 芝士紫菜蝦蟹餃, 三色生麵, 黑毛豬腩片, 蔬菜摩天輪, 蜜糖BBQ雞翼, 咸蛋黃雞翼, 清酒卜卜蜆, 炸午餐肉, 即炸手工響玲卷, 芝士墨魚丸, 蝦丸, 梅菜豬肉丸！樣樣食材精心製作！新鮮美味一流！還贈送時令海鮮拼盤及頂級牛頸肩肉！棒棒喔！值得推介給大家！

最近天氣開始轉涼，又係打邊爐既季節，呢晚一於烚下烚下啦！係旺角兆萬中心搵到間新開既火鍋店，決定試試，地方闊落新淨，環境唔錯！醬料同飲品都係自助形式，選擇亦不算少。點左個最基本既芫茜皮蛋湯底，裡面vd多料，仲有馬締。先黎碟牛頸脊，嫩滑而有牛味，唔錯。再黎就係海鮮拼盤、黑毛豬腩片、同埋賣相非常有特色既蔬菜摩天輪，打卡一流。值得推介既係咸蛋炸魚皮同埋紫菜響鈴卷，味道非常不錯。呢間火鍋店既選擇非常之多，價錢亦都唔算貴。

呢日係兆萬行街，見到開左間新火鍋店，開張期內有折，就去幫襯試下佢味所有d 設施都好新淨，d服務員都幾主動同helpful, 黎介紹可以自己出去拎野飲，d 調味架，同埋落完湯底可以用部tablet 落單order 野食湯底選擇都幾多，見到有個卜卜蜆先加$50! 不過今次試basic 野先tablet 到好清楚分類晒食物，同埋咩食物係free 咩食物加錢可以食海鮮盤同個牛都係入座送既，無得encore, 不過份量都ok, 同埋賣相靚仔，味道幾好其他任點食物推薦蔬菜摩天輪，好igable牛舌好濃牛味，爽口咸蛋黃魚皮熱laklak 好好味仲有個芝士紫菜蟹蝦餃，非常出色！飲品選擇幾多，有埋好多茶簡，大愛最後加錢order 左個小食，spicy 鴨血，好入味，好麻，如果唔係太飽直情想order 返個米線放落去食！